Eunnie's POV
Nakatulala lang ako ngayon sa ceiling habang nag didiscuss si Sir about History. Pinipilit kong pigilan ang antok ko pero nahuhulog talaga yung mata ko kaya nilalaki ko yun tapos tumititig sa ceiling. Tiningnan ko ang wrist watch at may 25 minutes pa bago mag recess. Hindi ko na talaga mapigilan yung antok ko, utang na loob kailan ba to matatapos.
"Sir, anong section pala yung transferee? Hindi po ba dito?" Tanong ni Mark na mahilig mag change ng topic pag history, kumbaga sya yung life saver namin dito.
"Hindi. Nasa kabilang section sya inilagay." Tipid na sagot ni SIr at inilipat sa sumunod na pahina ang libro.
"Pwede po bang matanong kung san sya galing at bakit sya lumipat?" tanong ulit ni Mark at sumang-ayon naman lahat para ma distract si Sir.
"Galing syang Canada tapos umiwi sila ng family nya dito due to personal reasons, yun ang hindi ko na alam. Laking Canada yun so basically, english-speaking talaga yun. Tapos 16 years old lamang sya pero advance na yung natutunan nya dun kaya naging ka klase nyo na sya ngayon dito. Ang tanging pag aadjust nya nalang ay ang environment at ang subject na ito. History!" pagpapaliwanag ni Sir. Canada? Hayst. Bigla kong naalala sina papa at mami dun. Kumusta na kaya sila? especially, yung kapatid ko, gusto ko ng makita pero wala talaga kaming contact sa kanila.
"Ah, kaya pala ang snob. Pinag titinginan nga sya ng mga lalaki kanina e." -Gina
"O, bakit? kayo lang ba girls yung pwede maging ganun? Halos parang aso nga kayo pagmakita si Dylan o si Hideo e." sagot naman ni Mark kaya napa kunot ang noo ko at napalingon ky Hideo. Napatingin din sya sa kanila na mukhang nabigla rin.

 ba't naman kasi napaka gwapo ng lalaking to at pinag pipyestahan ng ibang babae, kainis! Wag na wag kayong mag tatangka, di kayo bumuhay dyan!
"Ang gwapo naman kasi!" Sabay tili ni Mildrid. Mas kumunot pa yung noo ko sa sinabi nya kasi sumang-ayon pa yung iba. Hindi ko napigilan ang sarili ko kaya hinampas ko yung table ko at tumayo na ikinagulat ng lahat pati na rin si Hideo. tumahimik ang paligid at nnakatingin na lahat sa akin kaya nakaramdam ako ng hiya.
"Uhh...eh..parang napa haba na yung kwentohan...m-mag discuss na po t-tayo..." Tanging sabi ko at ngumiti ng peke tapos umupo na. Kinalabit naman ako ni Marisa.
"Ano bang ginagawa mo?" inis nyang bulong sakin, nag shrug lang din ako sa balikat ko. "Antok na nga ako e!"
"Tama ka Miss Yang. Magpatuloy na tayo. Napahaba-haba na yung daldalan nyo." Sagot ni Sir at  nagsimula ng magsulat sa whiteboard. Kitang kita ko naman sa gilid ang inis na titig ng mga kaklase ko sakin na parang kakainin na ako sa inis.
***
natapos ang klase na andun parin ang apoy sa mga titig ng mga kaklase ko sakin kaya yumuyuko-yuko lang ako papuntang cafeteria.
"Eun." Napalingon naman agad ako sa likuran at nakita si Hideo. "Mag uusap lang kami ni Dylan mamaya, dun ako uupo sa table nila, sasama ka?" tanong nya. nagtaka naman ako kasi simula pa kaninang umaga, parang may importanteng pinag-uusapan sila e.
"wag na, dun nalang ako tatabi kela Marisa."
"Sigi, tara sabay na tayo." Aya nya at tumango naman ako.
Nung nakarating na kami sa Caf ay nakita ko yung transferee na halos pa lipat lipat ng table at nakikipag dal-dalan sa mga studyante. Parang nakaakit naman sya ng mga alipores kasi may bumubuntot buntot sa kanyang mga babae. Napailing nalang ako at kumuha ng tray, ganun din si Hideo.
"Sya ba yung bago?" tanong nya at napatango naman ako. Naglakad na kami papunta sa buntot ng pila para makapag order na. Humakbang pa sana ako ng isa nang may nabangga ako sa tray ko at pag tingin ko ay yung babaeng transferee. Na head to foot nya naman ako tapos nasa likuran nya yung mga alipores nya. 
"Oh! I'm sorry." sarkastikong sabi nya tapos nag give way sa pilahan. "Oh, wait! It was you earlier, right?" Tumango naman ako. "I'm so sorry for being mean to you that time. I should've apologize to you right away."
"No, it's fine." sabay ngiti ko.
"I'm Saddie, by the way, and you are?"
"Eunnie." tipid kong sagot.
"It's cute! Fits you well" sabi nya sabay alis. Anong problema nun?
Pagkatapos naming pumila ay naghiwalay na kami ng daan ni Hideo. Sya papunta sa table nina Dylan tapos ako ay sa table ni Marisa at Ion.
"huy, girl! Anong kinain mo kanina? ba't mo ba ginawa yun? Alam mo naman ang boring ng klase." Pag rereklamo ni Marisa sabay nguya.
"girl, tawag dun, konsensya. Nakaka konsensya palagi nating ginagawa yun ky sir, maawa naman tayo minsan para mapagbigyan tayo sa susunod." pag dedepensa ko sa sarili ko. Susubo na sana ako ng spaghetti nang natigil yung mata ko sa isang direksyon. Nakita kong mag isang kumakain yung lalaking naka sumbrero kanina. Agad nyang binawi ang tingin nya nung nakita ko sya. Hindi ko alam ba't tumayo ako at dinala yung tray ko para lumipat sa kanyang table. Nang napansin nyang papalapit ako ay yumuko-yuko sya. Agad akong umupo at hinarap sya.
"Pwedeng patabi? Panget nung mag isang kumakain." sabay subo ng spaghetti. Nakatingin lang ako sa kanya na nakayuko parin at hindi tinanggal yung sumbrero nya. "Di kaba kakain?"
"Anong ginagawa mo dito?"
"hmmm? Yung ikaw lagi umuunang lumalapit sakin, hindi ako nagka chansang magtanong kung anong mga ginagawa mo. So, anong ginagawa mo? Ano yung ibig mong sabihin sa mga sinasabi mo sakin?"
"W...wala."
"Anong wala?"tanong ko ulit. this time, tumingin na sya sakin pero seryoso yong mga mata nya.
"San mo nakilala yung lalaking kasama mo kanina?" Si Hideo ba tinutukoy nya?
"You mean si Hideo?"
"Oo." sagot nya. Nakakapag taka talaga kasi e. Parang may kakaiba sa kanya. Ba't ba interesado sya malaman ang tungkol ky Hideo? Tapos bakit yun ang tinanong nya? Kung saan ko sya nakilala? Kahit sino naman dito sa campus, sasabihin na dito sya nakilala kasi transferee sya.
"Malamang, dito sa school. Transferee yu-" naputol agad dahil nagsalita sya.
"Ba't hinahanap ka nya agad noong first day nya?" Napataas ang isang kilay ko. So, Binabantayan nya kami simula nong first day ni Hideo dito?
"Sino ka ba?" parang pinapatay na ako ng curiosity dahil sa kanya.
"Ikaw? Sino ka ba? Ba't hinahanap ka nya? May kinalaman ka ba sa pagdating nya?" natigilan ako dito. May alam ba to? Tumayo ako at hinila sya palabas ng Caf. Kelangan namin mag usap ng masinsinan ng kami lang. Ramdam ko ang pagtingin ni Marisa at Ion samin, at alam kong nagtataka yun. Dinala ko ang lalaking to dun dito sa hide out ko para walang ibang makarinig samin.
"Ngayon, magtapat ka." Seryosong utos ko sa kanya. Unti-unti nyang tinanggal ang kanyang sumbrero kaya this time, naaninag ko na ang buong itsura nya.

Nanlaki ang mga mata ko. baka kasi dahil ngayon ko lang nakita mukha nya ng maayos, kasi to be honest, gwapo sya. Sino ba naman ang mag aakala na ang katulad nyang parang outcast sa campus e may ganto palang kagwapohan. Blaaaah.. Ano bang pinagsasabi mo, Eunnie!
"Ramdam kong napalapit ka na sa kanya kaya kung gusto mong hindi sya mapahamak, baguhin mo yung takbo ng buhay nya tapos wag kang dumikit dikit sa kanya dahil malaki ang chansang mapahamak sya, dahil parusa yun." Pagpapaliwanag nya. Hindi ako pwede magkamali, may alam sya at hindi lang basta alam, kundi, parang lahat talaga ng nangyayari ay alam nya.
"Sino ka ba talaga?" paulit na tanong ko sa kanya.
"Malalaman mo rin. Basta binalaan na kita. Hindi ko na kailangan pang tanungin kung ano ang koneksyon nyo kasi halata na sa mga galaw nyo."
"May alam ka bang hindi ko nalalaman?"
"Marami." sagot nya tapos nag smirk. Hindi sya isang ordinaryong outcast sa campus, kasi alam nya ang nangyayari at parang alam nya yung tungkol sa mahiwagang drawing book. "Kaya hanggat maaga pa, burahin mo na alaala nya sayo, yung koneksyon nyo nang sa ganun ay tumagal sya dito, na malayo sa kapahamakan."
"Bakit ko naman magagawa yan? May kapangyarihan ba ako? Ha? ba't ko pakikialaman buhay ng tao na nananahimik tapos hindi naman sya napahamak simula nung nagkalapit kami. Pano mo naman mapapatunayan sinasabi mo." Kahit may part sa sarili kong maniwala sa kanya, hindi parin maalis sakin na matakot maniwala sa kanya at ayoko rin malaman nya yung ginawa ko, na nangggaling sya sa isang comic.
"Akala mo talaga basta-basta mo ako mapapaniwala dyan? wag mo na itanggi sa sarili mo, wag ka in-denial. Alam mo yung gusto kong iparating." sagot nya naman agad.
"Hindi mo rin ako madadala sa mga sinasabi mo."
"Sasali sya sa isang basketball team na mas makakapahamak sa kanya." Sabi nya kaya natigilan ako dun. yun ba yung dahilan kung bakit simula kaninang umaga e parang may pinag uusapan silang dalawa ni Dylan?
"P-pano mo nalaman?"
"Narinig ko lang." sabay ngiti nya. "Nag uusap sila para sa training mamaya, hindi nila ako napapansin dahil extra lang role ko hanggang dito." sabi nya. Medyo nag loading yung utak ko sa sinabi nyang extra hanggang sa...
"wag mong sabihing..." pagputol ko. "Cartoon character ka rin ba?" tanong ko pero tinitigan nya lang ako. Nakikita ko sa mga mata nya na parang may kakaiba talaga sa kanya e. "kung ganun, hindi pala nag iisa si Hideo!" sabi ko at bigla nya akong hinawakan sa braso ng mahigpit.
"Hindi ko inaasahan na isang estudyante ang makaka angkin ng mahiwagang drawing book, at sa estudyanteng walang kaalam-alam kahit konti." kinabahan ako sa mga salitang binitawan nya dahil direkta yung mga matulis nyang titig sakin. 
"Aray! Masakit." pagrereklamo ko.
"Masakit? Nakakaramdam din kami ng ganyan, tao parin kami na galing sa kabilang mundo, kaya nakakaramdam kami ng sakit! Mas matindi pa nga e, dahil hindi mo alam ang pakiramdam na paulit ulit pagtangkaang patayin sa writer na sinasabi nyo!!!" SIgaw nya sakin kaya napapikit nalang ako sa takot habang nanginginig. "Ayokong maranasan pa namin ulit yun, kaya hangga't maaga pa, burahin mo sarili mo sa alaala nya dahil sa kaugnayan nya sa nagpapasok sa kanya dito sa mundong ito, nag bubunga yun ng kapahamakan!" huling sabi nya at umalis na padabog isinara ang pinto.
Halos manginig nginig akong pumasok sa room dahil hindi parin mag sink in ang mga sinabi nya sakin kanina.
"Eunnie, san ka ba galing? Sino ba yung kasama mo? Ikaw pa yung kaunahang pumansin at kumausap sa lalaking yun ah! Ano ba talaga plano mo? Nangungulekta ka ba ng mga lalake?" Sunod sunod na tanong ni Marisa.
"Wala ako sa mood ngayon, Isah!"
"Naku naman, ang friendly mo ah! Pupusta ako, panget yung lalaking yun, pero ewan ko dito sa babaeng to. Magpapatayo siguro ng museum tapos mag didisplay ng mga collection nya sa mga lalake. Sya lang nakakagawa nun e. Ang kamandag ng isang Eunnie Yang!" sabay apir nila ni Ion.
Tumayo ako tapos tinapon jacket nya sa mukha nya. "Gagi, gwapo sya, ano ba." sabay lakad ko palabas. 
***
Andito ako ngayon sa bleachers dito sa gym. Pinapanood ko si Hideo sa training dahil kinakabahan ako sa sinabi nung lalake kanina. Ayoko sanang maniwala pero sa pananalita nya kanina e, kunti nalang at maiihi na ako sa takot. Andito ako sa  itaas, kaya hindi nila ako napansin. Nakaabang parin ako kasi baka any time, mangyayari yung sinabi nung lalake.
Nag simula na silang mag training habang ako ay kinakabahan parin. Hindi ako mapakali kaya bumaba na ako para makakatakbpo agad sa kanya kung may mangyayari man. Napansin kong may boxes dun sa second floor sa kabila at kung mahulog man ito ay tatama it kay Hideo.
3rd Person's POV
Kinakabahan ngayon si Eunnie dahil sa mga nakita nya sa ikalawang palapag sa gym. Tinitigan nya ito dahil parang pahulog nga ito. Kunti nalang ay babagsak na talaga kaya nag mamadali sya tumakbo papunta sa kinaroroonan ni Hideo na nakatayo sa gilid.
"Hideoooo!" Sigaw  nya at dumaan sa gitna ng court kung saan nag ttrain ang mga players. Saktong  hinagis yung bola papunta dun sa isang player nung napadaan si Eunnie kaya agad itong tumama sa kanya at natumba sya. Natigilan naman ang lahat dahil sa hindi inaasahang pangyayari. Nanghihinang nakahiga si Eunnie sa sahig habang nakatingin sa kahon na unti-unting nahuhulog pero hindi nito natamaan si Hideo dahil agad itong tumakbo papunta sa kanya.
"Hideo.." tanging sabi ni Eunnie at dumilim ang kanyang paningin.