PAUWI na ng bahay si Kaiya, maagap na ngayon ang out sa trabaho dahil nga pinatanggal ang OT, kaya't saktong 5:30 ang lahat ng empleyado ay nakalabas na ng building.
Dahil ang maiiwan doon ay paniguradong tanggal agad sa trabaho maliban na lamang sa mga Janitor na maglilinis pa. Yon ang bagong patakarang pinatupad kanina lamang umaga ng Management.
Kasalukayang nakasakay ngayon sa bus pauwi ng bahay si Kaiya, napapatulala na lamang siya sa byahe at iniisip ang kahihiyang nagawa niya kanina sa harap ng maraming tao, at sa harap ni Jack.
Tiyak na malilintikan talaga siya dito, kahit naman hindi sila in good terms ay wala padin siyang karapatang ipahiya ito sa harap ng kanyang mga empleyado, at tinuro turo pa niya ito, hindi niya lang talaga napigilan ang kanyang sarili kanina kaya't ngayon ay labis ang kanyang pagsisisi.
Siya tuloy ngayon ang talk of the company, at main topic ng mga Marites. Iniisip tuloy ng mga ito na may sira siya sa utak.
Para ngang ayaw na niyang umuwi ng bahay, pinapanalangin na lamang niya na sana pagdating niya ay nasa loob ng kwarto si Jack para hindi sila magkita dahil hindi niya talaga ito kayang harapin.
Alas syete na ng gabi nakarating si Kaiya, medyo matagal ang byahe dahil traffic at dalawang sakay pa siya bago marating ang kanilang subdivision.
Nasa tapat na siya ng gate ng bahay, at napansin niyang madilim sa loob at wala pang ilaw na nakabukas kahit sa labas. Bigla niyang naalala na day off nga pala ngayon ng kanilang kasambahay, napangiti din si Kaiya ng maisip niyang malamang ay wala pang tao sa loob.
Sa tingin nya ay wala pa din si Jack kaya't walang pang bukas na ilaw. Nakahinga naman siya ng maluwag, at masayang masaya habang naglalakad papunta sa pinto, at nakuha pa nga nitong kumanta-kanta.
Kinuha muna niya ang susi ng pinto sa kanyang bag, nang mabuksan ito ay agad niyang kinapa ang switch ng ilaw sa gilid, at halos mapatalon siya sa gulat ng makita ang lalaking nakaupo sa sofa na may hawak pang wine glass.
Halos manigas siya sa kanyang kinatatayuan ng mag-angat ito ng tingin at lumingon sa kanyang direksyon. Ginawaran siya nito ng isang malamig na tingin at sa lahat ng bagay ay ang tingin na yon ang pinakang kinatatakutan ni Kaiya, dahil mahirap hulaan kung ano ba ang nasa isip nito.
Napalunok na lamang si Kaiya at hindi na niya makayanan ang tingin nito. Hindi na rin niya kayang makipagtitigan pa, balak niya na sanang tumakbo papunta sa hagdan upang umakyat na sa kanyang kwarto ngunit huli na ang lahat, dahil mabilis siya nitong naharangan.
“Where do you think you're going?” Wika ni Jack, na ngayon ay nasa mismong harap niya, hindi ito matignan ng dalaga kaya't nanatili lang siyang nakayuko.
“Ah, eh. Matutulog nako.” Wika ni Kaiya at humakbang siya sa kabilang direksyon ngunit muli ay hinarangan siya ni Jack.
“Ahh...kung iniisip mo yung damit ko, hindi na okay, hindi ko na hahanapin, promise.” wika pa ni Kaiya at muli siya humakbang sa kabila, ngunit ayaw talaga siyang palagpasin ni Jack dahil bawat hakbang niya ay sinusundan din nito.
“So ganun ganun na lang yon?” Wika ni Jack at siya naman ang humakbang kaya't napaatras si Kaiya.
“Pagkatapos mo akong ipahiya? Do you think I can just forget that and let it go? You need to learn your lesson Misis Dawnson!” wika pa ni Jack at sa bawat salitang bitawan nito ay humahakbang siya paunahan kaya't walang nagawa si Kaiya kundi ang umatras hanggang sa mapasandal na siya sa pader at wala ng maatrasan pa.
Napahinga ng malalim at napalunok si Kaiya, nang mahawakan niya ang pader at hindi na niya alam ang kanyang gagawin. Maya maya pa ay nakaisip siya ng prank kagaya ng napapanuod niya, at sa oras na lumingon ito ay tsaka siya tatakbo ng mabilis.
“Oy ano yun? Lumilipad na daga!” Wika ni Kaiya, at animoy may nakikita talaga dahil nakaturo pa siya, ngunit hindi man lamang natinag ang lalaki at hindi man lang ito lumingon.
Mas lalo pang ikinakabog ng dibdib ni kaiya ng makulong siya sa mga braso ni Jack dahil iniharang pa nito ang dalawa niyang kamay at ikinatindig pa ng kanyang balahibo ng ilapit nito ang mukha niya at bumulong sa kanyang tenga.
“Do you think, I can just easily fall on your little game, I'm not a child, Skya, I am Jack Dawnson.” Bulong ng binata. At noon ay halos hindi na makahinga ang dalaga sa bilis ng kabog ng kanyang dibdib.
Pinagpapawisan na din siya ng malamig, ramdam na ramdam din niya sa kanyang leeg ang hininga ni Jack na lalo pang nakapagpataas ng kanyang balahibo, hindi niya alam kung nakailang lunok at buntong hininga na ba siya.
Isang paraan na lamang ang kanyang naiisip upang makawala kay Jack, at sigurado siyang effective na yon, walang iba kundi maghimatay-himatayan. Gagawin na sana niya iyon ng biglang bumukas ang pinto at sabay pa silang napalingon ni Jack.
“Oh, Did we just disturb you guys?” Wika ng ina ni Jack, na ngayon ay gulat na gulat sa kanyang nasaksihan, ganun din ang ama ni Jack na napaiwas pa ng tingin at tila siya pa ang nahihiya sa ginagawa ng dalawa.
Bigla naman nag ayos ang dalawa,
“What are you doing here mom?” Wika ni Jack. Si Kaiya naman ay di mapakali dahil sa kahihiyan dahil baka kung anong isipin ng mga magulang ni Jack.
“Well, I just decided to cook for you guys, naalala ko kasing day off ng kasamabahay niyo ngayon, pero mukhang nakaistorbo yata kami.” - kinikilig pang wika ng ina ni Jack.
“Ah hindi po mommy, tamang tama po ang dating niyo,” wika naman ni Kaiya at napatingin pa kay Jack at tinarayan niya ito.
“Mabuti pa iha tlungan mo na ako magluto” Wika pa ng ina ni Jack na kilalanin natin sa pangalang Celeste.
Noon din ay nagtungo sila sa kusina, magluluto sila ngayon ng sinigang na paborito ni Jack.
Wala namang ibang nangyari sa kanilang hapunan, ganun pa din si Kaiya at Jack, nagpapanggap pa din sila sa harap ng kanilang mga magulang bilang mag-asawang masayang nagsasama, sa ilang taon nilang ginagawa iyon ay tila ba na master na nila.
KINABUKASAN ay pumasok ng muli si kaiya sa kompanya, katulad ng dati ay naabutan parin niyang busy ang buong team ng planning department.
Sa isang linggo na kasi gaganapin ang Fashion week at doon ay ibibida sa runway ang mga newly made ready to wear collections for the month of November. Monthly ginagawa ang event na iyon dahil buwang buwan ay may mga bagong designs na inilalabas at karamihan doon ay limited editions.
Uupo palang sana si Kaiya ng biglang lumapit sa kanya si Quyn sinabi nitong pinaipatawag siya kanilang manager sa loob ng opisina nito, bigla naman siyang kinabahan, dahil hindi niya alam kung bakit siya nito pinapatawag.
Doon nga ay biglang naisip niya ang eskandalong ginawa niya kahapon, at mabilis na kumalat ang balita at baka nakarating kay Ms. Laurel.
Kinakabahan niyang binuksan ang pinto at doon ay agad niyang nakita ang isang babaeng prenteng nakaupo, tila bay mukha itong isang terror na panelist ng thesis, yun agad ang unang pumasok sa isip ni Kaiya, dahil nakasalamin ito at may suot na scarf sa leeg na signature style ng mga terror na professor sa college.
“Come in! Have a seat.” Wika ng matanda. Totoong napakaintinmidating nito at kahit sino ata ang humarap dito ay kakabahan.
Naupo si Kaiya sa tapat nitong upuan, hindi niya maiwasang igala ang kanyag tingin sa kaubuuhan ng silid, maraming doon mga nakadisplay na trophy, at nakaframe na mga recognition certificates and Awarding pictures.
Nabasa niya din ang nakasulat sa name plate na nakapatong sa ibabaw ng mesa, Nemenchi Laurel, Manager.
“So, You are Kaia, Right?” Tanong ng matanda.
“Yes po ma'am.” Sagot naman ni Kaiya.
“Have you been into a runway fashion show?” Tanong ni Ms. Laurel.
“Hindi pa po,” Sagot ni Kaiya.
“Okay then, you should attend this upcoming event, I want you to assist me there.” Wika ng ginang.
Hindi pa talaga nakaka attend si Kaiya ng Dawnson Runway Fashion Show. Tanging sa telebisyon lamang niya ito napapanuod dahil ayaw kasi siya noong papuntahin ni Jack, dahil baka magkaroon pa ng issue pag nakita siyang kasama ng pamilya Dawnson.
Hindi rin naman siya mahilig sa mga ganung bagay kaya't okay lang at busy din siya sa pag-aaral noon.
Nais ni Mrs. Laurel na isama si Kaiya sa event, upang ma expose din ito sa totoong trabaho, at madali niyang maipaliwanag dito ang mga hindi pa nito nalalaman.
She will start from the basic, ika nga, isang magaling na mentor si Mrs Laurel, ngunit hindi lang ito nabigyan ng pagkakataon na magturo kay Jack dahil ang binata ay mataas ang tingin sa kanyang sarili kaya't malayo din ang kanilang loob sa isa't isa.
Hanggang ngayon nga ay hindi parin makapaniwala ang ginang na mag-asawa ang dalawa.
Isang araw bago ang event ay ginanap ang last rehearsal ng mga model. Ngayon , sila ay nasa isang malaking stadium na pag mamay-ari ng mga dawnson at doon din gaganapin ang runway fashion show.
Busy ang lahat sa kani-kanilang trabaho, ang iba ay nag-aayos padin ng stage na gagamitin, habang naglalagay din sila ng mga magagandang desenyo. Ngayon ay kadikit ni Mrs. Laurel si Kaiya, at parang naging Assistant niya ito.
“Tomorrow you will see the real show,” Wika ng matanda kay Kaiya.
Maya maya pa ay may isang lalaking nagsalita sa kanilang likuran "Is everything prepared for tomorrow?" Wika ni Jack.
Sabay naman napalingon si Kaiya at Mrs. Laurel.
“Ofcourse, as always Jack.” - mataray na wika ng ginang.
“Good.” Sagot naman ng binata.
Saglit lang namang nagtama ang tingin ni Jack at Kaiya, at tila ba nagkakahiyaan parin sa nangyari kagabi, medyo nakainom din kasi noon si Jack kaya't malakas ang loob niyang paglaruan si Kaiya, pero ngayong naalala niya ang kanyang ginawa ay nakakaramdam din siya ng konting hiya.
Umalis na din ang binata, at naiwan na lamang si Kaiya at Mrs. Laurel. Mabilis na natapos ang maghapon at dumating nga ang araw na pinakahihintay ng lahat.
Nagkakagulo na ang lahat noon dahil isang oras bago magsimula ang show ay wala pa ang kanilang main model na magsusuot ng pinakamahal at pinakamagandang damit, umiinit na ang ulo ni Mrs. Laurel.
“She's getting on my nerve! Call her again!” Galit na wika ng Ginang.
“Ma'am hindi parin po sumasagot, kanina ko pa po tinatawagan.” - wika ng coordinator.
“Find a way to reach that girl! If you can't then quit your job, because you are incompetent!” Wika ni Mrs. Laurel sa babae, at tila ba stress na stress na ito at napagbuntunan na ng galit ang babae.
Noon naman ay natatakot na si Kaiya sa ugaling pinapakita ni Mrs. Laurel dahil nakakatakot talaga itong magalit, nasa kalapit niya lamang ito at sa tuwing sisigaw ito pakiramdam niya ay aatakihin siya sa puso.
“Ma'am we need to start this, it's now or never, everybody is waiting.” Wika pa ng isang coordinator.
Maya maya pa ay! May isang tumatakbong babae papalapit kay Mrs. Laurel,
“Ma'am she's here!” Wika nito kay Mrs. Laurel.
Nang makita ng ginang ang isang babaeng naglalakad ay agad niya itong pinuntahan dahil ito ang model na kanina pa niya iniintay. Nanlaki naman ang mga mata ni Kaiya ng makilala kung sino ang babae.
“How dare you come late?” Matapang na wika ni Mrs. Laurel sa babae.
“You didn't even attend the rehearsal.” Dugtong pa nito.
“I am Cassandra Lopez! Need no for rehearsal!” Mataray na sagot naman ng babae kay Mrs. Laurel.
Kahit matagal ng gigil si Mrs. Laurel sa babaeng ito ay hindi niya matagkal tagkal sa pagiging model dahil kahit hindi man niya aminin ay magaling talaga ang dalaga kahit may pagka primadonna ito.
Nagstart na ang event, at nagbigay lamang ng isang maikling opening speech si Jack. Nagsimula na ding lumakad ang mga model, mangha mangha naman si Kaiya sa kanyang napapanuod.
“How was it?” Tanong ni Mrs. Laurel sa kanya.
“Ang ganda po nila!” Sagot naman ng dalaga.
“That’s not what I meant! Of course they are beautiful! Because they have to! They are trained for that!” Masungit na wika ni Mrs. Laurel kay Kaiya.
“What can you say about our new collection!” Tanong pa ni Mrs. Laurel.
“Ay hindi ko po type , parang ang baduy ng damit.” Matapang na wika ni Kaiya.
“What? That's the trend! I'm really offended, Kaiya. The designer spends sleepless night for that, and now you're saying baduy? That's you. Look at yourself! Wearing Jeans, Loose tshirt and a cap! Para kang bibili ng suka sa tindahan.” Inis na wika ni Ms. Laurel.
Hindi naman makaimik, si Kaiya sa sinabi ni Mrs. Laurel! At bumulong bulong na lang ito ng mahina " Sana all perfect" wika ni Kaiya,
Maya maya pa ay tinawag na ang huling model, Wearing the limited edition Dawnrivira Mid lenght dress. Nagpapalakpakan ang mga tao ng lumabas ang babae, maging si kaiya ay napatulala din dahil sa ganda ng damit at nagdadala lalo na ng simulan nitong maglakad.
“I hate that bitch, acting like a primadonna! She always gets into my nerve, but she's always good.” Wika ni Mrs. Laurel. Na noon ay napapalakpak na din dahil sa pag hangasa dalagang ngayon ay nasa harapan.
Maririnig naman ang sigaw ng isang lalaki mula sa karamihan, ‘that’s my girl.’ Sigaw nito.
Napalingon naman si Kaiya, sa lalaking sumigaw at nakita niya si Ace, na animoy proud na proud sa girlfriend niyang ngayon ay rumarampa, ginawaran naman ito ng kindat ni Sandra, at doon ay naghiyawan ang mga tao dahil sa kilig.
Maya maya pa ay natapos na ang Women's fashion show at ngayon naman ay sinimulang ibida ang men's collection!
Nang lumabas ang mga lalaki at nagsimulang maglakad ay hindi mapigilan ni Kaiya ang mapatulala at malaglag ang panga dahil sa nag gagwapuhang mga model doon, na ang iba ay nakikita pa ang mga abs dahil naka unbutton ang mga suot nitong polo.
Nagulat na lamang si Kaiya ng magdilim ang kanyang paningin dahil may bumaba ng kanyang sumbrero at tinakip yun hanggang sa kanyang mata, agad niyang inayos ang kanyang sombrero at nilingon kung sino ang may kagagawan, at nakita niya noon si Jack na nasa right side na ni Mrs. Laurel.
Narinig na lamang niya ang pag uusap ng dalawa.
“Good Job! Mrs. Laurel!” Wika ni Jack.
“I always do! Jack!” Mayabang na wika ng ginang.
Wala namang nagawa si Kaiya, at di na siya makaganti kay Jack, ayaw naman niyang gumawa muli ng eskandalo, napabuntong hininga na lamang siya at mahinang bumubulong.
“Bwisit talaga to! Storbo sa buhay, Natapos na tuloy yung fashion show!” - wika ni Kaiya na noon ay inis na inis kay Jack.
Itutuloy...