Gulat na gulat na napatingin si Belle sa gate ng Santuario. Pinapunta muna siya ni Leandro dahil may kailangan itong dokumento na urgent. Sa bungad pa lang ay may mahigit dalawampung babae na may mga hawak ng placard habang sumisigaw. Ang ilan doon na sa tingin niya ay tumatayong lider ay may mga megaphone. “Manong ano pong meron?” Nagtanong na siya sa isang guard na naroon. Nahihirapan kasing makapasok ang kotse dahil nakaharang ang mga ito.
“Nag-ra-rally po ma’am. Hindi nga po namin alam kung bakit eh.” Mabuti na lang at kilala na siya ng guard at nasabihan na ng boss niya sa pagdating niya kaya saglit lang na ininspeksiyon nito ang bag niya at ang buong kotse. Mahigpit ang security doon sa club na naiintindihan niya. Hindi biro ang bayad at qualification para maging miyembro doon. Bukod sa de-kalibreng pasilidad sa loob ay ang privacy ang habol ng mga tao doon.
Ang mahigit fifteen thousand square meters na gubat ay naging isang eksklusibong club para sa mga lalaki. Pagtingin niya sa placards ay naintindihan niya ang ipinaglalaban ng mga ito. Sumigaw muli ang isa sa mga lider nito. “Santuario de Santiago, lugar ng mga sexist at chauvinist! Hindi kayo dapat tularan ng mga kabataang lalaki! Mapang-api kayo sa kababaihan!”
“Tama,” ayon ng iba.
Nagsalita ang isa pang may hawak ng megaphone. “Santuario de Santiago, pasimuno ng prostitusyon at exploitation!”
Doon na siya naalarma. Hindi totoo ang paratang ng mga ito. Dalawang beses na naman siyang nakabalik doon courtesy of her jerk ex-date, Isaac Lagdameo. May mga pagkakataong nag-overnight na rin siya doon dahil sa overtime nila ni Leandro at nagdedesisyon itong doon na nila gawin. He admired Leandro very much. He was a friend and a brother to her. Matapat pa itong lingkod ng bayan. Hindi rin ito isang pulitikong ginagawang trabaho o negosyo ang pulitika. In fact, even before he became a congressman, he was already running a thriving company. Ito ang may-ari kasama sina Isaac at Lucas.
Mga magagandang klaseng security and alarm devices ang produkto ng mga ito. Bagay na bagay iyon sa mga ito dahil parehong nasa technology ang kurso nina Leandro at Isaac. Si Lucas naman ay may mataas na posisyon sa NBI at isa ring eksperto sa ganoon. It was one of the biggest security and alarm device producers in Southeast Asia. Hindi niya alam kung paano nagagawang pagsabayin ng mga ito ang pagtutok sa negosyo habang pinoprotektahan ang kaparatan at kaligtasan ng mga kababayan.
Pero ang mga babae ay mukhang walang kaligtas-ligtas sa mga ito. Kahit siya na binansagang ice queen ay hindi pinalagpas ng walang kaparis na karisma ni Isaac. Mula kolehiyo ay laman na ito ng kanyang mga pantasya at panaginip. Naging kaklase niya pa ito sa ilang elective subjects pero hindi siya nito pansin hanggang maging secretary siya ng pinsan nito.
Nagpasya na siyang bumaba ng kotse dahil ayaw tumabi ng mga ito. Lumapit siya sa sa lider ng mga ito. “Magandang hapon.”
Ngumiti ito at nawala ang mga singkit na mata nito. “Magandang hapon din naman! Ngayon lang yata kita nakita. Sasali ka ba sa aming pakikibaka laban sa mga mapang-aping lalaki dito?”
“Ahh ehh, hindi eh.”
“Ahh ganoon ba?” Parang nanghinayang pa ito.
“Secretary kasi ako ni Leandro Lagdameo eh.”
Umasim ang mukha nito. “Naku, mag-resign ka na doon! Baka pati ikaw ay apihin ng lalaking iyon. Aakitin ka lang ng corrupt na mayor na iyon.”
“Naku, hindi naman. Mabait naman si Mayor. Ako na ang nagsasabing hindi corrupt si Mayor. Lagi nga kaming inaabot ng gabi sa pagtatrabaho. Napakasipag ni Mayor.”
Natigilan ito at napanguso. The girl was pretty, to say the least. She could be the local version of Princess Aiko of Japan. Her beauty was not really striking at a first glance. But as she looked at her longer, there was something that made her more beautiful. “Nagagandahan ka sa akin noh?” Biro nito.
“Oo, ang ganda mo nga eh.” Nagtawanan na sila na parang nakalimutan na ang rally.
“Naku pareho lang tayo. Pero huwag kang magpapauto sa boss mo at sa mga kaibigan niyang feeling naghaharing-uri. Mahilig magpaiyak ng mga babae!”
“Ahh ehh-”
“Sophia, naku, huwag mo nang i-recruit iyan! Magpapauto lang iyan nang magpapauto sa mga corrupt na Lagdameo,” sigaw ng ilang mga kasama nito.
“Hindi totoo iyan.”
“Mukhang ipinadala ka ng mga iyan dito para pakiusapan kami. Mabibigo kayo sa binabalak niyo.”
“Walang katotohanan ang mga bintang niyo. Isa pa bakit kayo naglalagay ng mga malisyosong content sa placard niyo. Pwede kayong kasuhan.
“Hoy! Tigilan mo nga iyan baka sa ‘yo namin ibunton ang galit namin.”
“Tama na mga kasama,” awat ng kausap niya kanina na Sophia ang pangalan. “Miss, pumasok na muna sa loob,” nag-aalalang pakiusap nito.
“Dapat ko munang ipaliwanag ang katotohanan sa club na ito at sa mga miyembro para malaman niyong hindi naman sila masama.”
“Tumigil ka na nga, Miss,” sigaw ng ibang babae na pumunta na sa unahan na parang aawayin na siya.
“Ma’am pumasok na tayo sa loob,” nagmamadaling sabi pa ng isang security guard at iginiya na siya papasok. Mabuti at pinabayaan din ng mga babae na makadaan ang kotse. Sumakay na siya doon at hinatid na siya sa isang five-storey building sa tabi ng hotel. Naroon ang opisina ng mga may-ari at empleyado.
Pagpasok niya sa building ay sumakay na agad siya ng elevator paakyat sa fifth floor. Paglabas niya ay naglakad na siya papunta sa dulong bahagi kung saan ginagawa ang meeting ng mga may-ari. Malapit na siya doon pero napahinto siya nang bumukas ang pinto at iluwa si Isaac na matalim ang tingin sa kanya. Hinatak siya nito at dinala sa hallway papuntang washroom. “Aray naman. Masyado kang mahigpit kumapit. Pakibitiwan na po ako, congressman.” Pero kahit anong piksi niya ay wala siyang magawa para makakawala dito.
“What were you thinking huh? You had some chit chat with the crazy woman with chinky eyes. Pagkatapos makikipag-debate ka pa sa iba. Hindi ka ba nag-iisip? Masyado kang makulit!”
“Bitiwan mo nga ako! Pinakiusapan akong dalhin itong dokumento ng boss ko na pinsan mo ha! Saka wala kang K para manduhan ako! Sino ka ba ha?” Inis na inis siya at dinuru-duro ito.
“Eh kung hinahalikan kita para maalala mo kung sino ako.” Madilim na ang anyo nito.
“Alam mo, lumayas-layas ka diyan dahil baka hindi kita matantiya! Mabuti nga sinubukan kong kausapin at ipagtanggol kayo, except sa ‘yo! Sa ‘yo lang applicable ang mga nasa placards!”
“Really?” Nalukot ang mukha nito at muli siyang tiningnan nang matalim.
“Oo! Bagay na bagay sa ‘yo iyung mga nandoon- mapang-api sa mga babae at exploitative!”
“What did you say? Exploitative what?”
“Exploitative, oo! You love exploiting and coercing women!”
“Coerce? Did I coerce you to kiss me?”
“Wala akong pakialam sa ‘yo. Trabaho itong ipinunta ko dito,” aniya at tinalikuran ito pero humarang ito sa dadaanan niya kaya napaatras siya.
“Let’s do it again and tell me straight to my face that I coerce you everytime we kiss.”
“Huwag mong subukan man lang,” aniya. Napasandal na siya sa pader at nakulong siya nang itukod pa nito ang magkabilang kamay doon. Ngumisi pa ito nang nakakaloko nang mapansing namumula ang mga pisngi niya.
“Now, tell me what you want me to do,” anito sa bahagyang paos na boses. Lalo pa nitong inilapit ang mukha sa kanya at halos dama na niya ang mga labi nito.
“W-wala,” nauutal na sabi niya.
“Really, my Belle?”
“Isaac…” Wala na yatang isang pulgada ang pagitan ng mga labi nila. Ewan ba niya kung anong mahika meron ang mga titig nito at siya na ang tumawid sa gahiblang distansiya nila. Kusang lumapat ang mga labi niya rito at ikinulong ang mukha nito sa kanyang mga kamay.
“Honey,” he moaned and responded as fervently as she did. “I want you.”
“I want you, too,” wala sa sariling sabi niya. Hindi na niya namalayang buhat na siya nito at akmang bubuksan na ang pinto ng washroom nang makarinig sila ng mga pagtikhim. Sabay naghiwalay ang mga labi nila at napalingon sila sa pinaggagalingan ng ingay. Nag-init ang buong mukha niya nang makita ang mga kaibigan nito kasama ang kanyang boss na hindi nakangiti pero bakas ang kapilyuhan sa mga mata nito. “Bitawan mo ako, bastos,” naiinis na sabi niya kay Isaac sabay sampal dito nang ubod ng lakas. Nabitawan naman siya nito at mabilis siyang bumaba mula sa pagkakabuhat nito.
“Damn it, woman!” Inis na inis na sabi nito.
“Manyakis ka po, Congressman Lagdameo!” Isa pang sampal ang pinadapo niya at napangisi siya nang makitang namula ang magkabilang pisngi nito.
“You’ll pay for this,” halos bulong lang na sabi nito habang sapo ang nasaktang pisngi.
“Bite me then, Congressman Isaac the Maniac, rawr,” nang-aasar na sabi niya at tumakbo papunta sa boss niya. “Mayor, ito na po ang mga dokumento na kailangan niyo kaya babalik na ako sa munisipyo. Muli muna siyang tumingin kay Isaac na matalim pa rin ang tingin sa kanya kaya parang batang binelatan niya pa ito at nagmamadaling pumunta sa elevator.