MABILIS lumipas ang mga araw at isang linggo na kaagad ang nagdaan. Katulad ng sinabi sa kanya ni Vina noong nakaraan ay sa araw na iyon--lunes, gaganapin ang pagti-take over ng bagong boss nila.
Lahat ng empleyado sa Saadvedra Groups Inc. ay hindi magkandaugaga sa kanilang mga ginagawang paghahanda, maliban na lang kay Abby na noo'y nagtataka pa rin sa inaasta ng mga ka-trabaho. Ganoon ba talaga kapag nagti-take over ng posisyon ang isang CEO? Napabuntong hininga na lamang si Abby at hindi na pinansin ang mga nangyayari sa paligid niya, may sarili siyang trabaho na dapat niyang atupagin.
Kailangang perpekto ang pagkakagawa niya niyon dahil iyon ang magiging daan para sa promosyon na sinasabi ng head department nila sa kanya.
Abala si Abby sa pagtatapos ng promotional report niya nang may kumatok sa dingding ng cubicle niya. Nang lingunin niya ito saglit at nang makitang si Vina ang nandoon, nagsalita siya nang hindi humihinto sa kanyang ginagawa.
"Bakit binibini?" pabiro niyang tanong dito.
"Nasa baba na daw si new boss at inaasahan ang lahat na hindi papalpak ngayon araw, sabi na rin ni sir Anton." Tsismis nito sa kanya at hindi niya mapigilan ang mapataas ng kilay sa narinig.
"Alam kong normal lang na matakot at kabahan kapag bago ang boss, pero bakit parang sobra naman yata iyang mga inaasta niyo?" Hindi mapigilan na isatinig ni Abby sa kaibigan.
"Kasi nga girl, ubod daw ng sungit ang bagong boss natin, di ba nakwento ko na sayo ang tungkol dun?" Sumandal ito sa dingding ng cubicle niya saka nameywang. "And one more thing, masyado daw iyong strict pagdating sa trabaho. Kung strict na para sa atin si sir Anton, pwes triplehin mo ang kay new boss."
Napailing-iling na lang siya. "It still doesn't make any sense. By the way, yan lang ba ang ipinunta mo rito?" pag-iiba niya ng usapan.
Napatuwid naman ito ng tayo dahil sa naging tanong niya. "Ay oo nga pala! Pinapatawag ka ni head. Punta ka daw sa office niya at dalhin mo rin daw iyong pinapagawa niya sayo."
Sa narinig ay biglang nanlaki ang mga mata ni Abby. "As in ngayon na?"
Tumango-tango ito.
"Pero hindi pa ako tapos!"
"Finished or unfinished, pass your paper." Naningkit ang mga mata niya sa tinuran nito pero nang magsalita ulit ito ay napabuntong-hininga na lang si Abby.
"And I'm not kidding..." anito nang siguro ay makita nito ang naging reaksyon niya. Vina can't blame her, she's sounds like she's joking.
I guess this is it. It's now or never.
Tinanguan na lang ni Abby si Vina na kaagad namang nagpaalam nang makitang nag-aayos na siya. Muling hinarap ni Abby ang computer niya, nagtransfer siya ng copy ng report sa laptop niya at iyon ang dinala niya sa opinisa ng head nila na noon ay hindi pala nag-iisa sa opisina nito.
Nabitin ang gagawin sanang pagkatok ni Abby sa nakabukas na pintuan ng opisina ng head department nila nang mapansin niyang may kausap ito sa loob.
Aatras na sana siya at balak na bumalik na lang mamaya para hindi siya makaistorbo sa mga ito pero huli na dahil nakita na siya ng head nila at tinawag siya nito.
"There you are, Abby. Come on in." Paanyaya ng head sa kanya. "We've been waiting for you." dagdag pa nito na bahagya niyang ikinatigil.
"Po?" nagtatanong ang mga matang anas niya sa head nila saka lamang niya naisipang tapunan ng tingin ang mga kasama nito sa loob.
Nang makita roon ang boss nilang si sir Anton ay kaagad siyang nagbigay ng galang dito saka siya bumaling sa isa pang tao na hindi niya kilala pero sadyang nakaka-intimidate ang taglay na presensya.
"Meet the new boss, Abby. Your new boss. Nikolaj Saadvedra." Kaagad na napatingin si Abby sa head nila, kay ma'am Laura nang marinig ang tinuran nito.
Walang salitang muli siyang napatingin sa lalaki. 'So, he's the new boss huh. No wonder kung bakit ganoon na lamang ang impresyon ng mga katrabaho niya rito, nakaka-intimidate naman kasi talaga.' she thought.
Nang mapansing nakatingin na rin ang lalaki sa kanya ay bigla siyang napahiya pero hindi niya iyon ipinahalata. Bahagya na lamang siyang tumungo at binati ito. "Hello sir. Nice to meet you po."
Hindi alam ni Abby kung tama ba ang sinabi niya lalo na nang hindi nakaligtas sa paningin niya ang pagtaas ng isang sulok ng mga labi nito, gayunpaman ay isinawalang bahala na lamang niya iyon at muling humarap kay Ma'am Laura.
"Pinapatawag niyo raw po ako? Pwede po bang malaman kung bakit?" magalang niyang tanong sa ginang na may ngiting nakaukit sa mga labi.
"Oh yes, Abby at hindi na ako magpapaliguy-ligoy pa." Tumikhim muna ito bago ipinagpatuloy ang pagsasalita. "I just want to inform you na starting today, iba na ang magiging posisyon mo sa kampanya."
Hindi mapigilan ni Abby ang pagrehistro ng gulat sa mukha niya, "Tungkol po ba 'to sa promotion na sinasabi niyo? Pero hindi niyo pa naman natsi-check ang ipinagawa niyong report sa akin?" Tuloy-tuloy niyang tanong sa ginang na may pagtataka habang panaka-nakang tinatapunan ng tingin ang bitbit na laptop.
"You can say that and I realized na hindi na pala kailangan iyan." anito na mas lalong nagpagulo kay Abby.
"Sayang lang pala effort ko kung ganoon." bulong niya sa sarili dahil sa narinig.
"You're saying something, Abby?"
Kaagad na umiling-iling si Abby sa ginang. "Wala po."
"Okay." Tumangu-tango ito.
"Am... Kung hindi na po ako kabilang sa analysis department, maaari po bang malaman kung ano na po ang posisyon ko ngayon, Ma'am?"
"Sure!" Nakangiti nitong tugon. "You are now Nikolaj's secretary."
"Po!" Hindi napigilan ni Abby ang magulat sa narinig.
"Why? You don't like it? Hindi ka naman siguro mahihirapang mag-adjust sa magiging new job description mo. Hindi naman ito kalayuan sa trabaho mo as an analyst. Magpa-finalize at set ka lang ng mga schedule ni Niko at tatanggap ng mga karapat-dapat na appointment. Plus the fact na magkakaroon ka rin ng increase sa paycheck mo. I bet you needed it the most." mahabang pahayag ng ginang na lihim niyang ikinabuntong hininga.
"Hindi naman po sa ganoon, Ma'am. Hindi ko lang po talaga inaasahan na iyon ang bagong posisyon na ibibigay niyo sa akin. Nagulat lang po ako." Kiming paliwanag ni Abby dito.
"I can perfectly see that." Tumangu-tango pa ito. "So, it settled. From now on, you are now Nikolaj's secretary." pahayag nito na iminuwestra pa ng kamay nito ang lalaki na tahimik lang na nakikinig sa kanila, ganoon din si Sir Anton.
Walang nagawa si Abby kundi ang tumango na lang sa ginang kahit na ang totoo'y gusto niyang magreklamo. Sa naririnig niyang tsismis tungkol sa bagong boss niya, may karapatan naman siguro siyang magreklamo, di ba?
"Good!" Ma'am Laura clasp her hand. "You can go now and ready your things para makalipat ka na sa bago mong lamesa." Pagtatapos nito sa diskusyon nila.
Tanging tango na lamang ulit ang itinugon ni Abby dito at nagpaalam na, pati na rin sa dalawa niyang boss na tahimik lang na nakikinig sa kanila. Bago tuluyang makalabas ng opisina si Abby ay hindi nakaligtas sa paningin niya ang kakaibang titig na ibinibigay sa kanya, na para bang pinag-aaralan nito ang buong pagkatao niya. She sighed.
'Nikolaj Saadvedra. Makakayanan ko kaya ang kasungitan mo kung sakaling totoo man ang tsismis na iyon?' tanong ni Abby sa sarili niya habang binabagtas niya ang pasilyo pabalik sa magiging soon to be ex-cubicle niya.