“MUKHANG MASAYA ka ngayon, ah.”
Ngumiti lang si Ian Jack nang maupo sa visitor’s chair sa opisina ng kaibigang si Pipo. Doon siya dumiretso matapos ang pang-world record na pakikipag-date niya sa isang araw. He put his feet on the other chair in front of him and placed his hands at the back of his head.
“I just met someone.”
“Anong bago? Lagi ka naman may nakikilalang babae.”
Binalikan niya sa isip ang mukha ni Naville at bigla na lang siyang natawa. Pinalo tuloy siya ni Pipo ng hawak nitong folder.
“Bawal ang baliw sa opisina ko,” wika nito. “Mga baliw sa pag-ibig, puwede pa. Pero ang baliw na walang lovelife, ipinapabaril ko sa Luneta.”
“Kung ganon, ipabarili mo na ang sarili mo.”
“I have Annamae with me.”
“Sige, pakamatay na kayo pareho.” Muli niyang binalikan ang mukha ni Naville sa kanyang isip. “Pipo, ano ang masasabi sa isang…relasyong lalaki sa lalaki?”
“Ian Jack, I consider you my friend. Please don’t make me a criminal. Magpapakasal pa kami ni Annamae.”
Tumango-tango lang siya habang patuloy na pinagpapala ang kanyang isip sa mukha ni Naville. That little creature who just makes him want to smile for no reason.
“Ian Jack.”
“Hmm?”
“Mag-asawa ka na. Ng babae. Please lang.”
“Tsk!” Pinakialaman lang niya ang mga papeles sa ibabaw ng table ng kaibigan. “I told you, I don’t want to get married. Lalo na ngayong naumay na ako sa dami ng naka-date ko sa loob lang ng isang araw. Hay. Why can’t people just enjoy being with each other without commitment? Bakit kailangang pang magpakasal? Magkakasawaan lang naman sila sa huli.”
“Para sa isang taong hindi pa nagkakaroon ng steady girlfriend, you’re not in a position to say that, Ian Jack.”
“Huuu! Palibhasa committed ka na kaya ganyan ka na magsalita. Samantalang noong wala pa si Annamae sa buhay mo, isa ring dakilang lagalag ang puso mo.”
“Because at that time, hindi pa nagmamahal ng totoo ang puso ko.”
“Ang korni mo, pare. Buhusan kaya kita ng holy water ngayon?”
“Ikaw ang maligo ng holy water. Para magtino ka na.”
“Matino ako. Matagal na. Hindi lang kayo naniniwala.”
Hinayaan na lang niya ang mga papeles sa table nito. Kahit kailan talaga, hindi siya nagka-interes na sa mga paperworks ng isang negosyo. Mas gusto niyang gumawa kaysa ang magkutingting at mag-aral ng mga business reports. Kaya nga laking tuwa niya na isang park and terrain ang negosyo niya. He was always on the go and had trusted people to look after the paperwoks. So far, wala naman siyang nagiging problema at mas lalong wala siyang nagiging reklamo.
This was the life he always wanted. Malaya.
“Matanong ko lang,” mayamaya’y wika ni Pipo. “Bakit ba parang allergic ka sa commitment? What do you have against it?”
“Istorbo sa kalayaan ko. Kung may steady girlfriend ako, I wouldn’t be able to enjoy the full extent of my freedom. I love my freedom more than I love women. Kanya-kanyang trip lang iyan.”
“Hindi ka mabibigyan ng anak ng ‘freedom’ mo na iyan.”
“Being a family man isn’t really my goal in life.” Umayos na siya ng upo. “Oo nga pala, kumusta na sa Stallion Riding Club? Sino na ang nadagdag sa listahan ng mga nabaliw sa pag-ibig?”
Isa-isa nitong binanggit ang mga pangalan ng mga co-members niyang nang iwan niya ang Club two months ago ay mga single pa. Pero ngayon, ayon na rin kay Pipo, pati ang happy-go-lucky na si Daboi ay nadale na rin ng virus na kumakalat sa pinakapaborito niyang lugar sa buong mundo. That virus called love.
“Paubos na pala ang mga single sa atin,” aniya. “At pagala-gala pa rin ang Samaniego twins? Seryosohin ko na kaya ang pag-quit sa Stallion Riding Club?”
“Sige. Para may mapagkatuwaan kami roon.” Tumawa lang ito nang magsalubong ang mga kilay niya. “Ikaw naman kasi, para commitment lang kinatatakutan mo pa. Alam mo, pare, kung hindi mo pa naman panahon para magmahal, hindi mo pa talaga isusuko iyang freedom mo.
“Ang sarap mong tapakan, Pipo. Alam mo ba iyon?” Pinagpagan lang niya ang suot na leather boots. “Huwag ka ngang magsalita ng ganyan at nangingilabot ako.”
Kung magku-quit ka, sa akin mo na lang ibenta ang bahay mo roon. Pati na rin ang kabayo mo—“
“Who say’s I’m going to quit?”
“You?”
“And gave you all the reason to be happy about? No way.” Tumayo na siya upang maghanda sa pag-alis. May naalala kasi siyang importanteng gagawin. “I’m not going to quit the club. At para patunayan na rin na hindi ako takot sa commitment—“
“Takot ka.”
“Look who’s talking.”
“Noon iyon. And at least, even back then, I never ran away from commitment.”
“Yeah. Kaya nga committed ka na ngayon.”
“Ian Jack,” tawag nito nang nasa pinto na siya. “Falling inlove wasn’t really that bad. The other members could attest to that. Ikaw, subukan mo minsan. Baka magustuhan mo rin.”
“No, thanks.”
“You’ll be missing one of the most important things in life.”
“I won’t. See you at the Stallion Riding Club.”