Halos thirty minutes din siyang nagdrive bago siya nakarating sa bar kung saan naroroon si Nathan. Hindi na niya ito tinawagan para sabihing darating siya. Nang makapasok na siya ay nakita niya agad ito na umiinom malapit sa bartender. Hindi niya agad ito nilapitan. Pinagmasdan muna niya ito ng ilang minuto. Hindi sa nag-aalangan siya puntahan ito. Hinahanda lang niya ang sarili.
Mukhang broken hearted pa rin ito at matatagalan pa bago ito makarecover base na rin sa kagustuhan nitong laging nag-iisa. Surpresa ngang tinawagan siya nito.
Pagkatapos niyang huminga ng malalim ay lumapit na siya with a poker face. She can’t show him na naaawa siya dito.
Dahil busy ito sa pag-inom at pagtingin sa kawalan ay hindi siya agad nito napansin. Kaya medyo nagulat pa ito nang magsalita siya. “Nakapagtataka ka rin. Ikaw itong nakipagbreak pero ikaw itong mas miserable.” komento niya sabay upo sa tabi nito.
“Akala ko may date ka. Why are you here?” takang tanong nito.
“Ano pa eh di para samahan ka while you wallow in your misery.” Pagkatapos niya itong tingnan mula ulo hanggang paa ay umiling siya and rolled her eyes.
“I know I’m pathetic.” Sagot nito.
“Buti alam mo. Kulang na lang may sign diyan sa dibdib mong nagsasabing miserable ako. Mag-isa bang magpakalasing sa bar?” kinuha niya ang inorder nito at tsaka niya ininom.
“That’s mine.” Pero hindi na rin nito tinangkang kunin sa kanya ang baso.
“You had enough.” Pinigilan na niya ito nang akmang oorder na naman ito ng panibago.
“Pumunta ka lang ba dito para sermunan ako? O baka naman gusto mo uli akong awayin like the last time." Ang tinutukoy nito ay ang pang-aaway niya dito nang makipagbreak ito sa kaibigan niyang si Andrea. Hindi niya ito pinansin ng mahigit isang buwan. But seeing him right now na parang isang malaking talunan, she can’t help but feel sorry for him. Pero hindi niya basta puwedeng iparamdam ang awa niya dahil baka lalo itong mag self-pity.
“Sucked it up and move on.” Balewala niyang sagot dito.
“Parang ikaw? Madaling makapag-moved on.” May laman ang sinabi nito sa kanya.
Hindi naman siya nagalit dito. She has a reputation sa kanilang magkakaibigan. Mabilis daw siyang mainlove pero mabilis ding ma fall-out of love. Sinabihan pa nga siya nito minsan na isa raw siyang heartbreaker.
“Yes parang ako.” Pagsang-ayon niya dito. Hindi siya nakatingin dito kundi sa baso ng alak.
“Hindi mo ako katulad Liezel. I can’t just go out with some random girl. Hindi ko kaya.”
“So you’re saying I like going out with some random guy? You make it sound like I’m an easy girl.” Hindi niya tinago na nasaktan siya sa sinabi nito.
“I’m sorry you know that’s not what I meant. Isa pa ngang scotch.” order uli nito sa bartender.
“Tama na nga yan.” Sinenyasan niya ang bartender na huwag na itong bigyan ng maiinom. “Why dont we just get out of here ng makalanghap ka naman ng sariwang hangin.” Aya na niya dito.
“Saan naman tayo pupunta?” tanong nito.
“Sa bahay ko gusto mo?” she smiled teasingly at him.
“Medyo lasing na ako Liezel baka patulan kita.”
“Yeah right.” Mapakla niyang sagot dito. Matagal na akong sumuko sayo Nathan. sagot ng isip niya dito.
“Ano sasama ka ba o gusto mong iwan na lang kita dito?” tanong na lang niya uli dito sabay tayo.
“Ganito na lang samahan mo na lang ako and I promised hindi na ako iinom. Kuwentuhan na lang tayo.”
“Ano naman ang gusto mong pag-usapan natin?” hindi naman ito madaldal.
“Anything. Matagal na rin naman na tayong di nakakapag-usap. Mula nung maghiwalay kami ni Andrea hindi ka na rin nagpakita sa akin.” May konting hinampo sa boses nito.
“Ikaw tong gustong nag-iisa tapos nagtataka kung bakit hindi tayo nakakapag-usap.”
“Alam ko namang you hate me dahil sa paghihiwalay namin ni Andrea.”
“At kailan naman ako nagalit sayo ng matagal? I was just surprised. Sandali nga may tanong lang ako sayo. Sabi sa akin ni Andrea nakipag break ka sa kanya dahil sa babae pero bakit kahit anino ng babae na yon hindi ko nakita. Meron ba talagang babae o baka naman lalake ang pinalit mo sa kanya?” curious na tanong niya dito. Kilala niya ito sa pagiging loyal. Kaya hindi siya makapaniwala na third party ang dahilan ng break-up nito at ni Andrea.
Medyo natawa ito pero halatang may lungkot pa rin. “Sige sasabihin ko na sayo ang totoo. Pero huwag mo akong pagtatawanan.”
“Promise,” itinaas pa niya ang kanang kamay.
“Nakipag break ako sa kanya para magpahabol at makapag-isip na rin.” Pag-amin nito.
“What? Ano ka babae? Nagpapahabol?” hindi siya makapaniwala sa narinig.
“Alam mo namang kaya ako nagtrabaho ng two years sa Dubai para mapaghandaan ang buhay pag-aasawa ko.”
Nang makapasa ito sa Civil Engineering board exam ay agad itong nag-abroad para makaipon.
“Pero nang ayain ko naman si Andrea na magpakasal pagkabalik ko, tinanggihan naman niya ako. Kesyo gusto muna niyang mapromote sa trabaho. Nang mapromote naman siya hindi pa rin daw siya ready. Nakipagbreak ako dahil akala ko kapag nawala ako mararamdaman niyang importante kami sa isa’t-isa.” Sagot nito.
“So nagsinungaling ka at sinabi mong may mahal ka nang iba.” Hindi niya tuloy alam kung maaawa dito o maiinis.
“Wala akong sinabi sa kanya she assumed na may babae ako at hindi ko itinama yung assumption na yon.”
“College pa lang tayo kilala mo na si Andrea. You should know better. Ayaw nun ng pinipilit at lalong hindi ka nun hahabulin. Alam mo minsan talaga may pagkatanga ka eh.” Ngali-ngali niya itong batukan. Pero ano pa nga ba ang magagawa niya eh sa nangyari na ang lahat.
“Oo na tanga na at huli na rin para bawiin pa ang pakikipagbreak ko dahil may iba na siya ngayon.”
“Oh well ganyan talaga ang buhay. You need to accept the fact na nakahanap na siya ng ibang mamahalin.” Sagot na lamang niya dito.
“Minsan iniisip ko kung minahal niya ba talaga ako kasi parang ang dali sa kanyang palitan ako.” Pasisimyento de asukal na naman nito.
“Sigurado naman akong minahal ka niya. Yun nga lang eh tinamaan ng kupido sa iba. You can’t really predict things. Nagbabago ang damdamin.”
“Nasaan na ba siya ngayon? Masaya ba siya?” Tanong nito.
“Ayon balik probinsya may inaasikasong bagay dun. Hindi ko alam kung kailan ang balik niya. You know what ganito na lang ang gawin mo. Why don’t you go on blind dates? May mga kakilala ako na naghahanap ng boyfriend. Sigurado akong pasado ka sa mga taste noon.” Suhestyon niya dito.
“Hindi na yata ako sanay. I mean mahigit apat na taon din kami ni Andrea.”
Matatag ang naging relasyon ng dalawa. Kahit nagtrabaho si Nathan ng dalawang taon sa ibang bansa ay hindi nag-break ang mga ito. Nagkaroon lang talaga ng problema nung yayain na ngang magpakasal ni Nathan si Andrea. Ang totoo ay hindi rin niya maintindihan kung bakit tinanggihan ito ni Andrea. And yet fell head over heels in love with a guy a she met sa hometown nito. Whirlwind romance daw ang nangyari at ngayon nga eh may balak na raw itong magpakasal. Kakaiba rin talaga ang pag-ibig.
“Puwede ba Nathan. Ikaw pa you’re a smooth talker you can charm any woman you like.” Pagbibigay lakas loob niya dito.
“Pag-iisipan ko yang suggestion mo but for the meantime I think I need to unwind first. Baka kailangan ko munang magbakasyon.”
“Bakasyon na naman? Di ba kagagaling mo lang ng Hongkong two weeks ago.” Kahit hindi sila nag-usap ng matagal ay nakibalita pa rin siya dito.
“Trabaho yon. Pero wala naman akong balak lumayo. Babalik na lang muna ako sa pagpipinta o photography”
“Well kung makakatulong yon sa recovery mo why not.”