This is a work of fiction. Names, characters, businesses, places, events, locales, and incidents are either the products of the author's imagination or used in a fictitious manner.
(Fantasy Romance)
****
"May bagong propesiya ang dumating. Isang fairy ang isisilang upang maging tagapagligtas hindi lang ng Fairy Kingdom kundi maging sa buong Fantasy World, mahal na reyna."
"Sino ang tinutukoy mo, babaylan?"
"Ang inyong anak ng hari, kamahalan. Ang inyong prinsesa."
Nagising si Levinia mula sa mahimbing na pagkakatulog dahil sa kanyang napanaginipan. Nilingon niya ang asawa na mahimbing din na natutulog sa kanyang tabi. Tumayo siya at sinuot ang roba na nakapatong sa upuan sa tabi ng kanilang kama.
Naglakad siya papunta sa balkonahe at pumikit. Muli na naman niyang napanaginipan ang sinabi ng matandang Sawson sa kanya. Hinawakan niya ang kanyang sinapupunan at ngumiti.
"Anak ko, alam kong magiging mabuti kang prinsesa." bulong niya. Napangiti siya nang maramdaman ang yakap ng asawa mula sa kanyang likuran.
"Mahal ko." bulong nito sa kanyang tenga. Hindi na muli pang nagsalita si Reyna Levinia at kapwa na lang sila ni Haring Axel Astheria na tumingin sa kabuuan ng kanilang nasasakupan, ang Fairy Kingdom.
Napangiti sila sa katahimikan ng buong kaharian at ng kanilang mundo. Napalingon sila sa pinto makalipas ang ilang oras nang bumalibag ito pabukas. Pumasok ang lalaking punong kawal ng hari.
"Cian." tawag ng hari dito pero yumuko ang lalaking fairy.
"Patawad sa paggambala ko, kamahalan pero nagkakagulo na po sa labas pa lang ng gate ng Fairy Kingdom." Agad lumapit ang hari sa kawal.
"Sabihin mo, Cian." utos nito.
"Sumugod po ang mga alagad ng Dark King na nanggaling pa po sa Dark Kingdom. Nagpadala na rin po kami ng sulat para humingi ng tulong mula sa apat na kaharian. Masyado silang marami at malalakas kaya hindi natin sila kakayanin ngayon. Binigla po tayo ng Dark King dahil alam nilang nagluluksa pa ang kaharian sa pagkawala ng prinsipe." mahabang sabi ni Cian, kumuyom ang kamao ng hari at agad na nagbihis ng damit pandigma.
Akmang lalabas na ang hari ng hawakan ng kanyang reyna ang kamay niya.
"Mahal ko..." sabi ng reyna. Hinalikan niya ito sa noo bago lumuhod at ang tiyan naman nito ang hinalikan.
"Mahal ko kayo. Babalik ako pangako, mahal." hinalikan ni Axel ang labi ng asawa at sabay sila ni Cian na lumabas ng silid. Muling dumungaw ang reyna sa balkonahe at doon nakita niya ang bilis ng pangyayari. Mula sa tahimik at payapang kaharian ngayon ay nagkakagulo na.
"Silvyr..." tinawag ni Levinia ang alagang ibon nito.
"Kamahalan." sabi ng isang munting ibon.
"Lumipad ka at tumungo sa iba pang kaharian upang humingi ng tulong. Sabihin mo ang kalagayan ng ating kaharian." pumagaspas ang pakpak ng ibon ng tatlong beses, senyales ng pagbibigay galang sa kinikilala nitong reyna.
Ang tinutukoy niya ay ang apat na kaharian. Ang Fairy Kingdom ang nagiging tagpagpanatili ng kaayusan at kilala ito sa pagiging patas mula sa iba pang kaharian sa Fantasy World pero ngayon sila naman ang humihingi ng tulong sa iba.
Una ang Mermaid Kingdom kung saan sa dagat matatagpuan at naninirahan ang napakadaming sirena, tinatawag din silang Merdom. Pangalawa ang Kingdom of the Elves kung saan naman nakatira ang mga maliliit na nilalang na katulad ng mga Elves, tinatawag din itong Eldom.
Pangatlo ang Magic Kingdom kung saan nakatira ang mga wizards o salamangkero at punong puno ng mahika ang kanilang kaharian. Ang pangapat at huli sa apat na kahariang humihingi ng gabay sa kanila ay ang Elemental Kingdom kung saan nandoon ang mga nilalang na kayang kontrolin ang apat na elemento sa mundo at tinatawag itong Mendom.
Ang Fairy Kingdom o Faydom ang siyang nasa itaas at hinihingian ng gabay ng apat na iba pang kaharian. Ang mga fairies din ang nagpapanatili ng kaayusan sa buong Fantasy World para maiwasan ang digmaan at pagdanak ng dugo. Snow ang sumisimbolo sa kanila at laging umulan ng snow sa kaharian pero bukod sa limang kaharian ay may bukod tanging naiiba o nakahiwalay sa kanila.
Ang Dark Kingdom na pinamumunuan ng Dark King kasama ang kanyang kampon. Ginagawa nila ang lahat ng uri ng kasamaan at pilit silang pinipigilan ng mga fairies. Kaya ngayon sila na ang umaatake.
Napapikit ang reyna dahil sa nakikitang nangyayari sa baba. Wala siyang ibang nakikita kundi ang pagdanak ng dugo. Noon pa man ayaw na mabuhay sa karahasan ng mga fairies pero hindi maiiwasan kung may mga sakim na balak angkinin ang buong Fantasy World.
Napahawak sa tiyan niya si Levinia nang kumirot ito. Ramdam niya ang kakaibang sakit na dulot nito kaya agad niyang tinawag ang babaylan.
"Mahal na reyna, huminga kayo ng malalim at umire." sabi ng babaylan kaya ganon ang ginawa ng reyna. Ilang sigaw at ire pa ang ginawa ng reyna hanggang sa maramdaman nila ang paglabas ng ulo ng munting prinsesa.
"Kamahalan, isang malusog at napakagandang prinsesa." sa gabing nagsimula sa katahimikan at kapayapaan na nauwi sa iba't ibang ingay at sigaw at madugong labanan ay ipinanganak ang isang napakagandang prinsesa. Isang prinsesang hindi kayang higitan nino man ang taglay na kagandahan.
"Lyra Astheria, isang diwata na napakaganda." nakangiting sabi ng reyna at agad nilang binalot ang munting sanggol na umiiyak sa telang binurda mismo ng reyna at may nakasulat na pangalan ng prinsesa, Lyra. May inabot din ang reyna na kwintas dito, ang simbolo ng isang dugong bughaw sa Fairy Kingdom. Silver necklace with a snowflakes pendant.
Napalingon sila sa pinto ng silid nang humahangos na pumasok ang hari. Nanlaki ang mata ni Levinia nang makita ang asawa na duguan at nanghihina. Akay ito ng kanilang punong kawal na si Cian.
"M-mahal ko..." nahihirapang sabi ng hari habang naglalakad ito palapit sa kanyang mag ina.
"Axel..." tawag ng reyna sa asawa.
"N-napakaganda niya at n-nagmana siya sa k-kanyang ina...." napatakip sa bibig ang reyna nang biglang umubo ng dugo ang hari.
"Axel..."
"M-mahal ko k-kailangan m-mailayo n-natin ang p-prinsesa dito." sabi ng hari at tuluyan na itong bumagsak na walang buhay. Sumigaw ang reyna at umiyak kasabay ng pag iyak ng sanggol.
Biglang pumasok si Afanas, ang hari ng Elemental Kingdom kasama ang asawa nitong si Amaia sa silid. Napaluhod ito nang makita ang matalik na kaibigan na wala nang buhay.
Lumapit si Amaia kay Levinia upang alalayan ito. Lumingon si Levinia at isang desisyon ang nabuo sa isip ng reyna ng Fairy Kingdom.
"Amaia, ipagkakatiwala ko ang prinsesa namin sa'yo. Siya ang nakatakdang muling itaguyod ang nasira naming kaharian. Siya ang tatapos sa kasamaan ng Dark King at magliligtas sa buong Fantasy World. Si Lyra ang magiging reyna ng lahat. Ilayo mo siya sa lugar na walang makakahanap sa kanya." sabi ni Levinia habang ibinibigay ang anak kay Amaia. Hinalikan muna niya ang ulo ng anak.
"Levinia, patawad kung nahuli kami." sabi ni Afanas, umiling si Levinia.
"Umalis na kayo. Natalo ang aming kaharian pero hindi ako papayag, ganun din si Axel na madamay ang iba pang kaharian ngayon. Paalisin niyo na ang iba pa. Tandaan niyo muli kaming babangon at maitatag ang kaharian namin, mababalik ang kapayapaan sa Fantasy World." sabi ng reyna habang tinutulak paalis ang hari't reyna ng Elemental Kingdom.
"Go. Don't come back at dalhin niyo ang anak ko sa ligtas na lugar."
"Levinia, sumama ka sa amin." sabi ni Amaia pero umiling lang si Levinia.
"Dito lang ako sa tabi ng aking hari. Namatay siyang ipinaglalaban ang aming kaharian at ganun din ako. Dito kami sabay na mamamatay." pagkasabi ng reyna nun ay agad tumalima ang mag asawa. Nilabas ng hari ang kanyang bolang apoy at may ibinulong dito.
"Umatras na tayo." ang bulong ni Afanas sa apoy bago ito lumipad palayo. Hinawakan ng kanyang reyna ang kamay ng hari bago niya nilabas ang portal gamit ang hangin. Lumingon muna sila kay Levinia at ngumiti na sinagot lang sila ng isang tango kaya tumawid na sila sa portal dala ang isang napakagandang prinsesa.
"Paalam, mahal kong anak." bulong ni Levinia bago siya nag-anyong maliit na nilalang at may pakpak. Bumukas ang silid at bumungad ang nakangising Dark King.
"Nasaan ang anak mo, Levinia?" ngising sabi ng hari at kita ang kasamaan dito.
"Wala na ang anak ko." madiing sabi ni Levinia kaya humalakhak ito.
"Kung ganoon..." nagulat siya ng sa isang iglap ay may lumipad na punyal sa babaylan na kasama niya. Lumapit ang hari ng kasamaan at kinuha ang korona nang hari.
"Akin na ang Fairy Kingdom dahil naubos ko na ang lahat ng fairies ninyo." sinuot nito ang korona ng hari ng Fairy Kingdom. Naluluha ang reyna bago pumikit at tinanggap na ang tadhana para sa kanya.
*****
Pagkalabas ng hari at reyna sa portal habang may suot na cloak ay napunta sila sa mundo ng mga tao. Kumatok ang mag-asawa sa pinto ng isang maliit at lumang bahay. Nakayuko sila nang bumukas ang pintuan.
"Kamahalan?" nanlalaking mata ng dalawang nilalang na nagbukas ng pinto.
"Esmeralda at Adonis, natandaan niyo ba ang pabor na ibinigay namin sa inyo?" tumango ang magasawa sa sinabi ni Amaia.
"Ngayon na namin iyon sisingilin." kumunot ang noo ni Adonis sa sinabi ni Afanas.
"Palakihin at alagaan ninyo ang batang ito." inabot ni Amaia ang sanggol kay Esmeralda.
"Balang araw may darating upang sunduin siya. Sa takdang panahon muli siyang magbabalik sa aming mundo upang muling iligtas at itayo ang nasirang kaharian." sabi ni Afanas. Nagtatakang tumingin lang sila Adonis at Esmeralda sa mag asawang maharlika.
"Paalam, mahal na prinsesa Lyra. Hanggang sa muli." pagkasabi ni Amaia ng salitang iyon ay sabay na silang bumalik sa portal.
Hindi na nakapagsalita ang mag asawa at muling tiningnan ang sanggol na hawak ni Esmeralda. Napangiti sila pareho ng iangat nito ang kamay at ngumiti.
Sa isip nila pakiramdam nila may ipinadala ang namatay nilang anak upang humalili dito kahit alam nilang imposible.
"Lyra Madrid." sabay na sabi ng mag asawa.