Please do not forget to leave a vote and comments. You can also follow me for updates.
Please also check my profile for other completed stories.
  
  
***
Zed's POV
"NOW, sino'ng makakasagot ng problem na nakasulat sa board?" sabi ng aming instructor.
Wala naman akong nakita na nagtaas ng kamay. Mukhang lahat kami ay ayaw sa math subject na ito. Itinaas ko naman ang isa kong kamay.
"Zed!"
Napansin kong lahat naman ay napatingin sa akin.
"M-ma'am, pwede po ba akong mag-cr?" tanong ko.
Mukha naman s'yang nainis. Akala n'ya siguro ay sasagutan ko ang math problem sa board.
"Go."
Tumayo na lang ako at naglakad palabas.
"Ingat ka Zed! Baka sa infirmary na naman ang diretso mo!" narinig kong sigaw ng isa kong kaklase.
Hindi ko na lang s'ya pinansin. Nagtungo na lang ako sa pinakamalapit na cr sa dulo ng pasilyo. Akmang hahakbang na ako papasok nang biglang sumabog ang pintuan.
"Nanay ko!" sa gulat ay napatalon ako palayo.
Nakita ko na nakahiga sa sahig si Xavier at may ilan din s'yang sugat. S'ya pala ang tumama sa pintuan kaya nasira iyon? Akala ko pa naman ay may sumabog. Mas napaurong ako nang makita kong lumabas mula sa cr si Dylan, umiilaw ang kanyang mga mata at halatang galit na galit.
"Bakit mo hinayaan na masira ang paborito kong comic book?!!" sigaw n'ya kay Xavier. "Hindi mo ba alam na mahirap humanap ng kopya ng librong iyon?!"
Napalunok ako. Nakakatakot pala magalit si Dylan. Tumayo naman si Xavier saka biglang inihampas sa dingding si Dylan. Lumikha naman iyon ng malaking tipak sa dingding. Ganoon s'ya kalakas?!
"Libro lang iyon, nagkakaganyan ka na?!"
"Hindi lang basta-basta libro iyon! Matagal ko hinanap ang librong iyon, gunggong!"
Halos masira na ang mga dingding sa pagpapalitan nila ng atake. Pareho na din umiilaw ang kanilang mata, palatandaan na gumagamit na sila ng ability nila.
"S-sa kabilang cr na lang ako pupunta." ninenerbyos na tumakbo ako palayo sa dalawa. Mahirap na, baka ako pa ang mapagbalingan nila.
 
 
  
 
 
 
 
 
 
 
 
 
 
 
 
 
    
  
  
 
 
 
"BAKIT HINDI mo na lang ipagamot kay doc ang kamay mo? Namamaga na iyan, sa tingin ko ay malala ang pagkaka-bali ng daliri mo," saad ni Shaina habang ipinagbubukas ako ng biskwit.
Napakamot naman ako. Ang balak ko ay mamayang hapon na lang ako pupunta sa infirmary. Baka mamura na naman ako ni doc kapag umaga pa lang ay naroon na ako.
"Mamaya na lang siguro," sagot ko na lang.
"Sino na naman ang may gawa ng bali mo? May nakasalubong ka na naman ba kahapon?"
Umiling ako. "Si Dylan ang may gawa nito."
Nagulat ako nang bumagsak ang hawak n'yang kutsara.
"B-bakit?"
"Si Dylan, iyong kasama mo sa kwarto?"
"S'ya nga."
Isang malakas na batok ang natanggap ko sa kanya. Mangiyak-ngiyak na sinulyapan ko s'ya. Pati ba naman kaibigan ko ay sasaktan ako? Nasaan ang hustisya?
"Pataas ng pataas ang nakakaaway mo Zed. May death wish ka ba?"
"H-hoy, wala nga akong ginagawa sa kanya. Basta bigla na lang n'ya akong sinugod kagabi," katwiran ko.
"Baka may nagawa kang bagay na naka-irita sa kanya."
Ibinaba ko naman ang kinakain ko. "Teka nga lang Shaina. Bakit ba ganyan ka magsalita?"
"Wow ha! Hindi mo ba alam na isa si Dylan sa campus royalties?"
Nanlaki ang mga mata ko sa sinabi n'ya. Si Dylan?
"Ang ibig mong sabihin, kasamahan s'ya ni Calvin?" paglilinaw ko.
Tumango s'ya. Nanlamig ang buo kong katawan. Hindi kaya inutusan s'ya ni Calvin na saktan ako dahil sa nabangga ko s'ya?
"Don't tell me hindi mo kilala ang royalties dito sa academy?"
Awkward na tumango ako. "Si Calvin at Ava lang ang kilala ko. Ang king at Queen."
Napaigtad ako ng sumigaw si Shaina. Mabuti na lang at walang tao dito sa aming pwesto.
"Nasaan ba ang utak mo Zed? Nasa talampakan ba? Kalahating taon ka na dito, hindi mo pa sila kilala? Paano kung isa sa mga royalties ang mabwisit mo, wala ka pa din alam?!"
"Shaina naman. Mahalaga pa ba iyon?"
Isang malakas na batok na naman ang natanggap ko. Gusto ko tuloy magtago na lang mula kay Shaina. Hindi ko alam na may itinatago s'yang ganito. Napaka-brutal. 
"Makinig ka Zed. Sasabihin ko sa'yo ang mga dapat mong malaman."
"Bakit ngayon mo lang sasabihin sa akin sa tagal na nating magkakilala?" bulong ko.
"May sinasabi ka ba?" nag-tiger look na naman s'ya.
"W-wala!" ninenerbyos kong sagot.
"Tsk," inirapan lang n'ya ako. "Magsisimula ako kay Calvin. Kilala mo naman s'ya na king 'di ba?"
Tumango ako. "Oo. Madalas ko nga s'yang makasalubong sa dorm."
"Nasa ikaapat taon na s'ya ng kolehiyo. Three years ago nang s'ya ang mapili bilang sunod na king ng academy. Mula s'ya sa Royale rank at napakalakas n'ya."
Halata naman na mula sa Royale rank si Calvin. "Alam mo ba ang ability n'ya?" tanong ko.
Kahit hindi naman ako interesado sa mga nasa royalties ay kailangan kong ipakita dito kay Shaina na interesado ako. Baka paliparin n'ya ako kapag binara ko sya.
"Tatlo ang abilities ng king."
Natigilan ako. "Tatlo?"
"Come on, Zed. Ang mga pinanganak na Royale ay pwedeng magtaglay ng hanggang tatlong kapangyarihan."
Ang lupit naman noon. Hindi na ako magtataka kung bakit ang mga Royale ang tinaguriang pinakamalakas sa mga gifted.
"Ilang beses na din namin nakita kung paano n'ya gamitin ang kanyang abilities sa training."
"Ano naman ang abilities n'ya?" tanong ko.
"Una, ang life force manipulation."
"Life force manipulation?" may ganoon ba?
"Isa iyon sa malakas nyang ability kung saan kaya n'yang higupin ang energy ng kanyang kalaban. Malaking tulong iyon dahil mapapahina n'ya agad ang kanyang kalaban."
Wow. Astig naman ng ganoong ability!
"Pangalawa ay ang illusion. Kaya n'yang pasukin ang utak mo at pakitaan ka ng mga bagay na katatakutan mo, o kahit na ano'ng gusto n'ya na makita mo. At ang huli ay ang pagkontrol n'ya sa hangin."
"Kaya pala s'ya ang napili na king ng Academy."
Tumawa naman s'ya. "Alam mo ba na unbeatable pa din s'ya?"
"Hindi nakakapagtaka."
"Sunod naman ay si Ava, ang queen. Katulad ni Calvin ay nagmula din s'ya sa pamilya ng Royales."3
Alam ko na ang bagay na iyon.
"Kung ganoon, tatlo din ang abilities n'ya?" tanong ko. Ngayon ay interesado na talaga ako. Wala akong lakas ng loob na tanungin si Ava. Nakakahiya.
"Tama," sagot naman ni Shaina. "Kilala s'ya sa paggamit ng matibay na barrier."
Bigla ko naman naalala ang unang araw na nakilala ko si Ava. Kaya pala may kulay asul na enerhiya ang pumalibot sa akin. Isa pala iyon sa kakayahan n'ya. Lihim akong napangiti dahil nakita ko ang sikat na barrier ni Ava.
"Pangalawa ay ang kakayahan n'yang makita ang mangyayari pa lang."
Nagulat naman ako. "Wow! Kaya n'yang makita ang future?!"
"Oo. Ang astig ng ability n'ya ano?"
"Kaya n'ya kayang hulaan kung makaka-graduate ako?"
Isang malakas na batok na naman ang natanggap ko. Nakakarami na s'ya ha! "Ano iyong huli n'yang ability?" tanong ko na lang habang hinihimas ang aking ulo.
"Ice."
Nakakagulat naman. Kaya n'yang magkontrol ng yelo?!
"Ang sunod sa kanila ay si Xavier. Ang Bishop ng academy."
Parang pamilyar sa akin ang pangalan na iyon. "Royale din ba si Xavier?" tanong ko.
Umiling naman si Shaina. "Isa s'yang elite. At ang mga elite ay may kakayahang magtaglay ng hanggang dalawang abilities."
Hindi na masama. Astig ang pagkakaroon ng higit sa isa na ability.
"Ang abilities naman ni Xavier ay bilocation at enhanced strength. Kaya kung makakasalubong mo s'ya at nabwisit s'ya sa'yo, siguradong kinabukasan na ang gising mo kapag nasuntok ka n'ya."
Napalunok ako. Noted, do not piss Xavier. 
"Ang sumunod ay si Dylan, ang roommate mo."
Heto na. Si Dylan na bumali sa kamay ko.
"S'ya ang Knight ng campus. Kagaya ni Xavier ay isa din s'yang elite."
"Kinakabahan naman ako sa sinasabi mo Shaina. Paano ako makakatulog nang may kasamang royalty sa kwarto."
Tumawa naman s'ya. Ano naman ang  nakakatawa doon? Masaya ba s'ya na nanganganib ang katawang lupa ko?
"Ang isa n'yang ability ay ang mabilis na pagkilos, enhanced speed."
Kaya pala sa isang kisap mata lang ay nakalapit na s'ya sa akin kagabi. Kahit yata tumakbo ako palayo ay maaabutan n'ya ako. Parang gusto ko na talagang umuwi ng North.
"Ang isa naman n'yang ability ay empathy." pagpapatuloy n'ya.
"Empathy?" ano iyon?! 
"Malalaman n'ya ang nararamdaman mo sa oras na hawakan ka n'ya na hindi n'ya suot ang protective gloves n'ya."
Ang nararamdaman ko? Kaya ba sinabi n'yang hindi ako nakaramdam ng takot sa kanya? Palpak naman yata ang ability n'ya, bakit hindi n'ya naramdaman na halos mapaihi na ako sa takot sa kanya?
"At ang pinakahuli ay si Amelia."
"Ngayon ko lang narinig ang pangalan na iyan." komento ko.
"Sa ilalim ka ba ng bato nakatira?"
Iyong totoo? Anong nakain nitong si Shaina at masyado n'ya akong barahin ngayon?
"Anyway," pagpapatuloy ni Shaina. "Isa din s'yang elite. At ang abilities n'ya ay mind reading at healing."
Maganda din ang ability ni Amelia. Kung may ability ako na healing, siguradong hindi ko na kailangang magpunta ng infirmary at harapin si doc na lagi na lang nakasigaw.
"Ngayong alam mo na, ingatan mo ang sarili mo Zed. May pagkatanga ka pa naman."
Napairap ako. "Ang hard mo naman sa akin Shaina."
Natawa naman s'ya. "Nag-aalala ako bilang kaibigan."
Tumayo na lang ako. "Pupunta na lang ako ng infirmary. Salamat sa impormasyon."
"Ingat ka!" 
  
 
  
  
  
 
       
                   
                   
                      
                      
                        
                 
EMPATHY?  Napatingin ako sa kamay ko na may benda pa din. Ito ang hinawakan ni Dylan. Hindi ko maintindihan kung bakit sa dorm ng mga royalties ako inilagay ng headmaster. Isa lang akong mortale, at lahat nang nakatira doon ay mga gifted.
Tahimik na tinahak ko ang daan papunta sa infirmary habang iniisip pa din ang sitwasyon ko. Marami ang nagsasabi na mabait naman daw si Dylan. Pero bakit kapag ako na ang kaharap n'ya ay parang lagi s'yang galit?
Oo nga pala. Siguro ay dahil isa akong mortale at napadpad sa dormitory ng mga gifted. Iniisip n'ya siguro na may backer ako dito sa school para makatira sa dorm nila. As if naman gusto kong manirahan kasama nila.
Napahinto ako sa paglalakad nang mapansin ko na may grupo ng mga lalaki na papalapit sa akin. Uh-oh. Tumabi ako para hintayin ang paglampas nila pero tumigil sila sa tapat ko.
"Narito ka pa pala," maangas na saad ng lalaki na nasa harapan.
"Dito ako nag-aaral."
"Malakas ang loob mo na sumagot ah!"
Napansin ko na nagbulungan sila.
"Ikaw pala iyong nakita ni Raf na kasama ni queen."
Natigilan ako. May nakakita sa amin ni Ava na magkasama? Ano naman ngayon? Napangiwi ako nang hilahin ako sa colar ng lalaking may blue na buhok. Napansin ko din na pinalibutan nila ako.
"Pinalampas namin na makatira ka sa dorm namin. Pero ang makipaglapit ka sa isa sa mga makapangyarihan dito ay hindi na katanggap-tanggap."
Pasimple kong inilibot sa paligid ang aking paningin. Walang katao-tao. Siguradong bugbog-sarado na naman ako nito.
"Nakikinig ka ba?!!" isang lalaki naman ang sumigaw.
"Magkaibigan kami ni Ava," seryoso kong sagot.
Tila hindi nila iyon nagustuhan. Naramdaman ko na lang ang kirot sa likuran ko na parang may matigas na humampas doon. Napaubo ako. May ilang patak din ng dugo ang lumabas mula sa bibig ko. 
"Bitiwan mo ako!" buong lakas na itinulak ko ang lalaking nakahawak pa din sa collar ko. Nabitawan naman n'ya ako. Napaluhod ako sa semento dahil masakit pa din ang bandang likuran ko.
"Matapang nga ang mortale na ito."
"Matapang o tanga?"
Nagtawanan naman sila. Napansin ko ang kamay ng isa sa mga naroon. Tila naging bakal iyon base sa kulay. Ito siguro ang humampas sa akin. Tumayo ako nang diretso habang tinitiis ang sakit na nanunuot sa aking kalamnan.
"Hawakan n'yo ang gagong iyan. Tuturuan ko ng leksyon." Hinawakan naman ng dalawang lalaki ang magkabila kong kamay.
Shit. Alam ko na ang kasunod nito.
 
 
 
 
 
 
 
 
 
        
        
                 
                        
Dylan's POV
NAPATIGIL AKO sa paglalakad nang isang bagay ang umagaw sa pansin ko mula sa aking binabasa. Na-print ko na lahat ng impormasyon na nakuha ko tungkol kay Zed. Ibibigay ko na lang ito kay Calvin. Madami akong nakuhang impormasyon tungkol kay Zed lalo na nang nabanggit n'ya ang Salvatore noong gabing tinanong ko s'ya. Hindi yata n'ya napansin na lumabas iyon sa bibig n'ya.
Pero ano ito? Hindi ko yata ito napansin kanina.
Salvatore North High
Class: 20XX-20XX
Nakalista ang pangalan ni Zed sa mga estudyante na nag-aral at nagtapos sa Salvatore high school?
"Teka, akala ko ba home schooled s'ya mula elementary?"
Mukhang kailangan ko pang alamin ang ibang bagay tungkol kay Zed. Naiintindihan ko na kung bakit ganoon na lang ang interes ni Calvin na malaman ang backgrounds ni Zed. Napatingin naman ako sa labas ng bintana. Nakita kong pinagtutulungan na naman si Zed at binubugbog.
"Aish!" Ibinalik ko sa folder ang mga papel na hawak ko. "Mukhang kailangan ko na naman magtrabaho."
Ayoko talaga maging parte ng student council, kung hindi ko lang hinahangaan si Calvin. Tsk.
Sumampa ako sa bintana saka tumalon pababa.
         
Ipagpapatuloy...