KAUSAP NI Bing sa text si Agnes habang hihintay ang pagtawag ng numero niya ng teller ng bangko. Magde-deposit kasi siya ng pera sa kanyang account. At nananahimik siya sa isang tabi nang mabitiwan niya ang kanyang cellphone. Nasanggi kasi siya ng kung sinong walang habas na naupo sa katabi niyang silya. Agad nagkulay pula ang kanyang paningin nang makita ang istorbong lalaki.
Si Benjamin Antonio Junior.
“Ikaw na naman? Talagang wala kang balak na bigyan ako ng katahimikan, ano?”
“Ano ba naman iyang sinasabi mo, Bing? Nag-loan kami ni Val para sa itatayo naming negosyo at ngayon daw kami kakausapin ng manager ng bangko para sa approval ng request namin.” Dinampot nito ang nahulog niyang cellphone at ikiskis iyon sa t-shirt nito bago iniabot sa kanya. “Ingatan mo ang cellphone mo. Paano pa kita matatawagan kung wala ka ng cellphone?”
“At ikaw ang may kasalanan kung bakit ko nabitawan 'to.” Marahas niyang hinablot dito ang cellphone. “At tsaka, bakit mo naman ako tatawagan? Para mang-asar? Huwag kang mag-alala, Benjamin Antonio Junior. Hindi mo na kailangang gawin iyon dahil maisip lang kita e naaasar na ako.”
“Talaga? Iniisip mo ako?” Tinapik nito ang lalaking nananahimik na katabi nito. “’Tol, narinig mo ba iyon? Iniisip daw ako ni Bing.”
“Sino’ng Bing? ‘Yung girlfriend mong hilaw?” Sinilip siya ng lalaki. “Ah, ikaw pala iyon. Mas maganda ka sa personal kaysa sa picture ni Benjie na nasa cellphone niya."
May...picture siys a cellphone ni Benjamin? Nang balingan niya ang binata ay nakangisi lang ito.
“Gusto mong makita?” tanong ni Benjie saka hinugot ang cellphone sa bulsa ng pantalon. “Ang cute mo rito.”
At hayun nga, naka-display sa wallpaper ng cellphone nito picture niya. Parang gusto na niyang batukan ang lalaki nang makita ang itsura niya roon. Kung hindi siya nagkakamali, kuha iyon habang nagbabasa siya ng manuscript sa garden nila. Nakanguso siya habang naka-ipit sa pagitan upper lip niya at ilong ang lapis na ginagamit niya sa pagpi-pinpoint ng mga loopholes ng nobela.
“Anong cute? E, mukha nga akong isdang bisugo diyan. Burahin mo iyan.”
“Ayoko nga. At hindi mo ba narinig ang sinabi ni Val? Mas maganda ka sa personal. Ibig sabihin, maganda ka rin dito sa kuha mo sa larawag ito."
Gusto na ni Bing na paliguan ito ng mura, kasama ng kaibigan nitong lumilipad ang utak sa kabilang panig nito. Ang lakas talagang mang-trip ng dalawang 'to. Pero hindi niya hahayaang mawala ang composure niya nang dahil lang sa simpleng larawan na iyon. Matured na siya para pag-ukulan pa ang isang napakababaw na bagay. Ang hindi lang niya masyadong matanggap ay ang pagkakalat nito na girlfriend siya nito. And then she remembered his bet. Na liligawan siya nito. E ang magaling na lalaki, mas inuna pang ipagkalat na magkasintahan na sila imbes na ligawan siya. Well, hindi naman sa nagrereklamo siya. Kaya lang…
Napaigtad si Benjie nang kurutin niya sa tagiliran. Hindi na kasi siya nakatiis sa mga pinaggagagawa nito sa kanya. Ngunit tumawa lang ito pagkatapos. At tila nalusaw ang anomang ngitngit niya nang marinig ang tawa nito at ikulong nito sa mga kamay niya sa pagitan ng sarili nitong mga kamay at malapad na dibdib. Nabigla siya sa ginawa nito kaya hindi niya napaghandaan ang magiging reaksyon dito. Even her heart seemed to have gained a mind of its own when it suddenly beat like crazy. Lalo na nang mapatitig siya sa mga nakangiting mata ni Benjie. Sa unang pagkakataon, napagmasdan kasi niya nang husto ang mukha nito nang walang anoman siyang ngitngit, pagkaasar o galit na nararamdaman. kumbaga, ngayon lang niya nanamnam ang itsura nito. And, boy, did have a very handsome face.
No wonder nagkaroon ng sariling isip ang puso niya. Marunong pumili. But Benjie will always be Benjie.
“Marunong ka na ring manantsing ngayon, ha?” anito. “Sinong nagturo sa iyo?”
She blinked. Bakit parang hindi niya magawang ialis ang mga mata niya rito? Bakit ganito ito kaguwapo sa kanyang paningin? Bakit tila pareho ng unti-unting nararamdaman niya ngayon ang naramdaman niya noon sa unang lalaking minahal niya? Nawala lang ang paglipad ng isip niya nang marinig ang usapan ng ibang kliyente ng bangko.
“Ang sweet naman nila!”
“Sana ganyan din kapag nanlambing sa akin ang honeypie ko.”
“Dito pa naghaharutan. Hindi na lang humanap ng pribadong lugar.”
Sa wakas ay nagawa na rin niyang mabawi kay Benjie ang mga kamay niya at maibalik sa dati ang malinaw na takbo ng kanyang isip. Tumahimik na rin sa tabi niya ang binata. Ngunit sa gilid ng kanyang mga mata ay nakikita pa rin niya ang pagpipigil nito sa pagtawa pati na rin ang panaka-nakang pagsulyap nito sa kanya saka palihim na kakausapin ang kaibigan nito.
“Hindi ba’t sa loan kayo?” pabulong niyang wika rito nang hindi ito nililingon. “Bakit dito kayo nang-iistorbo? Dapat doon kayo sa kabilang side maghintay.”
“Maganda kasi ‘yung teller dito, di ba, Benj Dude?” baling ni Val kay Benjie.
“Anong Benj Dude? Benj Pogi ako.”
“Rock on!” Nag-high five pa ang mga ito. And then she noticed Val reading something on a piece of paper.
Balak na talaga niyang i-ignora ang mga ito nang muling magsalita si Val.
“Ang tigas naman ng mukha mo, Pare. Mahiya ka nga kay Bing. Ikaw din, baka ma-badshot ka sa kanya. Mababasted ka na naman. Pangatlong beses na iyon kung sakali. Kawawa ka naman pala, ‘no? Maghanap ka na lang kasi ng iba. Hindi naman maganda iyan, wala pang boobs. Tawa—ay. Ha-ha-ha.”
May kung anong tila pumitik sa ilong ni Bing sa mga narinig. Kinalmot niya si Val ngunit napigilan siya ni Benjie na siyang nakapagitan sa kanilang dalawa. Pinilit niyang abutin ang kaibigan nito upang kahit paano ay maibangon ang kanyang pride. Pero niyakap na siya nang husto ni Benjie at hindi na nakawala pa.
“Cool ka lang, Bing,” tatawa-tawa pa nitong wika. “Hindi lalaban sa iyo si Val. Hindi pumapatol iyan sa babae.”
“Ako pumapatol sa lalaki,” nanggigigil niyang wika. “Kahit anong age bracket, lalo na kapag ininsulto ang nananahimik kong mga boobs.”
Pinilit niyang abutin ang kaibigan nito ngunit talagang wala ng balak yata si Benjie na pakawalan siya. Nilingon siya ni Val. Tila pa hindi nito alam kung ano ang ginawa nito sa kanya.
"Ang pangit ng script mo, dude." He stood up when his name was called out by a bank personel. "Next time, ayusin mo ang script mo. 'Yung hindi ko na kailangang mag-adlib. Or else, may bayad na ang pag-arte ko."
Ang kapirasong papel na binabasa nito kanina ang ibinigay nito kay Benjie bago ito nagtungo sa table ng bank manager. Inagaw niya iyon kay Benjie at binasa. Iyon ang mga sinabi ni Val kanina! Kaya pala mukhang nagmo-monologue lang ito habang nagsasalita. Dahil scripted lang ang mga sinabi nito. At si Benjie ang may pakana ng lahat ng iyon. Malakas niyang itinampal sa noo nito ang kapirasong papel saka nagtungo na rin sa counter nang tawagin ng teller ang numero niya.
'Damn you, Benjamin Antonio Junior! Hindi maliit ang boobs ko!'