RHIANNON'S POV
"I know, lahat ay pamilyar na sa Table of Elements. But let's recall it," panimula ng teacher namin sa science, si Sir Cholo at pagkatapos ay nag sulat siya sa whiteboard.
"Anyone, what is the element of Atomic number 115?"
"Ununpentium," mabilis na sumagot si Alec. Pero ako dapat 'yung sasagot eh!
Aba, yabang ah. Sige, ito na ba 'yung sinasabi niyang itutuloy namin sa classroom ang conversation namin kanina doon sa hagdan?
Anyway, si Ms. Nareth ang pinaka-strict na teacher dito sa Heragold. Lahat ay takot sa kaniya dahil iba ang awra niya, para siyang mangkukulam na ewan dahil sa uniform niyang laging nakasuot. Lagi ba namang kulay itim? Tapos 'yung lipstick niya ay kulay itim rin! Para siyang araw-araw na nasa burol.
Natatakot ang mga estudyante sa kaniya dahil pakiramdam nila baka kulamin sila ni Ms. Nareth, eh ang palaging sinasabi ni Ms. Nareth sa amin ay may lahi daw siyang mangkukulam, kaya kung hindi daw kami susunod sa mga guro lalo na sa kaniya ay baka daw hindi siya mag dalawang isip na kulamin kami.
"Very good, how about the Atomic number of Fermium?"
"100."
Syempre ako naman ang sumagot. Napatingin sa akin si Alec pero imbis na inis ang maramdaman naming dalawa ay parang na-excite pa kami. Hindi kami mag katabi pero pareho kaming nasa dulo ng upuan, tapos may isang estudyante lang ang nasa pagitan naming dalawa.
"Very good, Miss Salvador, next... What is the Electronegativity of Yttrium?" Muling tanong ni Sir Cholo.
"1.3," sagot ni Alec. Napatingin naman sa amin ang iba naming kaklase.
"How about the Tin?"
"1.8," sagot ko.
"The Tungsten?"
"1.7," sagot ni Alec.
"Actinium?"
"1.1," sagot ulit ni Alec! Dapat ako 'yung sasagot eh! Ang daya ng lalaking 'to.
"How about the Boiling point of Vanadium?"
"3380," syempre hindi ko na hinayaang mauna ulit si Alec kaya agad ko itong sinagot.
"The Calcium?"
"1484," ako ulit ang sumagot.
"Krypton?"
"-152.3."
Tiningnan ako ni Alec pagkatapos niyang sagutin 'yung tanong ni Sir. Medyo hindi na ako ayos dito, alam kong ramdam niya rin iyon. Parang kami lang dalawa ni Alec ang estudyante ni Sir Cholo, dahil hindi man lang namin binibigyan ng pagkakataon makasagot ang iba pa naming kaklase.
"What is the Oxidation State of Zinc?"
Syempre ayaw din mag patalo ni Sir. Obvious naman na naiinis na siya dahil kami lang lagi ni Alec ang sumasagot pero hindi siya tumitigil sa pagtatanong.
"+2," kalmadong sagot ni Alec at saka niya pinag-cross ang braso niya at dinikit niya ito sa kaniyang dibdib. Sumandal naman siya sa upuan niya at deretsong nakatingin sa harapan.
"The Technetium?"
"+4,6,7," ako naman ang sumagot.
"Neodymium?"
"+3." Napatayo kaming pareho ni Alec dahil sabay kaming sumagot. Nakasalubong na ang mga kilay niya at nakakunot naman ang noo ko.
"Cesium?"
"+1," muli na naman kaming sabay sa pag sagot.
Huminto sa pag tatanong si Sir Cholo. "You two are very good, Miss Salvador and Mister Montreal but your classmates also need to answer. Yes, you two are smart pero tandaan niyong hindi lang kayong dalawa ang estudyante ko."
"Omg, kasali pa pala kami sa section na 'to? Akala ko 'di na kami belong,"
"Akala ko 'di na kami estudyante,"
"Alam ko din 'yung sagot eh... pero sige na nga kayo na lang sumagot. B*bo nga pala ako..."
Pareho kaming tiklop ni Alec dahil sa hiya. Hindi ko alam kung matatawa ba ako o maiinis sa mga kaklase namin dahil sinira nila ang sagutan namin ni Alec o matutuwa na lang dahil sa mga komento nila.
"Kayong dalawa, upo. Huwag muna kayong sasagot hanggat hindi ko sinasabi. Let your classmates bring out their talents through my questions. Do you understand?"
"Gagi, ako na walang talento, wala pang talino, saklap."
"Hahaha, ako nga b*bo eh,"
"Ako na wala talagang alam, pero tanggap ko naman na ganda lang ambag ko sa mundo,"
"Ako na walang ibang ginawa kundi mangopya lang..."
Marahan kaming tumango at dahan-dahang umupo sa mga upuan namin. Tinapunan ko muna ng tingin si Alec bago ko ipag siklop ang mga kamay ko. Tinapunan niya rin ako ng tingin bago niya ako ngisian. Nilakihan ko naman siya ng mata.
Ang paaralan namin ay tanging mayayaman lang ang puwedeng makapasok. Hindi ako mayaman pero nagawa kong makasali sa scholar ng school. Actually tatlong estudyante lang sa bawat taon ang nakukuhang scholar, minsan nga wala pa. At nagawa kong mapili, at saka siguro dahil na rin sa tulong ng pinag sisilbihan ng ate ko.
Si Alec naman, malaki ang share ng pamilya niya sa Heragold pero hindi siya 'yung tulad ng ibang mayaman na gagamitin ang kapangyarihan at pera para sa sariling kapakanan. Ang pamilya Montreal ay kilalang-kilala sa buong bansa, hindi lang 'ata sa buong bansa dahil pati sa iba't-ibang parte ng mundo kilala sila pati ang negosyo nila.
So ayun nga, si Alec 'yung tipo ng mayaman na humble. Hindi man halata pero gano'n na nga, hindi niya binibigyan ng suhol ang mga guro para itaas ang mga marka niya. Dahil siya mismo ang gumagawa ng paraan para tumaas ang marka niya.
Wala pa din siyang na bully dito sa Heragold. Wala nga yatang nag rereklamo sa kaniya, minsan kasi mabait siya sa iba pero ramdam ko naman na nag papanggap lang 'yon na mabait. Joke lang, mabait siya para sa iba dahil lagi siyang tumutulong minsan naman ay tahimik siya. Kasi kapag tahimik siya, nag-aaral siya ng lesson. Advance reading, gano'n!
"How about the Rhenium, sino sa in'yo ang may alam lahat ng information ng element na iyan sa Table of Elements? Kahit hindi lahat, kahit mga uses lang, anyone?"
Biglang natahimik ang buong classroom ni yata pag hinga nila ay pinigilan nila. Puwede bang sumagot?
"Anyone?" muling ulit ni Sir Cholo pero 'yung mga kaklase namin bigla na lang may ginawa at may biglang hinahanap sa kisame. 'Yung iba nasa labas na ang tingin at iniiwasan ang pamatay na tingin ng teacher namin sa science.
Napakagat ako ng labi at napatingin kay Alec. Napatingin din siya sa akin at parang nag hahanda na siya sa pag-sagot. Hindi puwedeng maunahan ako ng lalaking 'to, dapat ako ang makasagot. Kailangan ko lang mag taas ng kamay at kailangan mabilis para hindi ako maunahan ng Alec na 'to!
"Fine—,"
"Rhenium, Atomic number (75), Symbol (Re), Atomic weight (186.207), Oxidation State (-1,6,7), Melting Point (3180), Boiling Point (5627), Density (21.04), Electronegativity (1.9), Electronic Configuration (Xe- 4f¹⁴ 5d⁵ 6s²), From Rhine of Germany, Rhenium is a silvery-white metal; it is the second highest melting point. It is also one of the densest, exceeded only by platinum, iridium and osmium. Discovery; 1925 by Walter Karl & Ida Tacke Noddack of Germany. Uses; Photoflash lamp, Thermocouples, Electrical devices, Ion gauges."

Mahirap mang paniwalaan pero sabay na sabay kami ni Alec sa pag sagot. Kaya kaming dalawa ay parehong kinakapos ng hininga. Para kaming tinakasan pareho ng hangin sa loob ng katawan dahil sa bilis naming pag sasalita.
At syempre, si Alec ang karibal ko dito sa school. Sa lahat actually. Kinamumuhian ko ang lalaking 'to, ang sabi nga ng mga kaibigan ko bakit daw pinapatulan ko pa si Alec eh sobrang gwapo niya daw, anong connect? Alangan namang hindi ko siya patulan kung sumosobra na siya 'di ba? Porket gwapo? Bawal ng patulan, gano'n?
Ay well, wala naman pala siyang ginagawa sa akin. Gano'n din ako sa kaniya pero alam naming pareho na hindi kami magkakasundong dalawa. Marinig ko nga lang ang boses niya, kumukulo na ang dugo ko dahil naiirita na ako sa kaniya.
Kapag naman pagdating sa bangayan, aaminin kong natatalo niya ako kasi ang lakas ng trip niyang asarin ako! Kahit sino namang tawagin niyang unggoy, aso, kabayo at kung anu-ano pang panlalait na itsura ay sinasabi niya sa akin, kaya paanong hindi ako maiinis 'di ba?
Sa katunayan niyan, napakarami niyang fandom dito sa school. Ang dami niyang taga-hanga, pero gaya nga ng sabi ko, humble siya na mayaman. Kasi hindi siya nag yayabang, pero pagdating sa akin kung makapag yabang akala mo naman siya na pinaka-gwapong lalaki sa buong mundo.
At saka 'yung mga fans niya, may toxic at may normal naman. Pero tinatarget ako ng mga toxic niyang fans. Hindi naman nakakapag taka kung madami siyang fans eh, sa sobrang yaman ba naman ng pamilya niya at kung paano niya itrato ang mga tao sa paligid niya ay siguradong dadami talaga ang fans niya.
Pero malakas talaga kutob ko eh, pinepeke niya lang 'yung behavior niya sa harap ng mga tao para hindi magkaroon ng scandal ang pamilya Montreal. Syempre kapag mayaman ka at kilala ka, 'yung mga kaaway mo gagawa 'yan ng paraan para masira ang imahe mo sa maraming madla.
"I'm done. I am really done here. Tama na ito, sana ay may natututunan kayong lahat sa lesson. Mag kita na lang ulit tayo bukas pero siguraduhin niyo na hindi lang si Miss Salvador at Mister Montreal ang sasagot sa mga katanungan ko, dahil ang hindi makakasagot sa recitation bukas ay tatayo sa harap ng whiteboard hanggat hindi natatapos ang oras ng lesson natin, naiintindihan ba?"
"Yes, Sir!"
Kinuha ni Sir Cholo ang kaniyang bag at laptop at saka siya lumabas ng classroom namin. Gumawa na nang ingay ang mga kaklase namin kaya nabalot kami ng malalakas na tawanan at kwentuhan.
Pero napatingin ako kay Alec, masama ang mga tingin niya sa akin. Tinaasan ko naman siya ng kilay at saka ako nag bato ng salita sa kaniya.
"Problema mo?" Nakangiwing tanong ko.
"Ikaw. Ikaw ang problema ko. Panira ka ng buhay, sabagay para kang anay. Hindi lang bahay ang sinisira mo, pati na rin buhay ko!"
"Ah talaga ba? Sad boy yarn? Hindi mo tanggap 'no? Natalo na naman kita ngayon, talunan ka kasi!"
"Paano mo ako natalo, sige nga paki-isa-isahin sa harapan ko baka mabigyan pa kita ng award. Ano bang gusto mo, Best in Recitation goes to... Rhiannon Salvador? Ilang award ba gusto mo, sampu?"
"Problema mo ba, Alec?! May nagawa na naman ba ako sa 'yo ha?! Inaano kita jaan?!"
"Guys, war na naman ba this?"
"Guys, awatin niyo na sila ..."
"Ikaw nga kasi 'yung problema ko! Bingi ka? Hindi mo narinig? Gusto mo gamitin ko pa 'yung mic para isigaw sa 'yo na ikaw ang problema ko?"
"Anak ng—,"
"ENOUGH!"
Sabay naming nilingon ni Alec ang estudyante na nasa gitna namin. Nakasuot siya ng makapal na salamin kasi nerd siya, nakapikit ang mga mata niya ng madiin nung sumigaw siya.
Nakalimutan kong may tao pala sa gitna namin. Oops...
"Why are you always fighting in front of me?! You are always fighting in front of me, and you didn't even let me answer Sir Cholo's questions."
Napasara ako ng bibig dahil sa tono ng pananalita ni Elvin, ang nerd sa klase namin at ang anak ng Headmistress ng Heragold.
"You are always fighting, especially in the upcoming election! Don't forget that you two are not the only ones running for the SSG president's candidacy, because I am also one of those who will run for that position! Now, shut your mouths and be quiet! I don't want to hear another word from you two. I warn you two... shut up."
"Luh, scary naman Elvin pero you looked hot, huh?"
"I agree! Nerd niyo ready na maging pressy... hahaha!"
//