Sa isang madilim at masukal na kagubatan. Tahimik kong tinatahak ang isang daan na hindi ko alam kung saan ang patutunguhan habang tumatakbo ng nakapabilis. Matataas na puno at damo ang aking nadadaraanan. Puno na ng sugat ang aking mga paa ngunit hindi pa rin ako tumitigil sa pagtakbo.
Luha na walang tigil sa pag agos galing sa aking mga mata gawa ng takot at pagluluksa na di ko magawang punasan dahil isa lang ang nasa isipan ko ngayon, ang makalabas dito ng buhay.
Pinakiramdaman ko ang aking paligid at nang mapansin ko na nawala na ang mga sumusunod sa'kin umupo ako sa ilalim ng isang malaking puno at doon nagpahinga saglit. Nakakabingi ang katahimikan rito. Nagmasid masid ako sa aking paligid at naging alerto dahil baka nandito lang ang mga sumusunod sa'kin.
Tinignan ko ang aking mga paa at nakita ko na ito'y puno ng sugat. Makikita ang sariwang dugo na dumadaloy pa galing rito. Mabuti at may dala akong isang panyo at dahan dahan ko itong pinahid at tinali sa aking sugat.
Naging alerto ako nang may narinig ako na yapak ng mga paa papunta sa direksiyon ko. Tinakpan ko ang aking bibig upang di makagawa ng kahit anong ingay.
Nakahinga ako ng maluwag nang mawala na ang ingay ngunit nagulat ako nang pagtingin ko sa aking gilid ay may nakatingin sa akin na ang isang batang babae, nakangiti ito sa'kin. Nakadamit ito ng kulay puti at kulay pula ang kanyang mga mata, mala porselana ang balat at kulay itim ang kanyang buhok.
"Sino ka?" tanong ko sa kanya ng pabulong.
Mariin n'ya akong tinitigan at dahan dahang humakbang papunta sa akin. Nagulat ako nang bigla n'yang hinawakan ang aking kamay at tinulungan ako sa pagtayo.
Hindi pa rin nawawala ang kanyang mga mala anghel na ngiti ngunit ito'y nakakapatayong balahibo dahil napapansin kong may mali.
Alam n'yang hindi dapat s'ya basta basta magtitiwala sa mga makikita n'ya at makikilala dito. Nakakaramdam s'ya ng panganib.
"Follow me. It's not safe here outside." she mouthed while looking at me.
Nagdadalawang isip man ay sumunod ako sa kanya dahil wala na sa tamang huwisyo ang aking pag iisip gawa ng sobrang takot.
Nagsimula kaming maglakad ng dahan dahan. Ang dilim na at masasabi kong malapit ng magpakita ang bilog na buwan sa kalangitan.
Alam kong mas delikado sa gubat tuwing sasapit ang gabi dahil doon lumalabas ang mga mababangis na hayop upang maghanap ng kanilang pwedeng makain. Kailangan kong makaalis dito agad.
Hindi ko alam kung saan ang patutunguhan namin nitong babaeng kasama ko. Hindi ko alam kong saan n'ya ako dadaldalin. Hindi ko ito kakilala kaya hindi dapat ako magtiwala agad baka may masama itong balak.
Isa man lang s'yang hamak na batang babae ngunit nasaksihan ng sarili kong mga mata kung paano kahiwaga ang lugar na ito dahil nakasalimuha ako ng mga taong hindi pangkaraniwan. Mga taong may mga mahika at isa sa mga dahilan na nawalan ako ng isa sa mga pinaka mamahal sa buhay.
Si Mommy Chastity.
Huminga ako ng malalim. Siguro ay dapat ko ng tanungin itong kasama ko kung saan kami patungo baka nililigaw na n'ya ako.
"Saan tayo pupunta?" nagtatakang tanong ko sa kanya habang lumilinga linga sa paligid ko.
Tahimik lang kaming naglalakad, mahigpit ang hawak ng batang babae sa kamay ko. Mga ilang minuto na paglalakad ang ginawa namin at nagulat ako nong bigla s'yang bumitaw sa pagkakahawak at tumigil sa paglalakad.
Nagtataka man ay nagtanong ako sa kanya "May problema ba? Ba't ka tumigil?" garalgal ang aking boses sapagkat bumalik na naman ang aking takot.
Dahan dahang humarap sa'kin ang batang babae at nagulat ako sa aking nakita.
Ang kaninang inosenting mga pulang mata n'ya ay mas lalong naging pula na kulay dugo na nanlilisik ngayon habang nakatingin sa'kin, ang mga ngipin n'ya ay naging mga matutulis na pangil na parang gaya sa mga bampira, ang mga kuko n'ya na ngayon ay sobrang tulis at haba na kung sino man ang makalmot nito ay siguradong mamatay agad.
Para itong isang halimaw na gutom at handa na akong kainin. Naglalaway ito at biglang nag iba ang anyo. Kanina ang isang inosenting batang babae ay naging isang halimaw na uhaw na uhaw sa dugo. Para itong nanabik na matikman s'ya.
Nanginig ako sa takot habang nakatingin sa kanya habang dahan dahang umaatras.
Kaya walang alinlangan akong tumakbo papalayo sa kanya. Pagod na pagod na aking katawan ngunit mas nangingibabaw ang kagustuhan ko na makalabas dito ng buhay. Takbo lang ako ng takbo abot sa aking makakaya at taimtim na nanalangin na sana isa lamang itong panaginip.
Isang bangungot na sana pag gising ko ay wala na itong lahat at bumalik sa dati kong buhay bago mapunta dito.
Lumingon ako sa halimaw na sumusunod sa'kin ngayon ngunit hindi ko napansin na may isang malaking sangang nakaharang sa harapan ko na naging dahilan na nabangga ako rito at biglang nawalan ng malay.
Bago ako lamunin ng kadiliman ay may isang pigura ng taong tumakbo papunta sa'kin.
Kung sino ka man, tulungan mo'ko.