"I THINK we need to stop this chikahan and let's start to swim na para maging ligtas na ta—ay palaka!"
Hindi ko na natapos ang sasabihin ko kasi bigla ako nitong binuhat na parang pangkasal.
"I'll just carry you." aniya.
"Ba—Bakit mo ko bubuhatin?" utal na tanong ko.
"Hmn?"
"Napapagod na ko kaka-English. O siya, siya, sige na, kung saan ka masaya. Fine, carry me as long as you want. Hindi na kita pipigilan, isa pa medyo pagod na rin naman ako." Pero infairness ang sweet niya. Kinikilig tuloy ako. Habang siya naman ay bahagyang natawa lang.
Hala, anong nakakatawa sa sinabi ko? Kapag lang talaga nalaman ko na marunong or nakakaintindi siya ng tagalog, makakatikim siya sakin ng sipa sa mukha. Aba'y pinahirapan niya kaya akong mag english. Natuyot na 'yong utak ko.
"Why are laughing? Is there anything funny in what I said?" tanong ko.
"Nothing, i just find you... so cute."
"Ehe, ehe. E, I'm so very cute naman talaga e."
So ayon nga dahan-dahan naming nilangoy—ay oo nga pala, si Mr. Ae lang pala ang lumangoy, and actually hindi niya nilangoy kundi nilakad nya lang pala kasi nga hanggang dibdib lang naman niya ang tubig. Habang ako heto parang tukong nakayakap sa leeg niya.
Amoy na amoy ko 'yong leeg niya. Ano ba iyan! Ang daya naman! Nandito na nga kami sa sapa na may mga basura pero heto siya ang bango-bango pa rin. Samantalang ako heto nagliligata, sana lang talaga hindi siya magreklamo sa amoy ko. Feeling ko kasi amo'y langib na ako–chariz lang. Hahaha!
Kasalukuyan pa rin kaming lumalangoy sa sapa ng biglang sumulpot 'yong mga gunggong. Dahilan para mapahinto kami.
"Boss hindi namin makita!"
"Hindi pwedeng hindi n'yo siya makita!" galit na sigaw nito.
"Boss hindi kaya may tumulong do'n sa lalaki? Kasi isipin mo boss bakit bigla na lang tayo sinugod ng aso kanina? Tiyak na may nag-utos do'n."
"Gago! Sinong tanga ang mag-aalaga sa asong ulol na iyon? Gumagawa ka pa talaga ng palusot! Ang sabihin n'yo mga tanga talaga kayo! Puro kayo palpak!"
"Grabe naman 'to, ang bait-bait kaya ng Meyo ko. Hindi siya asong ulol, kayo ang mga ulol!" galit na bulong ko, at hindi ko na napigilan pa, nahampas ko 'yong tubig, dahilan para makagawa ito ng ingay na kumuha sa atensyon ng mga lalaking naghahanap dito kay Mr. Ae.
"Boss ano iyon?" ani ng isa sa kanila sabay tapat ng flashlight sa direksyon namin.
Akala ko makikita na nila kami, buti na lang naging alerto itong si Mr. Ae, at agad akong hinatak pailalim sa tubig.
At nagulat ako at sa sunod nitong ginawa... Paano ba naman kasi pagkalubog na pagkalubog pa lang namin sa tubig ay agad niyang hinawakan ang batok ko at... inilapat ang labi niya sa aking labi. To make it short... HINALIKAN NIYA AKO!
My first kiss... wala na! Gusto kong maiyak kaso hindi ngayon ang tamang oras para mag-inarte at magdrama ako.
Wish ko lang na sana pogi siya para naman kahit papaano sulit 'yong first kiss ko. Waahhhh!... My first kiss!
Ang posisyon namin since medyo mababaw nga 'yong sapa ay nakahiga ito habang ako naman ay nakadapang nakapatong sa kanya. At ang isang kamay nito ay nakahawak sa bewang ko.
I know ginawa n'ya lang 'to para bigyan akong hangin.
Magkalapat ang mga labi namin habang ginagamit namin ang hangin ng isa't isa.
Ang lambot ng labi n'ya. Halatang alagang petroleum jelly. Nahiya naman 'yong labi kong ubod ng dry.
At ito na namang puso ko bakit bigla na lang naghurumentado sa tibok?
"Ano ba 'yong tinitignan mo diyan?"
"Eh boss may narinig kasi akong kung ano diyan sa tubig."
"Gago baka isda lang iyon! Imbes na kung ano-ano 'yong hinahanap mo dyan, bakit hindi na lang 'yong pinapahanap ko sa inyo 'yong hanapin mo!"
"Boss ka—"
"Maghanap na kayo! Habang tumtagal na hindi n'yo siya nakikita ay may posibilidad na tuluyan ng makatakas iyon! Tiyak na wala na dito iyon. 'Yong sasakyan n'ya ba may nagbabantay?
"Oo boss nag iwan ako ng isang taong magbabantay do'n"
"Good. O sige na bumlik na kayo sa paghahanap!"
Siniguro muna naming wala na sila bago kami umahon. Halos maghabol ako ng hininga pagkaahon na pagkaahon namin. Gusto kong lumayo dito kaso hindi ko magawa kasi baka once na bumitaw ako dito ay malunod ako.
"I'm sorry for what I did." nababahalang anito.
"I-It's okay–It's okay." naaalarma kong sabi."Maliit na bagay pasalamat ka masarap ang labi mo" bulong ko.
Wala na kaming sinayang pang oras, nagpatuloy na ulit si Mr. Ae sa paglangoy hanggang sa wakas makarating na kami sa likod ng bahay namin.
Medyo masukal ang likod ng bahay namin. Wala na kasi si Papa, patay na, kaya wala ng palaging nagtatabas ng mga halaman at mga damo-damo dito. Kaya ayan malago na. Para tuloy kaming nasa gubat.
Haist! Tama na nga, baka maiyak pa ako. So ayon nga dahan-dahan akong inangat ni Mr. Ae sa lupa, pagkatapos siya naman itong umahon. At pagkaahon niya ay bigla siyang humilata sa lupa na parang pagod na pagod. Sabagay paanong hindi siya mapapagod e ang daming nangyari sa kanya. Kawawa naman siya. Ano na lang kaya mangyayari sa kanya kung hindi namin siya nakita at tinulungan ni Meyo. For sure baka napatay na siya ng mga tarantado na iyon. Speaking of Meyo, ano kayang nangyari sa kanya? Sana naman nakauwi na siya ng ligtas.
"Ahm Mr. Ae, tumayo ka na diyan." ani ko habang hinihila ang dalawang kamay niya patayo.
Mukhang naintindihan naman niya ang gusto kong iparating. Kahit nahihirapan ay dahan-dahan siyang tumayo. Agad naman akong umalalay sa kaniya.