Chapter 6: Name
HINDI pa kami nakakapagsabi kay Lola Liah ayos na iyong mga gamit namin na dadalhin sa after party na inalok ni Mark.
Pamalit na damit lang and mga make ups and everything.
“Ikaw magsabi kay Lola ah,” sabi ko kay Cynthia na nakadapa sa kama abala sa pagpo-phone.
Sumimangot siya, “bahala ka! Ikaw naman ang inaya di ba, kaya ikaw ang magsabi.”
Umayos ako ng upo sa maliit na mesa sa sulok ng silid namin, itinaas ko ang paa sa upuan sa tabi. “ikaw na, Luna.”
“Bakit ako?”
I pouted and scratched my forehead, “eh... natatakot ako kay Lola.” Pag-amin ko.
Nakakatakot talaga si Lola. Minsan lang naman kapag nagagalit siya saka kapag hindi nasunod agad ang utos niya, papaluin niya kami ng tambo. Diyos ko! Ang sakit pa naman. Saka kapag magpapaalam kami na gagala, mga ganiyan, kapag inutusan ka niya sa gawaing bahay payag iyon pero kapag tumahimik lamang siya ‘wag ka nang umasa. Stay at home ka!
“Sino bang hindi?” ani Selena na nakadapa sa sahig. Abala sa pag-gu-gupit ng mga pictures na nakita sa magazine na nakatago sa cabinet tapos ididikit niya sa isang notebook na ginawa rin niya.
“Ano ba ‘yang gagawin mo diyan, Sel?” usisa ni Levy, “pagalitan ka pa ni Lola niyan.”
“Hindi na naman ginagamit ito.”
Bumaba ako sa mesa na inuupuan saka tumabi kay Selena sa sahig. Kinuha ko ang isang magazine na hindi pa nagugupit saka binasa at tiningnan ang litrato.
Hindi ko naman mga kilala ang nasa picture saka wala namang article na nakasulat kaya binitiwan ko na. Tumabi na rin sa amin si Cynthia, binitiwan na ang phone saka iniwan sa kama. Kinuha niya ang magazine na hawak ko kanina saka binuklat.
“Oh? Hindi pa naman ‘to mga luma bakit ginugupit mo na?” binuklat pa niya ng binuklat ang magazine. “Hala ka, Selena.”
“Bakit ba?” nakangusong tanong niya.
Ipinulupot niya ang magazine saka ipinalo sa balikat nang kapatid. “Gaga! Hindi mo tiningnan ang date. Last year lang ‘to e,” muli niyang binuklat ang magazine. “Ayan oh. Last year lang. Saka si Shamia Sandler ang cover, hindi mo nakilala?”
Dinungaw ko ang cover na ipinapakita niya. “Sandler pala ‘yan?”
Well, hindi talaga ako familiar sa mga sikat na tao sa showbiz dahil wala naman akong mapapala sa kanila saka wala akong hilig. Maganda iyon babae saka halata sa kutis at tindig niya na mayaman at sobrang sexy.
Hindi rin naman ako familiar sa mga mayayaman sa bansa dahil hindi naman kami mayaman. Nakakaraos din lang sa buhay. Iyong Daddy ni Kuya Jared at Kuya Jed ang mayaman, iyong unang asawa ni Mama. Kaso naghiwalay din, I don’t know the issue dahil walang bumabanggit sa bahay.
And yes, my Kuya’s are just my half brothers. Pumupunta sila sa bahay para kay Mama tapos umuuwi din sila sa Daddy nila dahil doon naman sila nakatira talaga.
“Oo. Di mo ba nakikita sa Cuarteros ‘yan? Sa college department?”
“Hindi.”
Napatingin kami lahat sa pintuan ng bumukas iyon at iniluwa si Amaris na naksimangot. Umupo siya sa tabi ko sa sahig, “nagsabi na ako kay Lola.”
“Well, I think I know the answer.” Ani Levy.
Tumango si Amaris. “Tumahimik lang.”
Napangiwi ako. Paano na ‘yan? Hindi kami makakasama sa after party ng pagka-panalo sa liga ng Brgy Tagum.
Nagkibit-balikat si Luna, may naisip na naman na kapilyahan. Kahit summer lamang kami nagkakasama-sama ay alam ko na ang takbo ng mga isip niya at nang mga pinsan ko.
“Tatakas?” maang na tanong ni Selena. Tinigilan na ang paggugupit.
Malakas na tumawa si Levy kaya napangiwi ako. Ilang beses na naming ginawa iyon kada summer na magba-bakasyon kami. Lalo na kapag hindi kami pinapayagan na lumabas sa gabi. Minsan kasama ang boys, minsan naman hindi.
At sa ilang beses na iyon, two times na kaming nahuli ni Lola. At ang punishments, maglinis ng bahay, garden and magluto, maghugas, lahat na. Amin ang lahat ng gawaing bahay. Minsang nawalan pa ng tulo sa gripo, pinag-igib kami sa tapat ng barangay hall e anlayo-layo nun.
Tagaktak tuloy ang pawis namin tapos doon na rin kami pinaligo ni Lola, umuwi tuloy kaming basa saka hindi satisfied sa paliligo dahil nga ang daming umiigib rin.
Bukas tatakas na naman kami and I wish hindi kami mahuli dahil baka parusahan na naman kami.
Matapos ang ilan pang kwentuhan ay natulog na kami. Tabi-tabi kami sa kama, pahalang sa kama ang higa namin para maluwag pa rin ang pwesto namin sa pagtulog.
Nasa kalagitnaan na nang gabi ng maalimpungatan ako dahil sa mahihinang katok sa pinto at ang marahang pagbangon ni Amaris sa tabi ko.
Madilim sa silid kaya hindi niya mahahalata na gising ako at pinapanuod siya na lumapit sa pinto. Nag-usap sila nang kung sino ang nasa pinto. Mahina iyon pero dahil sa katahimikan ng gabi rinig na rinig ko.
“What are you doing here?” bulong ni Amaris.
“I missed you,”
“Magkasama lang tayo kanina ah?” natatawang ani Amaris. “Matutulog na ako,”
“Tabi na tayo kasi,” ungot ng nasa labas.
Nanlaki ang mata ko nang mai-analyze ng utak ko kung kanino iyong boses. Denmark? What the!? Ano bang meron sa kanilang dalawa?
Hindi ako nakatiis. Bumangon ako saka tinawag ang babae. “Amaris, sino ‘yan? Matulog na.”
Gulat siyang humarap sa akin saka malakas na naibagsak ang pinto sa sobrang gulat. “Eula, gising ka pa pala. Ah—ano, si Den may itinanong lang.”
“Hmm,” kunwari’y balewalang sabi ko kahit na ang totoo ay binabagabag ako ng aksyon nila sa isa’t-isa.
Muli siyang tumabi sa akin at nagkulubong ng kumot. Naiiling na humiga na rin ako saka natulog.
TANGHALI na ako nagising kinabukasan. Panibagong hindi ako ginising ni Lola. Hindi kasi iyon pumapayag na hindi sabay-sabay kumain. Ako na lang ang nasa kwarto.
Inot-inot na bumangon ako sa kama saka nagtungo sa banyo at naghilamos. Pinasadahan ko lamang ng kamay ang aking hanggang baywang na buhok saka lumabas ng kwarto.
Naabutan ko sa sala sina Lester, Aerol, Luna, Cynthia at Levy. “Nasaan sina Sel?”
“Nasa kusina si Amaris at Denmark, kumakain. Si Selena naman nasa labas, sa likod. Ewan kung ano na naman ang trip.” Sagot ni Aerol.
Si Selena kasi ay model wanabe at photographer ‘kuno’. Ang hilig niya magselfie, magpicture sa paligid at siya rin ang taga picture namin. Cell phone nga lang ang gamit niya pero maayos naman ang quality.
“Si Lola pala?”
“May pasyon daw sa kabilang barangay. Sinundo kanina noong mga kasama, baka bukas na rin daw siya makakauwi o next day dahil matagal daw iyon.” Ani Lester.
“Ano iyong pasiyon?” kunot-noong tanong ko.
Levy shrug her shoulder, hindi rin alam kung ano iyon.
“Itinuturo sa school iyon, hindi niyo alam?” mayabang naman na sabat ni Luna.
“Oh, ano pala?”
“Hindi ko rin alam.” Aniya saka malakas na tumawa.
Iiling-iling akong nagpunta sa kusina. Naabutan ko ang dalawa doon na masayang kumakain. Hindi ko sila pinansin. Kumuha ako ng plato saka lumapit sa rice cooker at sumandok ng kanin saka lumapit sa mesa at kumuha ng ulam. Tapos ay lumabas na rin ako at kumain ay sa sala kung nasaan ang iba ko pang pinsan.
“Ba’t hindi ka sa kusina kumain?” tanong ni Aerol.
Tumabi ako sa kaniya, “dito na lang.” Lumapit sa akin si Lester saka dumampot ng adobo sa plato ko. “Bastos naman nito! Akala ko kumain ka na?”
Inisang subo niya ang karne saka nakangising bumaling sa akin, “isa lang, bawal?”
Tinabig ko ang kamay niyang akmang kukuha na naman. “Ano ba!? Baka madumi yang kamay mo e,”
“Arte ni Eula na apo ni Eulo!” kantiyaw ni Lester saka umupo sa kabilang couch.
Sinamaan ko siya ng tingin saka sumubo ng kanin at ulam. Nasa kalagitnaan ako ng pagkain nang si Aerol naman ang dumukhaw sa pinggan ko.
“Penge,”
Pinabayaan ko na lang. Mabu-buwisit lang ako kapag sinaway ko sila tapos hindi naman maniniwala.
Alas tres ng may marinig kaming nagtatawag sa gate. Si Luna ang sumungaw, excited kasi. Na-crush-an ata iyong James na kabarkada nila Mark.
“Nandiyan na.”
Sabay-sabay kaming lumabas, ini-lock ang bahay.
“Kayo ang bahalang magpaliwanag kay Lola Liah kapag nahuli tayo, ah.” Bulong-bulong ni Lester sa likod.
Naglalakad na kasi kami papunta sa bahay raw ni James. Hindi pala bahay, rest house lang daw na malapit sa tabing dagat. Hindi naman daw gaanong malayo kaya lalakarin na lang saka hindi naman na gaanong masakit sa balat ang sikat ng araw.
“Mabuti naman at pinayagan kayo,” ani Mark sa akin. Kasabay ko kasi siya.
Nagtawanan ang mga pinsan ko na nakarinig sa hulihan. Nagtataka naman na bumaling sa kanila ang binata pero nginitian lamang nila. Hindi naman kasi kami pinayagan, tumakas kami.
Ilang minutong lakaran pa at nakarating na kami sa rest house ng kaibigan niya. Maganda ang bahay. Pwede na nga iyong tirhan ng isang malaking pamilya. Pero dahil mayaman naman ata ang kaibigan niya its not a big deal. Ganoon din kasi sila Kuya Jared, maraming mansion na pwedeng-pwedeng tirhan.
Umupo ako sa swing na nasa garden habang pinapanuod ang mga bulaklak sa hardin sa likod. Dinadapuan iyon ng maraming paru-paro despite the place dahil nga may kalapitan ang lugar sa dagat.
Nasa loob ang mga pinsan ko kasama ang basketball team.
“Hey Eula,”
Nakita ko ang papalapit na si Mark. “Hi!”
“Anong ginagawa mo dito?” umupo siya sa katabing swing.
“Wala naman akong gagawin sa loob saka gusto kong malanghap ang simoy ng hangin na galing sa dagat. Nakaka-relax.”
Mahina siyang humalakhak. “Eula...”
“Hmm?”
“Hah?” tila natauhan siya sa pagbanggit sa pangalan ko. “Ah, wala lang. Ang ganda lang ng pangalan mo,”
I feel my face flushed. Umiwas ako ng tingin sa kaniya dahil nahihiya ako na baka makita niya ang pagba-blush ko.
Pero nang may maalala ay lakas-loob akong bumaling sa kaniya. “Ah, ano nga palang pangalan mo?”
Malakas siyang humalakhak. “Oo nga pala.” Tumayo siya saka naglahad ng kamay sa harap ko. “I am Mark Limuel Reverente. Hi, Eula!”