Chapter 2: Meet
Gabi na ng ibaba ako ng jeep sa tapat ng bahay ni Lola. Nakabukas na ang lahat ng ilaw sa paligid ng bahay. Maging ang ilaw na nasa bawat kanto ng bakod at sa gate.
Mababa lang naman ang gate pwedeng humakbang lang pero dahil bahay ni Lola at medyo istrikto nagtawag pa rin ako.
“Tao po! Lola, nandito na po ako!” Putok-litid na sigaw ko.
Hinimas-himas ko ang braso ko dahil sa biglang pagsimoy ng malamig na hangin.
Bakit ba kasi hindi na lang long sleeve ang isinuot ko. Naka-backless blouse lang kasi ako saka short-shorts at pinaresan ko ng converse rubber shoes.
“Lola Liah!” muling sigaw ko. Bakit ba kasi walang door bell itong bahay ni Lola. Pwede naman sigurong i-upgrade at palagyan 'no?
Nilalamig na ako. Ang lamig ng hangin talaga tapos medyo may kalayuan ang mga kapitbahay.
Sisigaw pa sana ulit ako ng bumukas ang front door at lumabas doon si Cynthia. Pinsan ko siya at kaedad ko. Parehas kaming grade ten at mag-gi-grade eleven sa pasukan.
“Eulabeiah!” tumatakbong tili niya palapit. Pabalyang binuksan niya ang gate kaya gumawa iyon ng nakakabinging ingay.
Bigla tuloy siyang natahimik at tinakpan ang bibig. Maging ako ay ganoon din ang ginawa.
Nang tuluyan siyang makalapit tahimik kaming nagyakap at nagtitili.
“Cynthia!”
“Beiah!”
Kinuha niya ang maleta ko at siya na ang nagbitbit papasok.
“Kumusta ka naman? Ginabi ka ng biyahe.” Lumingon pa siya sa likuran tila tinitingnan kung may naghatid sa akin.
“Wag kang tumingin diyan, walang naghatid sa akin.” I pouted. “Pinagbiyahe ako mag-isa.”
Kita ko ang hinayang sa mukha niya. Napairap ako, alam ko naman kung sino ang inaasahan niyang maghatid sa akin.
“Nasaan ang mga kapatid mo?”
“Duh! Kailan pa sumama sa bakasyon ko dito iyon? Alam mo naman sila.”
Yes. Sina Kuya ang hinahanap niya.
“Itinuturing naman namin silang pinsan din, ah?” bakas sa boses niya ang panghihinayang kaya natawa ako.
Lagi na lang siyang ganyan, sila, kasama ang iba ko pang babaeng pinsan tapos pagtatawanan sila ng mga kasama naming lalaki.
Naabutan ko si Lola at ang mga pinsan ko sa kusina. Naghahain na si Lola.
“Lola!” bati ko. Lumapit ako sa kaniya saka yumakap at humalik sa pisngi.
Kumaway ako sa mga pinsan ko na nagtawanan. Ang arte ko daw kapag kumakaway ako kaya ganoon lagi ang ginagawa ko. Pang-asar.
“Kumusta ang biyahe mo, Hija?” ani Lola habang inaalalayan ako paupo sa silya katabi ni Selena.
Si Cynthia ay inihatid pa ang gamit ko sa silid na inu-okupa nila. Tabi-tabi kaming natutulog na mga babaeng magpi-pinsan. Sa ibang kwarto naman ang mga lalaki.
“Ayos naman po, medyo nahilo saka nalito sa sakayan.”
“Hindi ka hinatid ni Tito Dan o kaya nung mga Kuya mo?” bulalas ni Amaris. Alam kong may laman na naman ang sinabi niya.
Natawa ako. “Hindi. Pinag-commute ako.”
Tumango si Lola. “Mabuti na rin iyon, Eula, para matuto kang magbiyahe hindi palaging may service.”
Service, iyong sasakyan na maghahatid at magsusundo kung saan man ako pupunta.
“Opo,”
Nagsimula kaming kumain.
“Bilisan ang pagkain at matulog na kayo, ah.” Bilin ni Lola habang isa-isang tinitingnan ang mga plato namin.
Tapos na kasi siyang kumain. Ang bilis!
Pagtapos kumain nagprisenta akong maghugas ng mga plato. Nang humarap ako sa lababo nanlaki ang mata ko dahil sa dami ng hugasin. Mabuti na lang nag-offer ng tulong si Levy at Luna.
Nagtatawanan kami habang naghuhugas. Dinig din namin ang asaran at tawanan nang iba pa naming pinsan sa sala.
Hindi pa nagsasaway si Lola dahil alas otso pa lamang ng gabi. Tulad ng nakagawian, alas dies bababa si Lola galing sa kwarto niya at patutulugin na kami.
At dahil sama-sama kaming mga babae sa iisang silid halos madaling-araw na din nakakatulog dahil panay ang kwentuhan.
Kinabukasan maaga kaming binulabog ni Lola sa silid. Pupungas-pungas akong bumangon saka disoriented na naglakad patungo sa banyo at naghilamos.
Sunod-sunod kaming bumaba ng hagdan saka nagtungo sa kusina kung nasaan si Lola na nagluluto ng agahan.
“Morning, 'La.” Bati ko. Humalik ako sa pisngi niya habang naghahalo siya ng kung ano sa kaserola.
Sumunod naman ang mga pinsan ko saka kaniya-kaniya nang pwesto sa mahabang kahoy na lamesa.
Nagti-timpla si Aerol ng kape sa malaking pitcher. Para raw iyon sa aming lahat. Si Aerol ay Graduate na ng Senior High ganoon din si Luna at Cynthia. Sa pasukan ay college na silang tatlo.
Pinapanuod ko si Lola Liah na maghalughog sa cabinet sa taas ng lutuan. Ng hindi makita ang hinahanap ay kumuha siya ng pera sa bulsa na nasa loob ng daster niya.
Mayroon siyang damit na wallet na nakatali sa kaniyang baywang tapos nasa loob ng daster.
“Bili nga muna ng bawang at paminta sa labas, Den.” Utos niya sa nakayukong si Denmark sa tabi ko. Natutulog pa ata.
“Denmark, inuutusan ka ni Lola!” sigaw ni Luna.
Natatawa ako ng pupungas-pungas niyang itinaas ang ulo. Nagprisenta na lang na ako na ang bibili.
“Ako na po, 'La.”
She nodded and give me the coins. Napangiwi ako saka binilang ang barya na ibinigay niya sa akin habang naglalakad palabas ng bahay.
Isang buong limang piso at limang tigpi-piso. Ang bilin ni Lola limang pisong bawang at limang paminta.
Mahigpit kong ikinuyom ang kamao ko kung saan hawak ko ang barya. Mahirap na baka mahulog kahit piso lang makukurot ako ni Lola Liah.
Limang minuto ang layo ng tindahan sa bahay kaya naman palinga-linga ako habang naglalakad dahil sa nakakaaliw na kulay berdeng mga damo sa paligid.
Hindi rin malamig kahit na umaga dahil nakasuot ako ng t-shirt at shorts. Nadala ko pala yung isang shirt ni Kuya Jared. Parang wala tuloy akong suot na shorts.
But its okay, this is a province. No one will wage harm on me. Mababait ang tao sa province.
Malapit na ako sa tindahan. Binuklat ko ang nakakuyom na kamao para bilangin ang barya dahil baka may nalingat na nahulog.
Pero napa-padyak ako ng pagbukas ko ay nahulog ang piso. Mabilis ko iyong hinabol dahil nga magkukulang ang ibibili ko.
Mabilis ang hakbang ko habang nakayuko at uma-ambang pupulutin ang piso pero sadyang hindi talaga siya tumitigil.
“Litsi!” hindi ko maiwasang magmura.
Nakahinga ako ng maluwag ng bumangga ang piso dahilan ng pagtigil nito. Nanggigigil kong itong pinulot.
“Punyeta ka! Mapapagalitan ako dahil sa'yo!”
Halos mapa-atras ako ng tumuwid ako ng tayo dahil halos bumangga ang ilong ko sa malapad na dibdib nang kung sino.
Isang lalaki.
Kaya pala tumigil ang piso ay nabangga sa paa niya.
Nakangising mukha ang bumungad sa akin. Kulay berdeng mga mata. Makapal na kilay at mahahaba at malantik na pilik-mata. Manipis at namumulang labi.
Napakurap ako at natauhan ng dilaan niya ang pang-ibaba niyang labi para basain at mas lalong lumawak ang ngisi.
“Uh…” I am speechless, really.
“Hello sa'yo.” Baritonong boses. Ang sarap pumikit at namnamin.
Shit! Ano ba itong naiisip ko. I mentally shook my head to erase what I am thinking.
“Hi po,” mukha kasi siyang mas matanda sa akin.
Narinig ko ang tawanan ng mga kasama niya sa likuran. Apat na lalaki na tulad niya ay naka-jershey shorts, sando at rubber shoes. Baka nag-jogging.
“Po daw, dude.”
“Matanda ka na, pre.”
Nakangiti pa rin sa akin ang lalak hindi pinapansin ang mga kasama na nanunukso.
“What’s your name, kid?”
Napasimangot ako. “I’m not a kid anymore.”
“Well, sa height, oo.” He chuckled. “Ano nga?”
Inirapan ko siya saka tinalikuran para pumasok sa tindahan at bumili. Sumunod siya, naiwan ang mga kasama.
“Bakit nakasunod ka?” nakangusong tanong ko.
“Bibili din ako.” Aniya. “Ate, pabiling ice tubig.”
“Ate, ako po limang bawang po saka limang paminta.” Sabi ko.
Naunang bigyan ni Ateng tindera ang lalaki. Uminom siya mula doon sa plastik.
Pwede pala iyon?
Pagtapos niyang uminom ay ibinigay niya ang natira sa mga kasama at uminom din doon.
Napangiwi ako. Indirect kiss?
“Pangalan na, dali.”
“Eula.”
“Ano? Lola?” kuryosong tanong niya. Nakaguhit ang panunukso sa labi.
“Eula! E-U-L-A.” gigil na singhal ko sa kaniya. Bingi.
Lalong lumaki ang ngiti niya. “Nice to meet you, Eula.”
Naglahad siya ng kamay. Ibinaba ko muna ang hawak kong bawang saka inabot ang kamay niya.
“Nice to meet you, too.”
Natawa ako ng amuyin niya ang kamay niya saka pabirong nagreklamo. “Amoy bawang na 'yung kamay ko,”