Third person POV
Continuation of Flashback
Lunes, araw ng pasok nila kaya maagang gumising si L.A. pagkabangon inayos nya muna ang kanyang higaan, bago sya naligo. Matapos maligo at magbihis, kinuha nya ang kanyang bag at nagsimula na syang maglakad palabas ng kanyang kwarto.
Pagkababa, nakita nya ang kanyang kaibigan na nasa hapag nila at kumakain.
"Dito ka na naman kumakain. Good morning ma, good morning pa." Sambit nya sa kaibigan, at binati nya ang kanyang magulang nang makarating sya sa pwesto ng mga ito.
"Good morning too, sweetie." Sambit ng kanyang ina.
"Good morning too, my princess." Sambit naman ng kanyang ama.
Bumaling ang tingin nya sa kaibigan na hindi man lang sya pinansin, at patuloy pa din sa pagkain. Pinuntahan nya ito, at binatukan kaya uubo-ubo itong tumingin sa kanya.
"Grabe ka sakin, sissy. Kita mong ang sarap ng kain ko dito, babatukan mo lang ako. Hindi ko tuloy nadama ang manok ni tita." Sambit ng kaibigan nya, at hinihimas nito ang ulo kung saan nya binatukan. "Pasalamat ka at hindi kita pwedeng gantihan, kundi matagal na kitang sinabunutan dyan." Muli nitong sambit sabay irap sa kanya.
Tinawanan nya lang ang kaibigan dahil alam nyang nagbibiro lang ito, at alam nyang hindi sya nito kayang saktan. Umupo na si L.A sa tabi ng kaibigan at kumuha na sya ng pagkain. "Bakit ba dito ka palagi kumakain? Wala bang pagkain sa inyo? Hindi ba nagluluto si tita ng almusal mo, at dito ka talaga lagi pumupunta para kumain. Simula pagkabata dito ka na kumakain. Ma, pa huwag nyong sabihing inampon nyo na ang lalaking ito." Nakatutok sa kaibigan ang kamay nya ng sinabi nya iyon. Hinampas nito ng mahina ang kamay nya, at sinamaan sya ng tingin.
"Pwede ba sissy, BABAE ako B.A.B.A.E at hindi lalaki. Kinikilabutan ako kapag sinasabi mo ang word na lalaki." Sambit ng kaibigan nya, at umaktong nandidiri sa sinabi nya.
"Bakit lalaki ka naman, talaga… pusong babae nga lang." Nakita nya ang masamang tingin nito kaya dinugtongan nya ng pusong babae ang kanyang sasabihin.
Natatawa na lang sa kanila ang magulang nya, at nag-eenjoy ang mga ito na panoorin sila. Nasanay na ang kanyang magulang na palagi silang nagbabangayan, at nag-aasaran sa harap ng pagkain. Ito ang araw araw na simula ng kanilang umaga, na hinding hindi nya kakalimutan.
Matapos kumain, nagpaalam na sila sa kanyang magulang at naglakad na palabas ng kanilang bahay. Nagtungo si L.A at ang kaibigan nya sa kotse nito. Pagkapasok pinaandar na ito ng kaibigan nya patungong eskwelahan. Habang nasa gitna sila ng byahe, hindi nya maiwasang isipin kung ano ang mangyayari kapag nagkita sila ulit ng Queen, at inaalala nya din ang kanyang magulang dahil alam nyang magaalala ang mga ito sa kanya.
Nakarating sila sa K.S.U (Kingdom of Sylbanies university). Nasa harap pa lang sila, kitang kita nya na ang mga kapwa estyudyante nya na may kanya kanyang ginagawa. May mga naglagay ng kolorete sa mukha, may mga nagbabasa, may mga nagdadaldalan lang habang nakamasid sa paligid, hindi din mawawala ang mga lalaki at babae na nakikipaglandian sa isa't isa.
Napatingin sa kanya ang mga estyudyante, at alam nyang pinagbubulungan sya ng mga ito, kaya yumuko na lang sya. 'nasaan ka na ba sissy? Hindi ko na gusto ang mga naririnig ko?' sambit nya sa isip.
"Look, hindi ba sya ang babaeng nagbuhos ng juice kay Queen?" Rinig nyang sambit ng babaeng may hawak na lipstick.
"Sya nga. Grabe may gana pa talaga syang pumasok, matapos ang ginawa nya kay Queen. Sigurado akong hindi papayag si Queen sa nangyari, at alam kong gaganti sya dyan. Kilala natin si Queen, at never pa syang natalo." Sambit naman ng babaeng may hawak na lollipop.
"Hindi ka ba nagsasawa dyan sa kinakain mo? Halos araw-araw iyan na ang kinakain mo." Sambit ng babae at halata sa boses nito ang kaartehan.
"Gusto mo? Sayo na lang." Sambit ng babae, niluwa nito ang lollipop sa bibig at ito ang ibibigay sa kaibigan.
"Eww…. Kadir* ka naman, may laway mo na kaya yan. At hindi ako kumakain ng lollipop, lalo na kung galing ito sa bibig ng taong hindi nagtotoothbrush." Nangdid*ring sambit ng babae, at tinawanan lang ito ng kasama nya.
Nanatiling nakayuko sa isang gilid si L.A habang hinihintay nya ang kanyang kaibigan. Naramdaman nya ang pagpatong ng isang kamay sa kanyang balikat, kaya inangat ni L.A ang kanyang ulo para tignan kung sino ang humawak sa balikat nya. Ngumiti sya ng makita nya kung sino iyon, at inaya nya na itong pumunta sa magiging dorm nila.
Habang naglalakad, naririnig nila ang walang katapusang bulungan ng mga tao tungkol sa kanila.
"Girl look, Hindi ba sila ang kumalaban kay Queen?" Girl 1
"Sila nga iyon, at siguradong sila ang magiging target ni Queen ngayong taon." Girl 2
"Kilala pa naman ng lahat si Queen, na hindi tumitigil hangga't hindi nakakaganti sa mga taong kumakalaban sa kanya." Girl 3
"Sigurado akong gagawing h*ll ni Queen ang school year nila. Katulad ng ginawa nya noon sa mga taong kumalaban sa kanya." Girl 1
"Pre, hindi ba sya ang unang baklang kumalaban kay Queen?" Boy 1
"Sya nga pre. Grabe ang tapang nya, at sya lang ang nakagawa ng ganoon kay Queen." Boy 2
"Akala mo kung sinong matapang, pero kapag hinamon mo ng suntukan mabubugbog lang yan, at siguradong magtatago lang sya." Boy 3
"Akala mo naman kung sinong matapang, baka kapag ikaw sinuntok ko tumakbo ka na lang at magsumbong sa tatay mo." Bulong ng kanyang kaibigan na narinig nya naman.
"Bakit may plano ka bang makipagsuntukan sa kanila?" Mahinang sambit nya na sila lang ang makakarinig.
"Hindi ko gawain iyan, pero huwag lang nilang subukang saktan ka dahil makikita nila kung paano manuntok ang isang baklang gaya ko." Sambit ng kaibigan nya, at ramdam nya ang kaligtasan sa mga sinabi nito. "Tara na nga, at pumasok na tayo. Mahuhuli pa tayo nito sa klase." Muling sambit ng kaibigan nya, at hinawakan na nito ang kamay nya para sabay na silang maglakad.
Pagkarating nila sa classroom wala pa ang kanilang guro, at may kanya kanyang ginagawa ang mga kapwa estyudyante nila. Umupo sila sa may bandang dulo dahil iyon na lang ang bakante. Gustong gusto na ng kaibigan nya na patulan ang mga kaklase nila, dahil sa wala pa ding tigil ang mga ito sa pagbubulungan na naririnig naman nila. "Huwag mo ng patulan pa, Aixz." Sambit nya sa kaibigan, nang makita nya itong tumayo at handang sampalin ang babaeng tumawag sa kanya ng babaeng pang*t na p*kp*k.
Nanggigil na naupo na lang si Aixz at sinamaan ang mga babaeng nagtatawanan. "Kumalma ka lang, Aixz. Wala naman silang ginagawang masama sa akin at ang mga sinasabi nila, wala lang iyon sakin. Hindi naman ako nasasaktan sa mga sinasabi nila. Okay lang ako, Aixz. Ngumiti ka naman." Muling sambit nya sa kaibigan at binigyan sya nito ng pekeng ngiti. Napatawa sya ng mahina, dahil halatang pinilit lang nito na ngumiti sa kanya. Natahimik ang lahat ng dumating na ang kanilang guro, at nagsimula na silang magpakilala sa harap isa isa.