FIVE SENSES
CHAPTER 5: DENUM EMMANUEL GOZO
"Kung hindi si Denum ang killer, edi si Rizalino?" opinyon ni Andy kay Kino habang nasa sala sila ng bahay nito.
Napahalukipkip si Kino bago siya tinaasan ng kilay.
"Pwede bang mag-imbestiga muna tayo kung ano ang nangyari sa kaso nila at kung bakit sila namatay? Huwag tayo mag-akusa kaagad, tingnan mo ang nangyari sa ginawa mo."
Natahimik si Andy sa sinabi ni Kino dahil alam niyang may punto ang binata.
"Pinabayaan mo kasi ako. Siguro naman may naisip ka na para makapag-imbestiga tayo?"
Sumandal sa sofa si Kino bago idinipa ang kamay sa sandalan.
"Meron na.." nakangising lumingon ito kay Andy. "Syempre, ikaw ang gagawa.."
"Ano? Huwag mo sabihin na papapuntahin mo ako sa Clubroom ng Detective Club at paghahanapin ng mga files habang kaluluwa ako." nangingiting biro ni Andy.
"Masyado mong pinahirapan ang sarili mo, gusto ko sanang sa Police headquarters ka pumunta kaso mas maganda ang ideya mo kaya goodluck." seryosong sabi nito.
Napalunok si Andy sa sinabi ni Kino.
"Seryoso ka? Baka makita ako ni Denum." reklamo ni Andy.
Umiling si Kino.
"Sinabi mong hindi ka niya nakilala, it means na wala siyang third eye."
"Pero nahawakan ko siy-"
"Nahawakan ka ba niya?"
Napaisip si Andy bago umiling.
"So, don't worry. Baka may ibang epekto kapag demonyo ang kaharap mo." biro ni Kino.
Umangat ang sulok ng labi ni Andy.
"Hindi nakakatawa." tumayo na si Andy.
"Saan ka pupunta?" tanong ni Kino.
"Maghahanap ng kausap, 'yung matino."
"Talaga ba? Puntahan mo si Denum, mukhang bagay kayo.." pang-aasar ni Kino kaya hinagisan siya ng unan ni Andy bago umakyat patungong kwarto.
Hindi na nagsalita pa si Andy dahil may balak rin siyang itanong sa mga kaluluwa.
Huminga ng malalim si Andy habang may dalang upuan. Tinatahak niya ang Paranormal Clubroom para hindi siya mahirapan maihiwalay ang katawan niya.
Nang makarating sa Clubroom ay kaagad siyang umupo at hinintay na may multong lumapit sa kanya. Ilang saglit pa ay nakaramdam siya ng hilo at dahan-dahan siyang nawalan ng malay.
"Andy.."
Dahan-dahan niyang iminulat ang kanyang mata at sumalubong sa kanya si Recca na may pag-aalala sa mukha. Tumayo siya at tiningnan ang katawan na walang malay bago bumaling sa kaluluwang si Recca.
"Bakit ikaw lang? Nasaan yung iba?" tanong niya rito.
Kinakabahang tumingin sa kanya si Recca.
"Nagtatago sila.."
"At bakit?" pumameywang si Andy sa kaharap. "At itatanong ko rin kung bakit nawala kayo ng makita si Denum? Kung hindi siya yung pumatay sa inyo, bakit takot kayo sa kanya?"
Napakagat ng labi si Recca bago hinawakan ang kamay ni Andy.
"Denum is a pure evil. He can hurt any ghost even he can't see them, us."
Kumunot ang noo ni Andy.
"How? Is he has a supernatural power?"
Tumango si Recca.
"Yes, he can touch all ghost and all ghost can touch him. In this place, no one dares to touch him. When you try, he will hurt you. That's why many ghost go to another place just to avoid him." paliwanag ni Recca na ikinabahala ni Andy.
"How can he hurt a ghost?"
"By just hurting them, physically. Wala siyang pakielam kung babae o lalake, basta ginulo o hinawakan siya. Sasaktan niya."
"Nakakatakas naman siguro ang mga nahuhuli niya dahil hindi niya ito nakikita.." pinilit ngumiti ni Andy.
"Oo, matapos silang saktan. Mahahanap ka niya kahit magtago ka, maliban na lang kung umalis ka rito."
Tinayuan siya ng balahibo sa narinig pero bago pa makapagsalita ay may narinig siyang nagbukas ng pinto. Napahawak siya sa kamay ni Recca at ilang beses na napalunok.
"Oh my gosh? Baka nahanap niya ako?" kinakabahang wika ni Andy nang maalala ang pagbabanta nito sa kanya.
Nang bumukas ang pinto ay maluwag na nakahinga si Andy dahil sa nakita ang papasok na si Kino. Napahawak siya ng mahigpit sa dibdib.
"Akala ko si Denum Gozo.." bulong niya.
Pagkapasok ni Kino ay sumalubong sa kanya ang namumutla na kaluluwa ni Andy. Napahawak ito sa dibdib bago nagsalita na hindi niya narinig.
"Pasensya ka na kung nahuli ako." nakangiting sabi niya bago tumingin sa kaluluwang kasama ni Andy at kinawayan ito. "Hi, Recca!"
Walang ideya na tiningnan siya ng kaluluwa sabay tumingin kay Andy.
"Binabati ka niya.." bulong ni Andy kay Recca na walang ideya sa sinabi ni Kino.
Tumango si Recca bago ngumiti at kumaway.
"Ang cute pala talaga niya.." nagpipigil ang kilig na sabi nito kay Andy.
Tumaas ang isang kilay ni Andy.
"Oo, mukhang aso na tambay." pagtutol niya sa sinabi ni Recca bago lumapit sa puwesto ni Kino.
Itinaas niya ang mga kamay niya at iginalaw ang mga daliri. Namamangha sa tumango si Kino.
"Marunong ako umintindi ng fingerspelling.. At hindi ako t*ng*."
Tumango si Andy habang nagpipigil ng tawa. Nagfinger spelling kasi siya na 'T*ng* ka, Kuya!' para subukan kung naintindihan ni Kino.
"Mabuti.. Hindi na ako mahihirapan makipag-usap sa iyo."
Itinaas niya muli ang kanyang daliri bago iginalaw-galaw.
'Pupunta na ako sa Clubroom, pakibantay na lang ang katawan ko.'
Tumango si Kino bago binuhat ang walang malay na katawan ni Andy. Nang masigurado na ayos na ang kalagayan ng katawan niya ay tumakbo na papunta sa Clubroom ng Detective Club si Andy.
"Focus, Andy. Huwag ka kabahan sa Denum na iyon, hindi ka niya nakikita.." pagpapakalma niya sa sarili.
Nakaramdam ng pagod si Andy nang makarating sa tapat ng pintuan ng Detective Club. Hindi siya makapaglaho kagaya ng ibang kaluluwa dahil hindi pa naman siya patay, iyon siguro ang panget sa kakayahan niya.
Kakatok pa sana siya ngunit naalala niya na bawal siyang gumawa ng ingay kaya lumusot siya sa pinto ng walang kahirap-hirap.
Nang makapasok sa loob ay naningkit ang mata niya ng sumalubong ang madilim at tahimik na kwarto.
"Mukhang walang tao rito." bulong ni Andy sa kanyang sarili bago nagmadaling pumunta sa mga cabinet na may mga papeles.
Tiningnan niya ang mga kamakailan lang ng krimen sa mga case files. Ngunit wala siyang nakita na 'Recca Mae Perez'.
Lumipat siya sa mga medyo matagal na kaso at sa hindi inaasahan ay nakita niya ang kaso na hinahanap niya.
Case file
Perez, Recca Mae
Died on March 4, 2010
Caused of Death: Heart attack due to the extreme used of drugs.
Napahinto si Andy sa nabasa.
"Kung nawawala ang katawan niya, bakit nagawan siya ng ballistic report? And this was ten years ago.."
Babalik pa sana siya sa pagbabasa ngunit nahinto siya nang marinig ang pagbukas ng pinto. Nanlaki ang mata niya nang makita si Denum na nakatingin sa puwesto niya.
"What the heck?" tanong niya sa sarili habang tinitingnan ang pigura sa salamin.
Isang folder na lumulutang ang makikita.
Muli niyang ibinalik ang tingin kay Denum na papalapit ngayon sa puwesto niya. Mabilis niyang binitawan ang folder bago tumakbo sa kung saan. Nakarating siya sa pinakadulong bahagi ng malaking kwarto.
Hinihingal siyang lumingon sa paligid. Mabuti na lang at mukhang hindi siya nasundan ng lalake. Napahawak siya sa kanyang dibdib bago hinabol ang paghinga.
"Siguro naman ay hindi niya ako nasundan.." kinakabahan na sabi niya sa sarili bago nagpatila ng ilang minuto para maikalma ang sarili.
Nang kumalma ay hinarap na niya ang pader para tumagos at makalabas.
"Babye!" paalam niya sa lugar at hahakbang na palabas ng may humawak sa braso niya.
Nanigas ang katawan niya habang nakatingin sa seryosong mukha ni Denum na mas lalong nagpakaba sa kanya.
"Ngi.." nakangiwing sabi niya bago pinilit na alisin ang kamay nito ngunit nanghina lang siya dahil sa sobrang higpit.
Binigyan siya nito ng nakakatakot na ngiti, ngiting mala-demonyo.
"Sinabi ko sa iyo na hahanapin kita.." nilapit nito ang mukha sa mukha niya na parang nakikita siya.
"Gotcha.." bulong nito.
Natulala siya sa sinabi nito.
"P-paano niya ako nakilala?" nanginginig na tanong ni Andy.
"Ngayong nahuli na kita ay magpapakilala ako." mas lumawak ang nakakatakot na ngiti nito bago itinaas ang kamay.
Kinabahan si Andy at hindi nagdalawang-isip na sipain ang pagkalalake ni Denum na napaupo at nabitawan siya.
"Ouch!" daing nito habang nakahawak sa gitna ng pambaba.
Ngumiti si Andy bago inayos ang buhok at iwinagayway ang kamay.
"Sa susunod ka na magpakilala, kapag may pake na ako." natatawang sabi niya.
Paalis na siya ng hilahin ni Denum ang paa niya. Kumunot ang noo ni Andy.
"Ano ba iyan? Bitawan mo nga ako!" sigaw ni Andy kahit hindi siya rinig ni Denum. Pilit niyang inaalis ang kamay nito sa paa niya.
Ngunit hindi bumitaw ang binata hanggang sa makatayo siyang muli. Naalarma si Andy at sisipaing muli ang pagkalalake ng binata ngunit nabasa nito ang gagawin niya kaya kinuha nito ang kaliwang paa niya. Nawalan siya ng balanse at mapapahiga na nang hilahin niya si Denum sa braso nito.
At sa isang iglap, pareho silang nakahiga sa sahig habang magkalapat ang mga labi.
Namilog ang mata nilang dalawa. Natulala si Denum dahil wala siyang ideya kung ano ang pinaglapatan ng labi niya. Hindi niya maigalaw ang kanyang katawan ngunit hindi pagod ang dahilan.
Dahil sa pagkatulala ay marahan siyang itinulak ni Andy. Aalis na siya sa delubyo na kinalalagyan niya pero hindi na niya nagawa ng kusang magdilim ang paningin niya.
Dumilat siya sa harapan ni Kino na nakatitig sa kanya habang nasa garden sila. Nakahalukipkip ang mga kamay nito habang inoobserbahan lang siya.
Mabilis siyang bumangon bago hinawakan ang labi niya. Hindi mawala sa isipan niya ang nangyari sa pagitan nilang dalawa ni Denum.
"Oy? Anong nangyari?" puno ng kuryosidad na tanong ni Kino sa kanya. "May nahanap ka ba?"
Tumango siya habang nakahawak pa rin sa mga labi.
"Magkwento ka nga kung bakit namula ang mukha mo bago ka magising? Nakita mo si Denum 'no?" tumataas ang dalawang kilay na tanong muli ni Kino.
Imbes na sumagot ay napasabunot ng buhok si Andy.
"Huwag mo na itanong.." iyon lang ang nasagot niya.
"May ginawa ba siya para ikapula mo? Sinaktan ka ba?" pag-uusisa ni Kino.
Nakatakip si Andy ng mukha bago umiling.
'Isang delubyo.. Hindi na ako makikipaghabulan sa kanya.' naiinis na sabi niya sa sarili.
----END OF CHAPTER 05---
Author's note:
(Trivia about this story)
May kakayahan ang mga kaluluwa na makahawak ng mga bagay kung gugustuhin nila ngunit hindi sila makakahawak ng mga tao. Lahat ng buhay ay hindi nila mahahawakan, ganoon rin ang mga tao sa multo. Kahit ikaw pa si Andy Samson, ngunit kakaiba ang talento na meron si Denum kaya kailangan mag-ingat ni Andy.