Isabella's Pov

Natapos kaming mag-lunch ni Calix pero hanggang makabalik kami sa opisina, at sa kanya-kanya naming trabaho. Hindi ko pa rin nasabi sa kanya ang mga dapat kung sabihin.
Sinubukan kong sabihin sa kanya sa mga sumunod na araw. Pero hindi ko pa rin nagawa.
Hindi ko na rin maintindihan ang sarili ko. I know my goals and I don't easily fall. I don't trust guys, dahil distraction lang sila sa mga gusto kong marating sa buhay. Gusto kong tumayo sa sarili kong mga paa. Ayokong mamuhay na umaasa lang sa yaman ng pamilya. Kaya pinilit ko sina Mom and Dad, na payagan akong magtrabaho sa ibang kompanya. Pinayagan nila ako dahil may tiwala rin sila sa akin. Hindi ko pa sila binigo kahit kailan. Kaya alam nila na alam ko kung ano ang ginagawa ko. Pero sa nangyayari ngayon? Mukhang hindi ko na alam ang ginagawa ko.
I even lied to my friends.
I told them, na nasabi ko na kay Calix na hindi na ako pumapayag na magpaligaw sa kanya. Pinaniwala ko rin sila na tumigil na sa panliligaw sa akin si Calix. At nandito na lang ako sa Samaniego Group of Companies para magtrabaho.
Pero ang totoo ay kami na ni Calix. Magdadalawang linggo na mula nang sagutin ko siya. Gaya ng mga naunang pangyayari ay hindi ko rin alam kung paano nangyari. Basta nawawala talaga ako sa wisyo kapag nasa harapan ko na siya. Lalo na kapag ngumingiti siya sa akin.
Tama nga siguro ang sinasabi ng iba na, kahit sinong taong matalino, nagiging tanga pagdating sa pag-ibig.
Tanga na nga siguro ako. Dahil sa kabila ng mga warnings ng mga kaibigan ko, ay sumige pa rin ako. Sa kabila ng pag-aalinlangan ko ay nagpadala ako sa mga ngiti at matatamis na salita ni Calix.
Sikreto rin sa kompanya ang relasyon namin. Hindi dahil iyon ang gusto ni Calix. Kung hindi dahil hiniling ko sa kanya na ilihim muna ang aming relasyon.
And so far, ayos naman ang takbo ng lahat. Civil kami sa isat-isa sa loob ng kompanya lalo na sa oras ng trabaho. Nagkikita kami tuwing lunch break at kapag tapos na ang oras ng trabaho. Pero ayaw ko munang ipaalam sa lahat ang tungkol sa relasyon namin. Dahil ayaw ko na isipin nila na bago lang ako sa kompanya nakipagrelasyon na agad ako sa boss namin. Hinayaan ko na lang na isipin nila na natauhan na si Calix kaya itinigil na ang panliligaw nito sa akin.
Hindi ko alam kung saan ako dadalhin ng desisyon kong ito. Pero sa ngayon hahayaan ko na muna ang sarili ko na maging masaya sa piling ni Calix. Habang ini-enjoy ko ang pagtatrabaho sa kompanya nila.
Calix's Pov
"Paano ba 'yan sa akin na ang villa mo sa Maldives, Clint?" Mayabang na saad ko sa kanya. Dahil ako ang nanalo sa pustahan namin. Girlfriend ko na ngayon ang babae na 'yon.
"Iyong-iyo na! Ang daya mo kasi. Dinaan mo sa pagiging CEO. Binakuran mo agad ng todo. Ikaw tuloy ang nanalo," hindi maipinta ang mukha na reklamo ni Clint.
"Wala naman tayong usapan na bawal kong gamitin ang pagiging CEO ko hindi ba? At tsaka siguro naman sapat na ang dalawang linggo. Pwede na akong makipag-break kuno sa babae na 'yon." I said to them. I don't care about her feelings. O, kahit na mag-resign pa siya rito sa kompanya kapag nalaman niya ang totoo.
"I can't still believe, na itinuloy niyo pa rin pala ang kabaliwan ninyong dalawa." Naiiling na komento ni Dave.
"Dont worry, dude. Balato ko na sa inyo. Pwede kayong mag-stay sa villa sa Maldives. Bahala na kayo kung sino ang mauuna sa inyo ni Sean." I look at them while saying that. Sabay namang napailing ang dalawa.

"So, balak mo ng hiwalayan 'yung biktima ninyo ni Clint?" Sean asked.
"Of course! Alangan namang patagalin ko pa?" tugon ko sa kanya. "Mas lalo lang 'yung aasa." Dagdag ko pa.
"'Wag mo muna siyang hiwalayan," Clint said, na ikinalingon naming lahat sa kanya.
"Ano na naman 'yang tumatakbo sa utak mo?" Naka-cross arms na tanong ko kay Clint.
"Let's have another bet," Clint replied.
"Wala ka talagang kadala-dala." Naiiling na sabi ko sa kanya. "And what is it this time?" Tutal bored naman ako, kaya papatulan ko muna ang trip nitong kaibigan ko.
"Tignan natin kung bibigay siya sa'yo kahit na dalawang linggo pa lang ang relasyon niyo." Nakangisi na wika ni Clint.
I heard Dave and Sean curse. Habang natigilan naman ako sandali sa narinig ko mula kay Clint.
"You want me to take advantage of her?" Naniniguradong tanong ko.
"Oh, c'mon, Calix! You already did. Kaya 'wag ka ng magpaka-santo riyan ano." Sabay bato sa akin ni Clint ng throw pillow na agad ko namang nasalo.
"Don't stomp down to that level, Calix." Dave's warning, but I don't care.
"Dave is right. You're going to break that woman's heart. Hindi pa ba sapat iyon?" Sermon naman ni Sean. "Stop with your silly games, Clint." Sita pa nito kay Clint bago kami layasan.
"Ops! Ginalit ko na naman si Lolo Sean." Natatawa na react ni Clint. Balewala rito ang galit ni Sean. "Ano? Kaya mo bang gawin 'yon, Calix?" Baling sa akin ni Clint.
"Without a doubt!" Mayabang na sagot ko. "And what could I get if I did? " Then I asked him.
"Just ask me anything. Ibibigay ko sa'yo kahit ano'ng hingin mo o ipagawa sa akin. Kapag nanalo ka sa pustahan." Clint replied.
"Alright. Ihanda mo na ang sarili mo o ang kaban ng yaman mo. Baka bukas na bukas din magawa ko na 'yang hamon mo." Confident na saad ko.
"You two are hopeless." Komento ni Dave saka nilayasan na rin kami nito.
"Ang boring talaga kahit kailan ng dalawa na 'yon." Naiiling na wika ni Clint.
"Hayaan mo na sila. Cheers?" Itinaas ko ang wine glass ko. Offering a toast to Clint.
"Cheers!" Itinaas din ni Clint ang hawak nitong wine glass.
At sabay naming tinungga ang laman na alak ng mga kopitang hawak namin.
Maybe I can call this an advance celebration.