Ala-una na ako nakatulog kagabi. Mabuti na lang at maaga akong nagising ngayon dahil madali lang akong naka-ayos ng sarili. Ready to go na ako papuntang school. Kaso kailangan kong magmadali dahil mag a-abang pa ako ng jeep do'n sa terminal.
Tiningnan ko ang sarili sa harap ng salamin at inayos ang buhok ko. Ayos na 'to. Mabilis kong hinablot ang bag na nasa kama at agad na tumakbo palabas ng bahay.
Habang naglalakad palabas ng bahay ay bigla kong naalala 'yung phone. Itinanggal ko sa pagkakasukbit ang bag sa likod ko at kinalkal ito habang 'di humihinto sa paglalakad.
"A-ah 'to lang pala." Itinaas ko ang phone ko at in-open ito. Nahagip ng tingin ko ang lalake sa 'di kalayuan. Medyo bumagal ang paglakad ko nang maaninag kung sino 'to.
Si Deiver, naka-uniform at mukhang papasok na din sa school. Karga-karga pa nito ang pusa n'ya habang nakangiti na tila kinakausap ito. Nasa gilid sila ng kalsada. Mukhang may hinihintay.
"Oo nga pala, d'yan lang 'yung bahay nila." Sabi ko sarili. Tiningnan ko ang kabuuan ng bahay nila. May second floor at napaka-elegante ng disenyo nito.
Binalik ko ang tingin kay Deiver. Nagulat ako nang nakatingin na pala s'ya at pati 'yung pusa n'ya ngayon sa'kin. Mukhang kinakausap n'ya ito habang nakatingin sa gawi ko. Nabalik ako sa wisyo at agad pinatuloy ang paglalakad hanggang sa kalsada.
-
"Mmm... Ta~ ta~ ta~" Kanta ko habang kumakain ng chips na nasa lap ko. Nagbabasa ako ngayon ng libro. Ang kapal pa naman nito at kasali ito sa long quiz namin bukas. Halos nagkakalahati na ako ng binabasa.
Kinuha ko ang C2 na nasa kama at inubos 'yon. Maganda talaga mag-review kapag may nilalantakan ka. Binaba ko sandali ang librong hawak ko at tiningnan ang phone.
11:49 na ng gabi. Mag u-umaga na pero 'di pa rin ako inaantok. Mukhang pagpupuyatan ko ang pagbabasa dahil tatapusin ko pa 'to. Pagkauwi na pagkauwi ko kasi ng bahay kanina ay nakatulog ako. No'ng nagising ako ay mag a-alas dyes na ng gabi. Hindi na rin ako nag-hapunan.
Pinagpatuloy ko ang pagbabasa. Sumusubo naman ako ng chips habang nagbabasa.
"Stated the corresponding shares of ea— ay palaka!" Napapitlag ako at nahulog ko pa 'yung libro sa sahig. Napasabunot ako sa noo. Ano ba 'yung kalabog na 'yun sa labas ng bahay? Aatakihin naman ako nito eh. Kahit isang beses lang 'yun, ramdam na ramdam ko 'yung kaba.
Sino ba 'to?
Tumayo ako at pinulot 'yung libro saka ipinatong sa kama. Dumiretso ako sa pintuan at lumabas.
"Sino 'yan?" Tanong ko habang naglalakad palapit sa dining area kung saan ang main door ng bahay.
Wala namang sumagot kaya nang makalapit sa mismong pintuan ay pabigla ko tong binuksan. Nilipad ang maiksing buhok ng isang lalake dahil sa biglaang pagbukas ko ng pintuan. Nakapikit ito, tiningnan ko s'ya ng may pagtataka. Saka bumaba ang tingin ko sa pusang karga-karga n'ya.
"Anong meron?" Tanong ko. Mabilis naman n'yang idinilat ang mga mata.
"A-ah and'yan ka na pala. Inantok ako, ang tagal mong buksan ang pintuan." Usal n'ya at pumasok dito sa loob ng bahay. Nag-pamewang ako. Feel at home ang isang 'to. Close ba kami?
"Anong ginagawa n'yo dito? umuwi ka na nga. Gabing-gabi na," Saad ko at tiningnan ko s'ya ng may pagbabanta. Nag-pout s'ya at umupo sa silya. Inilipag n'ya naman ang alaga n'yang pusa sa kan'yang lap.
"Gan'yan ka ba talaga tumanggap ng bisita? Rude, isn't? at isa pa... Wala akong kausap eh. Kakapunta pa lang namin dito, paaalisin mo na agad kami?" Tila nango-ngonsyensa n'yang tanong.
Napabuntong hininga ako. Hindi naman ako masungit sa mga tao. Approachable nga ako, hindi ko lang talaga alam kung anong ginagawa nila dito.
"Don't worry. 'Di ka namin i-istorbuhin... Medyo lang naman. Alam mo, mukhang nasasanay na 'yung system kong magising pag-midnight ng gabi. Lagi kasi akong nagkakape kapag gabi." Sinarado ko ang pintuan at umupo sa silyang katapat n'ya.
Nangalumbaba ako.
"Hindi ka naman feeling close no?"
Tumawa s'ya sa tanong ko. Tawang-tawa.
"Hindi naman..." Sambit niya sa kalagitnaan ng pag-tawa. "Gusto ko lang kasing may kasama. 'Yung may kausap." Dagdag pa n'ya.
Napataas naman ako ng kilay at itinuro ang sarili ko.
"So, ako 'yun?" Takang tanong ko.
Umiling s'ya.
"Hindi... 'Yun ay si Dei. Pakiramdam ko kasi ay gustong-gusto n'ya dito sa bahay mo. Tahimik lang, gano'n. Medyo magulo kasi sa bahay. This house was old yet still stunning" Nginitian n'ya ako habang nililibot ang tingin sa kabuuan ang bahay. Kinurot ko ang kamay ko dahil sa kahihiyan, "Pero syempre, At the same time, ikaw din... Alam kong pala-kaibigan akong tao pero, ang gaan mo lang kasing kausap... Kaso ayaw mo ng gabi eh, mas gusto mo sa umaga." Aniya pa.
Napabuga ako sa hangin.
"Kung gusto mo talagang tumambay dito sa bahay ko, bahala ka. Basta ba, 'wag kang magnanakaw," Tumayo na ako. Tinuro ko pa s'ya at binigyan ng may pagbabantang tingin. Sumimangot s'ya habang hinihimas ang alaga n'yang pusa. "May gagawin pa ako. Pero mas mabuti kung umuwi na lang kayo ng alaga mo." Suwestyon ko.
"Hayy nako... I'm not a thief, ok? aalis din kami mamaya. Go on, sorry sa abala. Wala kasi akong mapuntahan kapag gabi."
"Huh?" Nagtataka kong tanong.
"I just love the night. Alam mo 'yun? 'yung mga 12 am thoughts. Kaso wala akong makausap eh," Sabi pa niya at pumilit ng ngiti sa'kin.
"Ayos lang 'yan." Sagot ko.
"Hay, bukas nga mag sta-stargazing na lang ako. Gusto mo sumama?" Umaliwalas ang mukha niya nang mapatingin s'ya sa'kin.
"A-ah—" 'Di pa man ako nakakasagot ay nagsalita na naman s'ya.
"Kung hindi ka sasama, ang sama mo namang kaibigan." Nakanguso n'yang saad.
"A-ah—Oo, Oo na. Pag wala akong gagawin. Pero teka... Hindi naman tayo mag-kaibigan." Sarkastik kong saad.
Tumawa naman s'ya at ngumiti sa'kin. 'Yung bang parang nakakatunaw na ngiti para sa ibang babae.
"Ayos ka pala, gusto mo tayo agad?" Nanlaki ang mata ko sa sinabi n'ya.
"May sayad ka ba?!" Napasigaw kong saad.
"Meow~ Meow~ Meow~" Lumukso 'yung pusa mula sa lap n'ya. Natigilan ako nang pumunta ito sa direksyon ko. Ilang beses itong nagpaikot-ikot sa binti ko at agad na tumakbo papunta sa sofa.
"Alam mo Xhecie, ngayon lang kita nakita." Nabalik ako tingin ko kay Deiver nang magsalita s'ya. Naguguluhan ang ekspresyon ng mga mata n'ya.
"No'ng isang araw mo pa ako nakita no." Nakangisi kong sabi.
"Tss. Pilosopo. I mean, bago lang kita nakita. Halos lahat naman ng mga bahay malapit sa'tin, kilala ko at pamilyar sa'kin." Sambit n'ya. Napailing-iling ako bago muling umupo sa silyang katapat n'ya.
"School at bahay lang ako. Wala nga akong ka-close na mga tao dito sa'tin. Kaunte lang din ang kilala ko dito... Madalas kasi ay dinadaan-daanan ko lang sila." Makabuluhang sambit ko.
"A-ah kaya pala. Hindi ka nakikipag-usap sa mga tao dito. Oh, now I know... Kami nga ay 1 year pa lang dito."
"Ahhh... Kaya pala 'di kita nakikita. Bahay at school ka lang din?" Nakangising kong tanong. Agad s'yang tumango-tango.
"Mmmm... Sa school, do'n ako madalas natutulog. Ammm, pero nag-aaral naman ako ng maayos."
"Pa-cool ka lang pala. Ako nga stress sa school. Madaming kailangang gawin." Usal ko.
Tumawa siya ng malakas pero tila naging swabe lang iyon para sa'kin.
"Mmmm... 'Wag kang papa-stress, ok? Nakakatanda daw 'yun eh," Naramdaman ko na lang ang bahagyang pag-pat niya sa ulo ko. Tumayo na s'ya. Tiningnan ko naman kung saan siya pupunta.
Kinuha lang pala niya si Dei na nakahilata sa sofa. Kinarga n'ya ito.
"Meow~ Meow~ Meow~"
"Ang kulit ni Dei ah," Saad niya sa pusa at tila kiniliti pa ito. Tiningnan n'ya ako sa mata habang papalapit sa direksyon ko. "Bukas na lang, pupunta kami dito. Ok lang? Kaibigan naman na tayo diba? Sige na. tapusin mo na 'yung kailangan mong tapusin. Aalis na kami," Nauna na siyang naglakad sa may pintuan. Sumunod naman ako para ihatid s'ya.