"Woo! hays, ang tagal naman mag-friday." Binalibag ko ang bag sa sofa pagkapasok na pagkapasok ko dito sa bahay. Tumungo ako sa kwarto at agad na nagbihis. Inayos ko naman ang damitan ko bago muling lumabas ng kwarto at nilagay ang uniporme sa labahan.
Maglalaba pala ako mamayang gabi. Magpapahinga muna ako sandali. Nakasanayan ko naman ng maglaba sa gabi, ewan ko ba kung bakit. Siguro dahil nasa school kasi ako sa araw. Pag-sabado o linggo lang siguro ako nakakalaba ng umaga.
Tumungo akong ref upang tumingin ng maiinom. Sadyang mahilig lang ako sa mga inumin. Lalo na't pag galing ako sa school. Madalas akong dumadaan sa mga department store.
"Mukhang kailangan ko na namang bumili ah," Saad ko sa sarili habang mahinang tumatango at nakatingin sa lahat ng laman na nasa loob ng refrigerator ko. Prutas, fresh milk, dalawang kapirasong isda, itlog, kamatis at cold water na lang ang laman.
Chineck ko naman ang laman ng freezer, Ice tubes lang ang laman nito. Hindi ko napansin na wala na palang masyadong laman ang ref ko. Napakamot na lang ako sa ulo.
Agad akong naglakad palapit sa sofa. Kinuha ko sa bag ang wallet at chineck ang pera ko. Napagdesisyunan kong bumili muna sa malapit na department store para magkalaman naman ang ref ko at pAra 'di ako kapusin ng mga sangkap sa pagluto.
Tumungo ako sa kwarto at kinuha ang jacket ko saka lumabas na ng bahay.
-
Kasalukuyan kong bitbit ang cart ko habang tinitingnan ang mga panindang naka display sa paligid. Nasa department store na ako. Bigla akong napahinto at napakunot ang noo ko nang makita ang isang cat food sa lalagyan, medyo mataas ito. Malalaman mo naman talagang para sa pusa 'yon dahil may picture sa front ng plastic n'ya.
Tumihin ako at kinuha ko 'yon saka tiningnan ang presyo. Mura lang naman. Nagkibit balikat ako at saka inilagay muli ang cat food sa lalagyan na pinag-kuhanan ko kanina. Bakit ko naman 'yan titingnan?
Kahit gabi na ay marami-rami pa rin naman ang customers dito. Mamayang 10 pa ata ang pag-sara nitong department store.
Sinilip ko ang pila. Ika-lima ako sa pila. Nakalapag ang cart ko sa tiles habang hinihintay umusad. Napa-crossed arms ako bago tinitigan ang cashier habang pina-punch n'ya ang bibilhin ng babae.
Napasimangot ako dahil 'di mapakali.
"Ate, pwede pong pabantay ng linya ko? may nakalimutan lang po kasi ako." pakiusap ko sa babaeng nasa likuran kong nakapila. Abala siya sa pagta-type ng kung ano sa keypad n'yang cellphone. Naagaw ko naman ang atensyon n'ya.
"A-ah, Oo ineng. Bilisan mo na lang at baka 'di ka makahabol sa pila." Sabi n'ya at tumango.
"Salamat po." Saad ko at agad na umalis sa pila.
"Asan na 'yun? asan na 'yun?" Tanong ko sa sarili habang nakaturo pa ang isang daliri sa labi. Tiningnan ko isa-isa ang mga naka-display. Ang alam ko, dito lang 'yun eh.
Hindi ko talaga alam kung bakit ko hinahangilap ang cat food na 'yon. Siguro nga para mapaamo ko ang pusang iyon para 'di na siya mang-agaw ng ulam at makaperwisyo sa'kin. Magiging mabait naman 'yon siguro kapag pinakain ko.
Pero ano bang kasiguraduhan ko na babalik ang pusang 'yon? Edi kung hindi, edi hindi. Nakakainis naman 'yun eh.
"A-ah eto pala." Saad ko sa sarili nang makita na ang hinahanap ko. Mabilis akong naglakad palapit dito at inabot ang isang pack habang nakatihin.
"Pagkain mo?" Habang nakatihin pa rin ang mga paa ay dahan-dahan kong nilingon ang nagsalita mula sa likuran. Napakunot noo ako. Siya?
Nakangiti siya na tila may halong pang-aasar habang ang isang kamay ay nasa bulsa.
"Hayyss." Lumapit ito sa'kin at hinablot ang cat food na kukunin ko sana. Tiningnan n'ya ito at inusisa muna iyon bago itinaas ang tingin sa'kin "Xhecie, mukhang wala ka namang pusa. Para kay Dei ba 'to?" Tanong n'ya.
Lumayo ako sa kan'ya.
"Dei? 'yung pusa mong nakakainis?" Nakangisi kong tanong at nag-cross arms pa... "Teka, mukha ba tayong close?" Nakangiwing tanong ko at tinalikuran na s'ya.
Halos patakbo kong tinungo ang counter nang makita 'yung aleng binilinan ko ng pila ko ay tinatawag na ako. Ako na pala ang susunod.
-
Nang makauwi sa bahay ay agad kong nilagay ang dalawang mabibigat na plastic sa lamesa at naupo sa silya. Nang marinig kong nag-ring ang phone ko ay muli akong tumayo at kinuha ang bag na nakalagay sa sofa. Dinukot ko ang cellphone sa pinaka-maliit nitong zipper.
"Hello, Lexy?" Tanong ko mula sa kabilang linya. Ano naman kayang kailangan ni Lexy at bakit siya napatawag sa'kin?
"Xhecie! Yahhh! wala kasi akong ma share-an nito eh!"
"H-huh?" Nagtatakang tanong ko sa kan'ya. Mukha s'yang 'di mapakali.
"Myghash talaga! malapit na akong makagat ng dog! eh! Alam mo naman kung gaano ko ka-hate ang mga animals diba?!"
"H-huh? e-eh, ayos ka naman ba?" Nag-aalalang tanong ko. Hindi biro makagat ng aso. Nako.
"Oo naman, nag-panic kasi ako tapos tumakbo ako ng mabilis na mabilis eh. Pauwi na sana ako no'ng nangyari 'yun kanina." Nagulat ako sa sinabi n'ya at napatabon sa bibig.
"You mean, naunahan mo 'yung aso? grabe, ang galing mo." Komento ko.
"A-ah hehe, Oo eh. Buti nga ang bilis kong tumakbo eh... P-po a-ah sige po, susunod na ako... Xhecie, bukas ko na lang ikwe-kwento sa'yo, may gagawin pa kasi ako. Bye!"
"Bye." Saad ko naman at pinatay na ang tawag.
Napabuntong hininga ako at in-arrange na lahat ng pinamili ko. Maglalaba pa pala ako ngayon.
Pagkatapos kong in-arrange ang mga pinamili ko ay agad kong inayos 'yung mga labahan ko. Tiningnan ko 'tong mga labahan ko. Hindi naman masyadong marami. Siguro 'di ako aabot ng dalawang oras dito.
Ano pa nga ba, sinimulan ko ng basain ang mga damit at nilagay sa washing machine. Pagkatapos kasi ng washing machine ay kukusutin ko pa ulit ito para siguradong walang matitirang dumi o mansta.
Nang magutom ay iniwan ko muna ang washing machine tutal umiikot pa naman ito. Pumunta muna ako sa may cabinet at kinuha ang corn beef na de lata, kakabili ko lang nito kanina. Wala na din kasi akong panahon na magluto.
Pagkatapos kong kumain ay hinugasan ko na ang mga nagamit na plato.
-
Natapos na akong mag-banlaw ng mga labahan. Kasalukuyan kong isinasabit sa hanger 'yung mga napigaan ng damit, isasampay ko ito malapit sa dirty kitchen- sa may labas para do'n makatulo 'yung mga nilabhan ko.
Nang natapos ang paglalaba ay napa-inat ako ng katawan. Medyo nakakasakit talaga sa balakang 'yung paglalaba.
Lumabas ako upang i-check 'yung mga labahan ko. Para na rin, ipaglayo-layo ang mga ito para madaling matuyo.
Bigla ko namang naalala 'yung mga basura ko sa kwarto. Magsi-siga na rin ako ngayon.
Bumalik ako sa loob ng bahay at dumiretso sa kwarto, tambak na rin pala 'yung basura ko dito. Ilang weeks na ako no'ng huling nag-siga.
Bumalik ako dito sa labas bitbit ang isang trash can. Kasalukuyan akong naglalakad palapit sa may halamanan dahil dito ako kadalasang nagsisiga ng mga basura.
"Hi." Napapitlag ako nang biglang tumambad sa harapan ko ang isang lalake. Napahinto tuloy ako sa paglalakad at nabitawan ang hawak kong trash can dahil sa gulat. karga n'ya ang kan'yang pusang itim na may bahid ng dilaw sa balahibo nito.
"A-anong ginagawa mo dito?" Tanong ko. Pinulot ko ang trash can.
"Mukhang gusto ni Dei dito sa bahay mo. Masyado kasing tahimik. Gusto n'ya ng tahimik eh." Sagot ni Deiver.
"Pake ko naman sa pusa mo? umuwi na nga kayo. Wala kayong mapapala dito." Saad ko at naglakad na kung sa'n ako papunta.
"T-teka—" Naramdaman ko ang paghawak n'ya sa braso ko. "Kukunin ko na ang pajama at damit ko, and I want to bring this back to you." Nilingon ko naman s'ya ng dahan-dahan. Itinaas n'ya ang isang paper bag.