Chapter 3
Naghahanda na ako para sa pagpasok ko sa unang klase suot ang uniporme, puting long sleeves na may patong na navy blue coat habang suot ko naman ang asul na palda na hanggang taas ng tuhod. Nakaharap ako ngayon sa salamin habang sinusuklay ang mahaba kong buhok nang biglang may nagsalita mula sa speaker na nakalagay sa bawat silid.
"Everyone, please proceed in the praetorium."
Ang praetorium ay lugar kung saan madalas ginaganap ang malawakang pagtitipon katulad nito. Isa itong malaking gusali na napapalibutan ng mga upuan sa gilid habang nasa gitna naman ang mismong platform.
Hindi ko alam kung anong meron bakit pinapapunta ang lahat sa gymnasium kaya agad kong kinuha ang schedule na binigay sa akin bago ako umalis sa office ni Headmaster.
Armor summoning, 'yon ang gaganapin ngayon kaya pinapapunta ang lahat sa gymnasium. Oras na ba para malaman nila ang kapangyarihan ko? I know how to use my power, my father teached me since I was little, there's no reason to worries. I convinced myself.
Sa armor summoning dito malalaman kung ano ang kapangyarihan ng isang mage dito din nakabase kung gaano kalakas ang kapangyarihan mo at kung hindi ako nagkakamali ay dito din malalaman kung saang class ka nabibilang dahil ang bawat class dito ay nahahati sa anim na katergorya; pyrus, ventus, aquos, subterra, darkus at haos. Pero dahil walang mage ang nagtataglay ng haos at darkus naging apat na lamang ang class sa academy at 'yon ay ang apat na elemento. Iyon lamang ang nabasa ko kahapon sa library dahil malapit na itong magsara kaya hindi ko na natapos ang pagbabasa.
Ito siguro ang dahilan ni Papa kaya ayaw niyang may ibang makakaalam ng tungkol sa kapangyarahan ko dahil hindi pangkaraniwan ang kapangyarihan ko. Hindi ko alam kung meron pang nagtataglay ng gantong kapangyarihan sa labas ng academy, 'yon siguro ang susunod kong aalamin.
Mas binilisan ko na lang ang aking kilos bago pa dumami ang tao sa gym palabas na sana ako ng may kumatok mula sa pinto.Marahan kong hinawakan ang seradura ng pinto at dahan-dahan itong binuksan.
"Good morning Charlotte!" Sumalubong sa akin ang nakangiting mukha ni Louise. What is she doing here?
"Anong ginagawa mo dito?" I asked without the evidence of gratefulness but in a good way tone.
Sumimangot ito na parang nagtatampo sa inakto ko. "Pinupuntahan ka sabay na tayo papuntang praetorium," she said while showing her puppy eyes.
I nodded. Wala naman akong ibang choice ayaw kong kulitin niya ako ng kulitin. Habang naglalakad kami nagsimula na naman siyang magkwento ng magkwento wala na naman tigil ang kanyang bibig.
"Ganyan ka ba talaga tahimik?" she asked while we are walking. Tumango lang ako sa tanong niya wala naman akong dapat pang sabihin.
"Alam mo dapat palagi kang sumama sa akin para naman mahawa ka sa kaingayan ko, sige ka, baka mapanis laway mo niyan kung hindi ka magsasalita," pahayag nito habang natatawa-tawa pa.
That's not going to happened, one of this day I will be moving out from this academy. Its not my home or my place. After I finish studying here I will leave this place and we will leave this kingdom.
Nang makarating kami sa praetorium ay marami ng student ang nakaupo. Malaki ang lugar kaya naman tama lang sa madaming student ng academy. May mga banderang nakalagay sa bawat sulok, sumisimbolo ito sa bawat attribute.
"Charlotte dito na lang tayo madami ng tao sa bandang unahan, eh kitang kita din naman dito." Sumunod lang ako sa kanya sa paglalakad sa bandang gitna kami ng bleachers pumwesto.
"Oo nga pala dito ka din ba nag basic education?! Hindi kase kita nakikita sa mga klase dati. Saan casa ka ba madalas?" tanong nito habang busy sa pagtingin-tingin sa paligid na parang may hinahanap.
"No," maikling sagot ko.
"No? Kung gano'n paano ka nakapasok sa advance?" Mas naging interesado ito dahil nakatutok na ngayon ang atensyon niya sa akin. Halata ang pagkalito sa mukha nito.
"I took the examination for basic education and I passed it." I simply answered.
Bago kase makatapak sa advance education ay meron pang tinatawag na basic kung saan dito tinuturo o pinag-aaralan kung paano sumulat at bumasa habang sa advance naman ay nandito na ang formal training at ilan pang bagay na dapat malaman ng isang elemental user.
"Wow ang galing mo naman pala... ibig sabihin wala ka talagang formal basic education?" she asked, again. I saw her eyebrows furrowed.
"Yes," I replied. Marami pa siyang tinanong tungkol sa pagpasok ko dito na sinagot ko naman, ang iba naman ay tango lang ang aking naging sagot. Natigil lang siya sa pagtatanong ng may tumawag sa kanyang pangalan.
"Louise!" Napalingon kami sa tumawag sa kanya, isang babae ang naglalakad papalapit sa pwesto namin suot nito ang kanyang uniform.
May maikli siyang buhok na hanggang balikat na bumagay naman sa kanya at 'yong bangs niya na tumatakip sa kanyang noo. Mapupula ang kanyang mga labi at naka-emphasize ang kanyang mga mata, mapapansin din ang maayos niyang kilay na tila pinagtuonan ng pansin para ayusin. Kung titingnan siya ay mukhang masungit pero sa paraan ng kanyang pagsasalita napakalamyos ng kanyang boses.
"Violet! OMG! I miss you girl." Tuwang tuwa silang nagyakapan na parang matagal na hindi nagkita.
"Namiss din kita, I'm glad nasa advance ka na din palagi na tayo magkakasama," pahayag ng babae.
Hindi ko na sila pinansin pa inilipat ko na lang ang atensyon ko sa ibang student na nasa loob at masayang nagkakamustahan.
"Charlotte!" Pero bumalik ang atensyon ko sa kanila ng tawagin ni Louise ang pangalan ko. Nakangiti sa akin ang babaeng tinawag na Violet ni Louise.
"Girl, this is Charlotte my new friend. Charlotte, this is Violet nasa advance na siya since last year." Pagpapakilala niya sa amin sa isat isa.
"Hi Charlotte, nice meeting you!" saka nito inabot ang kamay para makipag shake hands. Nagdadalawang isip pa ako kung tatanggapin ko ba o hindi pero sa huli ay tinanggap ko din ito. Ayaw ko lang maging bastos sa harap ng ibang tao. Hindi ako pinalaki ni Mama at Papa na gano'n. Nakangiti siyang nakipagshake hands sa akin habang ako naman ay nakatingin lang sa aming mga kamay. Hindi ko magawa ngumiti dahil pakiramdam ko hindi nababagay sa lugar na 'to. Ang lugar ng mga matataas sa lipunan.
"Goodluck sa inyong dalawa, galingan niyo sa summoning at leveling, ah. Bye! Babalik na ako sa pwesto ko," paalam nito sa aming dalawa.
"Bye! Oo naman ako pa ba hindi ata ako nagpapatalo, 'no," sabay tawa ni Louise. Bumeso pa ito sa aming dalawa. Pagkaalis niya ay bumalik na kami sa aming pwesto dahil nagsisimula ng magsalita si Headmaster Avalon.
"Good morning! Student of Asgard Academy."
"Good morning, Headmaster Avalon and Professors!" balik na bati naman ng karamihan.
Hindi magkamayaw ang karamihan dahil isang panibagong taon na naman ang silang magkakasama, kakatapos lang ng bakasyon kaya ang lahat ay busy sa pagkwe-kwentuhan. Marahil ay pinag-uusapan nila ang kanilang mga naging karanasan nitong nagdaang bakasyon.
"Welcome back, here in Asgard Academy! Are you ready for today's activity?" Isang malakas na sigawan ang sagot ng mga student galing sa aming pwesto dahil dito nakapwesto ang mga bagong papasok sa advance.
Nakahiwalay ang upuan ng mga advance sa mga novicii o ang bagong tapak sa advance dahil sila ay nakagrupo ayon sa kanilang attributes o elements.
Rinig na rinig ang excitement sa bawat isang novicii, excited silang malaman kung anong level nila at ipakita sa lahat kung anong kaya nilang gawin. Habang ako naman ay tahimik lang na nagmamasid sa paligid kausap ni Louise ang nasa kabilang tabi niya kaya hindi ako ngayon ang dinadaldal niya.
"Kung gano'n maari na nating simulan ang summoning and leveling."
May pumalit sa pwesto ni Headmaster at ito ang nagpatuloy kung anong dapat gawin sa summoning kung paano mae-execute ng tama ang bawat armor. Hindi ko pa nasusubukan gawin ang summoning na sinasabi nila dahil nang mamatay si Papa ay wala pa ako sa tamang edad para gawin 'yon, kaya hindi niya naituro sa akin ang tamang proseso.
Nagsimula ng tawagin ang bawat sasalang sa summoning nawala ang atensyon ko sa nagsu-summoning nang maramdaman kong parang may nakatingin sa akin. Hindi nga ako nagkamali isang pares ng mata ang kanina pang nakamasid sa akin, matalim na tingin ang binibigay nito sa akin. Hindi ko alam kung anong gusto niyang iparating pero iba ang pakiramdam ko sa paraan ng kanyang pagtitig. Tuwing nararamdaman ko ang presensya niya parang may gustong kumawala sa loob ko. Pakiramdam ko konektado ang katawan naming dalawa pero alam kong imposible 'yon, isa pa hindi ko alam kung sino siya o kung anong klaseng wizard siya ang alam ko lang kapatid siya ni Louise.
"Sino ka ba talaga?" Muli ko na namang narinig ang boses niya sa utak ko, bigla akong nakaramdam ng kaba, nagtaasan ang buhok sa batok ko. Pilit kong inalis ang tingin sa kanya at nagfocus sa baba ng gymnasium kung saan nangyayari ang summoning, ayaw kong malaman niyang naririnig ko siya.
"Nice start Miss Gaela, B class wizard. It's not bad," pagpuri ng tagapagsalita mula sa stage. Kakatapos lang ng isang babae sa summoning at leveling. Isa siyang B class at ang attributes niya ay subterra. Masaya siyang tumakbo sa mga kapwa niya subterra. Muling nawala ang armor na suot ng babae, bumalik na sa dati ang damit nito.
Gano'n pala ang sinasabi nilang armor summoning, isang kasuotan na sinusuot sa pakikipaglaban katulad ng sa mga soldat, ang kaibahan lang ay puno ng palamuti ang armor na ito depende sa'yong attribute.
Malalaman naman kung anong level na ang kapangyarihan mo depende sa armor mo. Bawat level at attributes ay magkakaiba ang armor, mas mataas na level mas malakas at mas magandang armor. Dahil subterra 'yong babae kanina kulay brown ang kanyang armor na may kakaibang desenyo.
Madami pang tinawag bago ko marinig ang pangalan ni Louise. "Louise Cambridge, are you ready?"
Nakangiti itong tumango saka tumakbo papunta sa platform sa gitna ng praetorium kung saan isinasagawa ang summoning. Binalot ng isang force field ang platform, parang pinoprotektahan nito ang mga student na nanonood sakali mang mawala sa control ang summoner.
Nagsimula ng mag enchants si Louise, may binigkas siyang salita tapos biglang nabalot ng tubig ang force field na bumabalot sa kanya. Unti-unting nawawala ang tubig, lumitaw si Louise na ngayon ay naka aquos armor. Kulay berdeng armor ang kanyang suot kita ang kalahati ng kanyang tiyan at nakalabas din ang balat sa kanyang mga binti habang hawak niya ang isang double-sided spear.
Sa taas ng force field doon lumabas ang kanyang level, she's a B+ class.
"Congratulation Miss Cambridge, a B+ class wizard." Nagpalakpakan ang lahat sa kanya masaya si Louise na pumunta sa mga kapwa niya aqous.
Bago pa tawagin ang pangalan ko ay minabuti ko na munang pumunta sa comfort room, bigla akong nakaramdam ng kaba. Dali-dali akong naglakad papasok ng cubicle, habang nasa loob ako narinig ko ang pagbukas at pagsara ng pinto. Ilang minuto pa bago ako lumabas laking gulat ko ng makita ko siyang nakasandal sa sink habang taimtim na nakatitig sa sahig. Nang naramdaman niyang nakalabas na ako sa cubicle lumipat ang kanyang tingin sa akin.
"Anong ginagawa mo dito?" Bakas ang pagkagulat sa aking boses. Hindi ko pinahalata ang kabang naramdaman ko ng makita ko siyang naghihintay sa akin. Yes, alam kong ako ang dahilan ng pagpapasok niya dito.
Nakatitig lang ito sa akin na parang naghihintay ng sunod kong sasabihin. Wala akong nagawa kung hindi salubungin ang kanyang malalim na titig. Muli ko na namang naramdaman ang kaba tuwing malapit ang kanyang presensya pakiramdam ko inuubos ang aking lakas parang nanghihina ang aking katawan.
"Alam kong naririnig mo ako. Sino ka ba talaga?" Pumalibot sa maliit na silid ang kanyang baritonong boses. Matalim na titig ang binigay sa akin, na kahit ano mang oras ay parang kaya niyang bawiin ang buhay ko.
Hindi magandang ideya ang mapalapit sa kanya, hindi maganda ang idudulot niya sa akin. Iyon ang nararamdaman ko.
"Hindi ko alam ang sinasabi mo!" Pagtanggi ko sa sinasabi nito. Alam ko kung anong tinutukoy niya pero mas mabuti ng hindi niya alam na naririnig ko siya para hindi niya ako guluhin. Hindi ba dapat ako ang nagtatanong sa kanya kung sino ba talaga siya dahil paanong nagkaroon ng kakayahang makabasa ng isip ng iba ang katulad niyang nakatira sa kaharian ng Asgard.
"Huwag ka ng magkunwaring hindi mo alam, nakikita ko sa mata mo ang katotohanan," pahayag nito na may mapaglarong tono habang naglalakad papalapit sa akin dahilan para ma-estatwa ako sa kinatatayuan ko. Mas bumilis ang tibok ng puso ko kumpara kanina.
"Huwag kang lalapit." Hindi sinasadyang lumabas sa sarili kong bibig, kahit ako ay nagulat sa aking sinabi.
Nagkaron ng kurba sa kanyang mga labi. "Scared?"
"Umalis ka dito." I said with a dangerous tone. I saw satisfaction in his eyes... tila ba natutuwa siya sa nangyayari ngayon. Mas lalong lumawak ang kurba ng kanyang labi tinitigan niya muna akong mabuti bago tuluyang lumabas ng comfort room. Saka lang ako nakahinga ng maayos bumalik sa normal na pagtibok ang aking puso. Bakit ganon pakiramdam ko may malakas na atraksyon sa pagitan naming dalawa? Ginamitan niya ba ako ng kapangyarihan niya? Anong klaseng kapangyarihan ang meron siya?
Lumabas agad ako ng comfort room ng makapag-ayos ako ng aking sarili, marahil ay malapit na akong tawagin kanina pa ako nasa loob dahil sa lalaking 'yon.
Pagkabalik ko sa aking pwesto kanina ay sakto namang tinawag ang aking pangalan. "And our last summoner, Miss Charlotte Grandidge!"
Tumayo ako mula sa aking pwesto at naglakad papuntang platform sa gitna ng praetorium biglang tumahimik ang buong paligid siguro ay nagtataka ang ilan kung sino ako dahil malamang ngayon lang nila ako nakita sa academy na ito. Nang makarating ako sa gitna hindi sinasadyang napadako ang aking tingin sa pwesto ng mga aquos nakita kong nagthumbs-up sa akin si Louise na may malapad na ngiti sa kanyang labi.
Huminga muna ako ng malalim bago tuluyang ipikit ang aking mga mata at bigkasin ang mga salitang, fos panoplia. Pagmulat ko ng mata ko unti-unting binalot ng liwanag ang buong force field pero bago tuluyang matakpan ang liwanag na nanggagaling sa akin nakita ko ang pagkagulat sa kanyang mga mata mula sa malayo. Isang mapangasar na ngiti ang binigay ko sa kanya hanggang sa wala na akong makita mula sa loob kundi liwanag.
Unti-unting nagbago ang aking kasuotan nararamdaman ko ang pagdaloy ng sarili kong kapangyarihan sa aking buong katawan, hindi nagtagal ay naglaho din ang liwanag. Natahimik ang buong paligid, kita ko sa kanilang mga mata ang pagkagulat at pagkamangha sa kanilang nasaksihan. Hanggang sa napadako ang aking tingin sa stage kung saan nakapwesto ang mga Professor at si Headmaster Avalon. Tulad ng karamihan, gano'n din ang naging reaksyon nila maging ang tagapagsalita ay nakalimutan na ang kanyang sasabihin.
Lumabas sa taas ng force field kung anong level of wizardry na ako, A class, dahilan para mas lalong mamangha at magulat ang lahat.