Claudia's POV
Nagising ako dahil sa pakiramdam na may nakatitig sa akin, naiilang tuloy ako kahit na inaantok pa ako. Pagdilat ko, laking gulat ko ng makita ko kung sino 'yung tumitingin sa akin.
"15 minutes na tayong late kaya kung ako sa 'yo ay babangon na ako." Rinig kong sabi niya.
"Ha? Late?" Nagtataka kong tanong sa kanya.
"Oo, monday ngayon at may pasok na. Baka gusto mong pumasok?"
Oo nga pala! Napagod kasi ako kahapon. Nawala sa isip ko na may pasok ngayon.
"Isang oras na po akong naghihitay sa 'yo. Ang tagal mong bumangon," Nakakunot-noo niyang sabi.
"Aba, hoy! Sino ba nag-utos sa 'yo na maghintay ka riyan kung pwede ka namang pumasok mag-isa? Ano walang paa? Naiwan mo sa akin?" Pabalang kong sabi. Ang lakas kasing manisi hmp!
"At sino rin bang nagsabing magpakilala ka bilang girlfriend ko? Tapos aasta kang single ngayon. Tandaan mo Chescka, lagi na tayong magsasama ngayon dahil girlfriend na kita. At bilang boyfriend mo, may obligasyon ako sa sarili ko para sunduin at ihatid ka pauwi."
Wala akong nasabi sa haba ng speech niya. Pero medyo alanganin ako sa sinabi niyang laging magkasama--- pati ba sa cr?
Tsk! Claudia ano ba 'yang iniisip mo! Mabilis akong napailing.
"Mag-asikaso kana para makahabol pa tayo sa klase." Napatingin nalang ako sa kanya hanggang sa makalabas na siya ng kwarto ko.
***
Sean POV
Akala ko sa lalaki lang uso iyong matagal at mantika kung matulog, pati rin pala ang babae ay gano'n at si Chescka ang halimbawa. Napailing nalang ako habang pababa sa hagdan.
May mali sa mga sinabi ko kanina sa kanya pero salamat nalang at hindi na siya sumagot. Ito pa naman ang unang araw bilang magka-relasyon kami. Babawi nalang siguro ako mamaya.
Natanawan ko kaagad ang mama at mga kuya ni Chescka sa sala, mukhang hot seat ako base na rin sa tingin ng mga kapatid niya. Kalmado lang ang mama niya at parang matured version ni Chescka ang mama niya.
Maayos naman ang pakikitungo nila sa akin at pinapasok nila ako kaagad no'ng nakilala ako ni Kuya Jessie, ang panganay sa magkakapatid.
Si kuya Dwayne naman, ang pangalawa. Siya iyong nagpigil kay kuya Jessie no'ng nakita nila kami ni Chescka sa Jollibee at pangatlo si Kuya Kylle, na base na rin sa sinabi ng mama ni Chescka, college student. Paalis na siya kanina no'ng dumating ako kaya naman si kuya Jessie at Dwayne lang ang nandito kasama ng mama niya.
"Halika Sean, maupo ka." Aya ng mama ni Chescka.
Sa single chair ako naka-upo habang ang mga kuya niya at mamaya niya'y nasa magkabilang sofa.
Mga ilang minuto ang lumipas bago may naglakas-loob na magsalita.
"Usapang lalaki, mahal mo ba talaga ang kapatid ko?" Tanong ni kuya Jessie.
"Huy! Ikaw talaga Jessie, tinatakot mo naman eh." Singit ng mama nila.
"Look Ma, nagtatanong lang naman ako. Kaya nga usapang lalaki eh." Sagot ni kuya Jessie.
Hinampas siya sa braso ng mama niya, " 'Wag ako Jessie, may pa-usapang lalaki ka pa riyan."
Kung hindi lang siguro ganito ang sitwasyon ay baka sakaling tumawa na ako sa reaksyon ng Mama nila.
"Pasensya kana iho, ako si Edderf Claud at mama ni Claudia. Tawagin mo nalang akong Tita o Mama. Gusto ko lang sabihin na ingatan mo si Claudia. Siya na kasi ang pinaka-kayamanan namin. Gustong-gusto kong magka-anak na babae kaya naman umabot pa sila sa apat." Natatawang sabi niya.
"Prinsesa namin dito si Claudia kaya naman gano'n nalang kung protektahan namin siya. Mahal na mahal namin siya. Kung darating man kayo sa punto na hindi kayo magka-intindihan, nandito kami para umalalay at gumabay sa inyo. 'Wag mong sasaktan si Claudia kasi masakit bilang ina na makita ang anak na umiiyak."
Napalunok ako. Pakiramdam ko ay umiinit ang paligid teka, sinusunog na ba ako dahil alam ng konsensya ko kung ano ang totoo? Ang hirap magsinungaling!
"Ma! Akala mo naman ikakasal na sila kung anu-ano na sinasabi mo," sabay tawa ni Dwayne.
"Gusto ko lang sabihin 'yung nararamdaman ko." Sagot naman ng Mama nila saka pinandilatan si kuya Dwayne.
"Basta iho, iyong mga sinabi ko ha. Wala pa kasing pinapakilalang nobyo si Claudia kaya napapa-isip ako kung babae rin ba ang gusto niya pero salamat at hindi. Isang lalaki pa lang ang naipakilala niya rito sa bahay, si Mike. Iyong iba mga kaklase lang niya," paliwanag niya.
Sino naman si Mike? Naputol ang pag-iisip ko nang bigla nalang may kumalabog. Iyong ingay na may nahulog, paglingon ko ay si Chescka ang nakita ko. Nakasalmpak siya sa sahig. Napabuntong-hininga ako, ang prinsesa nila may pagka-clumsy.
Tumayo na ako para tulungan siya at gano'n din naman ang mga kapatid at nanay niya.
"Kota mo na ang paggulong sa hagdan ah," si Kuya Dwayne iyon habang may pang-asar na ngiti sa labi.
"Sige tumawa ka sasapakin kita diyan!" Inis namang sabi ni Chescka.
"Anak naman mag-lakad ng maayos. Lagi ka nalang gumugulong sa hagdan, may bisita ka pa naman."
Inalalayan ko na sa pagtayo si Chescka. Napansin ko rin na hawak-hawak niya sa magkabilang kamay niya ang medyas at sapatos niya. Tapos iyong bag-pack niya nasa may braso na ang strap. Halatang nagmamadali.
"Nandiyan kasi prince charming niya, alam niyang may tutulong," Tipid naman na sabi ni kuya Jessie.
Tipong hindi ko alam kung seryoso o biro ba iyong pagkakasabi niya. Hayaan na nga.
Umupo na sa sofa si Chescka para mag-sapatos.
"Dapat kasi sa taas mo na 'yan ginawa, anak."
"Nandito na ako eh, saka anong oras na rin, Ma. Late na kami ni Sean," sagot niya.
Mabilis na siyang tumayo at saka humarap sa salaming nasa ding-ding para mag-suklay.
Bagay sa kanya iyong uniform namin. Long-sleeve, paldang hanggang sa taas ng tuhod pero iyong sa kanya ay medyo maikli kaya medyo expose iyong legs niya pero bagay naman sa kanya, medyo hindi ko lang gusto. Mahabang medyas ang pares no'n at... Flat shoes? Ang alam ko dapat 3 inch ang taas ng black shoes nang babae para raw formal.
"Bakit naka-flat shoes ka?" tanong ko sa kanya.
"Hindi kasi mahilig sa may takong itong si Claudia. Kita mo, flat shoes pa nga lang gumugulong na sa hagdan paano kapag may takong pa?" Sagot ng Mama niya.
"Ma! Hindi maka-move on?" Inis na sabi ni Claudia.
Matapos magsuklay ay mabilis nitong sinukbit ang bag. Naiwan kasi iyon sa sofa no'ng magsuklay siya.
"Aalis na po kami."
"Ha? Eh hindi ka pa nag-aalmusal."
"Sa school na lang po ako kakain, Ma, Sean tara na!"
Napatingin ako sa mama niya. "Ako na po ang bahala. Alis na po kami," paalam ko sa Mama niya.
"Dito na po ako," sabi ko nalang. Nanonood kasi ng TV iyong dalawang kuya ni Chescka habang siya'y nauna ng lumabas.
Sumunod na rin naman ako kaagad at hindi ko na hinintay kung sasagot iyong dalawa. Alam kong duda pa rin sila pero salamat pa rin dahil magaan lang ang unang araw na ito.
"Sean!"
"Mag-ingat kayo, sige na at tinatawag kana ni Claudia."
Tumango nalang ako saka na tuluyang lumabas nakita kong nasa loob na pala ng kotse si Claudia. Aba, ang lupet!
©J. O. Arandia