Jessa's POV
Nasa kalagitnaan na kami ng kainan nang bigla na lamang may sumulpot sa likod ni Claudia. Natigilan ako, at pagtingin ko kay Tyra at Chincky ay gano'n din ang kanilang reaksyon.
"Sean? Bakit 'yon? May kailangan ka ba?" Si Chincky ang nagtanong.
"Pasensya na kung na-istorbo ko kayo. Pwede ko bang maka-usap si Claudia... 'yung kami lang sana," Sabi nito.
Nagkatinginan kaming tatlo sabay tingin namin kay Claudia. Ngumunguya ito ng pagkain.
"Sure, walang problema." Mabilis kong sagot bago pa sumagot si Claudia. Nagtataka naman akong tiningnan ng dalawa pero nasabi ko na eh, wala ng bawian. Wala naman sigurong balak na masama si Sean.
"Salamat," tipid nitong sagot bago balingan si Claudia.
Tumango nalang ako. "Teka! Hindi pa ako pumapayag, ah!" Angal ni Claudia.
Tinignan nito si Sean saka ako binalinga ng tingin.
"Saglit lang naman tayo," Sabi ni Sean.
"Ayon naman pala eh, saglit lang daw," Sabi ko.
Muli akong tiningnan ni Claudia na para bang sinasabing bawiin ko 'yung sinabi ko. Pero hindi ako nagpatinag.
"S-sige." Sagot na lamang ni Claudia sabay buntong-hininga nito.
Lihim akong napangiti pero nag-aalala rin ako sa kung anong attitude ang ipapakita ni Claudia. Hmmmm, sample-an mo nga ng katarayan, Claudia.
Claudia's POV
Magkasama na kami ngayon ni Sean habang naglalakad-lakad. Tahimik lang naman siya kaya gano'n din ako. Medyo malayo na kami sa lugar kung nasaan ang mga kaibigan ko.
"Chescka may hihingiin sana akong pabor. Kung pwede?" Bigla ay sabi nito kaya naman natigilan ako at napatingin sa kanya.
Teka, hindi ba kakakilala lang namin? Tapos kung makahingi naman ito ng pabor, akala niya close na kami kaagad.
Napabuntong-hininga nalang ako. "Anong pabor ba 'yon?"
Hindi kaagad siya sumagot kaya naman napatingin ako sa kanya.
"Tara," pagkasabi niya ay bigla niya akong hinawakan sa pulsuhan ko saka niya ako iginaya sa isang bench.
"Ano ng sasabihin mo?" Tanong ko ng maka-upo na kami.
Mga tatlong minuto siguro ang lumipas bago siya muling nag-salita.
"Chescka pwede bang mag-panggap ka bilang girlfriend ko?"
Sean POV
Hindi niya kaagad ako sinagot. Nakatingin lang siya sa akin.
Hanggang sa biglang nanlaki ang mga mata niya na para bang may nakitang kakabia sa mukha ko.
"Ano!?"
Napaatras ako dahil sa bigla niyang pag-sigaw. May iba ring napatingin sa direksyon namin.
"Sean nalipasan ka ba ng gutom!? Nasa mababang tono na niyang sabi pero may diin.
"Makinig ka kasi muna---"
"Anong makinig? Ikaw ang makinig. Pinag-aaral ka ng magulang mo tapos---"
"Hindi pa naman kasi ako tapos," pagpuputol ko sa mga sasabihin niya. "Makinig ka muna, magpapaliwanag ako," habol ko pa.
"S-sige. Pero limang minuto lang."
Mabilis kong pinaliwanag sa kanya ang dahilan ko. Dahilang gusto kong mag-kabalikan kami ni Chonna.
"Sean hindi mo ba kayang maging masaya na lang para sa kanilang dalawa?"
Natigilan ako sa sinabi niya. Napa-isip ako bigla. Maging masaya para sa kanila? Paano akong sasaya kung wala sa akin ang kasiyahan ko?
"Hindi, hindi pwede. Hindi ko kaya," matatag na sabi ko.
"Nabuhay ka naman ng wala sya diba?" Muling tanong niya.
"Pero iba 'yung ngayon. Teka nga, pumapayag ka na ba?" ako naman ang nagtanong sa kanya.
"Magulo pa ang lahat. Ang gulo-gulo Sean. Saka baka pagalitan ako sa amin, at isa pa ayokong mapag-usapan sa school dahil lang may boyfriend ako. Ayokong---"
"Nandito naman ako Chescka. Nandito ako sa tabi mo."
***
Claudia's POV
"Nandito naman ako Chescka. Nandito ako sa tabi mo."
Natigilan ako sa sinabi ni Sean. Bakit... bakit ang sarap sa pandinig? Ang gaan sa pakiramdam.
Pero mali! Mali parin! Hindi ako pwedeng basta nalang mag-desisyon ng hindi ko na-pag-isapan. Baka mapahamak ako. Ayokong mag-alala na naman si Mama dahil sa gagawin ko.
Tiningnan ko si Sean sa mata. "Pag-iisipan ko muna 'to. Hindi ko kayang pumasok sa ganitong sitwasyon na wala akong dalang bala. Ayokong sumugod sa giyera na maari akong matalo."
Napansin kong nangunot ang noo niya. "Naiintindihan ko, pasensya na. Hihintayin ko ang desisyon mo at sana positibo 'yon," Sabi na lamang nito.
Tinanguan ko na lamang siya saka na ako umalis. Ramdam ko ang pagsunod nito ng tingin sa akin pero hindi ako titigil. Hindi pwedeng basta nalang mag-desisyon at sa bandang huli ay pagsisisihan ko lang din naman.
***
Sean POV
Hindi naman pang-gigipit 'yung pabor ko sa kanya hindi ba? Saka masama bang gawin namin yung pagpapanggap? Hindi naman 'yun mahirap... Para sa akin. Napabuntong-hininga na lamang ako.
Lumakad na sya at hindi ko alam kung saan kami pupunta. Basta sinusundan ko lang sya.
"Sean kain na muna tayo." biglang sabi ni Claudia.
"Sige sann ba?"
"Ayun oh!" Sabay turo nya.
Sinundan ko naman ng tingin yung daliri nya kung saan ito nakaturo.
"Jollibee? Pambata lang 'yan!" Reklamo ko.
Saka kailan ba ako pumunta sa lugar na 'yan? Ni wala akong matandaan at hindi ko alam kung nakapasok na ba ako sa loob.
"Anong masama sa jollibee? Gutom na'ku kaya 'wag ka nang mag-inarte dyan!" Nakabusangot na sabi niya. Gutom na nga yata siya.
Lumakad na siya at iniwan ako. Napapailing na sinundan ko na lamang siya.
Malayo pa lamang ay may natatanaw na ako. Binilsan ko 'yung lakad ko para maabutan ko si Chescka.
"Nandiyan sila!" Bulong ko sa kanya
"Sino?" Nakakunot-noo niyang tanong saka inilibot ang tingin sa paligid.
Napansin kong natigilan siya at alam kong nakita na niya kung sino ang tinutukoy ko.
"Si Chonna at saka si Levi," muling bulong ko sa kanya.
"Oh! Sean? Is that you?" Tanong ni Chonna ng makalapit sila sa amin.
Tumango lang naman ako sa kanya saka ko binalingan ng tingin si Chescka na ngayon ay nakatitig sa kanya.
"Chonna... As in Chonna!?" Gulat na tanong ni Chescka na siyang ipinagtaka ko. Maging si Melvin ay nagtaka rin pero hindi ito nagsalita.
"Ikaw 'yung ex ni Sean, ohh. Maganda ka nga," sambit ni Chescka samantalang si Chonna, nakatingin lang sa kanya.
Ano kayang plano nito?
"Sino ka?" tanong ni Chonna sa kanya, "Alalay ka ni Sean?"
Muntik na akong matawa pero mabuti nalang at napigil ko.
Bigla namang tumawa si Chescka. "Sa ganda kong ito? Sabihin na lang natin na alalay nga ako dahil gusto ko siyang alalayan sa buhay niya." Nakangiting sabi ni Claudia.
Natigilan ako bigla at napatingin sa kanya. Tinignan naman ako ni Chonna.
"Chonna ako si Claudia, girlfriend ni Sean. I hope na maging mag-kaibigan tayo. Pero mukhang hindi ata pwede pero wala namang mawawala kung susubukan natin diba? Simulan natin next time kasi ngayon, date namin ni Sean at gusto kong kami lang munang dalawa," Nakangiti nyang sabi.
"O-okay." alanganing sagot ni Chonna,
Mukhang hindi niya inaasahan na gano'n ang sasabihin ni Chescka. Halata ring hindi siya naniniwala sa sinabi nito, pero bahala na. Ipinakilala na ni Chescka ang sarili niya bilang girlfriend ko kaya sasakyan ko na.
"So, paano? Mauna na kami ha," pahabol pa ni Chescka saka na ako hinatak palayo.
Napansin ko ang malalaking hakbang niya na parang nagmamadali na makalayo kala Chonna. Napapangiti nalang tuloy ako. Hindi niya ako hinayaang mapahiya kanina.
Simula ng magkita-kita kami kanina napansin ko ang pananahimik ni Chescka. Para siyang inis na ewan? Nauuna na siyang maglakad ngayon at hindi ako pinapansin. Mabilis siyang pumasok sa loob ng Jollibee. Sumunod lang naman ako, nakita ko siyang pumila na kaya naman naghanap na ako ng mauupuan namin.
Hindi nagtagal mukhang ako naman ang totopakin, paano ba naman may kausap siya ngayong lalaki. Napansin ko ring nagbago ang mood niya mula kaninang parang suplada, ngayon naman ay good mood na siya. Sino ba ang kausap niya? Napansin kong pinauna pa siya ng lalaki sa pila. Napailing nalang ako saka mabilis ng tumayo.
***
~Claudia POV
May mga tao talagang hindi mo inaasahang makikita. Katulad nalang nang ex ni Sean na si Chonna. Good mood naman ako kanina kaso ayoko ng manners niya, pagkamalan ba naman akong yaya ni Sean? Seryoso? Akala niya kina-ganda niya. Hmmp! Umiinit talaga ulo ko.
Pagtingin ko sa likuran ko ay wala si Sean, tingnan mo hindi pa ako sasamahang pumila dito. Nilibot ko ang tingin sa paligid at nakita ko siyang naka-pwesto na, ng lumingon siya sa gawi ko ay mabilis kong binalik ang tingin ko sa harapan.
Napansin kong lalaki pala itong nasa unahan ko at isang may edad naman ang nasa unahan niya. Napahawak ako sa tiyan ko ng kumalam iyon. Grabe ka tiyan hindi ka marunong maghintay!
"Miss, mauna kana sunod nalang ako sa 'yo." nagulat ako sa sinabi ni kuyang nasa harapan ko.
"S-salamat," medyo nahihiya kong sabi.
"Welcome, mas mukha ka ng gutom kaysa sa akin eh," nagpipigil ito ng tawa sa sinabi.
Napasimangot ako. "Pasensya na, iba kasi talaga kapag gutom hindi mapigilan," natatawa kong sabi.
Tumawa rin naman siya, mukhang iyong pagtawa ko ang naging approval para tumawa siya. Magsasalita pa sana siya nang bigla nalang sumingit si Sean.
"Babe ako na pipila, hintayin mo nalang ako sa upuan," sabi nito na siyang nagpakunot ng noo ko.
"Okay na, ako na naman ang susunod." sagot ko sa kanya pero kibit-balikat lang sinagot niya.
Nang lingunin ko iyong lalaki sa likuran namin, tipid lang siyang ngumiti. Eksena rin si Sean eh.
Siya na ang nagsabi ng kung anong o-order-in namin. At siya na rin ang nagbayad, aba dapat lang! Gigil niya ako kanina.
Mabuti nakahanap kami kaagad ng mauupuan, ang mokong kasi iniwan iyong inuupuan niya kanina kaya may naka-upo na ngayon doon.
Mabilis na niyang inilapag ang tray ng order namin. Inilapag ko rin naman iyong tray na bitbit ko. Medyo may karamihan din kasi ang in-order ni Sean, mukhang gutom din siya.
Mabilis naming nilantakan ang pagkain. Inuna ko muna iyong chicken at rice, tapos Jolly spaghetti, fries at sundae. Pinahuli ko ang coke float.
Saktong maubos ko ang coke float ay siya namang biglang pag-dighay ko. Huli na ang lahat para takpan ko ang bibig ko dahil base sa mga matang nakatingin sa gawi namin, narinig nila ang malakas kong dighay. Nakakahiya! Nang tingnan ko si Sean, nakayuko siya. Aba't!
"Ang takaw kasi," rinig kong bulong niya.
Napansin kong nagpipigil siya ng tawa base na rin sa pagka-pula ng mukha at tainga niya.
"Subukan mong tumawa, itatarak ko sa 'yo itong tinidor!" pagbabanta ko sa kanya.
Tinitigan ko siya. Mukhang ako ang matatawa dahil sa itsura niya. Hindi siya tumawa pero bumuntong-hininga naman siya ng paulit-ulit.
"Claudia?"
***
~Sean POV
"Claudia?" napatingin ako sa gilid namin ng tawagin siya ng lalaki.
Tatlo sila at iyong pinaka-matangkad ang nagsalita.
"K-kuya?" gulat na sabi ni Chescka.
Kuya naman pala niya akala ko may istorbo na naman.
"Anong ginagawa mo rito? Saka sino 'yang kasama mo?" tanong muli nito habang iyong dalawa ay tahimik lang na nakatingin.
"Sabi mo sila Chincky ang kasama mo? Lalaki na pala si Chincky ngayon? Natututo ka ng maglihim sa amin ng mga kuya mo." Iiling-iling na sabi nito.
"Tama na 'yan kuya Jessie, sa bahay na natin kausapin si Claudia, 'wag dito," Sabi ng isa namang lalaki.
"Sir, excuse po. Ako po si Sean---"
"Kuya, siya si Sean. Remember no'ng na-suspend ako? S-siya iyong sinuntok ko tapos siya iyong anak ng may-ari nang school. Boyfriend ko po siya." pagpuputol ni Chescka sa sasabihin ko.
"A-ano!?" Gulat na tanong nang tatlo sabay tingin sa akin.
"Umuwi ka ng maaga Claudia, at ikaw magpapaliwanag ka sa amin." sabi ng pinaka-matangkad na kuya ni Chescka.
"Tara," aya nito sa dalawa saka na kami iniwan.
Sa kabilang pwesto sila umupo at iyong mukha pinaka-bata sa tatlo ang um-order dahil iyon ang nakapila ngayon.
Nang balingan ko ng tingin si Chescka, mukha siyang lutang.
"Magpapaliwanag naman tayo," Sabi ko.
Tiningnan niya lang ako saka bumuntong-hininga. Mukhang hindi madali sa side niya ang usapan namin. Pero sana hindi siya umayaw.
"Gusto ko ng umuwi," Sabi niya saka na tumayo.
Tumayo na rin ako. Nang lingunin ko ang gawi ng mga kuya niya ay napansin kong nakatingin sila sa amin. Yumuko nalang ako para sabihing aalis na kami.
***
~Claudia POV
Kakasabi ko lang kanina, may mga taong kahit hindi mo gustong makita... Bigla nalang susulpot sa harap mo. Ang malala pa, kapag kamag-anak mo tulad nalang nitong nangyari sa akin. Haaay!
Bakit ba hindi ko naisip na pwedeng pumunta sila Kuya dito? Hindi lang naman ako ang may paborito sa lugar na 'to, pati na rin iyong mga kuya ko. Buti nalang si Kuya Jessie lang iyong nagsasalita kanina at tahimik lang sila Kuya Dwayne at Kylle. Si kuya Jessie talaga ang pinak-protective, panganay kasi eh. Pero err! Pinakilala ko na si Sean sa kanila bilang boyfriend ko at wala ng bawian. Natataranta kasi ako kanina, pambihira!
"Kanina ka pa tahimik," napalingon ako sa gilid ko. May kasama pala ako, nawala sa isip ko si Sean.
"Pwede naman kitang samahan para magpaliwanag."
Napahinto ako sa paglalakad, "At anong sasabihin mo? Na fake-girlfriend mo lang ako dahil gusto mong magkabalikan kayo ni Chonna? Baka kapag nalaman iyan ng mga kuya ko ay ipalipat nila ako ng school." Pagpapaliwanag ko sa kanya. Natahimik lang naman siya.
See? Suggest pa siya eh, akala mo talaga.
"Basta ako na ang bahala, sasabihin ko na lang sa iyo kung ano iyong napag-usapan namin para kapag kakausapin ka nila ay may ideya ka. Hindi mo naman ako pinilit at kasalanan ko rin dahil pinakilala ko ang sarili ko bilang girlfriend mo kaya paninindigan ko." Iyon nalang ang sinabi ko bago ako tuluyang naglakad ulit.
Sana lang maging maayos ang lahat.
©J. O. Arandia