Celine's Point of View
Isang magandang umaga para sakin. Maganda ang araw na 'to dahil ngayon ang araw na matagal ko ng pinakahihintay, ang aking kasal.
Sa wakas ay ikakasal na rin ako sa aking karelasyon ng mahigit pitong taon. Since second year highschool ay kami na, kaya hindi ko maipagkakaila na masaya ako ngayong araw dahil magsesettle down na rin kami.
Nandito nga pala ako sa isang sikat na hotel, dito kami nag-stay lahat kasama ang mga kamag-anak kong dumating kahapon para dumalo sa araw ng kasal ko.
Magkakaibang kwarto naman kami dahil dito din sila sa hotel aayusan para sa enggrandeng kasal ko ngayong araw. Nanggaling pa ang mga kamag-anak ko sa iba't-ibang bansa. Inimbitahan kasi sila nina papa't mama na dumalo sa kasal ko. Dito rin kasi mamaya ang reception ng aking enggrandeng kasal sa pinaka-gwapo at hearttrob sensation ng Miller Academy at Miller University.
Narinig kong bumukas ang pinto kaya naman lumingon ako sa pintuan para tingnan kung sino ang nagbukas non. Nakita ko naman na bahagyang sumilip ang ulo ni mama dun.
"Ano ba naman yan anak! Bakit hindi ka pa nagpe-prepare?" Bungad na sabing tanong ni mama sakin.
Nakaupo lang kasi ako sa paanan ng kama habang nagse-senti. Hindi pa rin ako naliligo hanggang ngayon, nakakatamad pa kasing tumayo.
"Eh, kasi ma.. tinatamad pa akong maligo e." Pagdadahilan kong sabi kay mama.
Totoo naman kasing tinatamad pa ako e, at inaantok pa. Hindi lang halata na mukha akong puyat ngayon.
Napuyat ako kagabi dahil nga sa excited ako sa kasal ko ngayon.
"Anak naman, alam mong ngayon ang araw ng kasal mo e, sabihin mo lang kung ayaw mo ng ituloy ang kasal mo. Ikatutuwa ko pa yun." Prangkang sabi ni mama sakin.
Napataas naman ang isang kilay ko sa sinabi ni mama sakin. Hindi niya kasi suportado ang relasyon namin ni Dominic kaya ganyan siya. Sa simula't sapul pa man ay ayaw na ni mama kay Dominic para sakin. Hindi ko alam kay mama kung bakit ayaw niya kay Dominic.
"Ma naman e! hanggang ngayon ba naman ay ayaw mo pa rin si Dominic para sakin?" Nagtatampong sabi kong tanong kay mama at inismiran siya.
"Sinabi ko na sayo nung una pa lang, na hindi ko gusto ang lalaking yun para sayo kaya kahit anong gawin mo ay ayaw ko talaga sa kanya, wala siyang maidudulot na maganda sayo." Naiiritang sabi ni mama sakin.
Ito na naman po kami sa argumento na 'to. Hindi pa rin nagsasawa si mama na ipaalala sakin araw-araw na hindi niya gusto si Dominic para sakin.
"Ano po ba talagang rason o problema? Bakit ayaw mo si Dominic para sakin, Ma?" Naguguluhang tanong ko sa kanya.
Hindi ko talaga kasi alam kung ano ang problema ni mama kay Dominic e.
"Basta, sa tamang oras malalaman mo rin kung bakit ayaw ko sa kanya."
Bakit nga kasi e?
"Mag-asikaso ka na.. bago ko pa maisipang itakas ka sa kasal mo ngayon dun sa lalaking yun." Seryosong sabi ni mama at inismiran ako.
Padabog niya namang isinara ang pinto ng kwarto na tinuluyan ko kaya naman napahiga na lang ulit ako sa kama at napabuntong hininga ng sobrang lalim.
Ano ba kasing problema ni mama kay Dominic?
Dalawa lang kami ni mama na nag-stay dito sa hotel pero magkaibang kwarto. Ewan ko kung makakapunta si papa sa kasal ko ngayon. Hindi rin kasi suportado ni papa ang relasyon ko kay Dominic. Parehas na hindi gusto ng parents ko si Dominic para sakin. Kaya lang naman natuloy ang kasal na 'to dahil sa kakulitan ko e.
Pinilit ko kasi ang parents ko para maikasal kami ni Dominic lalo na't ipinakita ko sa kanila noon ang engagement ring ko na katunayan na nagpropose na si Dominic sakin, kaya ayun wala silang nagawa kundi ang pumayag sa gusto ko.
Ilang minuto pa ang lumipas ng mapagpasyahan ko ng tumayo at magtungo na sa banyo para maligo. Tiningnan ko muna ang oras at alas siyete na pala ng umaga.
Alas otso kasi darating ang mga mag aayos sakin para sa kasal ko. Mga classmate ko sila since highschool at syempre mga bestfriends ko din sila. Sila kasi mismo ang nagpresinta sakin na kung pwede ay sila na lang ang mag aayos sakin para kasal ko, lalo na't kilala naman nila ang mapapangasawa ko.
Matapos kong maligo ay agad kong isinuot ang brides robe ko. Hindi ko alam kung bakit may ganitong robe para sa mga ikakasal? May ganito din kaya si Dominic para sa groom?
Napansin ko naman ang pagkain na nasa tray sa ibabaw ng mesa dito. Bahagya naman akong lumapit para tingnan kung anong klaseng pagkain ba yun.
Infairness, mukhang masarap ang breakfast meal nila dito, sa pagkaka-prepare pa lang ay halata na e.
Napansin ko naman ang isang sulat na nasa ilalim ng plato kaya agad ko naman yung kinuha para basahin.
'Breakfast for my love. Don't skip your foods love papakasalan mo pa ako ngayon. I love you.'
-Love Dominic,
Kinuha ko naman ang tatlong pulang rosas na kasama sa tray at inamoy ito.
Hmm, may pabango ni Dominic?
Ang sweet naman nang lalaking yun. Hindi ko alam na may paganito ang mokong na yun. Ikakasal na nga lang kami ay kung anu-ano pa ang naiisip niya, pero infairness kinilig ako.
Naupo naman na ako at sinimulan ng kainin ang breakfast na ipinahanda ni Dominic para sakin. Ang lambing niya talaga at sobrang maalaga kaya wala na akong masasabi pa sa kanya.
Nang nasa kalagitnaan na ako ng pagkain ay may bigla na lamang kumatok kaya natigilan ako ng bahagya.
Tumayo naman ako para pagbuksan ang kumakatok.
"Oh my god, girl!"
Malakas ang boses na bungad nang mahadera kong classmate/bestfriend kong beki na si Ralph sa umaga, pero Fiona sa gabi.
"Congrats girl." Ngiting sabi naman ni Kate. Bestfriend ko din siya. Bumeso naman si Kate sakin.
Kaming tatlo lang naman ang magkakaibigan na nagpaplastikan. Ay, di pala joke lang.
"Thank you, come in." Niluwagan ko naman ang awang ng pinto para makapasok sila.
"Bakla ka! Hindi talaga ako makapaniwala na ikakasal ka na sa lalaking pinagnanasahan ko mula nung highschool pa lang tayo hanggang college." Grabe talaga ang bibig nito ni Ralph este ni Fiona pala.
"Ang ingay mo, Ralph!" Irritadong sabi ni Kate sa kanya.
Inismiran niya naman si Kate. Ayaw kasi ni Ralph na tinatawag siya sa lalaki niyang pangalan, ang sagwa daw kasing pakinggan pero wag ka dahil kahit na bakla yan ay sikat naman na make up artist at fashion designer ang baklang kaibigan kong yan. Ang galing, 'di ba?
"Eww! Sinabing Fiona ang pangalan ko at hindi Ralph e, duh! ang sagwa talaga ng pangalan na yan. Bakit kasi sa dinami-dami ng pwedeng ipangalan ng mga magulang ko sakin ay bakit Ralph pa?" Ayan na naman siya. Hindi na naman tatahimik ang bibig nyan sa kakadaldal.
"Maganda naman e, 'di ba, Celine?" Ngiting tanong ni Kate sakin. Tumango-tango naman ako.
"Oo nga, maganda naman talaga ang pangalang Ralph e."
"Ewwws, kadiri talaga. Alam niyo bang pang macho lang ang pangalan na yun. Eh, hindi naman ako lalaki 'no, dahil babae ako." Diring-diri na sabi niya kaya natawa na lang kami ni Kate sa naging reaksyon niya.
"Ewan ko sayo Ralph. Teka nga! Kumain na ba kayong dalawa ng breakfast?" Seryosong tanong ko sa kanilang dalawa.
"Tapos na kaming kumain. Bago kami pumunta dito ay nag starbucks na muna kami kanina malapit dito sa hotel, I think sa gilid lang ng hotel na to kaya malapit." Natatawang sagot ni Ralph.
"Ah sige, wait lang maupo na muna kayo dun." Turo ko sa double couch na sofa. "Tatapusin ko lang ang breakfast ko." sabi ko pa.
"Okay sige, ihahanda ko lang yung mga gagamitin ko para pagandahin ka." Sabi naman ni Ralph kaya ngumiti na lang ako at tumango sa kanya.
Tinulungan naman siya ni Kate sa mga gamit na gagamitin niya para sa pag-aayos sakin. Samantalang ako ay naupo na ulit para ipagpatuloy ang pagkain ko ng breakfast.
Napapangiti na lang ako habang tinitingnan ang tatlong red roses na kasama sa tray ng pagkain ko.
Sana hindi magbago ang ganitong ugali ni Dominic para sakin?
Eksaktong alas otso ako natapos kumain. Tumayo na ako para mag-toothbrush ulit at maghilamos ng mukha, matapos non ay lumapit na ako kina Kate at Ralph. Pinaupo naman ako ni Ralph sa make up chair sa harap ng halfsize mirror with LED light.
Tss, ang hagard ko namang tingnan kapag walang make up.
"Simple make up but elegant ang gagawin ko sa mukha mo girl para hanggang sa honeymoon niyo ay maganda ka pa rin." Ngiting sabi niya sakin at natawa naman si Kate sa huling sinabi niya. Namula naman ang pisngi ko dahil sa sinabi niyang honeymoon.
Paano ba naman kasi hanggang ngayon ay birhen pa rin ako. May pagkakataon na nakuha na ni Dominic ang kalahati pero hindi ang nasa ibaba.
Ang sabi sakin ni Dominic noon ay gusto niyang makuha ang pagka-birhen ko kapag ikinasal na kami para wala na akong ligtas.
Pervert nga yun e, kasi gusto niya kapag nag honeymoon kami ay magdamag daw para makabuo 'agad kami. Lintik din sa lakas ng confidence ang lalaking yun e.
"Ikaw ng bahala sa make up ko basta yung magmumukha akong tao."
"Ano ka ba naman, girl. Maganda ka naman e, kahit ano ngang ipasuot ko sayo ay bumabagay sayo. Bakit kasi ipinagpalit mo ang opportunity mo para maging model sa Canada kaysa kay Dominic?"
Natigilan naman ako sa huling sinabi niya. Totoo naman kasi e, totoong may magandang opportunity na maging isang sikat na model talaga ako sa Canada kaso hindi ko yun tinanggap para na din kay Dominic.
Nung una tinanggap ko yun dahil maganda ang incentives para sakin, pero nalaman ni Dominic kaya ayun nagalit siya. Hindi siya pumayag sa gusto ko dahil tatlong taon akong mawawala para lang dun, kaya I have no choice kundi ang icancel ang contract ko dun.
Ilang araw lang ang nakalipas matapos kong icancel ang contract ko sa pagmo-modeling sa Canada ay biglang nagpropose si Dominic sakin. Ayaw niya daw na mawala pa ako kaya ginawa niya yun.
"Sinabi ko na sa inyo ang dahilan, 'di ba?" Seryosong sabi ko sa kanilang dalawa.
"Kasi mahal mo siya? Hay naku! ako na ang nagsasabi sayo playboy is always a playboy. Ewan ko ba sayo kung bakit sinobrahan mo naman ang pagmamahal mo na yan kay Dominic. Wag kang magsisisi sa huli kapag nasaktan ka ng sobra, kapag nasaktan ka at lumapit ka samin ni Kate ay itatakwil kita." Prangkang sabi niya sakin, habang natawa naman siya sa sinabi niya sa huli.
Bakit gano'n na lang sila magsi-salita tungkol kay Dominic?
May hindi ba ako alam tungkol sa nakaraan niya?
"Payong kaibigan lang, Celine. Please, please lang habang may oras pa ay umatras ka na. Ayaw lang namin na malagay ka sa alanganin kapag nagkataon at lalong ayaw lang namin na masaktan ka." Seryosong sabi ni Ralph, kaya naman nagtaka ako.
"Ralph, naguguluhan ako e, ano bang mga sinasabi niyo? Kahit sina mama't papa ay ayaw rin kay Dominic. Ano bang problema, may hindi ba ako alam tungkol sa nakaraan niya?" Seryosong tanong ko pero umiwas lang siya ng tingin.
"Mas magandang ikaw na mismo ang makatuklas tungkol sa nakaraan niya kaysa samin pa mismo manggaling dahil baka 'pag sinabi namin ang totoo ay hindi mo kami paniwalaan." Sagot niya sakin.
"Ayusan mo na lang siya, Ralph, ang dami mong kwento e." Inismiran naman ni Ralph si Kate.
"Ewan ko sayo. Isa ka pa, Kate e!"
"Whatever, Fiona!"
Sinimulan na akong ayusan ni Ralph, pero ang isip ko ay gulong-gulo dahil sa mga sinabi nila sakin.
May hindi ba ako alam tungkol sa nakaraan ni Dominic?
Makalipas ang isang oras ay hindi ko napansin na tapos na pala akong ayusan ni Ralph.
"Look, girl." Sabi ni Ralph. "Ang ganda mo talaga, sabi ko na sayo e, gaganda ka kapag ako ang nag-ayos sayo." Ngiting sabi niya sakin.
Tiningnan ko naman ang sarili ko sa salamin at natigilan ako dahil sa naging itsura ko.
Oh my god! I look simple but elegant.
"Ang ganda mo talaga, kaya siguro ang daming nabibighani sayo since highschool pa lang tayo, Celine." Ngiting sabi ni Kate, nilingon ko naman siya.
"Ay, true girl, dahil siya lang naman ang Miss Campus natin since highschool hanggang sa college ay siya pa din ang Miss Miller University. Ang ganda ganda naman kasi ng bestfriend natin e." Ngiting sabi niya. "Ewan ko ba dito kung bakit si Dominic pa e, ang dami namang nanliligaw sa kanya noon pa pero kay Dominic pa rin siya bumagsak."
Hays, ayan na naman siya.
"Ralph!" Pagbabantang tono na tawag ni Kate sa kanya.
"Ewan ko sa inyong dalawa! halika na dito Kate, aayusan na rin kita para gumanda ka naman kahit papano." Pang-aasar ni Ralph kay Kate pero inismiran lang siya nito.
Tumayo na ako sa make up chair para si Kate naman ang umupo dun. Naupo na lang ulit ako sa kama ko para magsenti.
Bakit pakiramdam ko ngayon ay may kulang sa pagkatao ko?
May nangyari ba sa nakaraan na hindi ko alam?