DUMIRETSO na agad ng uwi si Yuan nang naihatid na niya si Raine sa bahay nito. Ilang beses pa nga siyang inaya ng ina nito na sa bahay na lang magpalipas ng gabi. Kung hindi lang siya mapilit sa pagtanggi ay siguradong nahila na siya sa kwarto mismo ng girlfriend niya.
"Nanghihinayang talaga sina Tatang at Inang dahil natakasan mo na naman daw sila," natatawang sambit ni Raine nang tinawagan siya ni Yuan. "Paano raw sila magkakaapo kung lagi mo na lang silang tatanggihan?"
Isang mahinang chuckle na lamang ang pinakawalan ni Yuan bago pa man siya nagsalita, "Hindi ko naman sila tinatanggihan. Iniisip ko lang na baka magkabulagaan pa tayo kapag nandyan na ang bata."
"You mean gusto mong sigurado na tayo sa isa't isa?" tanong ni Raine.
"Sigurado na tayo sa isa't isa," pagtatama naman ni Yuan sa girlfriend. "Ang gusto ko lang naman siguraduhin ay ang kahandaan natin kapag anak na ang pag-uusapan. Ayaw ko naman kasing mataranta tayo sa bawat galaw niya."
Natawa na lamang si Raine sa katwiran ni Yuan, "Kunsabagay, sigurado naman na tayo sa isa't isa. Kung hindi ka pa sigurado sa akin ay baka tumingin ka pa sa ibang babae. Kaso hindi ka naman tumingin eh."
"Ikaw lang naman ang nakakuha ng interes ko," sagot naman ni Yuan. "Ikaw nga lang yata ang hindi natakot sa akin."
"Paano naman ako matatakot eh alam ko namang ipinaglihi ka lang sa sama ng loob," sambit ni Raine.
"Aba't nang-aasar ka pa," inis na sambit ni Yuan. "Ano naman ngayon kung ipinaglihi naman ako sa sama ng loob? Hindi naman noon mababago ang ang katotohanang minahal mo ako kahit na laging masama ang loob ko."
"Naks naman, kaya lalo akong nahuhulog sa iyo eh," panunukso ni Raine. "Huwag kang mag-alala, magmukha man tayong bakla sa paningin ng lahat, mamahalin pa rin kita. I love you so much."
Napangiti na lamang si Yuan sa sinabi ng dalaga, "I love you too. Sige na, matulog ka na at maaga pa kitang susunduin bukas."
"Oi, Sabado bukas, ikaw lang ang may pasok," paalala agad ni Raine sa binata. "Ikaw na ang unang magbaba ng phone para makatulog agad tayo."
"What?!"
"Sige na, matulog na tayo, good night," sambit ni Raine. "Sweet dreams, dream of me. Lagot ka sa akin kapag ibang babae ang isinama mo sa panaginip mo."
Bago pa man makapagsalita si Yuan ay napagbabaan na siya ni Raine ng tawag. Napailing na lamang siya dahil binali ng dalaga ang sinabi nitong siya ang unang magbababa ng tawag.
"Pasaway ka talaga," naiiling at napangingiting sambit ni Yuan sa kanyang sarili.
Tinitigan na lamang ni Yuan ang kisame nang oras na iyon. Para sa kanya ay hindi niya pinagsisisihan ang naging desisyon niyang mahalin si Raine. Para sa kanya, unique ang samahan nilang dalawa lalo na at hindi rin naman nadaan sa isang matinong panliligaw ang relasyon nila.
BACK in the college days, isang inis na Yuan ang makakasama ni Raine sa loob ng dormitory unit na tutuluyan niya. Kahit na sabihin pang isa siyang babae ay hindi naman iyon halata kaya nagkaroon ng kalituhan at nailagay agad ang pangalan niya sa listahan ng mga lalaking estudyante na titira sa dorm. To make the matters worse for her, isang masamang tingin agad ang ibinigay ni Yuan sa kanya.
"Kahit na ilang beses mo pa akong bigyan ng masamang tingin ay hindi pa rin ako mamamatay," sambit ni Raine nang nakita na naman niya ang talim ng tinging ibinibigay nito sa kanya. "Lalong hindi mo ako mapapalayas dito dahil dito ako inassign."
"Magpa-assign ka na kaagad sa ibang room," sagot naman ni Yuan in a grumpy tone. "Siguro naman ay kaya mong magreklamo sa dorm leader natin."
"Wala naman akomg problema kung sino ang makakasama ko sa loob eh," kaswal na sabi ni Raine. "Bakit hindi na lang ikaw ang magreklamo tutal ikaw naman ang may problema? Huwag mong sabihing allergic ka sa isang bakla?"
"You -!"
"Hindi ka magrereact nang ganyan kung hindi ka affected sa akin na isang bakla," sambit agad ni Raine na paninindigan na lang yata ang pagiging bakla sa paningin ni Yuan. "Tama ba ako?"
Dahil na rin sa init ng ulo ni Yuan ay nawala na ang rationality sa isipan nito nang oras na iyon. Ang gusto na lang niyang gawin nang sandaling iyon ay ang patahimikin si Raine sa isang brutal na pamamaraan. Iyon nga lang, bago pa man siya makasuntok sa bakla ay naunahan na siya nito. Hinawakan agad nito ang braso niya bago pa man ito umikot sa likod niya para lang pilipitin ang braso niya.
"Dude, wala namang masamang mangyayari sa iyo kung tayong dalawa ang magkasama sa kwarto," sambit ni Raine sa isang kalmadong tinig. "Kahit na sabihin pa ng ibang tao na gwapo ka ay hindi pa rin kita matitipuhan kahit na ano ang mangyari."
"Ano ba?! Pakawalan mo nga ako!" sigaw naman ni Yuan na daig pa ang isang babae nang sandaling iyon.
Madali namang kausap si Raine. Kapag sinabihan siya ay hindi naman niya kailangang ipaulit pa iyon. Pinakawalan nga niya si Yuan. Iyon nga lang, hindi naman gentle ang ginawa niyang pagbitaw kaya napasubsob ang binata sa kama.
"Tsk, daig mo pa ang isang babae," sambit pa ni Raine bago pa man siya nagpasyang lumabas ng kwarto nang sandaling iyon.
NAPANSIN agad ni Juris na mas lumala ang mood ni Yuan nang lumabas na ito ng dorm. Siguradong hindi na naman nito nagustuhan ang ka-roommate nito. He is waiting for him to spill the tea like a mad man nang sandaling iyon. Hindi naman siya nabigo dahil isang mahabang rant agad ang nakuha niya mula sa binata nang oras na iyon.
"Wala naman akong problema kung bakla ang kasama ko sa room," sambit ni Yuan nang sandaling iyon. "Pero magkakaproblema talaga ako kung ang baklang iyon ay si Raine."
"So close na kayo kaagad niyan?" pang-aasar naman ni Juris sa dati niyang vice president sa student council. "Alam mo na agad kung ano ang pangalan niya eh."
"Para namang masisikmura kong pakisamahan ang baklang iyon," sagot naman ni Yuan. "Sinabihan pa kaya niya akong daig ko pa ang isang babae."
Natawa na lamang si Juris sa sinabi ni Yuan. Sa palagay niya ay nakahanap kaagad ng katapat ang kaingayan ng kaibigan niya. And yes, kumbinsido siyang daig ng kaibigan niya ang isang babae in all aspects.
"Huwag mong sabihing kumbinsido ka sa sinabi ng baklang iyon?" inis tanong ni Yuan nang sandaling iyon.
"Malay ko, hindi ko alam," sagot naman ni Juris in a teasing tone na mas nagpalala lang sa tantrums ng kaibjgan niya nang sandaling iyon. "Nga pala, nagtext sa akin si Sandra. Hindi ka pa rin daw nagpaparamdam sa kanya. Nag-away na naman ba kayo?"
"Sa tingin ko ay huli ka nang masyado sa balita, Juris," sagot naman ni Yuan. "Naghiwalay na kami ni Sandra last month pa."
"Nagkahiwalay na kayo? Bakit? Ano ang dahilan?" sunod-sunod na tanong ni Juris sa binata.
"Kung ano man ang dahilan ay sa akin na lang iyon," sambit ni Yuan. "Ayaw ko naman kasing maiba ang tingin mo sa kanya kapag nalaman mo ang totoo."
Nangunot na lamang ang noo ni Juris nang sandaling iyon. Sa tingin niya ay may ideya na siya sa dahilan kung bakit nagkahiwalay sila. Kilala naman niya kasi si Sandra na kahit sabihin pang may boyfriend ay nakikipagflirt pa rin sa jbang lalaki. Sa totoo lang ay para rin naman siyang nabunutan ng tinik nang nalaman niyang hiwalay na silang dalawa ng kaibigan niya."
"Okay lang iyan, baka naman kasi hindi talaga kayo ang nakalaan para sa isa't isa," sambit ni Juris sa kaibigan niya. "Malay natin, baka isang lalaki na pala ang nakatakda sa iyo. Tapos ang pangalan pa ng lalaking iyon ay Raine."
Isang invincible angry vein na lamang ang lumitaw sa noo ni Xander nang sandaling iyon, "Pwede ba? Tigilan mo ako at hindi magandang biro ang sinasabi mo."
"KUMUSTA na kayo ni Tatang diyan? Hindi ninyo pa po ba ako namimiss?" sunod-sunod na tanong ni Raine nang nakakuha na siya ng tiyempo para tawagan ang inang niya.
"Naku Anak, walang araw na hindi ka namin namimiss ng tatang mo," sagot naman ni Mila sa anak. "Kulang na lang ay hatakin na namin ni Raul ang mga araw para makasama ka namin ulit."
Muntik nang maiyak si Raine sa sinabi ng inang niya. Sa totoo lang ay hindi siya sanay na malayo sa mga magulang niya. Suminghot na lang siya kaagad para hindi na bumagsak pa ang luha niya nang sandaling iyon.
"Ang Inang naman, saglit lang naman po ang limang araw na wala ako riyan sa bahay eh," sambit ni Raine sa ina. "Para rin naman po sa future natin ito. Be proud dahil scholar sa isang sikat na university ang anak ninyo."
"Aba eh proud na proud kami sa iyo," mabilis na sabi ni Mila nang sandaling iyon. "Hindi lang kami sanay na wala ka rito palagi."
"Hayaan po ninyo, kapag umuwi po ako riyan ay siguradong buong oras ko po eh nasa inyo lamang," nakangiting sabi ni Raine sa inang niya. "Sige po, Inang. Matutulog na po ako at maaga pa po ang klase ko bukas."
"Sige, magpahinga ka na ngang bata ka. Huwag kang magpapagod masyado at alagaan mo palagi ang sarili mo," sambit ni Mila. "Huwag kang magpapagutom kung ayaw mong pahintuin ka na lang namin ng tatang mo sa pag-aaral."
"Opo."
Katatapos lang ng tawag ni Raine sa inang niya nang pumasok si Yuan sa kwarto. As expected, isang scowl kaagad ang ibinigay nito sa kanya kahit na wala pa siyang ginagawang masama sa binata.
"Huwag kang mangangako sa isang tao lalo na kung alam mong hindi mo naman iyon matutupad sa mga susunod na araw," sambit ni Yuan na nagpakunot na lamang sa noo ni Raine