Kyla's Point Of View
"BAR TAYO mamaya?" Anyaya ni Diane sa'kin. Nasa restroom kami ngayon at nakapagpalit na kami ng bagong pang-itaas na damit. Basa pareho ang buhok namin na parang bagong ligo kami.
"Ganiyan pala epekto sa'yo kapag nabuhusan ka ng tubig na may ice, nagyayaya bigla mag-bar." Sarkastikong sabi ko sa kaniya habang nakatingin sa kaniya sa salamin. Nagpupunas kami pareho ng buhok, pinapatuyo kahit papaano.
"Nabadtrip ako sa babaeng 'yon e." Halata naman sa mukha niya. Hindi niya matanggap na nasabuyan siya ng tubig nung Alysa. Hindi talaga kasi siya papatalo.
"Mapagpatol ka rin kasi."
"Eh sabihan ka ba naman ng tanga?" Nanggigigil niyang ani. Na-touch naman ako. "Ako lang ang may karapatang sabihin 'yon sa'yo." Dagdag niya pa. Napangiwi ako.
Sana hindi mo na lang dinagdagan ano po?
"Kutusan kaya kita diyan! Na-touch na ko e."
"Pero ano nga? Inom tayo?"
"Sige, pero sa bahay na lang."
"Ano ba 'yan!"
"Masyado kang magastos e."
"Minsan lang naman e."
"Hindi na, mag-redhorse na lang tayo."
Gulat siyang napatingin sa'kin.  "Redhorse amp!" Angil niya. Hindi sanay ang sikmura niya sa lasa ng redhorse.
"Empirador?"
"Ayoko!"
Arte...
"Oh sige, gin na lang."
"Ano ba!"
"Tanduay ice?"
Napangiti siya ng malawak. "At san mig light. Napailing na lang ako.
Klyn's Point Of View
"YOU SHOULDN'T have done that Alysa." Mariing giit ko kay Alysa na habang pinapatuyo pa rin ang dress niyang nabasa.
Tumigil siya saglit at nag-angat ng tingin sa'kin. "Bakit naman hindi? Pagkatapos ako mabangga ng kaibigan nila, sila pa yung matatapang!" Inis na tugon ni Alysa.
"Hindi naman sinasadya ni Kyla 'yon." Malumanay kong sabi.
Nakita ko ang pag-taas ng isang kilay niya. "So, that's her name huh?" Nakangisi ngunit bakas pa rin ang inis sa tono. "Kung hindi niya 'yon sinasadya, nag-sorry man lang sana siya ng maayos. Hindi yung kinukunsinti pa niya yung mga kaibigan niya makipagtalo sa'kin, e siya naman 'tong may kasalanan sa'kin!"
"She's not tolerating her friends to do that Alysa, and besides... pinagtatanggol lang naman siya ng mga kaibigan niya."
Inis niya kong tinignan habang nakaawang ang mga labi. "Seriously Klyn? Talagang pinagtatanggol mo pa sila?"
"I am not." Giit ko. "Pero mali pa rin yung ginawa mo kanina, kung hinayaan mo na lang silang umalis--"
"See? You're defending them." Putol ni Alysa sa sinasabi ko. Bumuntong hininga na lang ako at nagpatuloy ulit sa pagkain. "Sabihin mo nga sa'kin Klyn... may gusto ka ba sa isa sa mga babaeng 'yon?"
Muntik na kong masamid sa gulat. Agad kong kinuha ang wine glass na may lamang tubig at uminom bago ako nakapagsalita. "What makes you think so?"
"Honestly, I noticed the way you stare sa babaeng bumangga sa'kin kanina." Ani Alysa. "Matagal mo na ba siyang kilala?" Tanong niya pa ng hindi ako sumagot sa nauna niyang sinabi.
"Who?" Maang-maangan kong tanong.
"Yung babeng bumangga sa'kin, what's her name again?"
"Kyla."
Bahagya siyang tumango. "So, what's your answer to my conclusion? Am I right?"
Bahagya akong napailing. "Just finish your food, lunch time is about to end."
"How about you answer my question first?" Pagpupumilit niya pa.
Bumuntong hininga ako. "She's the secretary of the CEO in Esguerra Company, which is under of my observation for about 4 days now."
"You like her?" Agarang tanong ni Alysa.
Natigilan ako. "I-i don't know."
Napataas ang pareho niyang kilay sa'kin. "You don't know? So, you're still confuse?"
"What do you mean?"
"The fact that you answered me I don't know means you don't know yet if gusto mo nga ba talaga siya, because if you don't... you wouldn't think twice to answer me a no."
"Tsh!"
"If you like her then... pa'no na ko?" Biglang tanong ni Alysa. Hindi ko inaasahan kaya hindi ko na napigilang ipakita ang pagkabigla ko. "Haha! Just kidding. Para kang nakakita ng multo!" Tinawanan lang niya ko.
Napailing na lang ako. "Whatever. I'll drop you off to your work after we eat."
"Okay!" Nakangiting ani Alysa.
Nag-usap pa kami tungkol sa kung ano-anong bagay hanggang sa matapos kaming kumain. Patuloy kami sa pagke-kwentuhan habang nasa biyahe kami papunta sa workplace niya.
"Thanks Klyn, I enjoyed my lunch with you. Sorry din sa nangyari kanina." Paalam ni Alysa nang makarating kami sa tapat ng building nila.
"It's okay. 'Wag mo na lang uuliting gumanti."
Ngumuso siya. "Oo na." Suko niyang sabi. Ngumiti siya sa'kin at nilapit ang mukha sa'kin, nagulat ako nang bigla niya na lang akong hinalikan ng mabilis. Nasundan ko na lang siya ng tingin nang tuluyan na siyang makalabas ng kotse ko.
"Bye Klyn!"
Napatulala ako sa daang tinahak niya at naging malalim ang buntong hininga ko bago pinaandar ulit ang kotse nang mawala na si Alysa sa paningin ko. Malalim ang iniisip ko habang tinatahak pabalik ang kompanyang inoobserbahan ko, hindi ko maintindihan kung bakit nag-aalangan na akong humalik at magpahalik sa ibang babae, kahit kay Alysa.
At hindi ko malaman kung bakit naiisip ko si Kyla, para bang nagkakasala ako sa kaniya. Gano'n ang pakiramdam ko matapos akong halikan ni Alysa, gayong mas higit pa nga do'n ang ginawa namin nung nakaraan.
"KY! BILI MUNA tayo ng pulutan bago tayo umuwi." Dinig kong sabi ni Diane na kaibigan ni Kyla. Pauwi na sila at hinihintay na lang nilang tapusin ang ginagawa ng kaibigan sa harap ng computer. Madilim na rin ang langit sa labas dahil mag-aalas-siyete na.
"Mm. Sige." Sagot nito habang nakaharap pa rin sa screen habang nagta-type sa keyboard.
"Iinom kayo?" Tanong ni Angel.
"Yup! Sali ka?" Ani Diane.
Iinom si Kyla? Bakit, may problema ba siya?
Napatingin ako sa gawi ni Kyla. Patuloy pa rin ito sa pagtipa at minamadali ang kaniyang ginagawa.
"Ano ba iinomin niyo?"
"Secret."
"Lambanog?"
Natawa si Diane. "Duh? Kailangan kami uminom ng lambanog?"
"Ayoko kasi ng--"
"Don't worry Gel. Yung iniinom mo yung iinumin namin. So, makakasali ka.
"Nice."
"Bakit, badtrip ka rin ba?" Natatawang tanong ni Diane.
Badtrip? Kaya sila iinom kasi badtrip sila? Bakit?
"Hindi, ayoko lang maulit yung dati na nakikipulutan lang ako dahil ayoko ng iniinom niyo." Nakangusong sabi ni Angel.
"Ayaw rin namin maulit 'yon 'no? Ikaw lang umuubos ng pulutan e."
"Tapos na ko! Let's go!" Biglang tayo ni Kyla at inaayos ang bag niya.
"Ms. Kyla." Tawag ko sa kaniya. Ayoko pang umuwi siya, hindi ko alam kung bakit gusto ko pa munang makasama siya. Fuck this!
Nakita kong tumingin muna siya sa dalawang kaibigan bago lumingon sa'kin. Gusto kong matawa dahil mukhang kinakabahan siya na para bang alam na kung anong sasabihin ko sa kaniya at mukhang hindi na matutuloy ang kanilang balak.
Ngumiti ako. "Do this please, I need it. ASAP." Sabay abot sa kaniya ng folder.
Inabot niya ang folder at malungkot na lumingon sa dalawang kaibigan, sinabi niyang mauna na silang umuwi at hintayin na lamang siya sa apartment nila. Napasimangot naman si Diane at wala ng nagawa kundi gawin ang sinabi ni Kyla. Kaming dalawa na lamang ngayon gaya ng gusto kong mangyari.
Kinuha agad ni Kyla ang folder at nagsimula na namang i-type kung ano ang nasa laman niyon. Wala naman talagang halaga ang laman no'n, gusto ko lang talaga siyang makasama ngayon. Hindi ko alam kung bakit parang namiss ko siya.
What the hell Klyn?
Natinag ako sa pagtitig sa kaniya nang mag-ring ang cellphone niya, agad naman niyang sinagot ito.
"Oh?" Bungad niya sa tumawag sa kaniya, nananatiling nakatingin pa rin sa harap ng computer. "Masarap ipulutan yung shawarma at saka sisig hehe... bigla akong nag-crave." Dinig kong sabi niya pa sa tumawag. "Gege, tatapusin ko agad 'to." Sabay end ng call at bumalik ulit sa ginagawa niya kanina.
Humarap na ko sa laptop ko at kinuha ang cellphone ko sa tabi niyon, agad akong nagtipa para tumawag at umorder ng pagkain. Pagkalipas ng labing limang minuto ay dala na ng gwardiya ang inorder ko. Pagka-abot ko no'n ay lumingon agad ako kay Kyla.
"I ordered shawarma with rice and sisig. Eat first."
Lumingon lang siya ng saglit at humarap ulit sa computer. "Matatapos na 'to sir."
"I said eat first."
"Opo sir wait--" hindi niya natapos ang sasabihin dahil namatay ang computer sa harap niya. "Hala? Bakit namatay?" Tanong niya sa computer na para bang masasagot naman siya nito. "Bakit niyo tinanggal sa saksakan sir?" Baling niya sa'kin nang makitang hawak ko ang saksakan ng computer. Binitawan ko agad ito.
"I told you to eat first but you keep refusing me."
"H-hindi naman sir--" natigilan na naman siya sa sasabihin nang sumandok ako ng shawarma at itinapat sa bibig niya.
"Ahh..." Ngumanga ako para gayahin niya ko ngunit nagulat ata siya sa ginagawa ko. "Open your mouth, nangangalay na ko." Natatawang sabi ko nang makitang namumula ang pisngi niya, bagaman naiilang na siya ay ngumanga pa rin siya. "Masarap?"
"Kakashubo ko pa lang syer e." Sagot niya habang ngumunguya.
"Don't talk when your mouth is full." Nakangiting sabi ko.
"Nagtatanong ka kashi syer."
"Shut up." Hindi na maalis ang ngiti sa labi ko, sinusubukan kong pigilan ngunit nagkukusa siya. This girl is so damn cute. Kinuha ko ang styro na may lamang shawarma at iniabot 'yon sa kaniya. "Ahh..." Ngumanga ako sa kaniya.
"Eh?"
"Feed me." Ngiti ko at ngumanga ulit. 
Kinuha niya ang styro at sumandok para subuan ako. Nakangiti pa rin ako habang ngumunguya dahil natutuwa akong tignan siya. Ramdam kong naiilang siya dahil sa mga kinikilos ko, madalas kasi na ako ang nakakaramdam ng pagkailang sa kaniya kaya hindi ko maiwasan ang mangiti dahil ngayon ko lang siya nakitang ganito.
Pagkatapos kong ngumuya ay kinuha ko naman ang sisig at umambang susubuan ulit siya.
"Kaya ko naman kumain mag-isa sir." Pigil niya sa'kin.
"I know, but I want to feed you so that you'll do the same for me." I smiled again. This isn't me anymore.
Napatitig siya sa'kin. "Malande..." Bulong niya.
"What?"
"W-wala sir, sige."
"What sige?"
"Magsubuan tayong dalawa hehe..." Natawa kami pareho.
Kyla's Point Of View
"Hala ka!" Bulalas ko nang napagpantong ginamit nila Diane yung kotse.
"Why?" Tanong ni sir Klyn at nahinto rin dahil huminto ako sa paglalakad.
"Ginamit pala nila Diane yung kotse, iniwan nila ako." Ngumuso pa ko at napakamot sa patilya.
"Don't worry, ako na maghahatid sa'yo."
"Nako, magtataxi--"
"I insist."
He insist, papalag pa ba ko?
"Thank you sir." Nakita ko na naman siyang ngumiti. Inalalayan niya ko papunta at papasok sa kotse niya. Ngumiti ulit siya sa'kin bago paandarin ang kotse.
Kanina pa 'to ngiti ng ngiti, naninibago ako.
"Sorry nga pala sa eksena kanina sa restaurant sir. Hindi ko naman alam na aabot kami sa puntong gano'n ng girlfriend mo." Naalala ko ang nangyari kanina sa gitna ng biyahe namin.
Lumingon siya saglit sa'kin at bahagyang natawa. "She's not my girlfriend."
Napatingin naman ako sa kaniya. "Eh? So, nililigawan mo pa lang siya?" Tanong ko.
"Hindi rin."
Tumango-tango na lang ako at tumingin ulit sa bintana sa tabi ko. "Ah, okay hehe..."
"Why are you asking anyway?" Tanong niya na lumingon ulit ng saglit sa'kin.
"Wala naman, maganda kasi siya sir." Sagot ko habang inaalala ang hitsura nung tinawag niyang Alysa, maganda siya at matangkad. Mukha siyang artista at sobrang kinis ng maputi niyang balat. Kapag pinagtabi talaga kami ay magmumukha talaga akong dugyot.
"So?"
"So, feeling ko gusto mo siya." Kibit balikat kong sabi.
"Is it really depends on the looks if why we say that we like them?" Tanong niya habang nakatingin sa daan.
Napaisip naman ako. "Depende rin sa tao sir." Sagot ko at hinarap siya. "May mga tao kasing naaattract sa physical appearance kaya nasasabi nilang gusto nila yung taong 'yon-- pero mostly... nahuhulog talaga ang loob natin base sa ugaling meron sila." Paliwanag ko pa.
Nakangiti siyang lumingon sa'kin. "I agree with you." Bumalik ulit ang tingin sa harap.
"Pero ang tanong ay..." Pabitin kong sambit. "Do you like her?" Hindi ko alam kung bakit gusto kong malaman ang isasagot niya.
"After what she acted earlier? I don't think so."
"Bakit naman?"
He stopped the car and faced me. "Like what you've said, nahuhulog ang loob natin base sa attitude ng isang tao." Sagot niya. Nakatitig talaga siya sa mga mata ko habang sinasabi niya 'yon.
Umiwas ako ng tingin ngunit kalaunan ay binalik ko rin sa kaniya. "Pero diba kapag mahal mo ang isang tao, kahit gaano kasama ang ugali niya ay tanggapin mo pa rin kasi nga mahal mo?"
"Right. But in my case, we can't apply that because in the very first place... I'm not in love with her."
"Ohh..." Tatango-tango pa ko. "Parang hindi naman 'yon yung nakita ko kanina."
"What do you mean?" Tanong niya at isinandal patagilid ang kaniyang ulo sa sandalan ng upuan. Nakaharap pa rin sa'kin at animong pinapanood ako.
Bahagya akong nailang. "Eh kasi nung nasa restaurant tayo, kung makatitig ka--parang inlove na inlove ka sa kaniya e." Umiwas ulit ako ng tingin pero binalik ko rin naman agad.
Napatitig ako sa kaniya nung pinagkrus niya ang kaniyang mga braso at ngumisi sa'kin. "You're not watching us lately, are you?"
Nanlaki agad ang mga mata ko. "Hala sir? 'wag mo kong husgahan ah.
Nakangisi siyang tumawa. Ba't ang gwapo po? "I'm not. I'm just asking you."
Napatingin ako sa harap. "Eh..."
"So, all this time... you were watching us huh?
Napatingin ako sa kaniya. "Hindi sir ah."
"Hmm... really?" Nakangisi pa rin siya habang nakatingin sa'kin. Hindi ko man lang nga naramdamang inalis niya ang tingin sa'kin simula nang ihinto niya ang kotse at hinarap ako.
"H-hindi ko nga kayo pinapanood na dalawa." Lumalala na ang pagkailang ko.
Lalo siyang ngumisi kaya nagtaka ako. "Ako lang?" Gulat akong napatingin sa kaniya. Hindi nakasagot. "Ako lang." Sigurado siya sa sinabi. Tumango-tango siya, inalis na ang posisyon kanina. Binuksan niya ulit ang makina at hinawakan ang manibela. "Ako lang." Dagdag pa niya.
"S-sir ah!" Feeling ko namumula na ko. Shet...
"What?" Natatawang tanong niya.
"H-hindi ah." Tinatanggi ko talaga.
"Yeah, right." Sabi niya at hinarap ulit ako. "You weren't watching us because you were only watching me." Nakangisi na naman siya.
"H-hindi 'yan totoo ah!" Kanina pa ko utal ng utal. Ano bang nangyayari?
"You're getting cuter when your blushing Kylakyot." Nakangising sabi niya pa at pinaandar na ulit ang sasakyan. Ako naman ay humarap ng todo sa bintana sa gilid ko upang maitago ang pamumula ng pisngi ko. Palala ng palala ang ilang na nararamdaman ko. Kanina pa siya sa opisina e, hindi ko na kinakaya.
Mayamaya lang ay ipinarada niya na ang sasakyan niya sa harap ng apartment namin. Nauna siyang bumaba upang pagbuksan at alalayan ako pababa.
"Thank you po sa paghatid sir." Pasasalamat ko nang humarap ako sa kaniya.
He sighed. "How many times do I have to tell you that stop calling me sir and cut that po? I'm sick with it especially when it comes from you."
Lumabi ako. "Eh kasi sanay na ko sa sir."
"Then you should get use to call me by my name."
"Mm, sige Klyn hehe..." Nakangiting sabi ko.
Nagulat ako nang ilapit niya ang bibig niya sa tainga ko. Napapikit pa ko saglit nang malanghap ko ang bango niya. "When you call me sir again, I'll kiss you..." Bulong niya at hinarap ang mukha ko. Hindi ko nagawang kumurap nang tignan niya ko ng diretso sa mata. "Keep that in mind." Bulong niya pa at ngumiti ng matamis.
Inilayo niya na ang mukha sa'kin at umayos ng tayo. Sumenyas siyang papasok na ulit sa kotse niya at aalis na. Wala sa sariling tumango na lang ako at pinanood ang pag-alis niya. I was stunned.