Kyla's Point Of View
"NAPAKAGAGO mo talaga Diane!" Sigaw ko. Nakakaasar talaga! Grrrr!
"Ano na naman ba 'yan?" Si Angel na kakapasok lang sa kwarto.
"Siraulo kasi 'yan si Diane e!" Nababanas na sabi ko na tinuro pa si diane na nasa labas na ng veranda. Hawak niya sa labas yung door knob ng glass door para hindi ko mabuksan at hindi ko siya masabunutan.
"Bakit? Ano bang ginawa?" Tanong pa ni Angel. Nakaupo na siya sa kama at sinisilip si Diane mula sa glass door.
"Nireplyan ba naman si sir Klyn ng 'sige babe', walang'ya!" Nasapo ko na ang noo ko. Ano ba naman kasing klaseng pag-iisip ang meron si Diane?!
Ano na lang ang iisipin ni sir Klyn? Aishh! Hindi ko ma-imagine!
"Magka-text kayo ni sir Klyn?" Inosenteng tanong niya pa.
"Tinext niya ko e, edi nireplyan ko. Alangan namang isnobin ko?" Nababanas pa rin talaga ako.
"Nagtatanong lang e." Nakangusong sabi ni Angel.
Napalingon ako kay Diane nang buksan niya na ang glass door, may yakap-yakap pa siyang unan. Nagpapaawa itong tumingin sa'kin.
"Wag ka ng pumasok dito! Diyan ka na matulog habang buhay mo! Hindi ka na kailanman makakahiga pa sa kama namin!" Naggagalaiting sabi ko sa kanya.
"Hala? Sorry na nga e..." parang bata siya. Pagkatapos gumawa ng kalokohan, playing innocent? Ayos ah!
Sabay-sabay kaming natigilan at  napatingin sa cellphone ko nang mag-ring ito na nasa side table. Dahan-dahan pa kong lumapit para makita kung sino ang caller.
Klyntot calling...
Nanlalaki ang mga mata ko nang lingunin ko si Angel at Diane na nakatingin din sa'kin. Nakagat ko ang gilid ng labi ko at napapikit ng mariin. Nalintikan na!
"Si sir Klyn?" Inosenteng tanong ni diane. Tadyakan ko kaya ng isa 'to?!
"Sagutin mo na ky." Si Angel.
Tumingin ako ng masama kay Diane. "Hoy ikaw! Sagutin mo! Ikaw ang kumausap, ipaliwanag mo kalokahan mo!"
"B-bakit ako?"
"Nagtanong ka pa talaga ha?" Sarkastiko kong tanong.
"Ako na sasagot!"
Napalingon kami kay Angel na hawak na ang cellphone. Sinagot niya nga ito at ni-loud speaker. Lumapit kaming dalawa ni diane sa kaniya.
"Mag-hello na kayo." Bulong ni Angel sa'min. Inilayo pa ng bahagya ang cellphone.
"Ano? Sabi mo ikaw sasagot?" Bulong na tanong ko rin sa kaniya.
"Sabi ko ako sasagot, hindi makikipag-usap." Bulong ni Angel. Napasapo kami ng noo ni Diane at napailing. Dagdagdag pa 'to si angel sa kunsumisyon. Tsk!
"Akin na nga!" Pabulong kong angil. Padabog kong kinuha ang cellphone kay Angel. Naglakad ako patungo sa veranda. Baka kasi hindi na ko makapagtimpi at masaktan ko na yung dalawa.
"Ah, hello?" Wala pa man, nahihiya na ko. Kasalanan talaga 'to ni Diane!
Narining kong tumikhim si sir Klyn. Kinakabahan ako. "Hindi mo sinagot ang tanong ko kung kumain ka na ba?"
Eh?
Nagulat ako pero naka-recover din naman agad. "A-ah, oo hehe..."
Anak ng, ang awkward.
"Mm, good."
"Ah sir--ay Klyn yung... tungkol sa text?"
"What about it?"
"S-si Diane talaga 'yon, i-inagaw niya yung cellphone ko kanina t-tapos nangialam siya k-kaya 'ayon hehe..." uutal-utal pa ko. Badtrip!
"Mm, okay."
"P-pasensya na Klyn ah. Nadadamay ka pa sa kalokohan ni Diane."
"It's okay."
"Akala ko galit ka kasi napatawag ka pa hehe..."
"No, tumawag lang talaga ako para tanungin kung kumain ka na. You already answered me so I'm gonna end this call now. See you tomorrow Kylakyot." At binaba na niya ang linya. Napatitig ako sa cellphone ko, hindi makapaniwala.
"Ky anong sabi?" Tanong ni Angel nang makapasok ulit ako sa kwarto.
"Tinanong lang kung kumain na daw ba ako." Naupo ako sa kama. Nakatitig pa rin sa screen ng phone ko.
"H-hindi nagalit?" Tanong ni Diane. Sinamaan ko siya ng tingin. "Hehe..."
"Buti nga hindi na nagalit e, mga pakana mo kasi!" Asik ko sa kanya. Napanguso siya.
"Nag-sorry na nga e."
"Ewan ko sa'yo." At pasiring na inalis ang tingin ko sa kanya.
Klyn's Point Of View
DAMN! Hindi ko alam kung bakit nadismaya ako nang malamang hindi si Kyla ang nagtext no'n kundi ang kaibigan niya.
Kinuha ko ulit yung cellphone kong naihagis ko sa sobrang pagkabadtrip at binasa ulit yung text niya.
Sige babe.
Nahilamos ko ang mga palad ko sa aking mukha. Fuck! Anong nangyayari sa'kin?
Hindi ko alam kung bakit parang big deal para sa'kin yung text niya. Nang mabasa ko 'yon para pa kong baliw na napangiti sa hindi malamang dahilan tapos malalaman ko pala na trip lang 'yon ng kaibigan niya? Nakakawala sa mood.
Kaya imbes na magpalamon ako sa inis at pagkadismaya ko, natulog na lang ako.
KATATAPOS lang ng meeting namin ni Mr. Esguerra dahil pang-apat na araw na mula nung sinimulan ang observation dito sa company na 'to.
Ang totoo, nung unang araw ko pa lang dito ay nakapag-decide na talaga akong mag-invest ang DC Company (Dela Cruz) sa Company ng mga Esguerra pero dahil kay Kyla ay gusto kong magtagal pa ang araw ng observation ko. Si Kyla rin ang dahilan kung bakit nagpresinta akong ako na lang ang mag-observe dito dahil alam kong may chance na magkita kami araw-araw at magkakilala.
But in the other side of my mind saying that somehow nagsisisi ako na nakasalamuha ko pa siya, dahil wala siyang ibang ginawa kundi lituhin at guluhin ang sistema ko. Hindi ko na makilala yung sarili ko sa mga inaakto ko sa mga ikinikilos o sinasabi niya. I already knew and feel that there's something to that girl but I can't even explain it and that's exactly the reason why I chose to stay here for 1 week for me to find it. And I must say that she's really different.
Kaya ko nasabing kakaiba siya dahil siya lang ang babaeng nakapagparamdam sa'kin ng kakaibang pakiramdam. Kaya niyang baguhin ang mood ko sa simpleng ngiti at tawa niya. Lalo na kapag nagsimula na siyang magsalita, gumaganda ang mood ko. Pero siya rin ang dahilan kung bakit naiinis ako sa sarili ko dahil sa tuwing kasama niya yung Angelo na 'yon, hindi ko mapigilan na magselos. Naiinis ako sa sarili ko dahil wala naman akong karapatan makaramdam ng selos, at naiinis ako sa sarili ko kung bakit nararamdaman ko 'yon. Hindi na talaga ako 'to.
"G-good morning sir." Bati sa'kin ni Kyla. Nagsisimula na naman yung kakaiba kong pakiramdam.
"Mm. Morning." Maikling bati ko.
"You want coffee sir? Tea? Or... me?" Binulong niya ang huling pagpipilian ngunit narinig ko pa rin. Napapatitig ako sa kaniya ng dahil don.
I secretly sighed. "You." I answered in a low voice.
"A-ano 'yon sir?" Hindi niya narinig.
"I said coffee will do." I said sabay harap ulit sa laptop ko.
"Right away sir!" Agad niyang sabi at pumunta na sa pantry. Mayamaya rin ay bumalik na siya na may dalang coffee.
"Enjoy your coffee sir." Nakangiting sabi niya. Damn! Umiwas agad ako ng tingin.
"Mm. Thanks." At pinagpatuloy ko na ulit ang ginagawa, iniiwasan na tignan ulit siya.
Kyla Point Of View
"PARANG GALIT sa'kin si sir." Wala sa sariling sabi ko. Nandito kaming apat ngayon sa isang restaurant malapit sa company ng esguerra.
"Pa'no mo nasabi?" Tanong ni boss Macky habang pumipili ng food sa menu.
Bumuntong hininga muna ako at inilapag muna ang menu sa mesa. "Eh kasi ang ikli niya sumagot tapos parang ilag siya sa'kin." Nakasimangot kong sabi.
"Bakit parang apektadong-apektado ka?" Nakangising sabat ni Diane.
Ngumuso naman ako. "Alam niyo namang ayaw kong may taong galit sa'kin."
"Ang OA ng galit baks, baka wala lang sa mood." Si boss Macky.
"Speaking of sir..." Nakatingin sa entrance si Diane at ininguso si sir Klyn na kasalukuyang kinakausap ng staff.
"Yayain mong dito na lang siya maki-table sa'tin." Siniko pa ko ni Angel.
"W-wag na, nahihiya ako." Sabi ko habang nakatingin din kay sir Klyn.
"Huwaw?! Ikaw ba 'yan Ky?" Bumanat na naman si Diane. Inirapan ko naman siya.
"Gaya mo naman ako sayo." Sabi ko sa kaniya at tumingin ulit sa menu.
Tinawag na ni Macky yung waiter kaya sinabi na namin kung anong napili naming food. Carbonara na lang ang napili ko dahil lutang ang isip ko sa hindi ko maipaliwanag na dahilan. Mayamaya pa ay sinerve na sa'min ang inorder namin.
"Ky! Yayain mo na kasi si sir dito, mag-isa lang siya oh." Sabi ni Diane habang nakatingin sa table ni sir Klyn. Tama siya, mag-isa lamang itong nakaupo habang hinihintay i-serve ang food niya pero halata rin na hindi lang ang pagkain ang hinihintay niya.
"Ikaw na lang kung gusto mo, tutal walang hiya ka naman." Nakangising sabi ko.
"Hoy!" Gulat kaming tatlo na napatingin kay Diane dahil sa sigaw niya. Nakaduro pa sa'kin. "Baka nakakalimutan mong sa'yo kami nahawa ng kawalan ng hiya."
Napaawang ang labi ako. "Ang kapal mo! Inborn mo na talaga ang kawalan ng hiya kaya 'wag mong isisi sa'kin!" Bulyaw ko sa kanya.
"Hindi naman kita sinisisi ha? Ang sabi ko lang nahawa kami sayo."
"Anong nahawa? Baka nakakalimutan mo rin na mas matanda ka sa'kin."
"Engot! Ang punto ko, nahawa kami sa'yo simula nung naging kaibigan ka namin!"
"Hindi ko natatandaan na naging kaibigan kita." Nakangising sabi ko. Nang-aasar.
Gulat siyang napatingin sa'kin."Famous ka ghorl?" 
"Talagang nag-aaway pa kayo ngayon dito ha? Parehas lang kayong walang hiya dahil nag-sisigawan pa kayo e ang lapit-lapit niyo lang sa isa't isa." Awat ni boss Macky.
"At naaagaw niyo lang naman ang atensyon ng lahat ng taong kumakain ngayon dito." Napapailing na sabi ni Angel.
"Sinugest lang naman na yayain mo si sir Klyn dito, ang arte-arte. May
nalalaman ka pang hiya-hiya na parang hindi mo naman nakasabay kumain si sir ng bentelog!" Di talaga titigil si Diane.
"M-manahimik ka na!"
"Enough guys! May kasabay ng kumain si sir kaya tumigil na kayo." Awat ulit ni boss Macky. Napatingin naman kami sa table ni sir, may babae na siyang kasama kumain.
"Sino naman 'yan?" Tanong ni Diane.
"Ang ganda niya tyeh, walang binatbat ang beauty mo." Sabi sa'kin ni boss Macky. Sinamaan ko siya ng tingin.
Kaibigan ko ba talaga 'to? Psh!
"Oh, bakit nanahimik ka diyan?" Tanong ni Macky sa'kin. Napatingin naman sa'kin yung dalawa.
"Bilisan niyo na kumain." Sabi ko at kinuha na ang tinidor.
"Ay eksena?" Si Macky.
"Bakit nawala ka sa mood bigla?" Si Diane na naman.
"Malamig na kasi yung pagkain natin." Sabi ko sa kanila. Nilibot nila ng tingin ang mga pagkain sa mesa. Kanina pa kasi ito isinerve, ngayon ko lang din napansin na hindi pa kami nagsisimulang kumain. Ayos!
"Mga pota kayo, ang dadaldal niyo kasi e." Natatawang sabi ni boss Macky. Natawa rin kaming lahat.
"Si Diane lang uy." Paninisi ko kay diane. Syempre, nagreact na naman siya. Si Diane pa ba?! Psh!
"Anong ako lang? Ako lang ba may bunganga dito?"
"Nag-umpisa na naman kayo! Kumain na tayo." Ani ni Angel at nagsimula na kaming kumain.
"THE FUCK?!" Singhal ng babaeng nabangga ko pero hindi ko naman sinasadya. Nagke-kwentuhan kasi kaming apat papalabas na ng restaurant na 'to. Tapos na kaming kumain at nangunguna kami ni Angel. Si Diane ang kausap ko sa likod kasabay si Macky kaya lumingon ako sa kaniya bago ko nabunggo yung babae.
"Hala! S-sorry Miss!" Paumanhin ko. Natapon sa dress niya ang tubig na hawak niya dahil nga nabangga ko siya.
"Arghh! My dress!" Frustrated niyang sabi. Agad akong kumuha ng tissue na nasa mesa rin nila at pinunasan ang parte ng dress niya na nabasa.
"I'm really sorry Miss!" Paumanhin ko ulit habang patuloy sa ginagawang pagpunas sa dress niya.
"Gosh! Stop! Don't touch me!" Reklamo niya at tinabig ang kamay ko.
"What's going on here?" Biglang dumating si sir Klyn. Marahil ay galing siya sa restroom.
"That idiot girl did this to me!" Sumbong nung babae. Tinuro pa ko at ang dress niyang nabasa.
"Hoy! Anong idiot?! Hindi naman sinasadya!" Sabat ni Diane. Sa mga ganitong pagkakataon talaga mapapakinabangan ang bibig niya.
"How dare you to call me 'hoy'?!" Baling sa kaniya nung babae.
"Hindi ko alam pangalan mo e." Mataray na sabi ni Diane. Nananatiling tamihik ang dalawa ko pang kasama. Nag-aabang ng susunod na mangyayari.
"Sorry talaga Miss." Paumanhin ko ulit.
"Sorry? Matutuyo ba ng sorry mo 'tong dress ko na binasa mo?" Sindak sa'kin nung babae.
"Pinupunasan kita kanina sabi mo 'wag kitang hawakan." Inosenteng
sagot ko.
"Oo nga, abnoy pala to e." Sabat ulit ni Diane.
"A-abnoy?! W-what?! Ha!" Hindi makapaniwalang sabi nung babae. "I can't believe na nakapasok dito ang mga palengkerang gaya niyo and if you're going to ask me? Hindi nababagay ang mga dugyot na tulad niyo sa lugar na 'to!" Dagdag na Sabi nung babae. Nagkatingin naman kaming apat na magkakaibigan at sabay na napahalakhak.
"Pota?!"
"Dugyot pa nga!"
"Awiter!"
"Dugyot pa kami sa paningin mo? Eh halos malamangan na nga namin 'yang ganda mo!" Humalakhak ulit si Diane. Ang sakit sa tiyan, tongona LT!
"Alysa!" Pigil ni sir Klyn do'n sa babae, pero huli na dahil nabusan na si Diane ng tubig sa ulo. Nilapitan agad nung dalawa si Diane habang ako ay hinarap ulit ang babae.
"Miss, sobra naman na yata 'yang ginagawa mo. Sinabihan mo na ko ng tanga--sinabihan mo na rin kami ng palengkera at dugyot. Nag-sorry na nga ako pero ang dami mo pa ring sinasabi. Mamamatay ka ba kung basa 'yang dress mo? Hindi naman diba? I already said sorry to you and I don't care if you accept it or not just let us leave." Mahabang sabi ko. Nakalimutan ko atang huminga.
"After what you've done to me? No. I will not let all of you to leave because you have to pay for this!" Asik ni Alysa.
"Oh, sige magkano ba 'yan?" Nakangiwing tanong ko.
Napataas naman ang isang kilay niya. "And you really have a guts to ask how much is this huh? It's fifty thousand."
"Pipti tawsand? Napaka-mukhang pera mo naman, 250 lang 'yan sa bayan e." Natawa ang mga kaibigan ko sa sinabi ko.
"Excuse me?" Hindi makapaniwalang aniya. "Oh well, mas mukha kang gold digger kaysa sa'kin." Lumapit siya sa'kin at may hawak na namang wine glass na may lamang tubig. Mukhang alam ko na ang mangyayari. "Okay fine, you can't afford this? Let me do what you did to me." Sabay buhos sa'kin nung tubig.
Sabi na e. Tsk!
"Enough Alysa! Let them pass!" Late na naman si sir.
"No!"
"Ano bang gusto mong mangyari Miss? Nilalamig na kasi 'yong kaibigan namin e. Ikaw nga-- natapunan lang samantalang kami binuhusan mo ng tubig at talagang may yelo pa? Laos na ice bucket challenge, pina-uuso mo na naman!" Asik ko sa kaniya. Sumosobra na siya. Hindi ako santa para hayaan lang siya sa kamalditahan niya.
"Siraulo ka naman kasi e! Rumerebat ka pa kaya hindi rin siya nananahimik e!" Sabi sa'kin ni Macky na lumapit sa'kin para ako naman ang punasan.
"Sige na, bumalik na kayo sa company. I'll just talk to her." Nakatingin sa'kin si sir na parang humihingi ng pasensya dahil sa ginawa ng babae niya. Psh!
Tumango na lamang ako at nauna ng naglakad papalabas. "Gustong-gusto kitang sampalin talaga, sabihin mo-- gawa!" Rinig kong bulyaw na naman ni Diane.
"Tama na! Halika na!" Si Angel. At hinila na papasunod sa'kin si Diane.