"Ano daw sabi?" excited na tanong ni Yanni pagkalapit ko sa kaniya.
"Payag siya. Mamaya na agad sila magsisimula," hindi pa din makapaniwalang wika ko sa kaniya.
I really can't believe na ganoon kabilis lang siya pumayag. Ganoon ba talaga katiwala ang mga ka-member niya para magdesisyon siya agad nang ganoon. Wala man lang tanong-tanong. Pabayaan na nga. Makikita ko mamaya kung magaling talaga sila.
"Ang bilis naman. Sure na ba 'yan?"
"Hindi pa. I'll test them there. Kung magugustuhan sila ng customer, then saka pa lang sila kakanta ng regular doon," pagpapaliwanag ko.
"Gagala ako mamayang gabi sa resto bar. Gusto ko silang mapanood," excited niyang wika.
"Para namang malayo ang bahay niyo. Gala lang, no drinks. May pasok tayo bukas," banta ko kaagad.
Alam kong may chance talaga na bigla siyang mag-yaya mag-shot hanggang sa magtuloy-tuloy na 'yon. May quiz kami bukas kaya hindi akong magpuyat.
"Bakit naman. Konting shot lang, pleaseeee?" she pouted. Tinulak ko naman ang mukhang niyang papalapit sa akin.
"Still no. Hindi talaga pwede," matigas kong iling.
"Fine," labag sa loob niyang wika. "Pero hindi mo ba kilala 'yong lalaki kanina? Siya 'yong nakabangga mo. Hindi ako pwedeng magkamali, hindi naghahalo-halo ang mga gwapo sa utak ko."
Napalingon naman ako sa kabilang room dahil sa sinabi niya.
"Siya pala 'yon? Bakit hindi mo agad sinabi," wika ko habang nakatingin pa din sa kabilang room.
"Ay ateng, nagagwapuhan ka din 'no? Ikaw talaga, baka destiny mo na 'yon!" tukso niya. Inis naman akong napalingon sa sinabi niya.
Wtf? Nagkabangga lang destiny na agad? Mga napasok sa isip ni Yanni talaga.
"Ewan ko sa 'yo. Magreview ka na lang, may quiz tayo sa last period," naglakad na ako papasok sa loob ng room namin. Napalingon pa ulit ako doon bago pumasok.
Can't deny the fact that what Yanni said is true. Gwapo naman talaga si Rash. He has those eyes that always looks bored kahit na ngayon lang kami nagkita, halatang-halata ko 'yon. His black-hair is disheveled, medyo mahaba na din 'yon, pero paniguradong mapuputulan 'yon sa exam week. Matangkad din siya, mas matangkad siya sa mga kilala kong kaklase kong lalaki.
The way he wears his uniform looks neat, compared to the other students that I saw. Mayroon kasing napakagulo magsuot ng uniform. 'Yong kanya maayos tingnan, he's in complete uniform too.
Our uniform is khaki pants and white polo for the boys, while ours is checkered black and white skirt that ends in my middle thigh, and a white blouse with some checkered ribbon too. Simple lang, pero mas okay kaysa doon sa maiikling uniform.
Our school theme is maroon, but the uniforms are checkered, hanggang ngayon iniisip ko pa din kung bakit ganoon ang color scheme dito. PE uniform lang namin ang may touch ng maroon saka wash day t-shirt namin na kadalasan tuwing Wednesday namin sinusuot paired with jeans and rubber shoes.
"Pero seryoso, ang gwapo niya 'di ba? Hindi na kita aagawan doon. Sa 'yo na siya, hanap ako ng ibang prospect ko," she dreamingly said. Napailing naman ako sa sinasabi niya.
Ang kapal din talaga minsan ng mukha ng babaeng ito. Hindi na nahiya sa mga salitang lumalabas sa bibig niya e.
"Oo na, tumigil ka lang. I need to review, tahimik ka muna," sang-ayon ko para tumigil na siya. Paniguradong mangungulit pa 'yan nang mangungulit kapag hindi ako umo-o sa mga sinasabi niya.
"Bakit kasi magrereview ka pa. Madali lang manggaya kapag si Sir Magtalas na ang teacher natin. Hindi naman 'yon naninita e anong silbi ng pag-re-review?" hinampas ko naman ng mahina ang braso niya dahil sa sinabi niya.
"Hindi naman porke't madaling manggaya 'di ka na mag-aaral. You still need to review some topic, matuto kang dumipende sa sarili mo, Yanni. Hindi sa lahat ng pagkakataon makakagaya ka."
"Hump, saka ko na iisipin ang mga ganiyan. Sa ngayon alam kong katabi kita kaya mayroon akong gagayahan. Papagayahin mo naman ang besfriend mo 'di ba?" she said - doing a puppy eyes. Unti-unti naalis ang kunot ng noo at mahinang napatawa.
"Magreview ka pa din. Saka ka gumaya kapag hindi mo talaga alam," tinulak ko naman ang ulo niyang nakasandal sa akin. Hindi na ako nag-abalang tumingin pa sa kaniya.
Habang nag-uusap kami ay nagsasaulo ako ng mga terms. ESP kasi mamaya, isang buong module kami magquiz kaya ipon ang mga meaning at kung ano-anong mga pinagsasabi ng mga taong paulit-ulit ang pangalan kada module. Kaya mas lalong nakakalito e, tanda ko 'yong pangalan, pero halo-halo na ang mga sinasabi nila sa utak ko.
Natapos ang free time namin na puro pangungulit lang ni Yanni ang nagawa niya. Nagbabasa din naman siya, pero mas.marami 'yong daldal kung kani-kanino, but still she got a good score on the exam. Matalino din naman si Yanni, kung mas mag-e-effort siya sa pag-aaral mas mataas pa grades niyan sa akin.
"Daan ako mamaya okay? Magbibihis at tutulong muna ako kay Mama. Text mo ako kapag kakanta na sila," paalam niya pagkadating namin sa resto bar namin.
"Okay. Text na lang kita," wika ko at kumaway sa kaniya.
"Astra, nakahanap ka ba?" tanong sa akin ni Linda. Mukhang wala pa din talaga siyang nahahanap.
"Mayroon, but I'm still trying them. Hindi pa ako sure sa kanila," napahinga naman siya malalim dahil doon.
"Salamat naman, sana sila na. Solo ba or band?"
"Band. Fifth Avenue as what they call," kunot noong napatingin naman siya sa akin.
"Fifth Avenue? Natanong ko na sila, pero hindi daw sila interisado. Buti na lang at napapayag mo. Magaling talaga sila. I heard them play once," masayang wika niya.
"Oh? I'm looking forward to that. Mabilis ko silang napapayag, si Rash ang nakausap ko," kwento ko habang binababa ang bag ko. Nasa may second floor na kami ngayon.
Tumalikod naman siya sa akin habang isa-isa kong inalis ang blouse ko. Nakasuot naman ako ng sando sa loob, pero masyadong mainit kapag hindi ko 'yong tinanggal.
"Rash? Siya 'yong vocalist 'di ba? Ang suplado noon nang nakausap ko. Buti hindi ka niya sinupladohan," kwento niya.
"Buti nga. Ang dali lang niyang kausap kanina e. Baka wala lang sa mood noong nakausap mo," kinuha ko naman ang damit ko at mabilis 'yong sinuot.
"Siguro nga, Astra. Punta muna ako sa baba, I'll see you there. Anong oras ba daw sila pupunta?" wika niya. Inalis ko naman ang sapatos ko para makapagpalit ng pang-ibaba.
"7pm ang sinabi ko. I believe pupunta sila ng mas maaga."
"Okay. Antayin ko sila sa baba. Tatawagan na lang kita kapag nandito na sila," sabi niya at nagsimula nang maglakad pababa.
"Linda, wait. Baka naman pwedeng paakyat ng dinner ko. May aayusin pa akong assignment e. Si Papa kamusta na?" pagpigil ko sa kaniya.
"Busy po si Sir ngayon e. Maaga siyang umuwi sa bahay niyo," tumango naman ako sa sinabi niya. "Ako na ang bahala sa dinner mo, Astra."
"Thank you," I said as I stormed out the whole room. Ang daming assignment na binigay sa amin.
May project din na kailangan ko na agad simulan. Hindi ko naman maiwan ang resto bar. Lalo na at wala pala si Papa ngayon sa resto bar. Ilang araw na din ata kaming hindi nagkikita ni Papa, parehas kaming busy e.