"Okay na?" Tanong ni Rowan habang naghihintay na matapos ako sa pagliligpit ng mga gamit. Katatapos lang ng last subject namin kaya naman dadalaw ulit kami sa Hospital.
"Ang tagal." Reklamo niya kaya binelatan ko lang siya. Epal talaga ang isang 'to. Kanina pa siya reklamo nang reklamo kahit na wala pang limang minuto siyang nakatayo sa tapat ko. Sobrang mainipin samantalang kapag ako ang pinaghihintay niya sa basketball court inaabot pa ng dalawa o tatlong oras.
"Ang tagal mo." Sinamaan ko siya ng tingin saka isinukbit ang bag sa magkabilang balikat.
"Sama ng ugali mo." Untag ko kaya napakunot noo siya.
"Ano na naman?" Tinaasan niya pa ako ng kilay. Minsan talaga ang maldito rin ng isang 'to.
Umiling-iling na lang ako saka nagpatuloy sa paglalakad. Nakasunod naman siya sa 'kin. Hindi ko nga lang alam kung ginagawa niya ba 'to dahil sa utos ni Tita Camille o dahil inaasahan kami ni Mama palagi. Mag-aapat na araw na yata si Papa ro'n at mabuti na lang, okay na ang pakiramdam niya. Iuuwi na nga rin siya ni Mama bukas.
"Hello po, Tita." Nakangiting bati ni Rowan saka nagmano kay Mama at Papa na natutulog.
"Nandito na naman kayo? Lagi na lang kayong magkasama ha? Baka mamaya niyan..."
"Mama!" Singhal ko saka siya binato ng balat ng mani na kasalukuyan kong kinakain. Minsan talaga mapang-asar 'yang Nanay ko. Ship niya talaga kami ni Rowan e parang timang nga.
Hindi ko talaga maimagine na magiging kami ni Rowan balang araw. I mean, yuck lang. Halos nakita ko na pati ang pututoy niyan no'ng mga bata pa kami! Kadiri kaya 'no.
"Anong nginingiti-ngiti mo riyan?" Napawi ang ngiti sa labi ni Rowan saka napailing. Patay malisya siyang kumuha ng mani.
Nagstay pa kami ro'n ng isang oras bago sabay na umuwi sa kanila. As usual, hindi ko na naman naabutan si Rouie sa sala.
Kapag kasi nasa bahay nila ako, lumalabas lang siya ng kwarto kapag kakain tapos hindi pa siya nagsasalita. Ni hindi man lang nga ako tinitingnan o sulyap lang e. Medyo nalulungkot tuloy ako. Ang laking opportunity na kaya nito pero 'di ako makagawa ng move. Pa'no kasi ang sungit niya. Ilang beses ko na siyang nilapitan at tinangkang kausapin pero kiber lang. Tatanguan lang ako saka aalis.
Nahiga ako sa kama saka nag-online. Naalala kong balak nga pala namin hulihin ni Rowan ang misteryosong nagmamay-ari sa account ni Eren Jeager. Nakakacurious din kaya siya. Medyo creepy lang na sinasabi niyang nandiyan lang siya sa tabi-tabi.
EREN JEAGER
7:12 PM
Eren: Hi
Allison: Hello po kuys hehehe
Eren: Good mood ka yata ah?
Allison: Hindi naman po kuys hehe
Allison: Ilang taon ka na nga po pala?
Allison: Kuys ako ng kuys baka mamaya niyan babae ka tapos mas bata sakin
Eren: Di ah hahaha
Eren: Grabe naman yung babae ako
Allison: Eh malay mo po kasi
Allison: Wala akong makitang info at ibang pic sa account mo e
Allison: Pero di po kita inisstalk ha
Allison: Tiningnan ko lang po hehehe
Eren: Sige di mo ko inistalk
Allison: Oo po hehe
Allison: Anyway ano nga po?
Allison: Lalaki ka talaga?
Eren: Lalaki ako hahaha
Eren: Di ba halata sa dp ko
Allison: E malay ko po ba kung nakaw lang yan
Allison: Nag-aaral pa po kayo?
Allison: Sabi kasi ng bff ko baka daw po pedo kayo e
Allison: Medyo nag-iingat lang ako hehe
Eren: wtf
Allison: Bakit po kuys?
Eren: HAHAHAHAAHAHHAHAHA
Eren: Hindi ako pedo
Allison: Eh bakit natawa ka
Eren: Wala
Eren: Bat ka kasi maniniwala sa bff mo
Allison: Eh baka po tama siya?
Eren: Di ah
Eren: Lalaki ba yang bff mo?
Allison: Opo kuys
Eren: Gwapo?
Allison: Bakit po? Gusto mo ilakad kita?
Eren: Ha?
seen at 8:01 PM
Napatampal ako sa noo nang marealize na baka nga naman kaklase ko siya at gustong magpalakad kay Rowan. Jusme. Nakalimutan kong ako nga pala ginagawa nilang tulay.
Napailing-iling ako saka nagpagulong-gulong sa kama. So ibig sabihin lang no'n, babae 'tong Eren Jeager.
"Eh?" Napabangon ako mula sa pagkakahiga. "Pero lalaki siya sabi niya?" Tanong ko sa sarili saka napailing-iling.
Pabalik na sana ako sa pagkakahiga bago may pumasok na ideya sa utak ko.
"Oh my G..." Gulag na anas ko matapos marealize na...
Agad kong kinuha ang cellphone saka nagtipa ng mensahe sa kaniya.
EREN JEAGER
8:19 PM
Allison: Oh my g
Eren: Bakit hahahaha
Allison: Bakla ka kuys?
Allison: Gusto mong ilakad kita kay Rowan?
Allison: Ahhhh nahihiya ka no?
Allison: Mabait naman po yun si Rowan e
Eren: Teka hindi ako bakla
Allison: Aysus, kuys
Allison: Mali. Ate pala dapat ano
Eren: Hindi nga ako bakla
Eren: (╯°□°）╯︵ ┻━┻
Allison: Eh teka bakit mo binabalibag mesa
Eren: hahhahahahha emoticon lang yan
Allison: Kahit na
Allison: Denial ka no?
Allison: Di ka pa naga-out sa community?
Eren: Wtf hahhahahaa
Eren: Lalaki nga sabi ako
Allison: Weh po
Eren: Bahala ka diyan hahahhaha
Allison: So ilang taon ka na nga?
Eren: Kala ko ba you dont talk to strangers
Allison: Eh magkachat na po tayo ng ilang araw
Eren: Sabagay
Allison: Ilang taon ka na?
Eren: Secret hahahaha
Allison: Duga
Allison: Eh ako? Alam mo ba kung ilang taon na ko?
Eren: Oo 17
Allison: Stalker ka 👩‍🔧
Eren: Ano yan
Allison: Emoji po kuys
Allison: Wala kasi ko emoticon e hehehe
Eren: Di ano yan hahahha
Eren: Karpintero ka pala?
Allison: Hindi ah!
Allison: Grabe naman po
Eren: (ノ^_^)ノ
Allison: Ano yan po
Eren: Dancing daw e hahahhaha
Allison: Parang nagpapakarga lang e
Eren: Hahahhaha onga no
Allison: Pero need ko na matulog kuys
Eren: Sweet dreams, Ally.
seen at 10:03 PM
-------
"O ano? May nakuha ka man lang info?" Tanong ni Rowan habang sabay kaming naglalakad papunta sa canteen. Nginisihan ko lang siya.
May hint na ako kung sino 'yong Eren. Lalo na at bakla siya, isa lang naman ang bakla sa section namin e. Crush din pati niya si Rowan.
"Ang creepy mo ngumiti." Aniya saka tinakpan ang mukha ko gamit ang kamay niya. Bigla akong napasimangot.
"Aray. Taena!" Reklamo niya matapos kong kagatin ang kamay niya. Tawang-tawa tuloy ako dahil hindi siya magkamayaw sa kakapunas no'n. Diring diri pa siya kaya pinaghahampas ko siya sa braso.
"Ang arte mo!" Sigaw ko kaya iniwasan niya ako.
"Anong maarte? Baka mamaya may rabies ka." Hasik niya kaya humagalpak ako ng tawa. Pinagtitinginan na nga ako ng mga estudyante pero kiber lang. E sa masaya ako pakialam ba nila.
"Hindi ako aso! Bwisit ka!" Kinurot ko siya sa tagiliran kaya napaaray na naman siya.
"Sobrang bayolente mo." Daing niya habang nakahawak sa tagilirang kinurot ko.
"Ro!" Inakbayan ko siya kahit na sobrang tangkad niya. "Nakalimutan kong sabihin na hindi ako nagsipilyo."
Mabilis niyang inalis ang kamay kong nakaakbay sa kaniya saka ako nandidiring tiningnan. Peste talaga. Ang arte ng isang 'to. Talo pa 'ko.
"Tumae din ako kanina. Nakalimutan ko magsabon." Untag niya kaya nagkatinginan kaming dalawa.
Para siguro kami mga timang na nakatayo sa gitna ng corridor. Pinanliitan ko siya ng mata, maya-maya lang ay humahalakhak na siya.
"Peste ka!" Anas ko saka siya pinagpapalo sa braso at likuran. Peste talaga 'to. Nakailang dura pa yata ako para masigurong maaalis 'yong germs na galing sa kamay niya.
"Bwisit ka talaga." Inis na sabi ko. Tawang-tawa pa rin siya.
Akmang sasabubutan ko siya nang mahagip ng mata ko ang pamilyar na pigura ni Rouie. Naglalakad siya at may dalawang lalaking kasama. Naibaba ko agad ang kamay saka mabilis na inayos ang sarili. Inipit ko pa sa likod ng tainga ang ilang hibla ng buhok.
May college department kasi ang school namin, kaya nga siguro ako rito nag-elementary. Bata pa lang ako alam ko ng si Rouie ang nakatadhana sa akin. Napangiwi si Rowan nang makita ako.
"Wow. Sinapian ka ba ni Maria Clara?" Komento ni Rowan kaya nginitian ko lang siya. 'Yong ngiti na alam kong mapapangiwi siya.
Pinandilatan ko siya ng mata saka nginuso ang Kuya niya na papalapit sa amin.
"Ano?" Napairap ako sa hangin kaya siya natawa. "Ah gusto mong ilakad ulit kita kay Kuya?"
"Shh!" Sinamaan ko siya ng tingin. Bakit ba ang obvious niya masyado? Nakakahiya tuloy sa mga makakarinig. Sikat pa naman silang magkapatid. Una, basketball player si Rowan at palagi pang MVP. Ikalawa, si Rouie ay sikat dahil palaging pambato sa mga academics competition outside the school.
"Ano? Hindi ko marinig? Ilakad kita kay Kuya?" Sinipa ko siya sa binti kaya napaaray siya at napayuko.
"Isa pa. Sige, tatamaan ka talaga sa 'kin." Pagbabanta ko kaya natawa siya. Humarap siya sa direksyon ng kuya niya saka sila kinawayan.
Kumaway na rin ako. Lalo na nang nginitian kami ng dalawa pang kasama ni Rouie. Una ko silang nakita sa birthday party ni Rouie pero hindi ko na tanda ang mga pangalan nila.
"Kakain na rin kayo? Sabay kami." Tugon ni Rowan kaya nilingon kami ng kuya niya. Napasimangot lang siya matapos akong sulyapan.
Ayan na naman. Sisimangutan na naman ako. Para bang uutangan ko siya kaya ganiyan siya makasimangot. Hindi naman siya bumbay o five-six e at mas lalong hindi ako mangungutang.
Sa huli, tumanggi si Rouie at sinabing hindi pa nila lunch break. Papunta lang daw sila sa library.
Bagsak balikat akong naunang pumunta sa canteen. Epal talaga si Rowan. Sigurado naman akong lunch break din nina Rouie e. Ayaw niya lang kami makasabay dahil narinig niya 'yong sinabi ng magaling niyang kapatid. Ang lakas kaya ng pagkakasabi niya!
Ako 'yong nahihiya dahil sa kaniya e. Pinagtawanan pa kami ng dalawang kasama ni Rouie. Minus point tuloy 'yon para sa 'kin.
"Lungkot-lungkutan ka na naman diyan. Hindi nga bagay sa 'yo." Wika niya habang patawa-tawang nakasunod sa akin. Hindi ko na lang siya pinansin. Ang laki niya talagang epal minsan.
Sabay kaming kumain ni Rowan dahil syempre libre niya ako. Galante ang taong 'yon e. Nasobrahan sa pagkagenerous at ako bilang mahirap at opurtunistang mamamayan, gora lang. Tatanggi pa ba akp sa libre? Hehe
Dahil may one hour vacant pa kami after ng lunch, naisipan ko na lang na magfacebook. Wala rin naman akong makausap dahil nawawala na naman ang magaling kong kaibigan. Pagkatapos naming kumain nagpaalam lang siyang magc-CR pero hindi na bumalik. Parang timang 'yon. Parang bula, nawawala basta-basta. Kaya ayon, bumalik na lang ako sa room para tumapat sa electric fan. Init kaya sa canteen. Daming tao, dami ring may putok.
Napangisi ako nang may maalala.
Oo nga pala. Kailangan ko pang iinterrogate 'yong Eren. Malakas talaga ang loob kong pinagtitripan lang ako nito e. Humanda siya sa 'kin. Mahuhuli ko rin 'yan. 'Wag ko lang talaga malaman-laman na magpapalakad lang siya kay Rowan. Hmp.
Sakto namang nakita ko na online siya.
EREN JEAGER
Allison: Hi po kuys hehehe
Eren: Hello hahhahaha
Eren: Himalang ikaw ang naunang magchat sa akin
Allison: Magtatanong lang sana hehehe
Eren: Tungkol saan?
Allison: Sa inyo po
Eren: Interesado ka na rin sakin?
Allison: Di po ah
Allison: Taken na po ako hehehe
Eren: Akala ko ba wala kang bf?
Allison: Wala nga po pero taken na ko ng UC ko hehe
Eren: uc?
Allison: Ultimate crush po HAHAHHA
Allison: Taga bundok ka po kuys?
Allison: Baka mamaya niyan di mo knows ang sml? Skl? Lmao? Lol?
Eren: Alam naman no
Allison: So...
Eren: Ano? Hahaaha
Allison: Ilang taon ka na po?
Eren: Secret hahaha
Eren: Hulaan mo dapat
Allison: Walang clue?
Eren: Basta mas matanda ako sayo
Allison: Omg baka tumpak sabi ni Ro sakin?
Allison: Na pedo ka?
Eren: HINDI!
Allison: Grabe defensive HHAAHHAHA
Allison: Sige na nga hehe
Allison: Last Q for today
Eren: O?
Allison: Nag-aaral ka pa po?
Eren: Oo
Eren: Sa school niyo
Allison: Hehehe
Eren: Parang di ko gusto yang tawa mo ah
Allison: HAHAHAH
Allison: HULI KA BALBON!
Allison: HINDI MO AKO MALOLOKO PATRICIO!
Eren: Ha?
Allison: HINDI KITA MAILALAKAD SA BFF KO AYAW NIYA SA MGA BAKLA SORRY HEHEHE
Allison: Babye po hehehe
Eren: Teka lang
Eren: Hoy
Eren: Hindi nga ako bakla
Eren: Aong Patricio?
Eren: Anong*
Eren: ¯\_ಠ_ಠ_/¯
seen at 1:27 PM