"N-Nagpasobra ako ng niluto kong sunny side up egg at hotdogs, kung gusto mong kumain, go lang. Siguro naman ay kumakain ka niyan," ani Alondra kay Knight nang bumungad 'to sa dining habang nakaupo naman na siya ro'n at nagsisimula ng kumain.
Nakakailang, ngayon lang niya mas napagtanto at napagtuunan ng pansin na ang lalaking nakakita ng buong hubad na katawan niya for the first time ay... g'wapo pa pala. At hindi lang basta g'wapo...
Clad with his expensive tuxedo, animo hinugot sa isang magazine ang lalaking nasa harapan niya ngayon. Daig pa ang may photoshoot ng koya mo, Knight. Photoshoot na nangangailangan ng kabalyero at oo, masasabi niya talagang ito lang ang fit sa role na 'yon.
At ang isipin na nakita na nito ang buong hubad niyang katawan sa buong segundo, minuto, oras, araw na lumipas magmula nang mangyari 'yon, kung bakit ngayon pa tila siya nakaramdam ng init, isang palaisipan sa kaniya.
Matapos kasi ng insidenteng nangyari sa kanila nito sa banyo ay ngayon lang sila ulit nagkita nito. Oo, tila ba may silent agreement na namagitan sa kanila sa loob ng isang araw na magkahiyaan muna sila sandali, na palipasin muna nila ang mga hiya nila sa katawan dulot nang nangyari. e, grabedad naman, nakita siya nito sa tagpong sobrang private na sa kaniya kaya kung sino man sa kanila nito ang mas makadarama ng sobrang pagkapahiya ay siya 'yon wala nang iba!
"'Morning," untag na bati nito sa kaniya.
"U-Uhm, 'morning din..." ganting bati na rin niya rito.
Nang maupo naman 'to sa kabisera niya at balewalang nagsandok ng sarili nitong sinangag, itlog at hotdog ay napangiti na lamang siya.
Nag-thumbs up 'to sa kaniya. "Masarap. Thank you for this, the last time na kumain ako ng sinangag ay high school pa yata ako or college? 'Hardly remember." kaswal pa nitong pagkukuwento.
"Ows? E, sa pagkakaalam ko may java rice naman kayong mga mayayaman," komento niya naman, pampagaan lang ba ng usapan.
Sobrang dami pa kasi nilang dapat na pag-usapan nito kaya kailangan talaga nila ang gano'n kakaswal na pag-uusap. At kung uunahin niyang isipin ang nangyaring tagpo sa kanila sa banyo, napag-isip-isip niyang paano niya makakamtan ang kalahating milyon? Isa pa ay nakita lang siya nito, hindi naman siya nahawakan para mag-inarte siya na para namang nagahasa. May mga pangyayari sa buhay natin na hindi natin kontrolado at dapat na lang isisi sa katangahan.
"Yeah, patago pa. Ayaw kasi ng mommy ko na kumakain ako sa labas ng school. Vegetarian din kasi 'yon kaya maselan talaga sa foods, given naman."
"Ah, kaya pala."
"Uh, anyway, papasok na 'ko, Alondra. Sumubo lang din naman ako, nakakatakam ang sinangag pero mapunahinang mommy ko, 'pag hindi ako nakakain sa conference namin ngayon ay kung ano-ano ang sasabihin niya sa 'kin, for sure."
Kaya pala nakasuot 'to ngayon ng pormal, may conference meeting pala. Madalas niya 'yong nababasa sa mga fiction novels kaya may idea na naman siya kung ano 'yon
Pero may sasabihin pa ya rito, sa gabi naman ay hindi na sila nagkikita at ewan ba niya kung anong oras 'to umuuwi. Nakakatulugan na niya.
"SA-Sandali!" tarantang sinundan niya 'to sa pintuan, buti naman ay inabot niya.
Nilingon siya nito nang as usual, kunot na kunot ang mga kilay na kay kapal. "Why, Alondra?"
"Ahm, gsto ko sanang itanong sa 'yo kung okay lang ba na habang nananatili ako rito sa condo mo ay ako na muna ang maglaba ng mga damit natin? Saka, puwede naman yata akong umuwi ngayon kahit sandali lang para kumuha ng mga damit ko 'no?"
"May nagpupunta rito tuwing weekends na kumukuha ng labahin ko, hindi mo na 'yon kailangan na problemahin. About your clothes," anito, may dinukot sa isa sa bulsa ng suot nitong tux, "here's my card, use this. Buy new clothes. Hindi mo na rin kailangan na umuwi pa."
Spechless, nakanganga na napatda na lang siya sa card na nakaumang sa harapan niya.
"Just take this." Nainip yata 'to, ito na mismo tuloy ang naglagay ng card sa palad niya. "Walang limit ang card ko na 'yan, but I'm sorry to burst your bubble, malayo sa pag-eenjoy ang gusto kong gawin mo sa mall, Alondra. Pinapapunta kita ng mall ngayon at pinabibili ng mga bagong damit dahil well, hindi nbabagay sa tulad ko ang asawang magsusuot ng mga klase ng damit na mayroon ka. And oh, let me remind to you, hindi ka narito para magbakasyon. Narito ka para pagselosin si Gayle and by doing that, first, I think, kailangan mong maging ka-lebel niya."
Naiwan na lamang siyang nakanganga hanggang sa tumalikod na ang kabalyerong siraulo. Hindi niya minasdan ang card na nasa kaniya ng palad. Saka siya hindi rin makapaniwalang mapabuga ng hangin. HIndi pa man niya nada-digest ang mga tinuran sa kaniya ni Knight, hayun at sumilip na naman ang ulo nito sa pintuan. Para lang muling may sabihin sa kaniya...
"Second, never mong makikita si Gayle na nakanganga dahil lang sa isang lalaki. Kahit pa kasing g'wapo ko ang lalaking kaharap niya."
Aba't!
Kumuha ma siya ng pambahay na tsinelas na naroon sa malapit png ihagis sana sa hamboog na si Knight, wala na 'to. Sa nakasaradong pinto na lang tumama tuloy ang hinagis niyang tsinelas.
B'wisit!
MATAAS na babae si Gayle Hizon, mataas, balingkinitan ang katawan, morena, maganda. Ang perfect nga nito. Hindi niya maiwasan na masambit habang tinititigan niya ang babae ngayon sa malayo. Hindi rin maiwasan ni Alondra na mainggit dito.
Kaya naman pala umaayaw sa kasal, 'apakaganda naman pala ng ate mo Gayle!
 Isa rin daw 'tong negosyante sabi ng mga napagtanungan ni Alondra sa pahapyaw na paraan nang umagang 'yon na nag-decide siyang mag-jogging. Nag-jogging siya dahil nabanggit ni Knight sa kaniya na tuwing araw ng Sabado at Lingo ay maaga nga raw na tumatakbo ang jowa nito paikot sa condo na ‘yon ng mga 'to. 
 Kailangan niyang magsakripisyo ng antok niya para sa pera. Saka nakakahiya naman sa kabalyero. May point naman 'to, na hindi nga naman siya naroon para magbakasyon. 88% na niyang tanggap na heto, narito na siya sa isang sitwasyon na hindi niya talaga lubos maisip na kasusuungan niya. Para sa kaniya ay maliwanag na isang pagtatapon ng pera ang gagawin ni Knight. Pero sino ba naman siya para awatin ‘to sa trip nito. Saka, hindi naman niya kaano-ano ang masungit na lalakig 'yon para makonsensya siya na para namang siya ang may kagustuhan ng kasunduan nilang 'yon.
Oo, isa pa pala 'yon, ito ang nagdala sa kaniya sa kasunduan na 'yon, ang gagawin lang niya ay ito na nga, sinisimulan na niya. Trabaho ang sinabi niya sa kaibigan niyang si Poks, kaya sisimulan na niya ang trabahong 'yon ngayon din.
Nang makita niyang malapit na si Gayle na makaraan sa kinatatayuan niya, nagkunwari siyang tumatakbo na rin. Sasalubungin niya 'to upang magkakilala na sila ngayong araw na 'to.
At dahil nga sa card ni Knight, hayun siya, kumpleto ang get up ngayon, mamahalin na sapatos, mamahalin ang suot, at oo, may airpods pa siya sa magkabila niyang tainga. Gaya ng utos sa kaniya ng damuhong kabalyero, namili nga siya. Sky is the limit, para bumagay raw siya rito.
Hah! Ginawa niya ang gusto nito at hindi na talaga siya nahiya. Tutal ay hinamak na rin naman sya nito, nilubos na niya at umabot yata ng 56 or 58k ang mga napamili niya. Puwera pa ang naipamili niya para kay Poks, na tuwang-tuwa sa suwerte na natisod daw niya. Kung alam lang sana ng kaibigan niya na ang klase ng trabaho na meron siya ngayon ay nangangailanagn ng tibay ng sikmura. May pakiramadam kasi siyang kung hindi ay agad niyang susukuan 'yon. Malaki pa rin talaga ang pagkakaiba ng pagod ka physically, sa emotionally.
Hay, ayaw na lamang niyang isipin. Pasasaan ba at matatapos din ang kasunduan nila ni Knight.
Mas maganda pala sa malapitan si Gayle Hizon. Kaya ka pala nababaliw, Knight Winters, kabaliw-baliw nga ang ex mo...
Hindi niya maiwasan na purihin talaga si Gayle. Kung makikiuso siya, sigurado siyang isa rin siya sa mapapasambit na girl crush niya 'to. Ni wala siyang makita na kapintasan dito. Kung sa pag-uugali naman ay hayun, malayo 'to sa pagkasuplada at ang lahat ng mga nakakasalubong ay nginingitian nito.
Malaking kawalan nga...
Base nga rin sa mga narinnig niya tungkol dito ay mabait nga rin daw 'to. Kilala ng guards sa condo, namimigay raw ng pamasko, galante. Kung gano'n nga na marunong 'tong magbigay ng reward sa mga maliliit na tao, mabait nga sadya. Mapapa- sana all na lang siya. Maganda na, mabait pa. So, mate-testing niya ngayon ang bait nito pagkatapos na masilyan na niya at kainggitan ang gandang taglay nito. Hanggang sana all na lang muna at hindi siya puwedeng makonsensya ngayon sa gagawin niya rito...
"Ouch!" may kalakasan na daing niya eksaktong sampung hakbang na lang ang layo sa kaniya ni Gayle.
"M-Miss? Miss!"
Uy, in fairness, tumakbo si Gayle upang daluhan ang pagkukunwari niyang pagkapulikat kaya siya napaupo sa semento pagkatapos niyang dumaing.
"Ouch! Miss, tulong! Pinupulikat yata ako!" kunwari ay tarantang sambit pa niya rito.
"Kumalma ka lang, miss. I will call for help, okay--- Help! Please somebody, help us!"