HABANG nagkakahanapan ang mga sales clerk ng Knight in Shing Glamour Jewelry, palihim na ipinihit ni Alondra ang singsing na nasa kaniyang palasingsingan. Pinihit niya 'yon, pinaikot-ikot upang mahubad sa daliri niya ngunit sa kung anong dahilan ay ayaw talaga na maalis niyon!
Kandapilipit na siya sa sariling kamay. Buong puwersa na rin ang binibigay niya upang mahugot niya 'yon pero para 'yong naka-glue at hindi matanggal talaga. Nang suotin naman niya 'yon kanina ay hindi 'yon gano'n. Bakit ngayon ay ayaw mahubad?
Jusko, iligtas mo po sana ako sa boss nilang tila umuusok na ang ilong sa galit sa mga oras na 'to, piping dasal niya sa sarili.
Dahil totoo naman. Halos magkasalubong na ang kilay ng lalaking lumitaw na lang sa kung saan at hindi na mahirap hulaan na boss do'n at nang magsalita 'to aa pagalit na tono ay nagkandakumahog na ang mga sales clerk do'n sa paghahanap ng hinahanap nitong singsing nga, na nasa daliri niya.
Ah! Ba't kasi ayaw maalis? Ano ba namang singsing na 'to, napaka- clingy!
Sa kung anong rason, o baka dahil sa nerbyos na bigla na lang sumalakay sa kaniya, kaya ayaw maalis niyon. Pero s'yempre, habang hindi pa nahahalata ng lahat na nasa kaniya 'yon, pipilitin niya pa rin na matanggal 'yon sa daliri niya. Tuloy ay para na siyang bulateng inasinan do'n sa sulok.
B'wisit!
Isa na lang ang paraan na naiisip niya— ang kagatin 'yon.
Kaya mo 'to, Alondra, maaalis mo 'to! Pag-cheer niya pa sa sarili gaya ng nakagawian na niyang gawin sa tuwing nasa alanganin siyang sitwasyon.
Minasahe muna niya ang mga panga, saka tinesting ang kaniyang ngipin sa pagkagat. Nakanganga na siya at handa na sanang isubo ang sariling daliri para alisin sa pakagat na paraan ang singsing nang magsigawan ang mga taong naroon sa loob ng jewelry shop—
"Fvck, don't you dare!" anang baritonong tinig na kahit hindi niya lingunin ay alam niya kung kanino galing.
"'Wag!" sabay-sabay na sambit naman ng ibang mga naroon sa kaniya.
Oo, plural, lahat naman kasi ng naroon na sa tantya niya ay nasa sampu rin na katao, ay inawat ang akma niyang pagkagat sa singsing.
Nabitin sa ere ang pagnganga niya. Walang nagawa na tinikom na lang niya ang bibig niya at nginitian ang mga taong naroon na lahat ay nasa kaniya ang pares ng mga mata...
"Ahm, e, nasa 'kin ang singsing." Muwestra niya, inangat niya ang palad niya kung saan naroon ang singsing na hinahanap ng mga 'to. "A—ayaw niyang maalis—"
Ang boss sa jewelry shop ay inisang hakbang siya. Nakagulatan na lang niyang nasa harap na niya 'to at hawak na ang kana na pulsuhan niya kung saan nakasuot naman sa daliri niya ro'n ang singsing na hinahanap nito.
"Are you out of your fvcking mind?!" asik nito sa kaniya, "Pupusta akong ni hindi mo alam ang presyo ng singsing na 'yan kaya gano'n ka na lang katanga para tangkain na kagatin 'yan, idiot woman!" dagdag pa nito, nag-iigtingan ang mga panga at nagkiskisan din ang mga ngipin sa galit sa kaniya.
Marahas siyang napasinghap. Kinagulat niya ang intensidad ng pagtataas ng tono nito sa kaniya. Pero alam niya, mas kinagulat niya ang pagtawag sa kaniya nito ng idiot!
"Hoy! Mr. Manager, para sabihin ko sa 'yo, ang gold do'n sa Sta. Cruz, Ongpin ay kinakagat upang ma-testing kung gold talaga!" ganting asik niya rito. Hindi pa pinapanganak ang taong sisindak sa kaniya. Pati nga ang magsasabi sa kaniya ng tanga, actually, hindi niya lang talaga napaghandaan ang anghang ng salita nito kanina.
The man scoffed. "Sta. Cruz, Ongpin?" patuya pa nitong sambit.
Taas ang noo naman niyang sinalubong ang panghahamak na nababanaag niya sa mga mata nito. "Oo, bakit? Saan ka ba kumukuha ng mga alahas mo? Hoy! Hindi ako probinsyana, sa Sta. Cruz, Ongpin ang bilihan ng mga gold dito at sa buong Metro, Manila. Kahit nga ang mga karatig probinsya ay do'n umaangkat ng mga gold!"
"Really?"
"Oo! Saka, bitiwan mo nga ako!" Piglas niya, pilit niyang hinila ang sariling braso sa pagkakahawak nito ro'n sa mahigpit na paraan.
"No!"
"Ano?! Naku, ano ba 'tong manager niyo, dating galing mental ba 'to? 'Pag ganito delicates 'to, pakiawat naman at pakiposas!" baling niya sa mga staff nito.
Sa limang sales clerk— tatlo ang babae, isang binabae at isang straight na lalaki— na nakatunganga lang sa kanila ng boss ng mga 'to. Na tila hindi nakakaalarma ang pagkakahawak ng boss nila sa kaniya. Noon lang din niya napuna na wala na palang customers sa shop, mukhang umalis na nang magkaroon ng komosyon sa pagitan nila ng manager ng jewelry shop na 'yon.
"Ah, Boss Knight..."
"Stop," kaagad na awat ng manager sa lumapit dito na guard ng jewelry shop na 'yon, na sa pagkamangha naman niya ay tumigil nga sa akmang pag-awat sa boss nitong tinawag na 'Boss Knight', nang utusan nito gamit ang nag-iisang salitang 'yon!
"Hoy! Para sabihin ko sa 'yo, hindi ako magnanakaw. Sinukat ko lang ang singsing na 'to at ngayon ay ayaw nang maalis sa daliri ko 'no!" nakaingos niyang turan sa manager na nananatiling mahigpit na nakahawak sa pulsuhan niya, hindi alintana ang pagpipiglas niya.
He smirked then he looked at her intently. 'Yong klase ng tingin na tila ngayon lang siya nakita kahit kanina pa naman siya hawak nito. Para bang sa pagpili ng ginto ng isang taong hindi marunong kumilatis niyon, s'yempre ay mas pipiliin mo ang mas makulay gold sa pag-aakala na 'yon ang totoo. Maganda kasi ang kulay. Pero mapapabalik ka sa tunay na ginto dahil na-realize mong ang ginto nga pala ay mas kikinang lang kung may adorno.
"Miss whoever you are, para sabihin ko rin sa 'yo, wala kaming item na ganyan dito." Nginuso nito ang singsing na nasa daliri niya. "At gaya nang sinabi ko sa 'yo kanina, pupusta ako na hindi mo alam na ang presyo ng singsing na 'yan ay ten million."
Nanlaki ang mga mata niya sa binanggit na presyo nito. Sino ba ang hindi luluwa ang mga mata sa narinig?! Ten million?! Seryoso ba 'tooo?! Pero mukhang oo naman, hindi naman siya siguro hahapitin nito sa pulsuhan kung hindi. Kung makahapit pa nga 'to ay parang natatakot na matakasan.
"See? Hindi mo nga alam. Tsk, tsk. Kaya kung sino man sa mga sales clerk ko rito ang nagbigay sa 'yo ng permiso na isukat ang singsing na 'yan ay pakituro na lang para masibak ko ngayon din."
Masibak? Ang arogante naman ng manager na 'to, putsa!
Nang lingunin niya ang sales clerk na babae kanina, napayuko 'to matapos na may pagmamakaawa siyang nabanaag sa mga mata nito.
May puso siya. Maliit pa lamang siya ay malaki na ang puso niya, aware rin siya ro'n. Dahil kung wala siyang puso, hindi sana siya kalulugdan ng Diyos at gagabayan Nito sa mga dinanas niyang hirap.
"W—wala! Walang nagbigay sa 'kin ng permiso. Ako lang! A—ako lang ang nagsukat nito— saka, malay ko ba na sampung milyon 'to, e, pakalat-kalat lang do'n sa ibabaw ng estante!"
"Naiwanan ko lang—"
"Nang nakabukas ang box?" Reverse method, baka sakali lang na umubra, kaya rin pinutol niya ang ano man dapat na sasabihin nito.
"Oo. Naiwan ko kasi at—"
"At sinong mas tanga sa 'tin ngayon dito? Iniwan mo ang isang mamahalin na singsing nang nakabukas ang box sa gitna ng karamihan ng mga kumikinang na alahas na narito. Hoy! FYI, tindahan 'to ng alahas, natural na ang unang mapupuna ng mga taong papasok dito ay ang pinakamagandang alahas."
"Hah! Hindi ka ba marunong kumilatis? That is beautiful than the other jewelry here, because, again, that ring—"
"Oo na! Oo na! Alam mo, kaysa gumaganyan ka, tulungan mo na lang akong alisin 'to sa daliri ko," suhestyon niya rito.
Pagkasabi niya niyon ay pinilit na naman niyang alisin 'yon sa daliri niya— oo, kahit nananatiling nasa pulsuhan niya ang palad ng lalaking 'Knight' ang pangalan, ayon nga sa narinig niyang tinawag dito kanina ng guard. Wala rin naman na kasi siyang magagawa, nasukat na niya 'yon at ngayon nga ay ayaw nang maalis sa daliri niya.
"And do you really think of you can go home with it on your finger?"
Pinanlisikan siya nito ng mga mata. "Satsat ka ng satsat d'yan, e, hindi mo nga ako tinutulungan!"
"Boss Knight, ito po, subukan natin ang sabon na 'to." Pukaw sa atensyon nila ng sales clerk kanina na nagbigay sa kaniya ng permiso na isukat ang singsing, may bitbit 'tong maliit na palanggana na may liquid soft. May hawak din 'tong naka-sachet na fabric conditioner.
Pahaklit niyang binawi ang braso sa pagkakahawak ng lalaki sa kaniya nang mapuna niyang lumuwag naman ang hapit nito ro'n. "Salamat, 'Boss Knight' at mukhang ngayon ka lang yata makikinig sa suggestion ng mga staff mo," pasaring niya pa muna rito.
"And what made you think of that, huh?"
"Hoy, marunong akong kumilatis ng toxic na tao. At masasabi kong isa ka sa mga 'yon." Pagduro niya pa rito bago niya 'to talikuran para subukan na niyang alisin sa pamamagitan ng pagsabon sa daliri niya ang pahamak na singsing na 'yon.