"Mahal na Hari nandito na si Prince Blaster!" rinig kong sabi.
Si kuya Blaster yung Kuya ni Blesi at Beryl.
"Halika at salabungin natin ang iyong Kuya." sabi ni Ama at inalalayan ako dahil medyo masakit pa din ang paa ko.
Paglabas namin sa kwarto ko ay lumutang na kami habang hawak pa din ni Ama ang braso ko.
Buti na lang may kapangyarihan na ganito si Ama kundi baka lumpo na ako bago pa kami makababa sa hagdan.
"Mahal na hari!" sabi ng isang gwapong nilalang sa harap namin sabay yuko na nakahawak pa sa dibdib.
Hinawakan naman ni Ama ang ulo ng lalaking ito.
"Napagtagumpayan po namin ang gyera, ang masamang balita ay marami sa kasamahan ko ang napuruhan pero ang magandang balita ay sinalubong kami ng pinakamagaling sa kapangyarihang healing power, kaya unti unti na silang gumagaling kailangan na lang ng pahinga." sabi ng gwapong nilalang na ito pagkatayo ng tuwid.
Tumingin naman ito sa'kin sabay ngiti, mga sis ang gwapo niya.
"Magaling, anak! mamaya ay pupuntahan ko ang mga kasamahan mo sa gyera para makita kung ano na ang kalagayan nila." sabi ni Ama.
A-anak? OMG sayang siya.
Nagulat ako ng yakapin niya ako.
"Nanabik ako na makita ang aking Bunso kamusta bunso? Namiss mo ba si kuya?" ngiting tanong ni kuya habang hawak na ako sa balikat ko at halatang tuwang-tuwa na makita ako.
"Kanina Blaster nahulog si Blesi mula sa karwahe natin, eh napakataas nun kahit na imposible na may mabuhay doon na kababaihan, eh laking tuwa ko at naiiyak na din dahil isang himala na nakaligtas ang ating bunso." sabi ni Ama na tuwang tuwa.
Hindi yun himala Ama dahil may hoodman ang nagligtas sa'kin. Tears of joy pa nga si ama.
"Nako ayos ka lang ba Bunso? Halika at dalhin na kita sa kwarto mo at magpahinga, ipapadala ko na din ang ating healing maid." sabi ni Kuya at lumipad na kami papunta sa kwarto ko parang hangin lang ang bilis namin dito.
"Kuya si Ina na lang ang maggamot sa'kin." ngiting sabi ko.
"Pero bunso? Hindi na sapat ang lakas ni Ina dahil nakuhanan siya ng kapangyarihan noon ng kapatid niya, hindi mo ba naalala? napag-usapan natin to Beryl noon." kunot noo na saad ni Kuya.
Oo nga pala yung kapatid ng Reyna ay trinaydor siya. May isa pang nabanggit sa kuwento eh. Kasabwat yung isa sa kaibigan ni Ina
"Ang ibig kong sabihin ay halik at haplos lang sa'kin ni Ina ay mawawala na ang sakit tsaka basta nasa tabi ko kayo ayos na ako." ngiting sabi ko.
Hindi naman ako napuruhan eh dahil nilapag lang ako nung hoodman.
Napuruhan talaga ako dahil doon sa pagbagsak ko mula sa pagkakabuhat ni Kuya Ellio.
"Ganun ba, nakakapanibago pero masaya akong naiisip mo 'yang nga 'yan.? lahat gagawin namin para maprotektahan ka." ngiting sabi ni Kuya.
"Kuya Blaster narito ka na! Alam mo bang nanabik na si Bunso na makita ka? Kinukulit niya ako nung nandoon pa kami sa palasyo ng Kertuwa, nako miss na miss ka na ni Blesi" ngiting sabi ni Ate at tumakbo papunta kay Kuya at niyakap ito.
"Nako Beryl, Bakit nahulog si Blesi mula sa karwahe? Hindi bat ikaw ang lagi niyang kasa-kasama kapag aalis ng palasyo? Bakit siya nasa karwahe ng Hari at Reyna?" tanong ni Kuya.
Nakapout lang na tumingin sa'kin si ate.
"Ah kasi kuya mula sa tree house ni Lomord, pababa na sana ako pero namali ang tapak ko kaya ayun nahulog ako sumakit paa ko. Kaya doon na ako sa karwahe pinasakay ni Ina, ako talaga ang may kasalanan Kuya." ngiting sabi ko. Pero pinitik niya lang ang noo ko.
"Aww Kuya naman eh." maktol ko sa'kanya.
"Lalaki si Prinsipe Lomord, imposibleng hindi kayo lumipad pababa." reklamo ni Kuya.
"Eh Kuya sabi kasi namin ni Lomord mas magandang gamitin ang hagdan kapag bababa at aakyat sa tree house kaya yun di niya ginamit kapangyarihan niya tsaka diba Kuya hindi pwedeng abusuhin at gamitin ng sobra ang kapangyarihan? dahil nakakaubos ng lakas?" paliwanag ko.
"Si Kuya talaga ako nanaman sinisisi." nakapout na sabi ni Ate Beryl.
"Huwaag mo ng uulitin yun, Blesi ah." sabi sa'kin ni Kuya na seryoso ang mukha.
"Ay Kuya kaibigan mo pala si Prince Treoll?" tanong ko.
"Oo, bakit mo natanong?" takang tanong ni Kuya. "May gusto ka ba doon?"
"Aba Kuya natanong ko lang, parang hindi lang ako makapaniwala na magkakaroon ka ng kaibigan na kagaya niya?" sabi ko sa'kanya.
Ang over niya! Gusto agad? Di pwedeng curious lang?
"Nako, hindi rin ako makapaniwala dahil pilyo din 'yun. Pero mabait naman siya. Mahilig lang sa babae yun."
"Ikaw kuya? hindi ka ba mahilig sa babae?" tanong ko sa'kanya pero pinitik lang ulit ang noo ko.
"Aray Kuya nakakailan ka na ah!" sigaw ko habang hinimas-himas ang noo ko.
"Iisa lang ang babaeng minahal ko pero iba ang mahal niya kaya hindi na ako nagmahal pang muli dahil baka masaktan ako." sabi ni Kuya.
Kaya tinawanan lang siya ni Ate Beryl.
"Kawawa naman pala ang Kuya natin Blesi, pero hayaan mo Kuya susuportahan ka namin basta sabihin mo lang kung sino ang babaeng yan at kami na ang bahala." sabi ni Ate Beryl habang tina-tap ang balikat ni Kuya.
Sinamaan naman siya ng tingin ni Kuya Blaster.
"Nako Beryl, hayaan nga muna natin makapagpahinga si Blesi tsaka hindi porket may kasintahan ka na eh aasarin mo na ako, tara na." sabi ni Kuya.
"Uy si kuya umiiwas sa pinag-uusapan."
natatawang sabi ni Ate kay Kuya.
Hinatak lang siya ni Kuya Blaster palabas ng kwarto.
"Magpahinga ka na Bunso ah." pahabol pang sabi ni Ate.
Kaya natulog na ako dahil inaantok na talaga ako.
'hindi ka karapat-dapat sa pamilya na to'
'ampon ka lang'
'hindi kita anak'
'umalis ka na lang dito sa bahay na to'
Bigla akong napabalikwas.
Napanaginipan ko sila Tita, si Papa, si Kuya Trev at tsaka si Tracy.
Bigla na lang nag unahan ang mga luha ko sa pagbuhos.
Kahit sa panaginip guguluhin nila ako?
Tss.
"Hello Bunso, maayos ba ang tulog mo?" ngiting tanong ni Ate na nakatayo sa pintuan ng kwarto ko.
Biglang nawala ang ngiti niya nung may nakita siyang luha sa mata ko kaya agad kong pinunasan.
"Bunso anong nangyari? May masama bang nangyari sa iyo?" takang tanong niya. "Alisya! pakidala na lang dito ang pagkain ng bunsong prinsesa." tawag ni Ate sa personal maid niya.
"Ate ako din ba may personal maid?" tanong ko. Gusto kong umiwas sa tanong ni Ate.
"Aba oo ang kaso ay pinuntahan niya ang kaniyang pamilya sa kabilang bayan at babalik din bukas." sabi niya pero nag aalala pa din siya.
Kumain na ako ng dinala ng maid niya dito. Tulala pa din ako hanggang ngayon.
Ilang taon ko din palang tiniis yung pananakit nila.
Tss. Ang hina mo Beatrice.
"Gusto mo na bang makita si Emmie?" takang tanong ni Ate.
Di ako nagsalita umiling lang ako.
"Bunso may problema ba?" malungkot na tanong ni Ate. Kaya ngitian ko siya.
"Ate wala 'to may napanaginipan lang pero magiging okay din ako." sabi ko sa'kanya.
Niyakap ko siya para di na siya mag alala.
Tama wag ko nang isipin sila Tracy.
"Basta bunso kapag may problema ka sabihin mo sa akin ahh nandito lang ako, tsaka tulog na sila Ama punta tayo sa secret part ng bahay natin." she giggled.
"Sige ate tatapusin ko lang 'tong kinakain ko." sabi ko at kumain na.
"Alam mo ang sweet sweet talaga ni Prince Ellio, di niya ako bininigong pakiligin. I'm sure bunso mararanasan mo din yun kapag nagkaroon ka din ng kasintahan. Alam mo bunso? pakiramdam ko may gusto sayo si Prince Treoll at Prince Lomord ah." sabi ni ate.
Kaya nabulunan ako. Dali-dali niya akong binigyan ng tubig.
"Ate naman wag ka ngang magsabi ng ganyan labing-apat palang ako ang bata ko pa." sabi ko sakanya. Kaya tumawa lang siya.
"Pasensya na bunso eh sa yun ang nakita ko eh." sabi niya.