Sinukat ni Morissa mula ulo hanggang paa si Thelma. Nakakunot ang noo niya habang tinitingnan ang postura ni Thelma. Medyo nakayuko si Thelma at hawak ang gilid ng kanyang skirt.
"Eh kasi, Morissa, hindi ako sanay sa ganitong suot lalo na't mukhang maraming tao sa loob," sabi niya na medyo kinakabahan at nagkamot sa batok.
"Grabe ka naman! Ang ganda ganda mo kaya! Mas okay na 'to kesa naman mukha kang madre dito, diba? Mas nakakahiya 'yun, parang ewww ang... old fashion, duh!" Sabi ni Morissa na may kasamang kumpas pa ng kamay sa hangin.
Sa tingin niya, mas okay na rin na mukha siyang madre kesa sa suot niya ngayon pero ayaw niyang magpaliwanag pa dahil baka magalit pa sa kanya ang kanyang step-sister.
"Girls!" Sigaw ni Morissa nang makita ang mga kaibigan nito na parang nag-overdose sa dami ng make-up na nilagay sa kanilang mga mukha.
"Omg! Buti naman at dumating ka...," sabi ng isang may violet na highlight sa buhok at nakataas ang kilay habang tinitingnan si Thelma."Uh sino 'to? Kaibigan mo?" Tanong nito na nakangiwi habang tumuturo sa direksyon ni Thelma.
Binulungan naman siya ni Morissa na naging dahilan para sabay na tumawa ang dalawa.
"Oh, hi! Nice to meet you!" Masayang sabi ng isa na may pinakamapulang labi sa grupo at inabot ang kamay kay Thelma. Ngumiti siya at sana ay aabutin na ang kamay pero bigla itong inalis ng babae at tumawa na kasama ng ibang babae kabilang na si Morissa na walang pakielam sa ginawang pang-aalipusta ng kaibigan nito sa kanya.
"Tara, Thelma! Party tayo!" Sigaw ni Morissa para pantayan ang lumalakas na musika at hinila niya ang kamay ni Thelma habang maayos ang pagkaka-upo nito sa isang sofa at pinapanood ang mga nagsasayawan sa harap ng stage na parang mga lasing na at nalulunod na sa musika na umiikot sa bar na kinaroroonan nila.
Nahihilo na rin siya sa mga umiilaw na disco light na bumabalot sa buong lugar. Sobrang dilim na ng paligid at si Morissa na lamang ang nakilala niya dahil sa boses nito.
"Morissa, kayo na lang!" Sigaw niyang sagot pero bigla lang sumimangot si Morissa pero pansamantala lang iyon dahil nagwakas ang ngiti nito at nag-alok sa kanya ng isang red wine pero mabilis siyang tumanggi kahit na hindi pa siya nakatikim noon ay alam niyang nakakalasing iyon."Ayaw kong uminom, Morissa. Kailangan may mag-alalay sa 'yo pauwi dahil baka mapagalitan tayo ni Papa!" Sabi niya.
"Kaya nga kita sinama para mag-enjoy hindi para bantayan ako na parang bata! Huwag ka ng tumanggi, Thelma! Sulitin mo na 'to habang pinayagan ka ni Dad!" Sigaw ni Morissa at namumungay na ang mga mata dahil sa kanina pa ito umiinom habang nagsasayawan.
Napatingin siya sa baso na hawak nito at alanganin pa ring tumingin kay Morissa na ngumiti lang sa kanya at muling inalok ang hawak nito.
" Bilisan mo na, sumasakit na ang kamay ko!" Reklamo nito. Agad niya namang kinuha ang baso at uminom ng kaunti.
Kinagat niya ang kanyang labi at tinikman pa ang natira sa labi niya.
'Matamis pero medyo mapakla?'
Inulit niya pa ang pag-inom pero sa pagkakataong 'yun ay parang nasanay na siya sa lasa at hindi napansing naubos na niya ang isang basong wine.
Naka-tatlo na siya pero ramdam na niya ang pagkahilo kaya napahawak siya sa kanyang ulo at napapikit.
"Sayaw tayo!" Hatak sa kanya ni Morissa pero nagulat siya sa sarili dahil parang kusang pumayag ang katawan niya a
t hinayaan si Morissa na hilahin siya.
Nang makarating sila sa sayawan ay nakatayo lang siya habang paminsan-minsan ay naa-out balance dahil na rin sa mga bumabangga sa kanyang nagsasayawan.
"Tara! Sayaw ka, huwag ka lang tumayo diyan!" Sigaw ni Morissa at pinalibutan siya ng mga ito kasama ang mga kaibigan nito.
"Guys, alis na ako kailangan ko ng umuwi dahil mapapagalitan ako ni Dad! Kayo ng bahala sa bruhang 'yan. Chelsy halika ihatid mo 'ko," saad ni Morissa at nakangising tumingin sa lasing na si Thelma.
Samanatalang si Thelma ay hindi na niya alam pero kusa ng gumalaw ang katawan niya at sinundan ang beat ng musika sa mga indayog niya.
Akala niya ay hindi niya matitikman ang ganito kasaya sa buhay niya. Pakiramdam niya ay malaya siya at isang normal na babae, habang umiindak siya.
Marami rin siyang nakasayaw na mga lalaki at hindi na rin niya alam ang ginagawa niya dahil sa paminsan-minsan ay inaabutan siya ng ilan pang baso ng alak ni Morissa at ng mga kaibigan nito.
Sa pagkakataong 'yun ay nawala na sa katinuan ang isip niya, alam niya lang ay sumayaw at makisayaw sa makakaharap niyang babae o lalaki.
"Ang wild mo sa sayawan, Milady," isang bulong ng malalim at nakakakilabot na boses ang pumukaw sa kanya na dahilan para tumayo ang mga balahibo niya sa batok at parang kuryenteng dumaloy sa buong katawan niya.
Umatras siya ng isang hakbang dito pero hinapit lang nito ang bewang niya hanggang sa maramdaman niya ang mainit na haplos nito sa likod niya dahil tanging backless lamang ang suot niya kaya damang-dama niya ito.
"Si-sino ka?" Bulong niya rito pero nanlalabo lang ang paningin niya dahil sa nakakahilong disco light na nasa paligid.
"I'll be your knight, tonight, Milady," pabulong na wika nito sa medyo gasgas na nitong boses. Na-amoy niya rin ang hininga nitong kahit na amoy alak ay hindi masangsang sa amoy at bagkus ay sobrang bango pa rin.
"H-Hindi kita kilala," wika niya na pasimple niyang itinulak palayo sa kanya pero mas lalo lang humigpit ang hawak nito sa bewang niya.
Nanlalaki ang mata niya ng mabilis na ginagap nito ang kanyang mga labi na ikinapalag niya. Pero dahil sa kalasingan ay bigla lang siyang nawalan ng lakas at nakaramdam ng kakaibang pakiramdam na dulot ng halik na iyon.
Napansin niya ang ilaw na biglang nag-flash sa may side nila pero hindi niya na iyon inintindi.
Maraming pumasok sa isip niya dahil sa nangyayaring iyon sa kanya o kung anumang ginagawa sa kanya ng lalaking nagnakaw ng una niyang halik.
"Ano bang nangyayari sa katawan ko, bakit pakiramdam ko ay tuluyan ng naging alipin ang labi ko sa taong 'to!?' Sigaw ng isip niya.