Inaayos ni Letty ang kanyang mga gamit sa kanyang desk. Nililinis din niya ito, ayaw niyang umasa sa mga janitor or janitress para lang linisin ang puwesto niya. Isa pa madali lang naman ang trabaho niya at walang masyadong ginagawa kaya siya na lang ang gumagawa ng mga malilit na trabaho na ito.
Nakatalikod si Letty ng hindi napansin na may naglalakad palapit sa kanya. Kahit kabado at hindi alam ang unang sasabihin ay gusto pa din niyang malapitan si Letty.
"Good morning Letty" nahihiyang bati ni Bong sa dalaga. Napaharap bigla si Letty sa taong bumati sa kanya. Nagulat siya ng makilala ang taong iyon.
"Bong? Anong ginagawa mo dito?" naguguluhang tanong ni Letty. Pero napansin niya ang uniform nitong suot.
"Ah bagong hired lang ako dito. Doon ako sa labas nakapost. Nakita kina kanina hindi mo lang ako napansin" parang may pagtatampo sa boses nitong sagot kay Letty.
"Pasensya ka na, nagmamadali kasi ako kanina. Kasi late ako ngayong umaga" sagot ni Letty.
"Salamat nga pala dito sa payong na ipinahiram mo. Hindi na ako nakapagpasalamat sayo. Saka isosolo ko sana ang payong mo hindi ko naman alam kung saan ka nakatira" dugtong pang sabi ni Letty.
"Okay lang iyon. Saka sayo na lang iyong payong, para kapag umuulan kukunin mo iyong payong tapos maalala mo ako" nakangiting wika ni Bong. Ang corny ng pick up line niyang kahit siya ay natatawa sa sarili.
"Mapagbiro ka pala. Pero salamat talaga" nakagiti ding sabi ni Letty.
Sa wakas nakausap ni Bong ulit si Letty. Nakangiti pa ito sa kanyang habang nagsasalita.
"Ang ganda ng mga ngiti niya. Mas gaganda kaya ang ngiti niya kapag ako na ang dahilan ng mga ngiti niyang iyon?" usal ni Bong sa isipan.
"Sige na balik na ako doon sa labas. Kapag may kailangan ka huwag kang mahiyang mag sabi" paalam ni Bong at bilin din nito. Ngumiti lang si Letty kay Bong.
Umalis si Bong sa harap ni Letty na may ngiti sa labi. Para na siyang nasa alapaap ngayon. Pakiramdam niya lumulutang siya sa saya. Ang mapalapit sa babaeng minamahal ay ang nakakapagbigay sa kanya ng determinasyong ipagpatuloy ang nasimulan.
Ang sarap din kausap ni Letty para siyang idiniduyan sa hangin habang bumubuka ang bibig nito. Napakapino ding gumalaw ni Letty at napainosente na babae. Isa sa mga katangian ni Letty na nagustuhan ni Bong bukod pa sa pagiging maganda ng dalaga.
Sumapit ang lunch break, pupunta na sana si Letty sa canteen para mananghalian. Naalala niya si Bong, medyo marami naman ang nadala niyang pagkain. Kaya hindi siguro masama na bigyan din nito ang binata.
Papalapit na si Letty kay Bong ng mapansin na may kausap ito sa phone. Napansin niyang mukhang mamahalin ang cellphone na gamit nito.
"Ang ganda naman ng phone mo. Iyan ba ang latest modelo ng IPhone?" manghang tanong ni Letty kay Bong. Napatingin naman si Bong sa cellphone na hawak niya.
"Oo at binigay lang ito sa akin. Wala naman akong pambili ng ganitong cellphone" pagsisinungaling na sagot ni Bong. Kinakabahan din siya sa naging sagot niya sa dalaga.
"Ang bait naman ng nagbigay" sabi pa ni Letty.
"Muntik na ako doon ah" nasabi ni Bong sa sarili. Para kasing pinagpawisan siya sa sinabi niya at sana lang ay hindi ito nahalata ni Letty.
"Bakit ka pala narito? May kailangan ka ba?" pag iiba sa usapan na tanong ni Bong.
"Ibibigay ko lang sana sayo itong sobrang baon ko. Hindi ko naman mauubos kaya hati na lang tayo" magiliw na sagot ni Letty.
Hindi makapaniwala si Bong na binigyan siya ni Letty ng pagkain. Kaya napangiti siya kay Letty.
"Salamat, nag abala ka pa" masayang wika ni Bong.
"Okay lang, sige na. Punta lang ako sa canteen. Ikaw, ba hindi pa kakain?" turan ni Letty kay Bong.
"Mamaya pa. Saka wala pang papalit sa akin dito" sagot ni Bong.
"Oh, okay" sabi ni Letty at tumalikod na kay Bong.
Masayang tinitignan ni Bong ang papalayong pigura ni Letty. Saka binalingan ang lunch box na may lamang pagkain.
"Ang bait at ang thoughful pa. Hay! Na sayo na ang lahat, minamahal kita pagkat" napapakanta na sabi ni Bong sa kanyang isip. Napapasayaw na din siya sa sobrang tuwa at kaligayahan.
Ngayon masasabi ni Bong na si Letty na ang babaeng hinahanap niya. Ang babaeng mamahalin niya at iingatan. Isa lang talaga ang tanong niya sa sarili.
"Kailan kaya iyon?" ani ni Bong.
Kailan mangyayari na mapa sakanya si Letty? Iyong mamahalin din siya katulad ng nararamdaman niya para sa dalaga. Sana ay merong Genie na maggagrant ng wish natin para lahat ay masaya. Pero alam niyang imposible na merong ganoon sa totoong buhay.
Mayroon na siya ng lahat sa buhay niya. Pera, negosyo, mga property, kotse at gwapong mukha. Mayroon na siya ng lahat pero hindi ang babaeng mamahalin ng panghabang buhay.