Gustong tumawa ng malakas ng magkakaibigan na sina Nicolo, Zandro, Lino at Anton sa kaibigang si Bong. Pano ba naman ay suot nito ang uniporme na pang security guard. Pero kahit na nakapang security guard ito ay litaw pa din ang gandang lalaki ni Bong na tinitilian ng mga babae.
"Wow! Pare, ang gara ng suot mo ah" pang aasar na sabi ni Antonio.
"Talagang pinanindigan mo ang mga sinabi mo. My hands are all up to you. You're the man!" dugtong nitong sabi. Babatukan sana ni Bong si Anton pero nakalayo na ito sa kanya at pumunta sa tabi no Zandro.
"Ako nga ay tigilan ninyo ng pang aasar!" inis na sabi ni Bong. Nilapitan siya ni Lino at inakbayan.
"Pare, ayusin mo trabaho mo ha. Huwag kukupad kupad at baka sisentahin kapa ng mahal mo" pang aasar din ni Lino.
"Isa ka pa! Makaalis na nga at baka nga sisentahin ako pa ni Nicolo" natatawang pang asar din ni Bong kay Nicolo. At tumalikod na sa apat para umalis.
"Loko ito ah. Hoy! Bumalik ka dito!" malakas na sigaw ni Nicolo kay Bong. Nilingon ni Bong ang mga kaibigan at ngumiti.
"Wish me luck!" malakas na sigaw din ni Bong sa mga kaibigan.
Binabaybay ni Bong ang daan papunta sa building ng Royalty Textile Co. Excited na siyang makita si Letty ngayong umaga. Gamit niya ang binili niyang second hand na owner type jeep. Talagang pinanindigan nito ang pagiging mahirap.
Pagkadating sa building ay pumasok agad siya sa loob ng building ng kompanyang RTC. Nagpalinga linga siya sa buong paligid marami ng mga empleyado ang pumapasok at naglalakad sa loob. Pero hindi niya makita si Letty sa post nito.
Nilapitan si Bong ng kapwa nito security guard at binati.
"Kamusta Pards! Bago ka ba dito?" bungad na tanong nito.
"Ah oo Pards" sagot ni Bong.
Pero nagtataka ito na hindi niya ito kagaya ng postura. Medyo maputi ang bagong kasama niya. Naka clean cut tapos matangkad at matipuno ang katawan na puwedeng puwedeng magpulis. Kaya tinitigan niya itong maigi.
"Anong problema?" may angas na tanong ni Bong sa kasama. Tiningnan kasi siya nito mula ulo hanggang paa.
"Hindi kaya bakla itong kasama ko?" tanong ni Bong sa sarili.
"Pards, alam mo hindi ka bagay sa trabaho na ito. Para kang anak mayaman, ang tindig mo pang artista" puna nitong sabi. Napangiti si Bong ng marinig iyon.
"Ah eh salamat. Pero ito talaga ang trabaho ko at isa akong mahirap" pagsisinungaling na sagot ni Bong.
"Okay, ako nga pala si Nestor" masigla nitong pakilala kay Bong.
"Bong na lang ang itawag mo sa akin" sabi din ni Bong.
"Kamukha mo nga si Sir Bong, iyong si Ferdinand Aragon kaibigan ng may ari ng kompanya na ito" turan nito kay Bong. Nanlaki naman ang mga mata ni Bong ng makilala siya nito.
"Ah hindi ako iyon. Mas gwapo kaya ako doon, saka puro papogi lang ang alam niyon" wala sa loob na sagot ni Bong.
"Sabagay tama ka. Mayaman eh, halos humiga na lang sa pera. Eh tayong mahihirap kailangang kumayod para, magkapera" litanya ni Nestor.
"Sige na Pards, doon na ako sa puwesto ko. Doon ako sa gilid na pinto. Bale apat tayo dito sa loob ng building na ito. Bukod pa ang sa dalawang nasa labas" mahabang sabi ni Nestor at nagpaalam. Tango lang ang naging sagot ni Bong dito.
Pumuwesto na nga si Bobg sa kanyang post sa harap ng building. Pinagtitinginan siya ng mga pumapasok at lumalabas ng building. Nagtataka na makita, ang isang katulad ni Bong na isang guwardiya lamang.
"Ang gwapo naman ng bagong guwardiya ng kompanya" bulong ng isang babae sa kasama niya.
"Sino kaya siya? Single kaya siya?" mga tanong na naririnig ni Bong sa mga babaeng nakakalampas sa kanya.
"Sorry girls but I'm taken of my only love" nasabi ni Bong sa isip.
Nang mapatingin siya mula sa babaeng naglalakad palapit sa kanya. Natulala siyang tinitignan ang babae. Malayo palang ay kilalang kilala na niya ito.
Nagmamadali naman naglalakad si Letty papalapit sa building ng kompanyang pinapasukan niya. Medyo nagpalate siya ngayon dahil pinacheck up pa niya ang Mommy niya kanina.
Magkatapat na sila Bong at Letty. Hindi napansin ng dalaga ang lalaking sinusundan siya ng tingin ng makatapat sa kanya. Tinitignan pa din ni Bong si Letty na nakalampas na sa harapan niya.
"Ang ganda talaga niya!" buong paghangang sabi ni Bong sa loob loob niya.
"Ang laway mo tumutulo na" sabi ni Nicolo sa kaibigan. Napahawak naman si Bong sa baba ng kanyang labi ng makapang wala naman ay napatingin si Bong sa nagsalita.
"Aba ang mga gago! Anong ginagawa ninyong lahat dito?" nagugulat na sabi ni Bong sa mga kaibigan.
"Are you not happy na makita kaming apat? Pare, dinadalaw ka lang namin sa first day of duty mo. Saka masama bang pumunta dito eh sa akin naman ang kompanya na ito" mahabang litanya ni Nicolo.
"Wla akong ibig sabihin na masama. Di ba bawal tayo dito kasi baka makilala tayo" sagot ni Bong.
"Bawal pala eh bakit andito ka?" pang aasar na tanong ni Zandro. Napatingin ng masama si Bong kay Zandro.
"Umalis na mga kayo! Baka makita pa kayo ni Letty. Alis na!" taboy ni Bong sa mga kaibigan.
Wala sa loob na tumalikod ang apat kay Bong at walang paalam na umalis sa harapan niya. Sisirain pa ng mga kaibigan niya ang mga plano niya.