CHAPTER 3
It's Thursday at tulad ng naipangako niya, uuwi siya ngayon kina Martha at Judas. Dumaan muna si Wise sa isang department store. Hindi niya inaasahang makasalubong si Hellius sa daan kasama ang isang babaeng akala mo ay tatakbuhan ni Hellius kaya sobra kung makakapit.
"Wise? What are you doing here?" gulat na wika ni Hellius at parang napasong humiwalay sa babaeng kasama.
"Uhm day off ko sir, uuwi ako sa amin. May bibilhin lang po" sagot naman ni Wise.
"Hon, who is she ba?...I'm hungry na eh...can we go?" maarteng turan ng babae.
"Ihahatid na kita Wise..."
Napakunot ang noo niya. Adik ba ito? May kadate siya tapos ihahatid siya. Parang tanga lang.
"It's okay sir. Hindi na po. Salamat nalang sir, excuse po" ani Wise at tumuloy na sa paglalakad.
Parang bigla namang natigilan si Hellius. Hindi niya maintindihan but he felt guilty na nakita siyang may kasamang iba ni Wise.
Hahabol sana ang binata sa dalaga ngunit pinigilan siya ni Zaida.
"Who is she?" inis na tanong nito kay Hellius.
Hindi naman sumagot ang binata.
"Let's go now..." pagkuway sabi niya. Gusto niya sanang magpaliwanag kay Wise, baka kasi kung ano ang isipin nito.
Habang nasa biyahe ay napailing nalang si Wise nang maalala ang eksena kanina.
Kahit kailan talaga ang mga lalaki, hindi mapagkatiwalaan. Lalo na si Hellius, kitang-kita naman niya at yung babae...hay naku akala mo tuko kung makakapit. Nakakainis!
Bigla siyang natigilan. Bakit ba siya naiinis? Wala naman siyang pakialam sa personal na buhay ng magiging boss niya.
Pagkababa palang niya sa kanila ay sinalubong na siya ni Martha.
"Wise mabuti at maaga ka ngayon..."
"Opo nay, hindi naman traffic ngayon"
"Ganoon ba..."
Tumango siya.
"Aba Martha mukhang big time na si Wise ah, saan ba siya nagtatrabaho ngayon?"
"Sa isang restaurant"
"Ganoon ba?"
Tumuloy naman si Wise sa loob ng kanilang bahay.
"Mano po tay"
"Salamat at nakauwi ka anak..."
"Oo nga po, kumusta na ang pakiramdam niyo?"
"Mas mabuti kesa dati...nakakalakad na ako kàhit paano...kaya lang ilang hakbang lang...sumasakit pa rin ang mga binti ko..."
"Pangako tay, kapag medyo nakaipon hahanap tayo ng pwedeng umopera sa inyo"
"Naku, huwag na at malaking gastos lang iyan anak"
"Pero tay..."
"Wise, may sarili kang buhay na dapat ienjoy...ang dami mong manliligaw diyan...gusto ka naming makitang masaya..."
"Masaya ako kapag kasama ko kayo ng nanay .."
"Alam namin anak, pero gusto ka naming maging masayang masaya. Natatakot ka pa rin ba dahil sa nakaraan mo?"
Yumuko siya, alam ng mga ito na kaya ayaw niyang sumagot ng manliligaw dahil nga baka hindi siya nito tanggapin once na malaman nila ang buong pagkatao niya. Bagay na ayaw niyang mangyari.
"Ayoko lang po na masaktan ako ulit tay...tsaka wala ng seryosong lalaki sa panahon ngayon..."
"Huwag mong lahatin ang mga lalaki anak...Hindi lahat katulad ni Hellson o ng tatay mo...o ng tiyuhin mo..."
Alam naman ni Wise ang tungkol sa bagay na iyon. But she can't deny that it's hard for her to trust again. Ang tatay niya, tapos ang tito niya at si Hellson.
"Alam ko naman tay" pagkuway sabi niya.
Niyakap siya ng amain.
"Alam kong mahirap anak, pero hindi mo naman ginusto ang mga nangyari sa iyo"
"Bakit masakit pa rin hanggang ngayon tay?"
"Dahil hanggang ngayon hindi mo pa rin pinapatawad ang sarili mo sa mga bagay na hindi mo naman ginustong mangyari..."
Umiyak lang siya amain. Iyon ang tagpong nadatnan ni Martha.
"Umiiyak ka na naman, akala ko ba okay na anak?"
"Hayaan mo nalang muna ang ating anak...baka sakaling ito ang makapagpagaan sa dibdib niya..."
Yumakap din sa kanila si Martha.
HELLIUS CONDO
"Sh*t naman Hellius eh! Kanina pa tayo rito...ano magtititigan lang ba tayo?" reklamo ni Zaida.
Inis na tumayo si Hellius.
Hindi rin niya maintindihan ang sarili. Kanina lang ay parang leon siyang kakain ng kahit na ano ngunit sa tuwing ipipikit niya ang kanyang mga mata, nakikita niya si Wise. He can't concentrate sa ginagawa nila ni Zaida.
"Sorry... ihahatid nalang muna kita"
"Oh...so wala kang gana ganoon ba?"
"I'm sorry Zaida...maybe next time..."
"Wala ng next time...and please lang never call me again...nakakabuwisit ka!"
"Watch your mouth!"
"Sino ba yung babaeng nakasalubong mo kanina? Bago mong prospect?"
"I said watch your mouth!" singhal na niya rito.
Tila nahintakutan naman si Zaida. Napaatras ang dalaga at dali-daling kinuha ang mga piraso ng damit na nagkalat sa sahig.
"Zaida ..wait...I'm sorry..." habol ni Hellius.
"Huwag kang lumapit sa akin...sinundo mo ako sa unit ko para lang sa ganito? Sh*t ka Hellius!"
"Hey sumusobra ka na ah!"
"Ano? Mananakit ka? Come on beat me..."
"Hindi ako ang boyfriend mong nanakit kaya don't think that I'll hurt you..."
"Ewan... pare-pareho lang kayong mga patapon!"
Inis na nagbihis si Zaida at agad na lumabas ng condo niya.
Napailing naman si Hellius. What's wrong with me? May gayuma ba ang pagkaing niluto ni Wise at nagkakaganito siya?
He decided to take a shower para kahit paano ay mahimasmasan siya. But then still si Wise ang nasa isip niya.
"Uuwi kaya siya mamaya o bukas na?" naitanong niya sa sarili.
Ipinilig niya ang ulo.
Naalala niya noong isang araw ng ipagluto siya nito. Hindi siya mahilig sa steak but when he tasted the dish that Wise prepared nakatatlong rice siya. Kaya tawa nang tawa si Demetrius sa kanya.
"So how's the taste?" nakangiting tanong ni Demetrius.
"Pwede na" sagot niya. Pero ang gusto niya talagang sabihin ay excellent. Kaya lang mapapahiya siya sa kaibigan.
"Really ha...pwede na...as far as I count..pangatlong serve mo na ng kanin iyan"
Halos mabilaukan naman siya sa sinabi nito. Ang siste binilang pala nito ang servings ng kanin niya?
Tawa naman ng tawa si Demetrius. Pati tuloy ang ibang staff pigil ang tawa. Alam kasi nilang moody si Hellius at minsan lang ang ganitong pagkakataon.
"Dem magkaibigan tayo...huwag mo naman akong ipahiya sa mga tauhan mo..."
Natawa lang lalo si Demetrius sa kanya.
"Naku Wise, baka hindi ka na abutin ng katapusan dito sa amin...mukhang kukunin ka na ng boss mo"
Nahihiyang ngumiti lang ang dalaga kay Demetrius.
Naging napakabuting boss ni Demetrius sa kanya. Kaya naman kung papipiliin siya, mas gusto niyang dito magtrabaho. But alam niya namang from the start ay hindi niya ito magiging boss.
Matapos ang eksena ng naparaming kain ni Hellius ay nagpaalam na ito.
"Thanks for the steak...masarap, hopefully makatikim pa ako ng ibang luto mo soon" sabi niya kay Wise.
"Salamat sir" maikling tugon nito.
Tumango siya. Kung hindi lang siya nakatanggap ng message mula sa mom niya. Hindi pa sana siya aalis. But he have to go, lagi siyang bad shot sa ina kaya naman bumabawi siya kapag nire-request nito ang presensya niya.
Muling napailing si Hellius after niyang alalahanin ang nangyari noong nakaraang araw.
Wise has her natural scent na hinahanap hanap niya. Though dalawang beses niya palang itong nakasama sa kanyang big bike.
Hindi tulad ng ibang babae, may distansya ito sa kanya. Ni hindi nga nito halos idikit ang sarili sa kanya habang angkas ito.
She's really different from other women na naiangkas niya. Yung tipong bababa nalang pero halos ayaw pang bumitaw sa pagkakakapit sa kanya.
Ito pa naman yung mga tipo ng babaeng gusto niya. Hard to get, ika nga.
Nagbihis na lamang siya at nagpasyang bisitahin ang kanyang restaurant.
"Anak, talaga bang magbibiyahe ka na ngayong gabi? Bakit hindi nalang bukas?" tanong ni Martha kay Wise.
"Opo nay, mahirap bumiyahe kapag Friday eh..."
"Oh siya sige...Ikaw ang bahala, salamat sa pagdalaw"
"Alam niyo namang hindi ko kayo matiis nay"
Niyakap lang siya ni Martha. Nagpaalam na rin si Wise sa tatay Judas niya.
"Tawagan mo kami kapag nasa unit no na ikaw"
"Opo tay..."
Agad naman siyang sumakay sa taxi na nakuha niya. Mas mabuti ng magtaxi para derecho siya ng Baclaran. Mahirap din palipat lipat ng masasakyan, from Sta.Cruz ay nagtaxi na nga lang siya.
Napakunot ang noo ni Wise ng mapansing may nakatambay sa harap ng unit niya. Ang pinakanakakaloko pa ay ang big bike na nakapark din doon.
"Anong ginagawa niya rito?" naitanong niya sa sarili.
Matapos magbayad sa driver ng taxi ay dumiretso na siya sa maliit na gate ng apartment niya.
Tila naman naalipungatan si Hellius nang marinig niya ang pagbukas ng gate. Muntik pa siyang matumba sa pagmamadaling makatayo.
"Sir...anong ginagawa mo rito?" tanong ni Wise.
"I'm..uhm...waiting for you...I mean...I want you to report to me...bukas..." nauutal na sagot ni Hellius and he's cursing himself dahil doon. Kung bakit ba naman nauutal siya?
Napataas naman ng kilay si Wise. Lasing ba ito?
"Ah okay sir sige po, pwede ko bang malaman ang location?"
"Uhmm if it's okay with you...baka pwedeng sa loob tayo mag-usap..."
Naunawaan naman ni Wise ang ibig nitong sabihin. Ang pangit nga namang tingnan na nag-usap sila sa labas ng ganoong oras.
"Ah okay sir..." aniyang binuksan ang gate para makapasok si Hellius.
Napakamot naman si Hellius sa batok.
"Tuloy muna kayo sir"
Pumasok siya sa maliit na unit nito.
"Pasensya na kayo, want some coffee?"
"Yes please...black, no sugar"
Tumango naman si Wise. Inilapag niya lang ang gamit at nagtungo na sa kanyang maliit na kusina.
She prepared two cups. Para sa kanya ang isa. It's already 10pm. Ano namang pumasok sa kukute ng taong ito at naisipang pumunta rito? Pwede namang sabihan niya si Demetrius.
Anong drama ng magiging boss niya?
"Uhmm...about sa pagreport sa restaurant ko... I'll fetch you tomorrow...sa restaurant ni Dem"
"Okay...ah coffee niyo sir"
"Do I look old para i-sir mo?"
"Respeto ang tawag doon..."
Tumayo siya at humigop ng kape.
"Whoa...ang tapang!"
"You said black and no sugar di ba?"
"Yeah...but this is stronger than I expected..."
"Sorry sir"
"It's okay...uhmm sige hindi na ako magtatagal..."
"Okay po"
Tumayo siya at akmang lalabas na ng lumingon ulit kay Wise.
"Yung babaeng kasama ko kanina...she's not my girlfriend..."
"Okay" aniyang tumango-tango pa.
Hindi man maunawaan kung anong nangyayari sa boss niya ay hinatid niya ito sa labas.
"Lock your gate and door" bilin pa nito at pinaharurot na ang motor niya.
Napakibit balikat nalang si Wise sa nangyari. May topak ba ang magiging boss niya?
Hindi niya naman kailangang mag-explain sa kanya. Pero bakit nag-abala pa ito na puntahan siya?
Nang makapasok ay naalala niyang imessage ang mga matanda.
Maaga pang nakabiyahe kinabukasan si Wise. Dahil alam niyang kapag Friday ay talagang matao sa Baclaran. Masaya siyang nakarating ng MOA ng maaga.
"Sir Dem ang aga mo ah" bati niya kay Demetrius.
"O, Wise nandiyan ka na pala...anyway isasama ka raw ni Hellius sa restaurant kung saan ka magiging chef..."
"Ah oo nga po, nabanggit niya kagabi"
"What do you mean?"
"Uhm, napadaan lang po siya sa unit ko sir, baka may pinuntahan...sakto namang naroon ako..." pagdadahilan niya.
Napatango lang si Demetrius. Pero hindi siya kumbinsido.
Saktong alas nuwebe ng dumating si Hellius. Nakalong sleeves ito na powder blue at denim pants na bumagay sa bulto niya. Bagong shave pa ito at ang bango-bango.
"Tell me Hellius, saan mo ba dadalhin si Wise at ganyan ang ayos mo?"
"Why what's wrong? Do I look bad with this?"
"No, hindi naman...nanibago lang ako..."
"For a change Dem, para naman hindi na ako mapagkamalang hoodlum"
Natawa si Demetrius sa tinuran ng kaibigan. Pero sa tingin niya it's more on that hoodlum issue.
"Umamin ka nga, interested ka ba kay Wise?"
"Me, no...Hindi ba't ikaw ang may sabing bigyan ko ng chance? And kilalanin ko siya?"
"Oo na, oo na....anyway nasan ang big bike mo?"
"Iniwan ko"
"So anong dala mo? Don't tell me na nagtaxi ka lang papunta dito?"
"Of course not, I brought my Ferrari..."
"Okay"
Bigla namang lumabas si Wise mula sa kitchen na nakagayak na. She's also wearing her powder blue three-fourths blouse at naka black slacks.
"Nag-usap ba kayo?"
Nagkatinginan silang dalawa. Namula si Wise, hindi niya ineexpect na pareho sila ng kulay ng damit.
"Para kayong couple" pang-aasar ni Demetrius.
Hindi naman ito pinansin ni Hellius. He's looking at the beauty right in front of him.