MAKAHIYA
     "ANONG KOMOSYON ANG NAGAGANAP DITO?"
            Lahat kami ay napatingin nang biglang nagbukas ang double door at nagmartsa ang mukhang respetadong babae na nakasuot ng isang bistidang kulay itim na may puting manggas. Matangos ang ilong, matangkad, maganda, habang kulay luntian ang kanyang buhok at itim na itim naman ang kanyang mga mata. Hula ko nasa mid 40s or late 40s na siya.
            Mabilis na nagsi-tayuan nang tuwid sila blonde ghorl at sadista ghorl pati si buticupid, manong butiki o bebe cue, pwede ring hakdog. Pili-pili na lang.
    "Ipagpaumanhin po ninyo, Binibining Matilda, ang aking kapangahasang pagparito sa bahagi ng bulwagan ng mga kababaihan."
Seryoso at mapagpakumbabang sabi ni buticupid habang nakayuko. Bumaling sa kanya ang babae.
     "Bakit ka nga ba narito, Bartholomeu? Hindi ba dapat ay nagpapahinga ka sa kabilang bulwagan?" Walang emosyong tanong niya.
     "A-ah—"
     "B-bartholomeu ang pangalan mo, hakdog? Akala ko pangalan ko na ang pinakapangit sa lahat tapos ikaw Bartholomeu? Ang bantot!" Tumatawa kong sabi habang nakaturo sa mukha niyang namumula na tila nahihiya at naiinis sa'kin.
Sila blonde at sadista ghorl ay nagpipigil naman ng tawa.
     "Makisig. Makisig ang itawag mo sa'kin, Binibini. Iyon ang aking ngalan." 
Magalang at animo'y maginoo niyang sabi na nagtitimpi ng galit sa akin kaya tumahimik na lang ako.
     "Tungkol naman po sa inyong katanungan, Binibining Matilda. Narito po ako sa kadahilanang binabantayan ko po ang kilos ng ating panauhing binibini lalo pa't marami na siyang nilabag sa Batas Makata, ang ganitong paglabag ay marapat lamang na litisin sa Tore ng Purgatoryo, hindi po ba?" Mapanuya niyang sabi na tila tinatakot ako kahit kay Matilda ghorl siya nakatingin.
Napa-upo ako agad mula sa pagkakahiga at nagulat pa nang wala na akong maramdamang sakit.
     "Oh! Wala ng sakit! There's a miracle! Huhu. Thank you po Lord!" Masaya at ngiyak-ngiyak kong sabi habang magkadikit ang mga palad at nakatingala na animo'y nakikita ko si Papa God sa taas.
Hinawakan naman ako bigla nung Matilda ghorl sa kanang braso ko.
     "Inihabilin ka sa'kin ng Lola Esther mo bago siya mamaalam. Ang sabi niya'y ipagpatuloy mo raw ang iyong pag-aaral dito sa Makata Academy, dito na rin mag-aaral ang kaibigan mong si Halaya Hiraya para mas maging matibay ang inyong seguridad. Batid ko rin naman kase ang inyong pagka-Makata kaya ito ang eskwelahan kung saan kayo tunay na nabibilang." Mahabang paliwanag niya, magsasalita na sana ako ngunit nagsalita pa siyang muli.
     "Ako nga pala si Matilda Brilda Azcaba, ang Punong Guro ng paaralang ito. Magpakilala rin kayo sa kanya Nivadavia."
Dumako ang tingin ko kay sadista ghorl nang tingnan siya ni Matilda ghorl. Bumuntong hininga siya bago magsalita.
     "Helot Dravinaña Nivadavia. Helot ang malimit nilang i-tawag sa akin. Mula sa mga Makatang Babaylan." Maikling pagpapakilala ni sadista ghorl. 
Sunod naman ay si blonde ghorl.
     "Ako si Himashill Gana Felnucho. Isa sa mga manggagamot na babaylan dito sa tahanan ng kalinga." 
     "Tahanan ng kalinga? Bakit iyon ang tawag sa mansyon na 'to?" Nagtataka kong tanong na ikinangiti niya.
     "Hindi ito mansyon, Binibini, kumbaga sa labas, kung saan naninirahan ang mga pangkaraniwang tao, ito ay itinuturing nilang ospital, samantalang dito sa Makata Academy, ito ang tinatawag naming 'tahanan ng kalinga'." Paliwanag naman niya kaya napatango-tango na lang ako.
Napatingin naman ako kay manong butiki.
     "Ikaw Bartholom—"
     "Makisig. Makisig Cornwallis. Ang pinakamagiting at pinakamakisig na kabalyero mula sa aming imperyo."
Pagpapa-cute niya sa'kin at kinindatan pa'ko kahit alam ko na sinadya niyang putulin ang sasabihin ko. Bastos na bata.
Tumango-tango naman ako.
     "Aaaahhh!! Makisig Bartholomeu Cornwallis, gets-gets!" Pang-aasar ko pa sa kanya na ipinagdiinan ang 'Bartholomeu' sa kanyang pangalan tsaka ginaya ang pagkindat sa akin.
Tumalim agad ang tingin niya sa'kin.
     "Pangahas kang tulisan ka!—"
     "Itigil na ninyo ang pag-aasaran, mga makata. Ginoong Cornwallis, ayusin mo ang iyong paraan ng pananalita. Ang tulad niya'y hindi isang tulisan, hindi niya lamang pa batid ang patungkol sa ating sinusunod na Batas Makata kaya inaatasan kitang bantayan ang seguridad ng ating mga bagong mag-aaral na makata upang hindi sila mapagkamalang kaanib ng mga tulisan. Huwag mo na ring uulitin ang pagkindat na ginawa mo, hindi dapat ganyan ang ikinikilos ng isang ginoo sa harap ng isang binibini." Utos niya kay manong butiki na may halong sermon kaya napayuko na lamang siya tapos ay tumingin na si Matilda ghorl kay sadista ghorl.
     "Ikaw naman Binibining Nivadavia, ang magpapaliwanag ng lahat ng kailangan nilang malaman, ikutin ninyo bukas nang umaga ang buong Akademya upang maging pamilyar sila sa bago nilang magiging tahanan."
Tanging buntong hininga lamang ang kanilang isinagot.
     "Ah..eh...'di ba introduce yourself portion tayo kanina? Magpapakilala din ako siyempre!— I'm Makahiya Thermopylae De Cervantes! 17! Shy type ako gaya ng pangalan ko! From Pampanga! Pero may house din kami sa Capas, Tarlac! Ako siguro ang tinatawag na dual province identity, basta yun! Kapampangan kami sa Pampanga pero Kapampangan din naman ako sa Capas, Tarlac, hindi ko rin alam kung bakit, basta! And then si pikachu ang favorite pokemon ko kasi siya lang naman ang kilala kong pokemon, hindi naman pokemon si Ash, 'di ba? 4th runner-up ako sa Binibining buwan ng wika 2020! Pero alam kong luto ang laban kase—"
     "Sapat na ang impormasyong nasabi mo, Makahiya. Magtungo na lamang kayo sa opisina ko bukas para sa inyong mga kasuotan, isama mo ang iyong kaibigan nang maibigay ko na rin ang talaan ng inyong mga magiging klase at malaman kung aling pangkat kayo nabibilang." Pagkatapos na pagkatapos niyang sabihin iyon ay umalis na siya kasabay ng paghagikgik ng tawa ni butiki!
     "Pangit ng pangalan mo."
     "G*GO"
Natigil ako sa pakikipag-asaran kay hakdog nang may bagong dating na bisita muli sa bulwagan. Napakurap-kurap na lang ako dahil napakagwapo at napakakisig ng lalaking nakatindig ngayon sa aming harapan. Nang mapansin niya na nakatitig ako sa kanya'y sinalo rin niya ang linya ng aking paningin. 
Tila nalunod ako sa kulay karagatan niyang mga mata na bumagay sa asul din niyang buhok, ngunit agad din niyang pinutol ang aming pagtitinginan.
     "Nagtungo lamang ako rito upang i-hatid ang kaibigan ng biktima sa naganap na pag-atake ng mga tulisan."
            Buo at pormal ang kanyang paraan ng pagsasalita saka tila nagkaroon ng komunikasyon ang tinginan nila ni hakdog at walang sabi-sabi nilang inilagay ang kanilang kanang palad sa kaliwang dibdib tsaka yumukod sa harap naming mga babae bago umalis.
Sayang. 'Di ko man lang nakuha yung number niya.
     "Maaaacky!"
Nagising ang aking diwa dahil sa isang sigaw na bumalot sa buong bulwagan at nang makita ko kung kanino ito nanggaling ay halos maluha ako.
    "Ube halaya!"