Marienne Aecy Chandria' Point of View
"Ano ba, Mac? Tanghali na oh? Hindi ka pa ba diyan tapos?" Naiinis na tanong sa akin ng aking kakambal.
"Pota kasi itong hinayupak na bwisit na tanginang necktie na ito! Ang hirap isuot! Tanginang 'yan! Bakit ba kasi naimbento pa ang necktie na ito? Bakit ba kasi kailangan pang may kasamang necktie ang uniform? Sino ba ang nag-imbento ng peste na 'to?"
"Tskk ang sabihin mo hindi mo lang talaga alam kung paano isuot! Akin na nga!" Nakanguso niyang saad at lumapit sa akin. Nakangisi ko naman itong tinignan habang inaayos ang necktie ko.
"Eh di wow! Ikaw na, gago!"
Hindi niya na lang ako pinansin at patuloy lang na inayos ang necktie ko. Kalalaking tao ngunit bakit siya marunong magsuot ng necktie na ganito? Tangina huwag mo sabihing bakla itong kakambal ko? Hala! Gago! May bakla akong kapatid? Hindi naman yata puwede iyon.
"Hoy, Marienne Aecy Chandria at Zachary Aero Chandrex, manahimik nga kayong dalawa, agang-aga sigawan kayo ng sigawan. Mahiya naman kayo sa mga kapit-bahay natin," saway ni Kuya Rhex dahilan kung bakit ako napasimangot, napagalitan na naman tuloy kami. Kasalan ito ni Zac.
"Ito kasi Kuya oh! Kalalaking tao, putak ng putak! Anong akala niya sa sarili niya, isang inahing manok? Ambobo naman eh."
"Aba naman! Hoy, Mac sa ating dalawa ako ang unang lumabas kaya igalang mo naman ako," angal ng napakaisip-bata kong kakambal saka, anong connect kung mas nauna siyang nailabas kaysa sa kain? And so? What's the point? Uyy English 'yon mga pre! Tumatalino na talaga ako.
"Nye nye nye."
"Tangina! Kuya oh!" Nakangusong sumbong niya sa dalawa naming Kuya, si Kuya Rhex at Kuya Levi.
"Tskk, parang bakla eh. Sapakin kaya kita diyan? Nagsumbong ka pa talaga."
"Mac, tumigil ka na diyan, mahuhuli na kayo sa klase niyo. First day pa mandin," saway ni Kuya Levi na siyang pinapamatanda sa aming lahat. Hindi naman sobrang tanda, puro binata kaya ang mga Kuya ko.
"Kuya, pahingi ng baon."
Inilahad ko pa ang aking kamay sa harap ni Kuya Levi at ngumiti ng pagkawagas-wagas. Sinigurado kong maganda ang ngiti ko para madami siyang baon na ibigay sa akin. Aba, marami akong alaga sa tiyan na dapat busugin.
"Ito, singkwenta," sabi niya sabay bigay sa akin ng 50 pesos, luhhh 50 lang? Ang kuripot talaga ng Kuya ko. Pwede kayang magpalit ng Kuya? Bili kaya ako ng bagong Kuya sa palengke? Iyong hindi kuripot. Joke lang, mahal ko ang Kuya Levi ko kahit sobrang kuripot niya. Siyempre, nag-iisa lang 'yan sa mundo.
"Luhh, singkwenta lang?"
"May angal ka ba? Sige bawasan natin, gawing nating 49 pesos," sabi niya at tangkang kukunin ang 50 pesos sa akin pero nagtago ako sa likuran ng aking kakambal. Mahirap na, 50 pesos na magiging bato pa. Ayaw ko nga rin mabawasan ang baon ko. Sayang din iyong piso 'no, makakabili pa ako ng isang V-fresh no'n.
"Joke lang naman, Kuya hehehe."
"Tsk, tama na muna ang 50 pesos na baon sa inyong dalawa. Nagtitipid tayo ngayon mga kapatid, mahirap ang buhay ngayon lalo na't magsesenior high na kayong dalawa ni Zac. Ang Kuya Rhex niyo naman first year college pa lang kaya kailangan talaga nating magtipid," sermon niya sa amin. Naiintindihan ko si Kuya, tatlo kaming pinapaaral niya kaya dapat talagang magtipid. Alam kong kahit hindi sabihin sa akin o sa amin ni Kuya ay nahihirapan na rin siya. Wala na siyang panahon para sa sarili niya at lahat ay ibinibigay sa amin. Gusto kong gantihan ang kabaitan sa amin ni Kuya, hindi man sa ngayon ay alam kong sa hinaharap ay masusuklian ko rin siya sa mga nagawa niya sa amin.
"Okay nga sa akin 'to Kuya eh. Madami na akong mabibiling krimstick dito hehehe," sabi ni Zac, tsk sipsip talaga ang isang 'to. Sarap din batukan ng isang 'to eh, actually ay madalas nga.
"Tama na muna iyan Mac, Grade 10 pa lang naman kayo, hindi pa ganoon kalaki ang mga bituka niyo para kumain ng marami, ang Kuya Rhex niyo muna ang pagbigyan niyo," saway ni Kuya Levi. Napabuntong-hininga ako dahil sa sinabi niya.
"Oo na po."
Nagpaalam na kaming dalawa ni Zac sa kanila at nagsimula nang maglakad. Malapit lang naman ang school na papasukan namin kaya hindi na kailangang mamasahe. Kakalipat lang namin dito last last week dahil dito nakahanap ng maayos-ayos na trabaho si Kuya Levi. Hindi kami mayaman at kailangang kumayod ng kumayod ni Kuya Levi para lang mapakain kaming mga patay-gutom na magkakapatid hehehe. Sabi nga namin ay maghahanap kami ng part time job para naman makatulong sa gastusin sa bahay ngunit pinagalitan niya lang kami. Dapat raw ay pag-aaral ang intindihin namin at hindi trabaho. Tangina! Ang sweet talaga ng Kuya ko, kaya love na love ko iyan eh. Siya ang pinaka-dabest kong Kuya. Si Kuya Rhex naman kasi ay akala mo ay nakatira sa ref. Cold siyang tao, malayong-malayo sa childish kong kakambal.
"Naks ganda ng school natin, Mac," sambit ni Zac habang nakatingin sa school na papasukan namin.
"Sinabi mo pa, dami pang chix dito oh."
"Tsk gumana nanaman iyang pagiging tomboy mo. Hoy, ipapaalala ko lang sa iyo na babae ka at hindi lalaki. Tgil-tigilan mong mangarap na magkajowa ng babae dahil hindi ka naman namin papayagan," masungit niyang saad dahilan kung bakit ko siya tinignan ng masama. Basag trip talaga ang isang 'to.
"Wala ka nang pakialam do'n. Manahimik ka na nga lang diyan, basag trip ka din eh."
Pumunta muna kami sa principal's office para kunin ang aming ID at schedule, pagkatapos ay hinanap ang aming classroom. Ang lawak ng paaralan, muntik pa kaming maligaw kung hindi kami nagtanong. Muntanga kasi si Zac eh, sabing sa kanan kami dumaan pero ipinilit niyang sa kaliwa pero dahil mas makulit ako ay sa kanan kami dumaan kaya naligaw kami. Dapat ay mas pinilit ako ni Zac na sa kaliwa na lang dumaan para hindi kami naligaw, oo kasalanan ni Zac iyon, dapat ay pinilit niya ako.
"Class 2-A. Ito na iyon, Mac," sabi niya habang nakatingin sa isang pinto ng classroom.
"Oh ano pang inaantay mo? Pasko? Malayo pa 'yon, kumatok kana sa pinto. Ambagal eh."
"Maka-utos wagas ahh, woii mas matanda ako sa iyo. Sarap mong batukan diyan," sabi niya ngunit wala akong pakialam kung mas matanda siya ng ilang minuto sa akin.
"Dami pang satsat, kumatok ka na lang. Ikaw babatukan ko diyan kapag hindi ka pa kumatok."
Ngumuso na lang siya at kumatok sa pinto. Para talagang bata ang isang 'to. Batang walang musmos hahaha. Oo, ganoon ako kabully sa kakambal ko.
"Yes?" Bumukas ang pinto at bumungad sa amin ang iisang magandang babae na nakasuot ng pang-teacher na uniform.
"Good morning po," bati ni Zac sa kaniya.
"Oh you must be Mr. Ramos and Ms. Ramos," nkangiti niyang saad.
"Yes, miss," sagot naman ni Zac.
"Come in," sabi niya at nilakihan ang bukas ng pinto.
Naks naman oh, gandang teacher nito ah. Batang-bata pa. Ano kayang pangalan nito sa Facebook? Maadd nga pagkauwi ko sa bahay mamaya, chix talaga eh. May boyfriend na kaya si Ma'am? Kung lalaki lang ako ay talagang liligawan ko 'to kaso hindi eh, naging babae ako, ang malas naman.
"Hoy, Mac natomboy ka na naman diyan. Siguro ay iniisip mo na sana ay naging lalaki ka na lang para maligawan mo itong teacher natin, ano?" Nakangising tanong ni Zac.
"Shut up Zachary Aero Chandrex. Dami mo nanamang satsat diyan."
"Hmpp! Mawala mo sana iyang 50 pesos mo para wala kanang baon ngayong araw!" Sabi niya dahilan kung bakit ko siya inikutan ng mata.
"Okay class, you have a new classmates. Mr. and Ms. Ramos please introduce and tell us about yourselves," announce ni Ma'am.
"Marienne Aecy Chandria Ramos is the name and I'm 15 years old and you can call me Mac."
Ayaw kong magsalita ng magsalita kasi tinatamad ako saka paniguradong si Zac ang magkwekwento ng buhay namin. Sa daldal ng lalaking ito ay baka pati ang dalawang Kuya ay madamay pa sa pagpapakilala niya. Nagtataka na nga ako kung bakit ko naging kakambal ang isang 'to.
"Zachary Aero Chandrex Ramos, Zac for short and I'm the twin brother of Mac, so twin kami kaya malamang 15 years old din ako pero sa aming dalawa ni Mac mas nauna akong lumabas kaya mas matanda ako sa kaniya ng 10 minutes pero dahil sobrang bait ni Mac hindi niya ako tinatawag na Kuya kahit gusto ko tawagin niya akong Kuya. Apat kaming magkakapatid, ang panganay ay si Levi, hindi si Levi Celerio o si Levi Ackerman ng Attack On Titan ah? Levi Charles Ramos at 25 years old na siya, single iyon hehe baka naman may ate kayong medyo bata kaysa sa kaniya. Reto niyo naman, kawawa naman Kuya ko kasi hanggang ngayon single pa rin. Ang pangalawa naman ay si Rhex Klyde Ramos, 18 years old na at ayaw no'n magkaroon ng jowa, may allergy yata sa babae pero hindi siya bakla ahh? Ayaw niya lang talaga muna magkaroon ng girlfriend kasi study first ang isang iyon, at dahil nga po sa K-to-12 Program eh first year college pa lang si Kuya Rhex, dapat kasi graduate na siya ngayon eh, minalas lang talaga at naabutan ng bagong curriculum. Tapos po kaming dalawa na ni Mac. Wala na po ang aming mga magulang. Si Mama namatay noong pagkatapos kaming ipanganak ni Mac tapos si Papa namatay kasi matanda na siya. 'Yon ang kwento ng aming buhay. Maraming salamat. Kung may tanong pa kayo ay sa akin niyo na lang itanong at huwag kay Mac, baka kasi bigla na lang kayong sapakin ng kakambal ko hehehe," mahabang kwento ni Zac at lahat sila napanganga na lang sa kadaldalan ni Zac. Gago talaga ang isang 'to, masyadong madaldal pati ang mga Kuya ay idinamay pa sa pagpapakilala niya.
"Ahh any question? You can ask them," sabi ni Ma'am at medyo nangingiti pa, siguro ay naaliw dahil sa kadaldalan ng kakambal ko. Tangina aagawan pa yata ako ng kakambal ko ah.
"No, Ma'am!" Sagot ng aming mga kaklase na parang mga Grade 1 kung sumagot.
"Okay good, by the way I will be your adviser this year and I am Clara Martizano. Take your seat now," sabi ni Ma'am at ngumiti pa sa amin.
Naghanap na kami ng mauupuan at sa likod na lang ang available kaya doon na kami umupo. Si Zac ang katabi ng bintana at ako naman sa pangalawang upuan. Gusto niya raw kasing doon umupo kaya pinagbigyan ko na, kawawa naman ang bata.
**********
"Mac, tara na, nagugutom na ako. Grabe, napagod akong makinig sa teacher natin," sabi ni Zac habang hawak ang kaniyang tiyan na akala mo'y gutom na talaga.
"Tanginang tiyan 'yan! Ano ba, Zac? Ilan ba bulate mo sa katawan at palagi na na lang gutom? Hindi ka siguro napurga noon kaya andaming bulate diyan sa loob mo."
"Bad Marienne Aecy Chandria, you are so bad. Grabe kana talaga sa akin," parang bata niyang saad.
"Shut the fuck up, Zachary Aero Chandrex!"
Tangina naman kasi ang mga pangalan namin eh, sobrang haba. Nakakainis isulat, lalo na noong elementary ako, hindi na magkasya ang pangalan ko sa papel kaya palagi akong nahuhuli sa exam namin. Tipong nasa number 5 na sila tapos ako at nagsusulat pa lamang ng surname ko.
"Tara na nga, Mac!" Sabi na lang niya at hinila ako.
Kanda-ligaw-ligaw pa kaming dalawa dahil hindi namin alam kung nasaan ba ang canteen nila. Peste bakit kasi anlawak? Wala naman kasing nagturo sa amin kung nasaan ang daan papuntang canteen. Sana man lang ay binigyan nila kami ng mapa para alam namin kung saan ang pasikot-sikot ng campus.
"What do you want to eat?" Tanong niya kaya napatingin ako rito.
"Naks naman tsong oh! Hayop nag-english ang depungal na si Zac. Bago 'yon ah."
"Tangina, Mac sasapakin kita diyan!" Inis niyang saad.
"Powta! Kaya mo? Kaya mo? Ikaw kaya sapakin ko?"
"Aish bahala ka nga diyan," sabi niya at ipinadyak ang paa na parang bata.
"Joke lang naman. Oh bilhan mo ako ng siomai at C2."
"Ilang siomai?" Tanong niya at tinaasan ako ng kilay. Ano ka, babae?
"Lima."
"Anong flavor?" Tanong niya ulit.
"Chicken."
"Anong sauce?" Tanong na naman niya kaya nagsimula na akong mainis.
"Putangina, Zachary Aero Chandrex!"
"Sabi ko nga! Sabi ko nga. Bibili na oh, high blood ka ghurl? Huwag mong dibdibin kasi wala ka naman no'n kaya likudin mo na lang," nakangisi niyang saad kaya babatukan ko na sana siya nag bigla siyang tumakbo upang pumila.
"Gago!"
Naghanap na lang ako ng pwede kong maupuan habang inaantay siya. Napatingin-tingin pa ako sa ibang estudyante na nagkalat sa paligid. Maraming tao dito sa canteen ngayon, malamang dahil break time na kaya marami talagang tao dito. Anong utak meron ka ngayon Mac? Hindi ka yata nakapaglinis ng maayos kanina.
Andami talagang chix dito whahahaha. Oo, sobrang dami talaga. Ang ganda nilang lahat, kung itatabi siguro nila ako sa kanila at magmumukha lang akong katulong. Hindi ako maganda, oo inaamin ko 'yon pero tangina hindi rin naman ako pangit. Iyon bang saktuhan lang. Basta ang importante ay humihinga ako.
"Oh!" Sabi ni Zac at inilapag ang pinabili ko sa kaniya sa lamesa.
"Bakit parang ambilis mo naman yata bumili? Ang haba pa ng pila oh. Anong ginawa mong unggoy ka?"
"Ohh my dear twin sister, ginamit ko lang naman ang charisma ko para mauna sa pila and nakabili ako ng walang kahirap-hirap. Oh diba? Hanga ka nanaman sa kakambal mo Mac!" Nakangisi niyang sagot.
"Charisma-charisma, ulol, wala ka naman no'n at hindi ka naman kahanga-hanga kaya bakit kita hahangaan?"
"Kahit kailan talaga sobrang sweet mo 'no? Sa sobrang sweet mo gusto na kitang isabit sa puno tapos pabayaan na kita doon. Ibitin kaya kita patiwarik?" Sarkastiko niyang tanong ngunit wala akong pakialam dahil busy ako sa pagkain ng siomai ko.
"Manahimik! Kumakain ako. Kumain ka na rin diyan kung ayaw mong ako ang kumain sa pagkain mo."
"Mahal na mahal mo talaga ako 'no? Ughh kairita!" Sabi niya at umiwas ng tingin sa akin.
Napangisi na lang ako sa kaniyang inakto, parang bata lang dude. Mas childish pa siya kaysa sa akin kaya paano ko siya tatawaging Kuya kung ganiyan siya?
Bigla akong nakatingin sa grupo ng kalalakihan, sobrang iingay kasi nilang lahat lalong-lalo na ang nasa gitna nila na parang lider at wagas kung makangiti, akala mo model ng toothpaste. Oo, model ng toothpaste dahil sa sobrang kaputian ng ngipin niya at parang ipinaglalandakan pa. Eh di ikaw na may mapuputing ngipin? Nahiya naman iyong ngipin kong may butas sa gilagid.
"Titig na titig lang, Mac? Type mo 'no?" Biglang tanong ni Zac kaya tinigna ko ito na para bang nababaliw na siya.
"Tangina kilabutan ka nga sa mga sinasabi mo Zac. Sapakin kaya kita?"
Ibinalik ko uli ang tingin ko sa malaking model ng toothpaste at para akong naistatwa nang makita ng nakatingin din siya sa akin at biglang ngumisi. Hindi ko na lang ito pinansin at kumain na lang ang natitira kong siomai. Ano namang pakialam ko sa lalaking iyon? Hindi naman siya ang siomai at C2 ko para pagtuonan ng pansin. Hindi siya isang pagkain upang bigyan ko ng kakarampot na atensiyon. Isa lamang siyang lalaki na nagmomodel ng toothpaste.
"Mac, iba tingin sa iyo no'ng lalaking parang model ng toothpaste," sabi ni Zac kaya lumingon ako rito at ngumisi na parang tanga.
"Powta kambal nga tayo Zac, pareho tayong iniisip na model 'yan ng toothpaste hahahaha"
"Tskk wala kwenta Mac, wala kwenta," sabi niya at inikutan ako ng mata na akala mo ay isa siyang babae.
"Tangina mo!"
"Back to you gago!" Sigaw naman niya pabalik.
*********