Chapter 6
***
Clara POV:
"HELLO po." Bati ko kay Anita.
Nilagpasan niya lang ako at tuluyan na pumasok sa dorm, kasunod niya lang ang anak niyang si Beatrice. Medyo may katangkadan si Beatrice ng ilang metro sa akin.
"Where is Marco?" Tanong ni Beatrice.
"Nasa Library..."
"May maid na pala dito si Marco, that's good huh. Para hindi na din siya mahirapan dito." Pagpaparinig niya. Hindi naman ako masyado nainis, pinilit ko lang ang sarili ko na kumalma.
Pumasok si Beatrice sa loob ng Library si Anita naman ay umupo lang doon sa sofa, saka nanuod ng TV.
Sinaraduhan ko na ang pinto bago bumuntong hininga. Lumakad lang ako sa may pinto ng kwarto saka pumasok doon. Bigla nalang bumigat ang dibdib ko, hindi ko alam kung bakit?
Umupo ako sa kama saka ko kinuha ang phone na nakalapag lang doon sa may lamp table. Nakita ko agad sa notification tab ang missed call ni Kuya, 2 minutes palang iyon, kaya naisipan ko na din na tawagan ulit siya.
"Hello Kuya!" Masayang kong bati. Ngayon ko lang ulit nakausap si Kuya, siguro mga 2 linggo na din kaming hindi nag uusap.
[Hi kapatid. HAHAHA! Bakit hindi mo nasagot ang tawag ko kanina lang?]
Magsisimula nanaman kami sa conversation na puro tawa. Kahit ganito kami... nami-miss ko na siya, dati kase kung ano-ano ang mga ginagawa naming kalokohan sa bahay. Lalo na pag magluluto kami, muntikan ng masunog ang bahay! Pati na din ang pag wre-wrestling-an namin sa kwarto, matira matibay. HAHAHA!
Bumalik naman agad ako sa huwisyo. "Kamusta ka na pala kuya?" Tanong ko agad.
[Buhay pa naman, ikaw kamusta kana? Miss na kita, hays. 'Di na kita nakikita, pati nakakasama.]
Mag dra-dramahan ba kami? HAHAHA! Pero normal lang naman sa nararamdaman ang pagiging malungkot, dahil naaalala mo ang isang pinakamalapit na tao sa buhay mo. Kagaya ni Kuya...
"Ito kinakabahan ako kuyaaaaaa! Mamaya kasing 8:00 pm, may mag e-email na sa amin kung ano ang nakuha naming score."
[Mag paalam ka kay Attorney Marco. Pumunta ka dito bago mag 8:00pm, antayin natin yung email sa'yo. pag nakapasa ka lilibre kita.]
Bigla akong na-excite sa sinabi ni Kuya. Yung ngiti ko umaabot na ata sa tenga, para bang kinikilig ako.
"Pangako mo 'yan Kuya ha! Pag di mo tinupad di na ako mag papakita sa'yo. HAHAHA!"
[Sige na mag paalam ka na muna kay, Attorney.]
"Sureeee!" Pinatay na niya ang tawag, tumayo na ako at inayos ang suot kong damit. Nagusot kasi.
Lumabas ako ng kwarto saka naman nag tungo sa Library. Naabutan ko lang na nakaupo si Beatrice sa may desk ni Attorney, habang si Attorney naman ay nakasandal sa chair niya. Napatingin sila sa akin, saka ko sila nginitian.
Nagtaas ng isang kilay sa akin si Attorney. Saka sumenyas na lumapit sa akin, nahihiya akong naglakad patungo sa kaniya.
"Bakit, Babe?" Tanong niya sa akin nung makalapit ako.
Napatingin muna ako kay Beatrice na inis na iniikot ang mata. Muli ko ding ibinalik ang tingin kay Attorney para na din sagutin siya.
"Magpapaalam lang sana..."
"For what?" tanong niya. Umayos siya ng upo at mas lumapit pa siya sa akin.
Humugot ako ng malalim na hininga. "Pinapapunta kase ako ni Kuya sa amin, mamaya.... bago mag eight ng gabi."
Sana payagan ako ng lalaking ito. Gusto ko na din talaga makita si Kuya. Saka gusto ko din muna makabalik sa amin... Kahit dorm lang din ito.
"Okay... samahan kita."
"Pero I invite you to dinner, Attorney!" Napatingin kami pareho kay Beatrice, bumabakas sa muka nito ang pag ka inis.
"Sumama ka muna sa kaniya," nakangiti kong sabi kay attorney. Nakahalukipkip siyang humarap sa akin. Blanko na muli ang muka. "Kaya kong pumunta doon ng mag isa..."
***
NAG-AYOS na ako ng isusuot ko. 7:12pm na kase, pag katapos kong maligo ay deretso na ako sa bahay namin. Naka alis na si Attorney Marco para ,akipag dinner sa pamilya nina Beatrice. Susunod daw siya kung makahabol siya. Aasa naman ako na makakahabol siya, alam kong hindi siya nag aaksaya ng oras...
Pagkatapos kong maligo ay sinuot ko na ang maganda kong damit na napili. Kinuha ko na ang bag ko na nasa ibabaw ng kama, nakalagay lang doon ang wallet saka phone ko. Nag ayos lang ako ng muka, nag lagay ng kaunting foundation saka blush, nag lagay nadin ng eyliner at contact lense, saka ng liptint. Lumabas na ako ng kwaro, nilock ko pa ito para secured. Pinatay ko na ang ilaw sa sala bago tuluyan lumabas ng dorm. Sumakay lang ako sa elevator para mas madali.
Lumabas na ako ng lobby. Ngayon ay nag aabang na ako ng van na masasakyan ko, malayo kase ang kay na kuya kaya van ang sasakyan ko. Habang nag aantay ako ay napatingin ako sa orasan ko. It's 7:23pm na. Wala pa din dumadaan na van. Napalingon nalang ako sa gawing kanan ng may mag pataas ng ilaw ng sasakyan, nakakasulo at nkakasakit ng mata. Bumisina pa ito.
"BLAKEEEEEEEE! Lintek ka, ang sakit sa mata!" Inis kong sabi. Siya lang pala iyon, dala-dala ang kotse niya.
"Ano sakay kana? Wala ng dadaan na van..." Pag aaya niya sa akin.
Pero may isa pang ilaw ang tumapat sa akin, mas malakas ang ilaw nito kaya nakakasulo. Nasa gawing kaliwa naman ito. May pag busina pa din. Ano to gayahan?
"Babe..." malamig na tawag sa akin. Si Attorney lang naman pala.
Sh*t! Kanino ako neto sasakay? Kailangan ko ding mag madali.
"Nand'yan na pala ang boyfriend mo. Sige d'yan kana sumakay. Hehehe!" Ani Blake bago pinaandar ang sasakyan niya at umalis na din. Naglabas ako ng mabigat na hangin, buti nalang talaga mapag bigay itong si Blake.
Napatingin ako kay Attorney nung bumaba siya sa kotse. Lumapit siya sa akin at ako naman ay tumitig lang sa kaniya. "Hali kana." Hinawakan niya ang palapulsuhan ko sa braso, saka hinigit para mas mapalapit sa kaniya.
"Tara na..." Pwersahan kong inalis ang kamay niya sa palapulsuhan ko at tumungo doon sa may pintuan ng shotgun seat. Pumasok na ako at nag seatbelt. Pumasok na din si Attorney, napatingin pa siya sa akin bago mag seatbelt.
"Galit ka, Babe?"
Nagsalubong ang pareho nitong kilay. At tinaasan ko lang siya ng isang kilay. "Bakit naman ako magagalit? May ginawa ka bang masama?" Balik kong tanong sa kaniya. Umiling lang ito at pinaandar na ang sasakyan.
---