"Divine!" tawag ko na lang sa kaibigan ko kaya't agad siyang lumapit sa kinaroroonan ko. Mahigpit ko siyang niyakap at muling nagbuhos ng pagluha sa kaniya.
"Ericka... A-Ano bang nangyayari? Bakit takot na takot ka? Ano bang meron?" tanong na lang din niya sa 'kin. Bakas sa tono ng pananalita niya na iiyak na rin siya.
Humiwalay ako sa pagkakayakap sa kaniya at tinignan silang mag-asawa. Yung atensyon nilang dalawa, nakatuon sa 'kin at nag-aabang ng sasabihin ko. "Teka, babayaran ko muna si manong," sabi ng asawa ni Divine at lumapit sa kanina pang naghihintay na driver.
"Ericka, magsalita ka. Anong nangyayari?" tanong muli ni Divine.
Tinignan ko ang paligid. Hindi ako nagiging komportable. Hindi ko alam kung bakit?
Bigla, may naalala ako.
"Kahit umalis ka, hindi mo pa rin alam kung ligtas ka, Ericka. Hindi mo matatakasan ang hayop na..."
Siguro dahil sa sinabi ni manang Brenda kanina.
"Pwede bang h'wag dito. H-Hindi ako komportable rito," suhestyon ko sa kaniya.
"Tara sa kotse. Doon ka na muna namin patutuluyin ng asawa ko. Halika na," sabi naman ni Divine at inalalayan ako. Sumunod na sa 'min ang asawa niya matapos ang pagbabayad sa taxi driver.
Ilang sandali lang nang makasakay kami, sinimulan nang paganahin at paandarin ng asawa ni Divine ang sasakyan. Sa pag-andar ng kotse, medyo gumagaan ang pakiramdam ko.
"Ano bang nangyayari? Mukha kang takot na takot kanina pa. Anong meron?" tanong muli ni Divine.
"D-Divine... Divine baka--baka may taong gustong--gustong..."
"Gustong ano? Sabihin mo, Ericka. Ano?" nagmamadaling tanong niya.
"B-Baka may taong b-balak akong patayin..."
Kaagad akong tinuunan ng pansin ng mag-asawa. Mula sa pagkakapirme ni Divine sa passenger seat, dali-dali siyang lumipat sa 'kin dito sa backseat dahil sa kuryosidad.
"Ano bang pinagsasasabi mo? Ano bang nagawa mo? At paano mo naman nasasabi 'yan?" sunod-sunod niyang tanong na may buong pag-aalala.
"Yung amo ko, nasa peligro ang buhay niya at ng inaalagaan ko. T-Tapos... Tapos sabi ni manang, b-baka raw--baka nasama na ako s-sa kanila... S-Sa... Ano e..." parang gusto kong sabunutan ang sarili ko dahil hindi ko alam kung paano ko mai-e-explain kay Divine.
"Sshhh... Ericka, I think you're stress on your work," pagpapatahan sa 'kin ni Divine pero nabigla ako sa sinabi niya.
"D-Divine, hindi ako--hindi ako stress! Totoo ang sinasabi ko!"
"Hon, I think there's something--"
"Ahh!"
Halos nagsigawan na kaming dalawa ni Divine sa bigla nang tila may bumangga sa sasakyan namin. Halos kumaladkad na rin ang kotse hanggang sa tumama ito sa isang puno. Sa lakas ng impact no'n ay nabasag ang salamin ng harapan dahil sa pagkakauntog ng asawa ng kaibigan ko. Tuluyan siyang nawalan ng malay at may dugo na rin ang ulo niya na halos sunod-sunod ang pag-agos.
Nauntog din kaming dalawa ni Divine sa dalawang upuan na nasa harapan namin. Halos pumilipit na ang sasakyan namin.
A-Anong nangyayari?
"H-Hon..." dinig kong daing ni Divine at nakita ko na lang siya sa naglalabo kong mga mata ang hitsura niya. May dugo na rin si Divine sa mukha niya na 'di ko alam kung saan siya tumama.
"D-Divine..." pabulong kong daing sa pangalan niya at gusto ko na namang maiyak. Pinilit kong labanan ang nararamdaman kong sakit dahil gusto kong tignan kung ano ang nangyayari.
Bigla, narinig ko na lang ang pagbukas ng pinto ng sasakyan at naramdaman ko na lang ang isang malakas na paghila sa 'kin. Sa pagkakahawak pa lang nito sa braso ko, alam kong lalaki ang may gawa no'n.
"Hmm!" daing ko nang patulak niya akong binitwan sa kalsada. Nakadapa ako ngayon habang ramdam ang nanghihina at nananakit kong katawan.
"Bakit ka nagtrabaho kay Clarideth Sonlar?" dinig kong seryosong tinig ng isang lalaki. Dahil gusto kong makita ang mukha niya pilit kong tinignan ang lalaking 'yon. Hindi ko pa man nahahagilap ang mukha niya nang makatanggap ako ng isang tadyak mula sa likod ko. Halos mangiyak-ngiyak ako sa sakit.
P-Pero... Pero ang damit niya... Pamilyar sa 'kin.
Parehong-pareho sa suot ng lalaking nakita ko noon nung nasa mansyon pa ako ng amo ko. Ang lalaking nakita ko sa labas noong nasa kwarto ako ni baby Cean.
"Lintek! Hindi ka sasagot?!"
"H-H'wag... W-Wala akong... A-Alam s-sa..." hindi ko na matuloy pa ang sinasabi ko dahil sa pagdaing sa sakit na nararamdaman ko.
A-Anong kailangan niya sa 'kin?
I-Ito na ba ang bunga ng pagbabanta ni manang?
"Layuan mo ang kaibigan ko!"
Isang malakas na hampas ang narinig ko at ang tila pagbagsak ng isang tao. "E-Ericka..." dinig kong boses ni Divine at tinulungan ako sa pagtayo.
"D-Divine... U-Umalis na tayo rito," natatakot kong sambit sa kaniya. Nalipat na lang ang atensyon ko sa likuran niya. Muling gumalaw ang lalaki at balak kunin ang hawak niyang baril kanina. "Divine!" tawag ko kaya't agad naman niyang nilingunan ang tinitignan ko. At isang malakas na putok ng baril ang umalingawngaw sa paligid.
"T-Tumakas... K-Ka... N-Na... Eri..."
Napapaataras na lang ako habang hindi makapaniwala ang pagbagsak ni Divine sa lupa. Nagsimula nang magkalat ang pula niyang likido mula sa kaniyang dibdib.
"H-H'wag mong aakmaing UMALIS!" sigaw ng lalaki nang mabilis ko siyang takbuhan kahit na alam kong masakit ang katawan ko. Hindi ako naabutan nang balak niyang barilin ako.
Nilingon ko ang kinaroroonan niya at nakitang hinahabol niya ako. Ni hindi niya maipunto sa 'kin ang baril dahil panay ang pagliko ko sa bawat madaanan ko.
Jusko! A-Ayaw ko pa pong mamatay...
Nahinto na lang ako nang may isang kotse ang huminto sa unahan ko.
Pamilyar ang kotse.
Mula sa driver nito, naglabas ito ng baril at itinutok 'yon sa lalaking papalapit sa 'kin. Dalawang putok ng baril ang umalingawngaw kaya't animo'y nasimentuhan ako sa kinatatayuan ko ngayon.
"Ericka! Sakay!" sabi ni ma'am Clarideth sa 'kin. Agad akong pumunta sa may passenger seat. Nang buksan ko ang pinto, tumambad sa 'kin si baby Cean na nasa ibabaw ng hita ni ma'am at may pulupot na tela sa buong katawan habang umiiyak nang pagkatindi-tindi.
Mabilis na pinaharurot ni ma'am Clarideth ang sasakyan niya nang sumakay na ako dahil tila may tinatakasan din siya.
"M-Ma'am--"
"T-They are nearly come after us. J-Just hold on..." nauutal niyang sabi sa 'kin. Pansin ko sa kaniya ang kusang pagtulo ng mga luha niya. "I--I can't save Ocean anymore."
"Ma'am, h-humingi na po tayo ng--ng tulong sa mga pulis."
Ngunit imbis na tugunan ang suhestyon ko, marahan niyang kinagat ang ibabang labi at umiiling.
"Patay na s-si manang Brenda," bungad niya sa 'kin. "And I-I'm sorry, E-Ericka," sambit niyang bigla at saka naiyak. "N-Nang dahil sa 'kin, n-nadamay ka. I'm so sorry."
Hindi ko alam kung anong sasabihin ko. Kahit hindi ko alam kung ano nga ba ang tunay na nangyayari, batid ko naman ang paghihirap ni ma'am na maisalba ang anak niya.
Gamit ang isang kamay, kinuha ni ma'am ang isang bag na pambata at ibinigay sa 'kin. Gayundin, inabutan niya ako ng bagay na hindi ko alam kung paano gamitin. Ang baril.
"S-Save my baby. A-Ako na ang bahala sa--sa kanila. J-Just..."
Nanlaki na lang bigla ang mga mata ko dahil nakita kong tadtad tama si ma'am Clarideth sa kaniyang likuran at balikat. Halos maging pula na ang damit niya dahil sa pag-agos ng kaniyang dugo.
Mabilis niyang hininto ang sasakyan nang makalayo-layo kami. Bumaba siya buhat-buhat si baby Ocean kaya't gayundin ako. "Ma'am!" sambit ko pa nang biglang bumagsak si ma'am Clarideth sa sahig. Dali-dali akong lumapit sa kaniya at lumuhod upang maging mas malapitan.
"T-Take m-my b-baby..." hindi ko alam kung ano ang gagawin ko habang naghihingalo ang amo kong babae. Tadtad siya ng bala sa katawan at ngayon, nagkakalat na ang mga dugo niya sa lupa.
"M-Ma'am..." tawag ko sa kaniya nang kunin ko ang sanggol niyang umiiyak. May bahid ng dugo ang sanggol sa tela dahil kay ma'am.
"D-Don't ever give h-him t-to his f-father... P-Promise me, Ericka," sabi pa niya. Panay ang pagtango ko dahil hirap na hirap na siyang magsalita.
Kasunod ko na lang narinig ay ang tila papalapit na ilaw ng sasakyan. Jusko! Malapit na sila!
"Before you leave," muling sambit ng amo ko at ibinigay sa 'kin ang kuwintas. "T-That's my baby's necklace. F-Find the other two."
Bukod sa kabang nararamdaman ko, napakunot na lang din ang noo ko dahil sa sinabi ni ma'am.
"P-Po?" tanong ko.
"M-My babies a-are triplets, Ericka. F-Find... T-The... T-Two..." at hindi na niya nakayanan pa ang huminga. Kusang bumagsak ang buong katawan niya sa lupa.
Mas lalong nadagdagan ang kaba ko dahil mas lumalapit na ang tunog ng mga sasakyang paparating. Kaagad akong tumakbo sa may masukal na bahagi ng lugar. Nasa kalagitnaan ako ng gubat kasama ng umiiyak na sanggol.
"Ssshhh... B-Baby. M-Marinig tayo ng daddy mo," sabi ko sa baby habang patuloy na naglalakad palayo.
Hindi ko pwedeng ibigay 'tong batang 'to kay sir. Kahit anong mangyari.
At kailangan ko pang mahanap ang dalawang anak ni ma'am Clarideth.
K-Kung gano'n, ibig sabihin...
T-Triplets ang anak niya sa asawa niya?
Pero sino ba ang asawa niya?