Riesha Faye
"Ms.  Beautiful, pwede bang makishare ng upuan?" tanong ng isang tinig at dahil sa pamilyar na pagtawag sa akin ng miss beautiful kaya bigla ang pagdagsa ng aking kaba. Agad akong nag-angat ng tingin para makilala ang nagsalita. Pero hindi pala s'ya si Ryan at higit sa lahat hindi s'ya lalaki kung hindi isang beki. At ngayon nga ay kakwentuhan ko na s'ya. 
"Ako nga pala si Irvin but you can call me Irish to make it better. Hahaha" Napangiti naman ako sa sinabi nito. Nalaman ko na ang course na kinukuha nito ay Educ. Patuloy lang ito sa pagkain habang nagkukwento, ang gana nga nito eh,  hindi manlang nang-alok. Maya-maya ay nag-angat ito nang tingin, puno pa ng pagkain ang bibig nito. Ngumiti naman ako dito para ikubli ang pagkatakam sa kinakain nito.
Nagsalita lamang ito nang tuluyan na nitong nalumod ang kinakain na nasa bibig nito.
"Hahaha sorry Atech huh kung hindi manlang kita inakit sa pagkain, sobrang nagutom kasi ako sa klase ko eh" paumanhin nito ng maramdaman nito na nakatingin ako dito. Ngumiti naman ako dito.
"Ok lang, busog pa naman ako eh" sabi ko nalang dito kahit hindi.
"Gusto mo hati nalang tayo?" nakangiting alok nito sa akin.
"No thanks" sagot ko na ikinangiti nito.
"Friends?"
"Ok"
"Thanks----?"
"Riesha Faye"
"Ok Faye" Bigla akong napangiti sa itinawag nito sa akin, tanging ito lang kasi ang tumawag sa akin ng Faye.
"Alam mo Irvin-----"
"I preferred Irish Mardz, mas gusto ko 'yun ok?" nakangiting pagtatama sa akin ni Irvin este Irish. Kaloka!  Natawa nalang ako sa gusto nitong itawag ko sa kanya at napatango bago muling nagsalita.
"Ok. Alam mo Irish mas gusto ko na ang itinatawag sa akin ay Faye,  maganda pala kasi"
"Wala ba sayong tumatawag ng gano'n?" tanong nito. Umiling naman ako at ngumiti.
"Wala eh, puro kasi sila Riesha" sagot ko. Tumango-tango naman ito.
"Edi ako nalang tatawag sayo ng Faye tutal friend naman na tayo" Ngumiti na naman ako. Mabait naman ito eh.
Naputol ang pag-uusap namin ni Irish nang mayroong lumapit sa amin na isang babae na may hawak-hawak na tray na puno ng pagkain.
"Maam may nagpapabigay po nito sa inyo" agad na sabi nito na inilapag na ang pagkain sa ibabaw ng table namin.
"Sino daw?" kunot-noong tanong ko dito.
"Ayun maam oh!" sagot nito na agad itinuro ang sinasabi nito. Sinundan ko ang itinuturo nitong direksyon.  Napangiwi ako ng makita kong kumakaway habang nakangiti sa direksyon ko si Ryan.
"Pakisabi na hindi n'ya kailangan ang mga yan" singit ng isang pamilyar na tinig. Nagulat pa nga ako sa bigla nitong pagdating at agad itong umupo sa katapat kong upuan. "Pakibalik na rin ang mga iyan,  pwede ba?" sabi pa nito sa babae.
"Pero s-sir----"
"Sundin mo ang sinabi ko" seryoso ang mukha na sabi pa nito. Nataranta ang babae sa pagiging seryoso nito. Maya-maya ay napilitan na rin itong tumango.
"Ok sir" agad na sagot ng babae bago ito umalis dala-dala iyong tray na may lamang pagkain. Ibinaling ko naman kay Nathan Jace ang aking atensiyon na sa mga oras na iyon ay abala sa pagbabayad ng mga binili nitong pagkain. Ito ang biglang dumating at masungit na nagpaalis sa babae.
Napansin ko na apektado pa rin ito sa nangyari dito at kay Gray. Napatingin tuloy ako bigla sa direksyon nina Ethan Jake na masayang nagku-kuwentuhan. Para sa akin ay hindi pa rin tama na ipinatikim ni Nate ang kasungitan nito doon sa babae.
"Bakit mo sinungitan 'yung babae kanina?" tanong ko kay Nate ng makabalik ito sa table namin. Hindi na rin kasi ako makatiis. Hindi ako nito pinansin. Nagulat pa ako no'ng kalabitin ako ni Irish. Nakalimutan ko na may kasama nga pala ako, si Nate kasi eh bigla nalang nasulpot na parang kabute.
"Bakit?" tanong ko kay Irish. Sumimangot ito sa naging tanong ko.
"Ikaw huh, nakalimutan mo na ako dumating lang si Gwapo. Sino ba 'yan?  Pakilala mo naman ako oh" pabulong nitong pakiusap sa akin. Minulagaan ko ito ng mata bago pabulong ding sinuway. Masyado kasing halata dito na kinikilig ito.
"Tumigil ka d'yan Irvin huh,  Nakakahiya ka" suway ko dito dahil ayaw ko rin naman masungitan ito ni Nate.
"Irish po, hindi Irvin" nakairap na pagtatama nito sa akin. Halos matawa ako sa naging itsura nito na nakapout at halatang nagtatampo. Natutuwa lang din ako kasi kakakilala lang namin sa isa't-isa pero halatang magaan ang loob namin sa bawat isa.
"Magtigil ka kung ayaw mong tawagin kitang Irvin ok?" natatawang sabi ko dito. Lalo naman itong sumimangot.
"Magpapakilala lang eh, tsaka akala ko ba kaibigan na kita kaya dapat kung sino ang kaibigan mo ay kaibigan ko na rin diba?" tanong nito na nag-inarte na ala-alaang pinupunasan ang luha sa mata. Napabuntong-hininga ako. Napatingin ako sa paligid. Nakita ko na kinukuha na ni Nate ang iba pa nitong inorder at pabalik na rin ulit ito sa direksyon namin at halos ang mga mata ng kababaihan na naririto ay nakatutok kay Nate. Ibinalik ko ang tingin ko kay Irvin a. k. a Irish. Nakapout ito kaya nakaramdam ako ng awa para dito.
"Sige, ipapakilala kita sa kanya----" Hindi na ako nito pinatapos sa sasabihin ko dahil niyakap na ako nito at natutuwang tumayo para lamang magsasayaw, para itong bata na binilhan ng nanay nito ng paborito nitong candy at nagtatalon sa tuwa.
Napangiwi ako ng makita ko na halos lahat ng tao sa canteen ay nakatutok ang mga mata kay Irish kaya naman hinigit ko ang bakla para maupo ulit sa binakantehan nitong upuan.
"Nakakahiya ka talaga" nahihiyang suway ko dito.
"Ano ka ba Atech? masaya lang ako noh dahil makikilala ko na ang gwapo mong fafa! Ay ang suwerte ko naman, ang haba ng hair ko" mataray nitong sabi kaya naman hindi ko napigilan ang isa kong kilay na tumaas. Pinalo ko ito sa balikat.
"Aray naman!" naging reaksiyon nito.
"Fafa ka d'yan! Tsaka hindi pa ako tapos magsalita bakla!" masungit na sabi ko dito. Ang harot eh.
"Push muna teh. Ano pa ba ang sasabihin mo?"
"Masungit 'yang si Nate" pagbibigay warning ko dito.
"Ay maganda 'yun! Mas yummy kapag masungit, alam mo ba 'yun?" reaksiyon pa nito imbes na matakot sa banta ko.
"Anong yummy----"
"Eat these foods" biglang singit ni Nate na nasa tapat na pala ng table namin at inilalapag na ang mga pagkain. Napatingin ako sa mga inilapag na pagkain ni Nate sa tapat ko. Ang dami!
"Seryoso ka? I'm gonna eat all of  these?" hindi makapaniwalang tanong ko kay Nate. Hindi ako nito sinagot, umupo lang ito sa tapat ko at tahimik na sinimulang kumain. Ang sungit talaga! Nainis naman ako bigla sa pagiging snob nito.
"Nate hindi ko kayang ubusin ang lahat ng ito" madiin kung pagkakasabi dahil sa inis. Inilapag nito ang ginagamit nitong tinidor at seryosong tumingin sa mga mata ko.  Napalunok-laway naman ako bigla.
"Lagot ka na naman Riesha. Ang taray mo kasi eh" bulong ko sa sarili. Nakatingin pa rin ito sa akin ng seryoso. Maya-maya ay nagsalita si Irish na s'yang ipinagpasalamat ko.
"Hi Gwapo" bati nito kay Nate na ikinakagat-labi ko. Hindi manlang ba natatakot ang baklang ito kay Nate?Nakatingin pa rin sa akin si Nate ng seryoso. Sinubukan kong mag-isip ng paraan para mawala ang atensiyon nito sa akin. Nag-ala-alaan akong inuubo. Sinubukan kong ngumiti dito.
"A-ah eh Na-----" hindi ko pa tapos ang sasabihin ko ng bigla itong nagbawi ng tingin at kinuha ang kanina na inilapag nitong tinidor.  Sumubo ito ng Carbonara. Bumulong sa akin si Irvin/Irish.
"Masungit nga" bulong sa akin ni Irish. Siniko ko naman ito ng mahina sa tagiliran nito.
"Manahimik ka" suway ko dito ng palihim
"Ok" sagot nito at pagkatapos no'n ay katahimikan ang nanaig sa pagitan naming tatlo. I broke the silence.
"Nathan I----- ay palaka!" Napapikit ako sa gulat dahil sa biglaang pag-angat ng tingin ni Nathan, pigil pa naman ang paghinga ko noon. Naramdaman ko nalang ang bahagyang pagtapik nito sa balikat ko para magmulat ng mata.
"Hey Riesha! Ano bang nangyayari sayo?" narinig kong tanong sa akin ni Nate. Hindi pa rin ako nagmulat. Tinapik ulit nito ang balikat ko. "Hoy magsalita ka nga Riesha! Bakit ba parang takot ka sa akin?" masungit na tanong nito sa akin.
"E-eh kasi ikaw eh, napaka seryoso mo tapos napaka sungit pa" pagsasabi ko dito ng totoo. Wala akong narinig na tugon mula rito hanggang marinig ko nalang ang humahagalpak nitong tawa. I open my eyes then I saw him laughing.
"N-nathan Jace" tawag ko dito. Hindi ako nito pinansin, patuloy lang sa pagtawa na parang wala ng bukas. Napatingin sa direksyon namin ang mga tao sa canteen. Grabe ang cute n'ya pala kapag tumatawa!
"Lalo s'yang gumwapo teh" biglang bulong sa akin ni Irish. Hindi ko naman ito pinansin.
"Hoy Nate tumigil kana nga sa katatawa. Nakatingin na ang lahat ng tao sayo eh" Tumigil naman ito sa pagtawa. Tumingin ito sa paligid at ng malaman nito na marami na ditong nanonood ay muling sumeryoso ang mukha nito. Bumalik sa pagkasuplado ang dating ng mukha nito bago tumingin sa akin.
"Bakit ka naman matatakot sa pagkaseryoso ko?" biglang tanong ni Nate sa akin.
"Eh kasi naman kapag masyado ka seryoso kasunod no'n magsusungit ka" nakairap na sagot ko dito. Tumango-tango ito. Maya-maya ay nakita nito ang pagkain na inorder nito para sakin.
"Kainin mo na ang mga iyan. Alam kong hindi ka nag-almusal tsaka hindi mo kailangan magtipid" sabi nito sa akin. Tumango nalang ako.
"Nate si Irvin nga pala" pagpapakilala ko kay bakla. Tiningnan naman nito si Irvin na sa mga oras na iyon ay nagpapacute dito. Tinanguan lang ito ni Nate bago muling ibinalik ang tingin sakin.
"Huwag ka nga pala tatanggap ng mga bagay na manggaling sa Ryan na 'yun" Paalala pa nito sa akin. Tumango ulit ako bago sinimulan ang pagkain.