(Lunch)
"Kain ka na." Aniya na dinagdagan pa ang ulam na nasa plato ko.
Nagkatinginan na lang kami ni Izza. Nandito na naman kasi ang asungot nyang kuya.
Buong akala ko pa naman ay naitaboy ko na sya kanina. Abat binalak pang sumabay mananghalian sa amin. Hindi tuloy ako makapag-pacute kay Mark. Buong lunch ay distorted ang mukha ko sa sobrang inis.
"Bat nandito na naman yan?" Bulong ni Mark pagkatapos naming kumain. Hindi pa rin umaalis ang patay malisyang si Neil.
"Ewan ko nga. Hayaan mo na. Aalis din mamaya yan." Sagot ko na sadyang nilakasan ko para marinig ni Brandon. Baka sakaling may konting hiya pa sya at tablahan naman.
Mukhang narinig nya at lumingon sya sa amin.
"I really enjoyed our lunch. Pero mukhang may gagawin pa kayo. Kaya mauna na ako." Aniya na tumayo na
Wow. Di pa naman pala sya completely manhid.
Tinanguan ko sya. Tumalikod na sya sa amin at naglakad na palabas ng cafeteria. Diko napigilang pagmasdan sya habang naglalakad palayo. Kahit nakatalikod ay ang gwapo-gwapo talaga nyang tignan. Kung di lang siguro sya naging babaero at mayabang hindi imposibleng nagkagusto din ako sa kanya. Lalo na at halos araw araw ko syang nakikita. Kaso sa likod ng gwapo nyang mukha ay ang babaero at ubod ng yabang na Neil. Hindi pa ako nasisiraan ng bait para magkagusto sa kanya.
Ilang minuto ng tuluyan syang makalabas ng cafeteria ay biglang tumunog ang phone ko. Hudyat na may nagtext.
Muntik na akong mahulog sa kinauupuan ko ng mabasa ko ang nilalaman ng text. Galing iyon sa isang unknown number pero base sa mensahe alam ko na kung kanino galing iyon.
From: 0912*******
Alam ko namang hindi mo ako gusto. Pero huwag mo namang gaanong ipahalata kasi nasasaktan ako. And please huwag ka ngang masyadong dumikit sa kaibigan mong yan, nagseselos ako...
Bigla pakiramdam ko ay namula ang buong mukha matapos mabasa ang text nya.
Fuck! Anong problema ng lalaking iyon? Bakit ang lakas ng loob nyang magtext ng ganito? At saan nya nakuha ang number ko?
"May problema ba?" Tanong ni Mark nang mapansin ang pagiging uneasy ko.
"Parang sumakit yata yung tyan ko. Mag-CCr muna ako." Pagsisinungaling ko.
I need to talk to that Neil! Hindi ko na makakaya pang tumagal ang panggugulo nyang ito sa akin. Oo alam ko umaakto syang ganito dahil sa gayuma pero hindi pwedeng hayaan ko na ganituhin nya ako.
"Gusto mong samahan kita?" Tanong ni Izza.
"Huwag na. Kaya ko ng mag-isa." I said
Izza's presence will be a big help pero gusto kong harapin ang kuya nya ng mag-isa.
Tumayo na ako at sinukbit ko na ang aking bag.
Nang makalabas ako sa cafeteria ay kaagad kong inilibot ang aking paninigin sa buong paligid para hanapin sya. Pero ni anino nya ay hindi ko na makita.
Inilabas ko ang aking cellphone at itinext sya.
To:0912***
Nasan ka?
Ilang segundo lang pagkasend ko ay nagreply agad sya.
From:0912***
Whoa! Did you miss me already?
Napahigpit ang pagkakahawak ko sa aking cellphone.
Sya namiss ko? Ang tinde rin ng imagination ng lalaking ito.
Agad akong nagtipa ng irereply ko sa kanya.
To:0912***
Of course not! Wag kang feeling. Nasan ka ba? I have something to say.
Medyo natagalan ang pagrereply nya. Mga after 5 minutes siguro.
From: 0912***
Sa likod mo.
Kaagad akong lumingon at tumambad nga sa akin ang mukha nya. Bat di ko man lang napansin na nakalapit na pala sya?
"Anong sasabihin mo?" Nakangisi nyang tanong.
Bahagya akong natigilan. Dito ko ba talaga sasabihin? Pero kung hindi dito san ba dapat? Ha! Bahala na.
"Gusto ko lang sabihin na binabasted na kita." Seryosong sambit ko
Ilang segundo ang nakalipas ng umalingawngaw ang malakas nyang tawa. May nakakatawa ba sa sinabi ko? Hindi bat dapat malulungkot sya dahil sa pangalawang pagkakataon ay babastedin ko sya.
"Binabasted mo ako?" Bigla ay tanong nya sa pagitan ng pagtawa
Tumango ako. "Oo kaya please, pagkatapos nito tigilan mo na ako."
Bigla syang sumeryoso nang marinig ang sinabi ko.
"Paano mo ako babastedin ee hindi naman ako nanliligaw." Aniya
Bigla akong namula. Laglag na naman ang panga ko sa sinabi nya. Heto na naman sya. Nag-over assume na naman ba ako? O may banat na naman sya.
"Kung hindi mo ako nililigawan at wala kang balak ligawan ako bat mo ginagawa to? Bat ka sunod ng sunod? Bat ka pacute ng pacute?" Hindi ko napigilang itanong.
Ang labo naman kasi nya e. Obvious naman na umeepekto na ang gayuma sa kanya pero kapag tinatanong mo naman ay iba ang lumalabas sa bibig nya.
"Alam mo ang sagot sa tanong na yan. Dalawang beses ko nang sinabi sayo." Aniya
Bigla na naman akong namula ng maalala ang tinutukoy nya.
Napahilamos na lang ako. Anong pwede kong gawin para tigilan na nya ako maliban sa pagbasted ko sa kanya? Ganito ba talaga katindi yung gayumang nabili ko? Pati common sense niya ay nawala na din
"Kung wala ka ng sasabihin aalis na ako." He said
Napanganga na lang ako sa gulat. Yun lang? Aalis na sya without saying something or explaining. Nakakarami na sya ah.
Tinalikuran na nga nya ako at nagsimula ng maglakad palayo. Naiwan akong namumula sa galit. Kung hindi lang nakakahiya ay gusto kong magsisigaw sa sobrang inis. Napaka imposible talaga ng Neil na to!
Nang mawala na sya sa paningin ko ay nakatanggap na naman ako ng text mula sa kanya. Kinalma ko muna ang sarili ko bago binasa ang text nya. Knowing him may kung anong ka cornihan na naman ang sasabihin nya na siguradong magpapainis na naman sa akin. Ayoko ng mastress at baka tuluyan pa akong magwala rito.
From:0912***
I don't court girls. I just make them fall in love right away. Kaya humanda ka na. Baka bukas paggising mo mahal mo na ako.
See? Ang corny talaga nya. Tsk.
Diko tuloy napigilan at natawa ako ng malakas. Siya mamahalin ko? Patawa pala sya e. Never mangyayari iyon. Over my dead beautiful body.
Agad akong nagtipa ng reply sa kanya.
To: 0912***
Nek-nek mo! 😤
Mabilis na akong naglakad pabalik sa cafeteria.
Mukhang wala talagang balak tumigil ang Neil Aldrin Romero na yun ah. Sige kung gusto nya ng laro, pagbibigyan ko sya. Humanda sya. Matitikman nya ang grabehang pagpapakipot ko. Di yata nya kilala si Liezel Marie Cuevas! Wala sa lahi namin ang nagpapatalo. Tignan natin kung sinong unang sumuko sa aming dalawa.