Narinig ko ang pag-vibrate ng phone ko na nasa ibabaw ng desk, pagtingin ko may text message si Chester.
Chester to Nick: Goodluck, Elle!
Agad ko siyang sinagot at pinasalamatan.
Ibinalik ko ang atensyon ko sa presentation ko para masigurong wala akong nakalimutan. Ilang beses ko na ito na-check kagabi at nagpractice pa ako sa pag-present sa harap ni Chester, pero gusto ko pa ring makasiguro.
Muling nag-vibrate ang phone ko, pagtingin ko ay lumabas ang pangalan ni Tanya at tumatawag ito.
"Hello, Tanya?"
"Nasaan si Chester?" medyo mataas ang tono ng boses nito.
"Nasa opisina siguro," sarcastic kong sagot.
"Bakit hindi nya sinasagot ang mga tawag ko mula pa kahapon?" inis na tanong ni Tanya.
Sandali akong napa-isip. Hindi ko napansin na may iniiwasang tawag si Chester kahapon dahil pagkagaling sa sementeryo ay kumain lang kami ng lunch sa isang restaurant sa Marikina at pagkatapos ay umuwi na.
"H-hindi ko alam, Tanya," bahagya akong nakaramdam ng guilt feeling dahil kami ni Chester ang magkasama.
"Hindi mo alam? Eh hindi ba kayong dalawa ang magkasama mula pa noong Friday night?" pa-sumbat na sabi ni Tanya.
Paano niya nalaman? Akala ko ba hindi sila nag-uusap ni Chester?
"Nakita ko ang mga post ni Chester sa Facebook! Ano magkakaila ka pa?"
Napansin ko na paisa-isang nagpupunta ang mga kaopisina ko sa conference room. Pagtingin ko sa wristwatch ko, 5 minutes to 9am na.
"Ah Tanya, mamaya na lang tayo mag-usap may meeting ako," pagpapaalam ko sa kanya. Hindi ko na nahintay ang sagot niya at naibaba ko na ang phone ko.
Dinampot ko ang aking laptop at notebook at saka ako sumunod sa conference room.
Ikinabit ko ang laptop ko sa projector at saka siniguro na nababasa ng maayos ang aking presentation na naka-project sa white screen.
"Are you ready?"
Napalingon ako sa nagsalita, doon ko lang napansin na nakaupo na sina Sir Paul, nasa kanan siya ni Ma'am Mitch habang nasa kaliwa naman si Marco. Hindi ko ipinahalata na nagulat ako sa presensya ni Marco. Nasa loob din ang lahat ng kaopisina ko. Mula sa mga section editors, lay-out artists, marketing at circulation sections.
"Yes, sir," sagot ko kay Sir Paul at saka ako ngumiti.
"Then, start."
Tumingin ako kay Ma'am Mitch at sumenyas ito na magsimula na ako.
"Good morning, everyone!" nakangiti kong panimula kahit pa wala nang hinto sa pagdagundong ang dibdib ko sa sobrang kaba.
Una kong ipinakita ang mga kuha kong pictures habang nasa taping. Ipinakita ko ang mga kuha ko sa kanila sa San Sebastian Cathedral kung saan makikita ang scene na nagsisimba sina Lloyd at Anna.
Nagulat ang lahat sa sumunod na picture dahil nakuhanan ko ng picture habang sinusubuan ni Lloyd ng pagkain si Ana habang naka-break.
Sumunod kong ipinakita ang kuha sa tubuhan na naghahabulan ang dalawa at ang pagkakasunod-sunod ng mga pictures hanggang sa mahuli ni Lloyd si Ana at yakapin mula sa likod.
"Wow! Ang ganda ng mga kuha!" komento ni Stan, ang Chief Artist ng magazine.
Sumunod kong ipinakita ang ilang kuha ko sa loveteam sa Balay Negrense kung saan makikitang hinaharana ni Lloyd si Ana na nakadungaw sa asoteya kasama ang kanyang ina. At ilang kuha habang nagdidilig ng mga halaman si Anna kung saan ginulat siya ni Lloyd at naitutok niya ang hose kay Lloyd at nabasa ito ng tubig. Maging nang magpatuloy sa pagbabasaan ang dalawa kahit off cam na.
Huli kong ipinakita ang kuha nila sa the Ruins.
"Excuse me."
Napahinto ako sa pagsasalita at nilingon ang pinanggalingan ng tinig. Si Marco.
"Ongoing ba ang taping nung kinuhanan mo din yan?" curious na tanong nito.
"Yes, sir. Ilang shots po iyan, at 'yan 'yung pinakamaganda," paliwanag ko.
"Ma'am, I think this shot will be the best cover for the magazine next month," ani Marco kay Ma'am Mitch.
"Next month?" nagtatakang tanong ni Sir Paul, "our issue for next month is ready for printing.
"We will talk about that later, Nick please continue your presentation," ani Ma'am Mitch kaya tumahimik ang lahat at nagpatuloy ako.
"I prepared an article for those pictures entitled, On the Set: Just the Two of Us," pagpapatuloy ko.
Sumunod kong ipinakita ang mga kuha ko pang litrato na sadya kong pina-pose sina Lloyd at Anna. Halos lahat ay nagustuhan ito.
"Ibalik mo nga sa last slide," narinig kong sabi ni Ma'am Mitch.
Agad ko siyang sinunod. Binalikan niya ang picture ng dalawa na nakakalong si Anna kay Lloyd. Sunod-sunod ang tatlong kuha kung saan noong una ay magkatinginan ang dalawa at noong sumunod ay nakatingin na sila sa camera.
"Maganda ang pose nila d'yan," nakangiting sabi ni Ma'am Mitch, "natural na sweet. Mukha silang in-love."
"Candid shot po iyang una ma'am. Kakasunod ko sa kanila ay nakita ko silang nagpapahinga sa taas."
"Anong story pa ang maisusulat mo? Nag follow-up ka ba tungkol sa panliligaw niya?" seryosong tanong ni Sir Paul.
"Yes sir, kaya lang may pinakiusap sina Lloyd at Anna. Inamin kasi nila sa akin na napilitan lang si Lloyd na sabihin yun sa press at sumakay lang si Anna. Ayaw na daw muna kasi ni Ana magpaligaw at gustong mag-concentrate sa kanilang love team," paliwanag ko.
"So, wala kang nakuhang story doon?" tumaas ang boses ni Sir Paul.
"Meron naman po," sagot ko dito.
"Alin yang on the set photos mo??" mas lalo pang tumaas ang boses niya.
Inilipat ko ang slide, "I interviewed Lloyd and Anna one set of questions sa kung anu-ano ang favorites at nagustuhan nilang katangian ng bawat isa. It was done separately, and their answers would sell to our readers."
Tumahimik ang lahat. Kaya nagpatuloy ako, "example sa tanong ko na: Ano ang nagustuhan mo kay Ana at bakit? Ang sagot ni Lloyd ay tuwing gabi bago matulog sinasabihan niya ako na magdasal ako at goodnight. Gusto ko kasi yung magiging girlfriend ko hindi lang ako minamahal, dapat ipinagdarasal din ako."
Umingay ng bahagya, nakita kong nagbubulungan sila Layla at iba pang section editors.
"Si Anna naman ang sagot sa tanong: Tuwing gabi bago matulog, sinasabihan niya ako na huwag kong kalilimutan na mahal nya ako. Tinanong ko siya kung ano ang isinasagot nya kay Lloyd at ang sagot nya ay, secret."
"Okay, isulat mo as a story," seryosong sabi ni Sir Paul.
"Done na po. I will submit the two articles to your desk after this."
"Okay, so, are we done?" seryoso pa ring tanong ni Sir Paul na biglang tumayo sa pagkakaupo.
"Not yet," sagot ko kaya muli siyang napaupo.
Tapos inilipat ko sa sumunod na slide, "Channel 10 has already announced that the premiere of the teleserye will be next month, which is two weeks from now. I would like to recommend changing our Cover for next month's issue and..."
Agad pinutol ni Sir Paul ang sasabihin ko, "NO! For printing na tayo, alam mo bang made-delay tayo sa printing dahil dyan?"
"I understand sir, pero kung sasabayan natin ang airing ng Just the Two Us, bibihin ng mga fans nila ang magazine natin," I explained.
Nagulat ako nang magsalita ang Marketing Manager na si Candy, "Sir, I think may point si Ms. Nick. Kasi kung next issue pa natin gagamitin ang exclusive photos natin, magiging luma na ang lahat ng iyan dahil lumabas na sa TV."
"Paul, I think tama sina Nick at Candy. Nick, ibigay mo na agad kay Stan ang mga pictures nila Lloyd at Ana. Stan, I want the two articles to be part of the June issue. At 'yung nagustuhan kong candid shot na magkakalong ang Cover. Yung kuha sa the ruins ay gawin mong centerspread para bilhin ang magazine natin ng mga fans, gagawin nila 'yang poster," bilin ni Ma'am Mitch.
Bumaling ito ulit sa akin, "submit all your articles to Paul. Team, I want this revision to be finished before the day ends. Angel, call the printer na made-delay tayo ng isang araw."
Hindi na nakaangal si Sir Paul, "copy ma'am."
"Okay then, let's start working," iyon lang at tumayo na si Ma'am Mitch, sumunod din ang iba pa na palabas ng conference room habang ako ay inililigpit ang aking laptop at screen projector.
"Congratulations!" alam kong boses iyon ni Marco.
Iniangat ko ang aking ulo para tingnan siya, "Salamat."
Ngumiti lang siya at lumabas na ng conference room. Agad kong isinubmit kay Sir Paul ang aking articles na agad niyang in-edit sa harapan ko. Matapos noon ay isinave nya sa shared folder ang article para ma-layout ng grupo nila Stan.
Pagbalik ko sa cubicle ko, agad kong kinuha ang cellphone ko. Nakita ko ang maraming text messages ni Tanya.
Tanya to Nick: Bakit mo ako binabaan?
Tanya to Nick: Ikaw lagi ang istorbo sa amin ni Chester!
Tanya to Nick: Ikaw na lang lagi ang importante. Ikaw ang dapat unahin!
Tanya to Nick: Ako ang mahal ni Chester kaya puwede ba, layuan mo na siya!
Napabuntong-hininga ako. Alam ko naman na mahal siya ni Chester, kailangan pa ba niyang isampal sa akin iyon? Nakita ko na may text message si Chester.
Chester to Nick: Elle, any update?
Nick to Chester: Double time ang Graphics, change cover and gagamitin lahat ng articles and pictures ko.
Chester to Nick: I told you, magugustuhan nila. Congrats!
Nick to Chester: Thank you!
Chester to Nick: I'll pick you up at 6pm. Take care and see you later.
Binuksan ko ang desktop ko at sinimulang i-check ang mga emails ko. One week itong natambak kaya isa-isa kong sinagot.
Naging busy kami maghapon. Pero sa bilis mag-layout ng tatlong graphic artist ay agad nilang natapos ang revisions at na-approve within the day.
Pagdating ng 6pm ay nasa ibaba na ng building si Chester at naghihintay. Nagmamadali akong sumakay sa elevator ng humabol si Marco.
"Uuwi ka na?"
"Oo."
"Commute?"
"Hindi may sundo ako."
Tumango lamang ito at nanatiling tahimik hanggang sa paglabas ng building. Nakita ko agad ang SUV ni Chester kaya dali-dali na akong bumaba sa hagdan. Tinawag pa ako ni Marco kaya nilingon ko ito.
"Bye, Nick," na sinabayan niya nang kaway.
Kumaway din ako, "Bye!"
Kinabukasan, sabay kami ulit pumasok ni Chester. Buong maghapon na naman akong ginugulo ni Tanya. Hindi na ako nakatiis at tinawagan ko na si Chester, pero ayaw pa rin kausapin ni Chester si Tanya.
"Nick," nakangiting bati ni Marco.
Nagulat ako at nasa cubicle ko siya, "Yes, sir?"
"I-celebrate natin ang pagod mo. Lunch tayo!"
Tumayo si Layla na nasa kabilang cubicle, "Oo nga, Nick! Sama ako, ikaw Flor?"
"Sige sama ako! Doon tyo sa CSS Building kumain," sagot ni Flor.
Pagpasok naming sa building nila Chester ay nakilala ako ng guwardiya kaya hindi na kami tinanong kung saan kami pupunta.
"Himala, hindi tayo tinanong kung saan tayo pupunta," komento ni Layla.
"Baka alam nilang sa foodcourt tayo," sagot naman ni Marco.
Pagdating namin sa foodcourt ay agad kaming nakakita ng bakanteng table para sa apat na katao, nagsalitan kami sa pag-order.
Habang kumakain kami, nagulat ako nang biglang sumulpot si Chester sa tabi ko.
"Elle, bakit hindi mo sinabi na dito ka kakain?"
"Chester, bigla sila nagyaya eh," katwiran ko.
Tumango lamang ito habang ang dalawa niyang kamay ay nasa bulsa ng kanyang pantalon.
"Kumain ka na ba?" tanong ko.
"Yes," atsaka ito ngumiti sa akin at sa mga kasama ko.
"Sorry," naisip ko na ang sama ko dahil hindi ko pinapakilala ang mga kasama ko, "Chester, meet my co-workers- this is Layla, Flor and Marco. Guys meet Chester my..."
Agad pinutol ni Chester ang sasabihin ko, "Nice meeting you guys. Iiwan ko na kayo kasi may meeting pa ako ulit. Elle, I'll pick you up at 6pm."
Nagulat ako ng bigla akong hinalikan ni Chester sa pisngi at ramdam ko ang pagpula ng aking buong mukha.