(Collaboration Chapter)
Akihiro Yamada
"Bill, saan ba tayo pupunta?" tanong ko sa aming Tochi no ryōshu (Land lord) at Sensei (Elder Teacher) na si Bill. Dapat sa mga oras ngayon ay nag-e-ensayo na kami.
"Lalabas tayo ng Winter Town." Nagulat naman ako sa sinabi nito dahil hindi ko maisip kung bakit sa gubat kami pupunta para lang makalabas? Sakop pa rin ito ng Winter Town kaya hindi ko maunawaan si Bill.
Sa ilang taon kong paninirahan dito bilang estudyante ay halos nalibot ko na ang Winter Town, maliban sa castle at gubat na ito. Hangga't maaari kasi ay iniiwasan na puntahan ang lugar na ito para maprotektahan ang castle. "Bakit po tayo lalabas?"
"Nais kong masubukan niyo ang mas komplikadong lugar, hindi nga lang puwede sa gubat na ito dahil may gumagamit na nito para gawing battle ground," paliwanag niya.
"Battle ground ang gubat na 'to?"
Tumango si Bill. "May ilang sekretong pintuan ang Winter Town na nandito sa gubat para makatawid sa labas."
Tumango na lang ako sa sinabi niya.
Bukod kay Bill ay kasama ko pa si Carl na tahimik lang sa paglalakad habang bitbit ang bago niyang espada na ibinigay sa amin ni Bill. Usually kahoy na espada lang ang ginagamit namin sa pag-e-ensayo pero pagpasok ng ikalawang semestre ay totoong sandata na ang ginagamit namin. Ayaw pa sana ni Carl sa totoong espada pero wala naman siyang nagawa.
Inayos ko ang aking sukāfu (scarf) dahil sa tindi ng lamig, lalo na at hindi pa rin humihinto ang pagbagsak ng yuki (snow).
Napahinto si Carl sa paglalakad at tila may pinapakiramdaman sa paligid. Magsasalita na sana ako subalit nagulat ako sa pagsulpot ng mga black----
Ninjas?
Paanong nagkaro'n ng Ninja sa Pilipinas? Ang alam ko matagal ng naglaho ang mga ninja sa pagdaan ng panahon. For tourist purpose na lang sila at ang lugar nila sa bansa namin.
"Bill!" tawag ko sa aming sensei pero alerto na ito dahil halos palibutan na nila kami. "Saan sila nanggaling? Paano sila nakalusot sa securities ng lugar?" tanong ko sa mga kasama ko pero hindi nila ako sinagot.
Sandali, kung hindi ako nagkakamali isa sa kakayahan ng ninja ang maging commoner, tahimik at maingat sila kung kumilos kapag may misyon sila.
Moshi sōnara win'tātaun'deno karerano shimēwa nan'desuka? (If so, what is their mission in the Winter Town?)
Naagaw ang atensyon namin ng babaeng tumatakbo sa aming direksyon. "Tumakbo na kayo!!! Ako na bahala rito!!!"
Hindi namin siya sinunod.
Hinanda naming tatlo ang aming sandata. Dalawang espada ang hawak ko subalit hindi iyon ganoon kahaba 'di tulad ng kay Bill at Carl.
Naglabas din ng katana ang mga kalaban at naghati ang mga ito upang atakihin din ang estrangherong babae.
"Haaa!" sigaw ng mga Ninja at inatake ako ng isa.
Sinangga ko ang katana nito ng dalawa kong espada at medyo na-distract ako sa mga mata niya dahil nanlilisik ito. Nakipagtagisan ako ng bigat ng lakas dahil pwersahan nitong tinutulak ang aking sandata kaya naman sinipa ko ang tuhod niya at nawalan ito ng balanse.
Sinamantala ko ang pagkakataon. Ginilitan ko siya sa leeg.
Kailangan kong pumatay dahil kung hindi ko gagawin iyon baka ako ang mapatay nito. Ngunit mas nagimbal ako dahil ng bumagsak ito sa lupa nagkapira-piraso ang katawan niya at unti - unting naging usok. H-Hindi sila mga normal ninja, may mali rito. "Anong klaseng mga nilalang ito? Saan ba talaga sila nanggaling?"
Napatingin ako sa mga kasama ko. Pagkagulat din ang rumihistro sa mukha nila sa twing nakakapatay sila.
Muli na namang may umatake sa akin kaya mas pinagtuunan ko muna ng pansin ang pakikipaglaban.
Pinaikot ko ang isang espadang hawak ko sa kanan at hiniwa ang papalapit sa akin bago pa siya makabuwelo habang tinusok ko naman sa tiyan ang nasa kaliwa. Paghugot ko ng sandata tumambling ako upang makapunta sa likod ng isa pa.
Bago pa ito makaharap ay tinadyakan ko na agad siya kaya ito napatalsik at napasubsob sa lupa.
Pinagkrus ko naman ang dalawang sandata upang dipensahan ang aking sarili laban sa paghiwa ng isa pang kalaban. Habang abala naman ang aking paa upang matadyakan ang katatayo lang na kalaban.
May isa pang susugod sa likuran ko kaya yumuko ako para matamaan nito ang nasa aking harapan. Hindi naman ako nagkamali ng kalkula kaya napugutan nito ng ulo ang kapwa niya ninja at kagaya ng mga naunang namatay ay nabasag din ang katawan nito at naging usok.
Alam kong darating ako sa ganitong pagkakataon pero parang ang bilis naman atang mangyari? Hindi handa ang sistema ko sa mga nasasaksihan kong paghati ng katawan, mas lalo na ang kakaibang paraan ng paglaho nila.
Inilibot ko ang aking paningin at laking pagtataka ko dahil parang hindi sila nauubos.
Pinaikutan nila kaming apat kasama ang estrangherong babae. "Kanina ko pa kasi sinabi na tumakbo na kayo eh!" habol-habol na nito ang kanyang hininga. Pagod na siya sa laban.
"Hindi mo sila kaya, binibini! Madami sila, hindi nauubos at sa tingin mo ba makakatakbo pa ba kami sa lagay na ito?" sabi ni Bill.
"Isa pa po, mukhang hindi kami ang pakay nila." Hindi ako sigurado pero may kutob lang ako na ang binibini talaga ang pakay nila. Nadamay lang kami rito.
"Huh?" Napatingin siya sa amin na parang nagtataka pero mas napatitig siya kay Carl at parang nag-iba ang expression ng mukha nito.
"Ubusin niyo sila at walang ititirang buhay maliban sa ducentibus na iyan!" Naagaw ang atensyon namin sa utos ng isang black ninja na mukhang pinakalider nila.
Gumagamit sila ng ibang term, kung hindi ako nagkakamali ang decentibus ay isang latin word.
Agad sumugod ang mga kalaban pero mas nasorpresa ako sa paglitaw ng iba pang ninjas mula sa lupang aming inaapakan.
Shit! Ano ba talaga ang mga ito?!
Napaatras pa ako dahil may sumulpot sa harapan ko. At ang ikinagulat ko pa ay ang pag-iiba ng kanilang mga mata. Mula sa nakakatakot na itim ay napalitan ito ng red na animo'y parang mata ng isang Akuma (Demon).
Agad akong inatake ng hawak nitong katana kaya naman sinalag iyon ng kanang espada ko at sinipa ko siya sa tiyan. Sunod na sumugod ang nasa kaliwa ko kaya lumuhod ako at tinusok ang tiyan niya.
Nagulat ako dahil may sumulpot sa kanang bahagi ko at handa nitong tapyasin ang braso ko, pero agad ko rin siyang iniwasan kaya napahiga ako sa lupang may yelo. Muli itong susugod kaya tinadyakan ko siya ng dalawa kong paa at agad na tumayo upang paghandaan ang dalawang kalaban na aatake sa direksyon ko.
Hindi ako sigurado kung ilang minuto na kaming nakikipaglaban pero halos mapagod na ako sa aking ginagawa. Ang masaklap pa nito hindi naman sila nauubos.
Sa kabila ng labanan ay naagaw ang atensyon ko ng estrangherong babae at nang pinuno ng mga ninja.
Nakalupasay na ito sa malamig na lupa. Mapapatay siya kaya pinilit naming makalapit sa kanya, subalit hindi namin napaghandaan ang ginawa ng pinuno nila nang pamansin kami.
"Strepito!" Sigaw ng lider ng mga Ninja sabay lahad ng kaliwang kamay nito.
Lumabas mula sa kamay niya ang isang itim na enerhiya at naghugis bilog. Sa bilis ng pangyayari, hindi agad kami nakaiwas at tinamaan ang aking katawan. Namalayan ko na lang ang sarili na nakahiga na sa lupa.
Tumilapon pala ako sa malayo. "Arggg."
Masakit at nakakapanginig ng katawan. Agad na tumayo si sensei kaya kahit masakit pa rin ang katawan ko ay pinilit ko na ring tumayo. Pinulot ko ang aking mga sandata na nabitawan ko dahil sa paglagapak ko kanina.
"Bill! Anong klase iyon? Parang isang malakas na hangin!" tanong ko kay sensei.
"Isang mahika!" sabi ni Carl. Mukhang hindi na rin nagawang manahimik ni Carl. "Ang mga nilalang na may pulang mga mata ay ginagamitan ng kung anong mahika!"
Mahika?
Hindi ako makapaniwala sa mga nangyayari pero kailangan kong kumalma. Ito ang unang pagkakataon na naka-encounter ako ng ganitong klaseng kapangyarihan o mas tamang sabihing mahika gaya ng sinabi ni Carl.
"Alerto kayo!" wika ni Bill. "Gumagamit ang halimaw na ito ng isang mahikang lingid sa kaalaman ko at kaalaman niyo! Kailangan din nating mailigtas ang dalaga mula sa kamay niya! Kung hindi ako nagkakamali, ilang minuto na lang ang nalalabi at mawawalan na siya ng buhay!"
"Mga pakialamero kayong mga mortal! Dapat pala kanina ko pa kayo tinapos! Patayin sila!" ani ng lider ng mga black ninja.
Agad sumugod sa amin ang kanyang mga bataan kaya wala kaming nagawa kundi ang muli silang labanan kahit alam kong walang saysay ang ginagawa namin.
Anong bang laban namin sa mga tulad nila?
Nakakapagod at nakakaubos ng lakas pero hindi ako pwedeng huminto. Mahirap na. Baka hindi na ako abutan ng bukas.
Isa lang talaga ang naiisip kong solusyon sa bagay na ito.
Kailangan kong mapatay ang pinagmumulan ng mga halimaw, subalit hindi ako makalapit dahil parang nadadagdagan ang mga ito. Hawak na rin ng lider nila estrangherong babae na tila wala nang malay.
Asar... Anong gagawin ko?
Mukhang masyado pa akong mahina sa ganitong klaseng laban.
Nagulat na lamang ako nang biglang lumitaw ang isang lalaki sa kalagitnaan ng aming laban. A-anong klaseng mga nilalang ba ito? Sino ba talaga sila at kung saan sila nanggaling?
Hindi ko na alam kung mamamangha o mawiwirduhan na ako sa mga nangyayari.
"Nixio Exponentia!" Bigkas nang lalaki habang nakataas ang dalawa nitong kamay.
Kumpirmadong gumagamit din siya ng spell dahil kagaya nang lider ng mga halimaw ay may lumabas din sa mga kamay nito na parang itim na enerhiya at agad ibinato sa mga Ninja. Sumabog ang mga ito at naglaho na lamang ng parang bola.
S-subarashidesu! (Amazing!)
Nagpalinga-linga pa ako upang makasiguro subalit wala na talagang natira.
Mas gulat ang itsura ng mga kasama ko kaysa sa lider ng mga halimaw na nabatiwanan agad ang babae habang matamang nakatingin sa isa pang estrangherong lalaki.
Hindi pa man ako nakaka-recover sa nangyari ay may sumulpot na isa pang lalaki.
Gusto kong isipin na nananaginip lang ako pero hindi... Alam kong nasa reality ako.
Naestatwa na lamang kaming tatlo habang pinapanuod kung paano maglaban ang tatlong kakaibang nilalang.
Natalo nila ang lider ng mga halimaw at binuhat nang isa ang babaeng wala ng malay. "We need help." Bakas sa mukha nito ang pag-aalala sa kalagayan ng babae.
"Lumapit kayo rito." Utos sa amin ng isa pang lalaki subalit hindi namin ginawa. "Kailangan niyong sumama sa amin upang maipaliwanag namin ang nangyayari."
Umusad si Carl pasulong. Hindi na niya inantay ang basbas ng aming sensei.
Tumango na lamang si Bill nang tingnan ko siya. Halos kasabayan ko siyang lumapit sa mga ito.
"We don't have enough time kaya kailangan kong gawin ito." Unti-unting lumabo ang paligid. Namalayan na lamang namin na nasa isang kwarto na kami.
A-anong lugar ito?
Kung susuriing mabuti mukha kaming nasa isang malawak na sala. Agad akong dumungaw sa bintana upang pag-aralan ang lugar.
"We are still in Winter Town," sabi ng lalaking estranghero habang ang isa pang lalaki ay dahan-dahan inihiga ang walang malay na babae sa pinakadulo ng sala na may higaan.
Tama siya...
Pamilyar sa akin ang isang shop na halos katapatan lamang nito.
Biglang bumukas ang pintuan at niluwa nito ang isa pang lalaki na mukhang mas bata ng kaunti sa dalawang estranghero. Gulat ang rumihistro sa mukha nito. "Why are you here, Jiro?" Tumingin ito sa lalaking nasa dulo at sa aming tatlo. "Anong nangyayari?"
"I will explain it to you bro, but for now..." Tumingin ito sa dulo ng sala kung saan naroon ang iba pa naming kasama sa bahay. "May kailangan ng tulong mo."
Nangunot ang noo niya sa sinabi ng lalaki pero wala siyang nagawa kundi ang magtungo sa pinakadulo ng sala upang i-check ang kalagayan ng babae. Matapos ang ilang minuto nakumpirma nito ang nangyari sa babae. "Isa itong lason na nagmula mismo sa Dark world."
Hindi na kami nag-abalang tingnan kung papaano nito ginagamot ang babae. Hinayaan muna namin silang tulungan ito habang kami naman ni sensei ay naupo sa couch. Si Carl naman ay sumandal lamang sa pader na malapit sa bintana.
Base sa itsura nito mukhang naiinip na siya sa nangyayari. Isang himala na nga lang na hindi ito nag-walk out.
"Hindi ako makapaniwala na ang ginagamot ko ngayon ay isang Carrier ng flaming blades at ------" Hindi na nito naituloy ang sasabihin.
"Maayos na ba ang kalagayan niya, Kyzhen?" Tanong ng kung hindi ako nagkakamali, Jiro ang pangalan.
"Nasa maayos na. Kailangan na lang niya ng kaunting pahinga." Inayos nito ang kumot ng dalaga at hinarap ang kasama. "Malaki ang utang mo sa akin Jiro, kaya ihanda mo na ang milyones mo para sa kabayaran."
"Eh 'di siya singilin mo!" Turo nito sa kasama nilang lalaki.
Teka, hindi ba sila magkakasama?
"Ganoon ba ang klase ng samahan niyo? Pera-pera lang ang basehan? Magkano ba ang kabayaran sa paggamot mo sa kanya at nakahanda akong magbayad kahit magkano?" Wala kang mababakas na emosyon sa mukha nang lalaking ito.
"Biro lang iyon. Ayoko rin namang may nakikitang babaeng nag-aagaw buhay dahilan lang sa kagagawan ng mga tauhan ng taga Dark World." Napatingin sa direksyon namin ang tinatawag nilang Kyzhen at naglakad ito palapit sa amin. "Ipagpaumanhin niyo po ang mga nangyari, Mr. Bill. Nadamay pa kayo ng mga binatilyong kasama mo sa kaguluhang ito. Maayos ba kayo? Wala bang nasugatan sa inyo?"
Sunod-sunod nitong tanong. Pero hindi talaga iyon ang kinagulat ko----kilala niya si Sensei?