Nagising si Hilda na wala na sa tabi niya si Kyle. Sa tingin niya ay pumasok na ito sa trabaho. Ito na ang pagkakataon niya na magnakaw. Ginawa niya talaga na magtalik sila sa loob ng kwarto ni Kyle dahil ang pakay niya nga ay nakawin ang mamahaling gamit nito. Dahil na rin sa uto ni Arnold sa kanya. Ayaw niyang malaman ni Kyle na magkarelasyon sila ni Arnold.
Bumangon si Hilda sa pagkakahiga sa kama at naglakad siya papunta sa kabinet. Lahat ng drawer ay binuksan niya. Sa mga unang drawer na binuksan niya ay puro damit at sapatos. At sa kabilang malalaking kabinet ay puro iba't ibang bag.
"Nasaan na ba 'yon?" inis niyang sabi sa sarili niya.
Muli ay naghanap siya. Hanggang sa may nakita siyang maliit na drawer. Wala naman itong lock kaya naman ay nabuksan niya ito. At dito bumungad sa kanya ang mga alahas at relo. Sa sobrang dami nito ay hindi niya alam kung alin sa mga ito ang nanakawin niya.
Sa kilalang alam ni Hilda na relo ang una niyang nanakawin. Hindi niya naman nakikitang sinusuot ni Kyle ang mga relo na nasa drawer dahil iisa lang lagi ang suot nito na relo. Sa tingin niya ay iyong suot ni Kyle na relo ang pinakamahal.
"Ito muna sa ngayon. Hindi niya naman mapapansin na unti-unting mawawala ang mga alahas at relo niya."
Inayos ni Hilda ang mga relo upang hindi mahalata na naiba ang posisyon ng pagkakayos dito. Matapos iyon ay isinara niya na ang drawer at lumabas na siya ng kwarto ni Kyle. Pagkababa niya ng hagdan ay naabutan niyang naglilinis si Mildred sa sala.
"Good morning, Ate Hilda," bati sa kanya ni Mildred nang ito ay mapatingin sa gawi niya.
Ngumiti siya ng bahagya at bumati rin pabalik kay Mildred.
"Ano... Kakatapos ko lang maglinis sa kwarto ni Sir Kyle," dahilan niya kay Mildred kung sakaling magtaka ito kung bakit siya nasa taas.
Matapos sabihin ni Hilda iyon ay hindi na niya hinintay pang magsalita si Mildred. Dumiretso na siya sa kanyang kwarto. Nang nasa kwarto na siya ay agad niyang kinuha ang cellphone niya at nag-text kay Arnold.
Nakatanggap ng reply si Hilda kay Arnold hudyat na ito ang paglabas niya sa kwarto niya.
"Kung hanapin ulit ako ni Sir Kyle. Sabihin mo ay umalis lang ako," bilin niya kay Mildred nang madaanan niya ito.
"Sige, Ate."
Pagkalabas ni Hilda nang bahay ay nakita niya na ang nakaparadang tricycle ni Arnold sa tapat ng bahay. Agad siyang sumakay sa tricycle nito at umalis na sila agad.
***
NAGTATAKA si Mildred sa kilos ni Hilda ngayon. Ngayon na okay na sila ay panay naman ang alis ni Hilda.
Hindi man lang niya sinabi kung anong oras siya uuwi...
Napabuntong hininga si Mildred. At kung wala pa rin si Hilda ng hapon ay siya na ang magluluto ng para sa hapunan.
Pumunta na lang si Mildred sa kanyang kwarto tutal ay tapos niya na ang kanyang paglinis sa buong bahay. At dahil hapon na rin ay naisip niyang umidlip na rin. Napagod siya sa kanyang ginawa at kailangan niya munang magpahinga upang may lakas siya mamaya para pagluto mamayang hapunan.
Lumipas ang dalawang oras ay biglang nagising si Mildred. Napabalikwas siya ng bangon. Kinuha niya ang de-keypad niyang cellphone sa side table upang tingnan kung anong oras na.
Alas-singko na...
Ibinalik ni Mildred ang de-keypad niyang cellphone sa ibabaw ng side table. Matapos iyon ay lumabas na siya ng kwarto niya. Lumingon-lingon pa siya sa paligid upang tiyakin kung nakauwi na ba si Hilda. Naisip niyang puntahan ang kwarto ni Hilda na nasa tapat niya lang.
Nang nasa harap na si Mildred sa tapat ng pinto ni Hilda ay kumatok siya.
"Ate? Ate Hilda, nandiyan ka ba?"
Idinikit pa ni Mildred ang kanyang tainga sa pinto ni Hilda upang pakinggan kung may tao ba sa loob. At dahil wala naman na ingay na nanggaling sa kwarto ni Hilda ay tiyak niya na hindi pa ito nakakauwi.
Naglakad na si Mildred papunta sa kusina upang maghanda na ng hapunan. At dahil laki siya sa hirap ay marunong naman siya magluto.
***
NAKAPASOK na si Kyle sa subdivision. At nang makarating na siya sa bahay niya ay ipinarada niya ang kanyang sasakyan. Bago siya lumabas ay kinuha niya ang isang box at pagkatapos ay lumabas na siya ng sasakyan.
Nang makapasok si Kyle sa loob ng bahay ay naabutan niya si Mildred na nagluluto. Naamoy niya ang mabangong aroma na nagmumula sa niluluto ni Mildred. Pinagmasdan lang niya si Mildred habang busy itong nagluluto na sa tingin niya ay nag-eenjoy ito sa ginagawa nito.
Naglakad si Kyle papunta sa pwesto ni Mildred na nasa kusina. Maingat at walang ingay siyang naglakad patungo sa direksyon ng dalaga. Nang nasa tapat na siya nito ay hindi pa rin siya nito napapansin. This time ay busy si Mildred sa paghihiwa ng sibuyas.
"Ehem," tikhim niya.
Biglang napatingin sa kanya si Mildred at kita niya dito ang paglaki ng mata nito nang makita siya.
"SIR!--- Ah!"
Nanlaki ang mata ni Kyle nang makita niyang nasugatan si Mildred. Nahiwa nito ang daliri nito.
Agad na pumunta si Kyle sa gawi ni Mildred at kinuha niya ang kamay nito na nahiwa upang dalhin sa lababo. Binuksan niya ang gripo at dito ay itinapat niya ang kamay ni Mildred upang malinisan ang nahiwang daliri nito. Patuloy lang siya sa paglinis ng daliri nito. Hindi naman umangal si Mildred sa kanya sa ginawa niyang aksyon.
Kumuha si Kyle ng tissue at ipinahid niya sa daliri ni Mildred.
"Stay here. Kukuha lang ako ng band aid," wika niya kay Mildred.
Tumango naman si Mildred sa kanya.
Agad na pumunta si Kyle sa kwarto niya at kumuha ng band aid. Matapos iyon ay bumaba na siya at pumunta sa kusina. Maingat na inilagay niya ang band aid sa may daliri na may sugat ni Mildred.
"It's done," saad niya.
"Salamat, Sir." Sabay ngiti sa kanya ni Mildred.
Parang bigla naman natunaw ang puso ni Kyle nang makita niya ang matamis na ngiti ni Mildred.
What is wrong with me?
***
NAGULAT si Mildred nang yakapin siya ni Kyle.
"I'm sorry... I didn't mean to scare you," paumanhin pa ni Kyle sa kanya.
"S-Sir, okay lang po ako. Malayo po ito sa bituka. Hehe," may pagka-ilang na sabi ni Mildred dito.
Kumalas na sa pagkayakap sa kanya si Kyle. Hawak naman nito ang kanyang magkabilang balikat. Ang lakas ng tibok ng puso niya ngayon. Nakaya niyang tumingin sa mata ni Kyle. Pero dahil sa gwapong mukha nito ay hindi niya maiiwasan na hindi mahumaling.
"Mildred..."
Biglang narinig ni Mildred ang pagkulo ng kaldero. Kaya naman ay napatingin siya sa stove kung nasaan ito. At kumukulo na nga. Mabilis na inalis niya ang kamay ni Kyle na nasa balikat niya at mabilis na tumakbo sa stove upang patayin ito.
Nakahinga naman siya ng maluwag. Humarap siya kay Kyle.
"Ano nga po ulit ang sasabihin mo?" tanong niya kay Kyle.
Napahimas naman si Kyle sa batok. "Wala naman. Kalimutan mo na iyon. Balik na muna ako sa kwarto ko," dahilan nito.
"Po? Tapos na po ito." Sabay ngiti niya.
Kinuha ni Mildred ang pot holder para sa hawakan ng kaldero. Dinala niya ang kaldero sa hapag-kainan.
"Pasensya na po, Sir, at ito lang naluto ko. Hindi po kasi ang marunong magluto ng pang-class na pagkain," nahihiyang sabi niya kay Kyle.
"I'm not picky. And I just want to try what you cooked," ani Kyle. At tinikman ang sabaw ng niluto ni Mildred. "Hmm! It taste good," manghang sabi pa nito.
"Talaga, Sir?" masiglang wika niya.
"Anong luto ito?" tanong pa ni Kyle sa kanya.
"Sinampalukang manok po."
"Wow! This is the first time ay taste this dish."
Matapos ng kanilang pag-uusap ay kumain na sila. Ngayon ay hindi na mag-isang kakain si Mildred. At masaya siyang makita niya si Kyle na kumain ng luto niya. Lalo na at nasarapan ito sa kanyang specialty na luto.
Lumipas ang ilang minuto ay natapos na sila sa kanilang pagkain. Nang biglang magsalita si Kyle.
"I forgot... We also have a dessert."
Pinagmasdan lang ni Mildred si Kyle nang tumayo ito at pumunta sa refrigerator at may kinuha ito. Inilabas nito ang isang box. At dinala nito sa hapag-kainan ang box. Binuksan din nito ang box.
Namangha si Mildred sa nakita niyang cake.
"Strawberry short cake," out of the blue na sabi ni Kyle sa kanya at nag-slice ito ng cake. Ibinigay nito ang cake na hiniwa kay Mildred. "Dig in."
Tumango si Mildred kay Kyle at ngumiti. Kinuha niya ang tinidor niya at kinain ang cake. Pagkatikim niya pa lang ay para nalusaw kaagad ang cake sa loob ng bibig niya sa sobrang lambot nito.
"Hmmm! Ang sarap, Sir!" masiglang sabi niya kay Kyle.
Natawa naman si Kyle sa kanya.
"Ngayon lang po ako nakatikim nito."
"If you want more, you can have one," alok pa ni Kyle sa kanya ng cake.
"Sige po." At muling kumain si Mildred ng cake.
Nang maubos na ni Mildred ang cake ay uminom naman siya ng tubig. At sa kanyang pag-inom ng tubig ay biglang nagsalita na naman si Kyle.
"Gusto mo bang magtrabaho sa company ko?"
Nabilaukan naman si Mildred sa tanong ni Kyle.
"Sorry." At ibinigay sa kanya ni Kyle ang tissue. Kinuha naman niya ang tissue upang punasan ang labi niya.
Gustuhin man ni Mildred na magtrabaho sa kumpanya ni Kyle, ngunit, wala naman siyang alam sa mga computer. Lalo na at puro modernong teknolohiya na ang nagpapatakbo sa kumpanya. Hindi pa siya nakakahawak ng computer sa buong buhay niya.
"Gustuhin ko man po, Sir, kaso wala ho akong alam sa teknolohiya."
"Don't worry. May magtuturo naman sa iyo."
Nag-isip pa si Mildred dahil sayang din kung tatanggihan niya si Kyle.
"No pressure. Think about it. Hindi naman kita minamadali na sumagot," muling saad ni Kyle.
"Sige po, Sir."
Ngumiti sa kanya si Kyle. "Well, kausapin ko muna ang manager to help you for your work."
Tumango si Mildred. Kinakabahan man siya pero excited siya sa magiging trabaho niya. At least ay may makikilala pa siyang iba na tao.
"I'll go back to my room now," paalam sa kanya ni Kyle at umalis na ito sa hapag-kainan.
Nag-umpisa na si Mildred na iligpit ang pinagkainan nila ni Kyle.
***
Nang nasa kwarto na si Kyle ay bigla siyang natawa sa kanyang naisip.
"Bakit ko ba ginawa iyon?"
Hindi na talaga alam ni Kyle ang gusto niyang gawin. Kanina, habang kumakain sila ay pasulyap-sulyap ang tingin niya kay Mildred. Parang ayaw niya itong mawala sa paningin niya.
Muli ay bumalik si Kyle sa kanyang higaan. Kinuha niya ang laptop niya at nag-umpisa na siyang i-check ang mga emails niya sa mga client niya. Habang nagche-check siya ay bigla niyang nakita ang pangalan ni Miss Villafuerte. Magmula nang huling dalaw nito sa kanya ay hindi na ito ulit pumunta. Pero para sa kanya ay mas mabuti iyon. Pero kung sakaling pumunta na naman si Miss Villafuerte sa opisina niya ay dito na niya ito sasabihin na tapos na ang kanilang paglalaro.
Napalingon si Kyle nang may kumatok sa kanyang kwarto. Agad na itinabi niya ang laptop niya at pumunta sa pinto at binuksan ito. Laking gulat niya na si Hilda ito.
Sino ba naman ang hindi magugulat? Kanina pa itong wala sa bahay niya at kaduda-duda naman na simula na magtrabaho si Mildred ay umaalis na ito.
"Saan ka pumunta?" takang tanong niya kay Hilda.
Parang kabute na susulpot na lang ito sa kanya.
Pinapasok ni Kyle si Hilda sa loob ng kwarto niya at isinara niya ang pinto.
"May sasabihin ako..." Malungkot na panimula na sabi ni Hilda sa kanya.
"Bakit? May nangyari bang hindi maganda?" normal niyang tanong.
"Nagkasakit kasi si mama. Kailangan kong bantayan si mama. Nandito naman si Mildred at siya muna ang magbabantay sa iyo."
At yumakap si Hilda sa kanya at humagulgol ito ng iyak. Inalo niya na lang si Hilda.
"Naiintindihan ko. Magkano ang gastos sa ospital?" tanong naman niya.
"25,000," mabilis na sagot ni Hilda sa kanya.
Kumalas ng yakap si Hilda sa kanya. At tumingin ito sa kanya. "Bago ako umalis... Pwede bang gawin na natin itong huli? Mami-miss ko itong alaga mo." Sabay himas nito sa alaga niya.
Gustuhin man na tumanggi ni Kyle, ngunit, baka magtaka ito sa kanya.
Ano pa bang magagawa ni Kyle kundi ang pagbigyan si Hilda.