ROMANCE NOVELLA V. 1 series #3
SUDDENLY AT THE COURT ROOM
Copyright © by lucky_patch (2022)
The moral right of the author has been asserted.
DISCLAIMER. This is a work of fiction. All names, characters, businesses, places, events and incidents in this story are either product of the author's imagination or used in fictitious manner and any resemblance to actual person, living or dead, or actual events is purely coincidental.
~
Si Adley. The perfect man with a perfect life. Si Raj. The lost man in the midst of revenge. Si Alexa. The gorgeous mysterious woman. Si Rico. The carefree guy. Bawat isa ay may itinatago. Bawat isa ay may pinaglalaban. Bawat isa ay may inaasam. At bawat isa ay may nais mapatunayan. Their world's would about to collide suddenly at the court room.
~
CHAPTER SIX: An Eye for an Eye
Continuation…
~~
TAHIMIK ang buong kapaligiran ng Holy Place Cemetery. Sa gitna ng malawak na libingan ay tahimik na nakatayo si Raj. Nakatingin siya sa marmol na lapida na may nakaukit na 'In loving memory of Stella Lorraine Jones' at sa ibaba nito naman ay nakaukit ang pangalan ng kanilang unborn child na si 'Flaine Rafaela Jones Al Sharif'. Sa loob ng tatlong taon ay tuwing linggo niyang binibisita ang puntod ng kanyang mag-ina. Nag-aalay siya ng tulips, ang paboritong bulalak nito at chocolate para sa anak o di kaya'y nagsisindi naman ng kandila na hugis tulip at hugis teddy bear.
"Malapit mo ng makamit ang katarungang ipinagkait nila sa iyo, Lorraine. I can't wait for that day to come. Ang araw ng pagbagsak niya. Hawak ko na ang mga armas na kailangan ko para magbayad siya."
Mahigpit na naikuyom ni Raj ang mga palad at pilit pinipigilan ang matinding emosyon na nadarama.
"Sabi ko na nga ba at dito kita makikita."
Napalingon si Raj sa biglaang pagsasalita mula sa kanyang likuran at nakita ang isang lalaking naka-americana at may hawak na suitcase. Naka-poker face ito habang naglalakad palapit sa kanya. Walang emosyon ang makikita sa mukha nito.
"Naij, anong ginagawa mo rito?"
Si Naijel Fontana, ang kaibigan niyang may-ari ng isang island village sa Cebu. Ngayon, kasama niya ito dahil may inaasikaso ito rito sa Manila. Kasama rin nito ang pinsang si Cypher na siyang kasama niya sa law firm at nagsisilbing assistant niya.
"Dumating kanina ang kliyente mo at hinahanap ka. Wala si Cy doon at sakto naman ang pagdating ko. Importante daw kasing makausap ka nila. May witness daw sila para sa kaso."
"Anong nangyari?"
"Walang nakaka-alam kung nasaan ka kaya nag-iwan na lang sila ng note. Sabi doon, pumunta ka na lang sa bahay nila mamaya. Pumunta ako sa SMCU pero sabi ni Dr. Ortega ay nakaalis ka na. Tinatawagan ko naman si Cy pero hindi sumasagot. It just came into my mind na nandito ka. And I was right."
"Thanks pare."
Napadako ang mga mata nito sa mga lantang bulaklak sa ibabaw ng puntod.
"Palagi ka rito?"
"Tuwing linggo."
Pinagmasdan ni Naijel ang mukha ng kaibigan. Nakalarawan pa rin dito ang matinding kalungkutan. Sa loob ng tatlong taon ay inakala niyang tuluyan na nitong nakalimutan ang sakit na dulot ng pagkamatay ng fiancée nitong si Lorraine at sa unborn child nila. Ngunit nagkamali pala siya. Ang mga tawa at ngiti nito ay paraan lamang upang maitago ang tunay talaga nitong nadarama.
"Raj, kaya mo ba kinuha ang case na ito, is it because of Lorraine?"
Hindi sumagot si Raj at nanatiling nakatutok ang tingin nito sa puntod ng fiancée. Ngunit sapat na ang hindi pagsagot ng kaibigan sa kanyang katanungan upang matiyak na ang sagot nito ay "oo". Napabuntong hininga na lamang si Naijel.
"That case was already closed, Raj. Tatlong taon ng tapos ang kasong iyon. Maybe the suspect did not rot in jail, but God has plans on him upang magbayad sila sa ginawa nila kay Lorraine at sa anak ninyo."
"Hindi pa tapos ang kaso, Naij. May isa pang kriminal ang hindi pa nagbabayad sa kanyang kasalanan. Ang Eshaanth Adley Marquees na iyon!"
"But, Raj. He just did his job as the suspect's lawyer. Hindi naman pwedeng wala siyang gawin. After all he is still their lawyer."
"Tungkulin ba na mga lawyer na hayaan at tulungan ang mga kriminal na makalaya? Tama bang hayaan natin ang ganoong klaseng tao para muling gumawa ng mga masasamang bagay?"
"Parte lamang siya sa sistema ng judicial court. Wala siyang kapangyarihan para pigilan ang anumang bagay. He is a lawyer. At nagkataon na ang mga suspect ang naging kliyente niya."
"Kabaliwan!"
Tumaas na ang boses ni Raj dahil sa halu halong emosyon na nararamdaman.
"Kung tunay ngang naniniwala siya sa justice and truth ay sana hinayaan na lamang niya ang kasong iyon. Pero hindi ganoon si Adley Marquees. Wala siyang pakialam kung sino man ang idinidepensa niya sa korte, inosente man o hindi. Ang mahalaga sa kanya ay ang kasikatan na idudulot sa kanya oras na maipanalo niya ang kaso."
Hindi na muli pang nakaimik si Naijel. Hinayan niya lamang ang kaibigan na magsalita at ilabas ang saloobin nito.
"Ang isang Eshaanth Adley Marquees, ay isang walang puso. Ang mga katulad niya ay walang ipinagkaiba sa mga kriminal na nakagawa ng masama sa kapwa. Dapat din siyang magbayad ng mga kasalanan."
"At kung sa inaakala mo ay makakaganti ka sa kanya sa pamamagitan ng pagtanggap ng kasong ito?"
Isang ngiti lamang ang iginawad na sagot ni Raj sa kaibigan. Isang ngiti na punong puno ng galit at pagkasuklam.
"Oo. Because I will make sure that I will get everything from him. His popularity, the cases that he will be holding, and most of all, I will not let him win any case na hahawakan niya. Sisiguraduhin ko na babagsak siya at hindi muling makakabangon pa."
"Isang suntok sa buwan ang gagawin mo, Raj. Napakagaling na lawyer ni Adley Marquees. Wala pa siyang kasong hindi naipapanalo."
"Dahil hindi pa niya ako nakakaharap Naijel. Kung ang ibang mga lawyer na nakakalaban niya ay napapaikot niya sa kanyang mga palad, pwes ako hindi. Dahil kilala ko na siya. Two years ko siyang sinubaybayan. Two years kong pinag-aralan ang mga paraan niya para mapawalang sala ang kliyente niya. Kaya sinasabi ko sa iyo, sa paghaharap namin sa korte ni Adley Marquees, tiyak na ang pagkatalo at kabiguan niya."
"Paano kung inosente talaga ang mga naging kliyente niya?"
"Hindi, Naij. Ang mga kliyente niya ay kasing guilty ng mga pumatay sa fiancée ko."
~ END OF FLASHBACK ~
~
To be continued...
~
Up Next...
Chapter Seven: Adley's Vengeful Plan I
~
ROMANCE NOVELLA V. 1 series #3
SUDDENLY AT THE COURT ROOM
© lucky_patch 2022