MAG-MULA PA KAGBI, heto ako tulala pa din sa aking kwarto. Hindi makatulog.
Hindi pa din ako makapaniwala na nangyayari ito ngayon sa amin ni Aiden.
Ang hirap tanggapin na ang lalaking mahal na mahal ko.
Ang lalaking inaasahan kong tutupad sa mga pangako na papakasalan ako matapos ang engagement na nangyari sa amin two years ago.
WALA NA.
BUMITAW NA SA HINDI MALAMAN NA DAHILAN.
Hindi ko alam ang dahilan. Iniwan akong nakalutang.
Umaasa pa din na sana panaginip na lang ang lahat ng ito.
Sinampal ko ng mahina ang aking sarili.
Nakakalungkot lang na totoo ang lahat ng nangyari.
Iniwan na niya ko.
Bigla kong naalala kung paano siya nag-propose sa akin noong Graduating Student pa lamang kami.
Flashback
2 years ago.
Andito kami ngayon sa bahay namin na masayang magkasama katulad ng nakasanayan na namin na pagkagaling sa school.
Pagkahatid niya sa akin sa bahay namin, hindi siya agad nauwi para mahaba pa ang oras ng pagsasama namin.
Habang nagpapahinga at nanunuod kami ng movie sa TV sa living area ay nabigla ako sa kanya nang may inabot siya sa akin na "mini message bottle" ata tawag dito na may nakalagay na apat na maliliit na papel sa loob nito.
Tinignan ko siya ng pagtataka pagkaabot ko ng mini bottle na yun.
"Ano ito?" Tanong ko habang nagiisip ng kung ano bang okasyon meron ngayon.
Ito talagang Fïancè ko ang daming pakulong surprises e na sobrang nagustohan ko sa kaniya.
Ngumiti lang siya sa akin bilang tugon sa tanong ko.
"Teka, ano ba ito? Di naman natin Monthsary o kaya Anniversary? At lalong hindi ko Birthday para bigyan mo ko ng ganito?" sunod-sunod kong tanong dahil sa buong pagtataka ko.
"Buksan mo na lang yan,Ai at basahin.". Nakangiting sabi niya sa akin habang nakatingin sa mga mata ko.
Kinakabahan akong buksan ito.
Ano ba nakasulat sa mga ito?
Sinimulan ko ng buksan ang "Mini Message Bottle" na hawak ko at tinaktak ang laman nitong papel.
Pagkatingin ko sa mga nakarolyong papel ay may isang iba ang kulay. Kulay yellow ang nag-iisang kulay at ang tatlo ay mga green.
"Bakit may ibang kulay yung papel? " takang tanong ko kay Aiden.
"Basta, yan ang pinakahuling message ko."aniya.
Kaya inuna ko na ang unang papel na Green.
Pagkabuklat ko ng unang maliit na papel ay agad akong napahinto at napatingin kay Aiden na siyang nakangiti lang.
"Wag mo kong iiwan ha, Takot ako e. Happy 5th Anniversary!!! I Love You!!" unang mensahe niya at may pirma pa talaga niya kaya natawa ako ng bahagya.
Umiling ako. "Hinding-hindi kita iiwan" pagkatingin ko sa kanya.
Kinakabahan ako sa mga oras na ito.
Agad na tinignan ko ang pangalawang papel.
"I Do Love You Forever ♥︎"
Napapalunok ako sa mga nababasa ko, parang alam ko na ito. But I don't want to assume too much baka masaktan lang ako.hahaha
Kaya tahimik kami na naghihintay ng kung ano ang mga susunod na papel na mababasa ko kung ano man ang laman nito.
"MAHAL NA MAHAL KITA, BELLA AISHA KO!!♥︎"
Nangininig ako ng mabasa ko ito at napaluha. Pagkatapos ay agad ko nang tinignan ang huling papel na iba ang kulay.
" YES or NO? Aisha ko!
.
.
.
.
.
.
" Will You Marry Me?? "
Literal na huminto ang puso ko sa pagtibok sa huli kong nabasa. At nagulat na lang ako ng lumuhod siya sa harapan ko at inilahad ang singsing na dala niya.💍
"Ai, will you marry me?"
Napaluha ako lalo sa nangyayari ngayon sa tuwa.
Hindi ito yun dream wedding proposal ko pero sobrang saya ng nararamdaman ng puso ko.
Hindi ko maipaliwanag kung gaano ako kasaya ngayon. Hindi ko inaasahan ang lahat ng ito kahit pa na nangangako na siya sa akin palagi na papakasalan niya ako. Na ako ang gusto niyang makasama hanggang sa pag-tanda at bubuo ng masayang pamilya.
Hindi ko inaasahan na mag-mamahal ako ng ganito kasobra.
"YES, Ai. YES! " sagot ko sa proposal niya.
At agad niyang isinuot ang singsing na dala niya para sa akin.
"Thank you,Ai, thank you." aniya habang yakap yakap niya ako.
"Mahal na mahal kita,Ai."
At agad ko siyang hinampas ng maalalang 'di namin anniversary ngayon.
"Hmm..?" natatawang tanong niya habang nakahiwalay ng kaunti at nakatingin sa akin ng nakangiti.
Why he's so sexy? Kahit hmm lang ang sinabi niya.
Agad ko siyang inirapan at sinabing, "Hindi natin Anniversary ngayon." Pagmamaktol ko.
Agad naman siyang natawa sa sinabi ko.
Bakit ang sexy niyang tumawa? Lalo tuloy siyang gumagwapo.
"Advance yan kasi hindi na ako makatiis na dumating ang anniversary natin bago ako magpropose..Naexcite kasi ako." Pag-amin niya na ikinatawa namin pareho.
End of Flashback...
Nasaan na kaya ang lalakeng nangako sa akin two years ago at nag-sabing hindi ako iiwan?
Yung lalakeng mahal na mahal ako.
Isip-isip ko habang muling pinupunasan ang mga luhang kumakawala sa mga mata ko.
Hindi ko akalain na mag-mamahal ako ng sobra.
Sobra pa sa pag-mamahal ko sa aking sarili.