Prolouge
Kung sakaling ikaw ay lalayo~
Dalhin mo na rin pati ang puso ko~
"Pvtragess! Ang aga-aga nambubulabog!"
Inis akong bumangon at niligpit ang pinaghigaan ko bago pumasok sa banyo para maligo. At nang matapos na 'kong maligo ay nagbihis na agad ako ng school uniform bago lumabas ng kwarto at tumungo sa kusina.
"Good morning, mudra!" masiglang bati ko kay mama na naghahanda ng almusal namin.
"Good morning clay-clay ko. Halika na rito at para makapag-almusal ka na."
Naupo na ako sa upuan ko at nagsimula nang kumain.
"Ayu, bilisan mo at malelate na tayo!"
"Oh, nand'yan na si Cristelle sa labas...Teka at tatawagin ko," tumayo naman si mama at nagtungo sa labas.
"Maupo ka muna r'yan Elle, ha?" ngumiti naman siya at tumango.
Binilisan ko nalang ang pagkain ko dahil ayaw n'yan ng pinaghihintay siya.
"Tara na. Ma, alis na po kami." paalam ko
"Sige, mag-iingat kayo."
Naglakad na kami palabas ni Elle.
"Ang aga namang videoke 'yan. Hulaan ko, 'yan nagsilbing alarm clock mo 'no?" tanong niya saka tumawa.
"Nakakabwiset nga eh, panira ng panaginip." sagot ko na ikinalakas ng tawa niya.
"Si Kreios na naman 'yan 'no?" tanong niya. Ngumiti lang ako.
"Kailan mo ba titigilan 'yan? Eh alam naman natin pareho na si Nixie ang gusto niya."
"Hayaan mo na kasi ako, bakit hindi mo nalang ako supurtahan?" tanong ko.
"Paano kita susupurtahan kung alam kong nasasaktan ka?" napatahimik naman ako sa sinabi niya.
"A-Ano ka ba, Elle! As long as hindi mo 'ko nakikitang umiiyak, hindi ako nasasaktan." utal na wika ko.
"So? Aantayin ko pang makita kang umiiyak para malaman kong nasasaktan ka na?"
"H-Hindi naman sa gano'n," nakatungong sagot ko.
"Ayu, bilang bestfriend at pinsan mo... Ayaw na ayaw kitang nasasaktan, kasi kung nasasaktan ka mas nasasaktan ako." sambit nya.
"Sorry, pero masisisi mo ba ako? Hulog na hulog na 'ko kay Kreios."
Bumuntong-hininga naman siya.
"Sige pagbibigyan kita... Pero, once na makita kitang umiiyak dahil sakaniya hindi ako magdadalawang isip na sugurin siya."
Napatawa naman ako.
"Seryoso ako, Ayumi, ha." mataray na sabi niya.
"Thank you, Elle. Kaya love na love kita eh." tawa ko, umirap naman siya.
Agad na kaming sumakay nang makarating kami sa sakayan. Maya-maya pa ay nakarating na rin kami ng school kaya naman agad na kaming nagbayad at agad ding bumaba ng tricycle.
Papasok na kami ng room nang masalubong namin si Czavea.
"Oh? Andito na pala 'yung magpinsang chaka." maarteng usal niya.
Napatawa nalang ako.
"Chaka? Sinasabihan mo ba 'yang sarili mo?" tanong ko.
"How dare you?" akmang susugod siya sa 'kin nang may magsalita sa likuran niya.
"What's happening here?" malamig na tanong niya.
Tumakbo naman si Czavea papunta kay Kreios.
"Krei, inaaway nila ako." sumbong niya.
Tss. Apaka-arte.
"Ikaw nga 'tong bigla-biglang sumusulpot, eh." sabat ni Elle.
"Tara na, Elle. 'Wag natin pag-aksayahan ng oras 'yang babeng 'yan." sabi ko saka hinila si Elle.
"Ang epal talaga ng panget na 'yon." asar na sabi ko.
Tumawa naman siya.
"Ang tapang pero no'ng dumating si Kreios tiklop naman." pang-aasar niya saka malakas na tumawa.
"Aba syempre dapat mabait ako sa paningin niya." napa-iling naman siya sa isinagot ko.
"Alam mo, nagtataka pa rin ako kung bakit Ayumi ang ipinangalan sa 'yo ni tita."
"Bakit naman?" nagtatakang tanong ko.
"Kasi kabaligtaran ng ugali mo 'yang pangalan mo."
"Ano naman? Atleast maganda pangalan ko gaya ko." sabi ko saka tumawa.
"Ewan ko sa 'yo." umirap naman siya kaya mas lalong lumakas ang tawa ko.
"Yo! Magandang umaga dalawang magandang dilag." masayang bati sa 'min ni Kenzo.
"Anong maganda sa umaga, aber?" tanong ko.
"Ikaw syempre," sagot niya saka kumindat.
"Tumigil-tigil ka nga Kenzo! Umagang-umaga ha." usal ko saka inirapan siya.
"Pakipot ka pa naman Yumi babes."
Sinamaan ko siya ng tingin saka paulit-ulit siyang pinaghahampas.
"Ah-aray! T-Tama na Yumi... Sorry na, joke lang naman 'yon eh. Ouch!" daing niya.
"Bwiset ka kasi! Ang pangit na nga ng umaga ko mas lalo mo pang papapangitin!" singhal ko.
"Peace na tayo hehe." inirapan ko nalang ulit siya saka lumakad na 'ko papunta sa upuan ko.
Tumatawa habang umiiling naman si Elle no'ng tinignan ko siya.
Hanggang sa pumasok na si ma'am at kasunod si Kreios.
"Tara na...Recess na tayo." aya ni Kenzo at nauna nang umalis.
"Mukha talagang pagkain 'yan." umiiling na sabi ni Elle.
"Sinabi mo pa." sang-ayon ko saka sumunod na kay Kenzo
"Ang tagal niyo naman. Kanina pa ako nagugutom eh." reklamo niya.
"Eh tanga ka pala eh. Kanina ka pa pala gutom tapos hindi ka pa bumili ng pagkain mo!" bulyaw ko sakaniya.
"Hoy Elle, anong ginawa mo rito sa pinsan mo at ang init-init ng ulo?" nakangusong tanong niya kay Elle.
"Nakasalubong kasi namin kanina si Czavea kaya ayan, badtrip."
"Mag order na nga tayo." sabi ko at naunang pumunta sa counter para mag order.
Nang matapos kaming umorder, naghanap na kami ng mauupuan namin.
"Dito na tayo," naunang umupo si Kenzo kaya umupo na rin kami.
Nasa kalagitnaan kami nang may marinig kaming ingay. Nahinto ako sa pagsubo nang mahagip ng mata ko si Kreios kasama mga kaibigan niya habang nagtatawanan. Shit! My hart.
"Isara mo bibig mo baka may pumasok na langaw."
Inalis ko ang tingin ko kila Kreios at tinignan si Kenzo nang masama.
"Pa epal ka talaga 'no?" inirapan ko nalang siya at ibinalik ang tingin kila Kreios na naka-upo na ngayon.
"Ikaw nalang nahuli, Ayumi. Hindi mo ikakabusog ang pagtitig sa kaniya kaya tigilan mo na ang pagtitig sa kaniya at kumain ka na."
"Alam niyo kayong dalawa... Malapit ko na kayong pagbuhulin. Panira kayo eh." inis na sabi ko sa dalawa.
Wala akong nagawa kun'di ang ituloy nalang ang pagkain ko. Nang matapos kaming- ako lang pala kasi kanina pa sila tapos.
"Garden ulit tayo. Ken, kunin mo gitara mo." sabi ni Elle kay Kenzo.
"Sige, teka lang. Mauna na kayo sa garden." tumango nalang kami saka lumakad na papuntang garden.
Simula no'ng grade 7 kami, sa garden na talaga ang naging tambayan naming tatlo. Kasali rin kami sa music club, si Keanu (isa sa kaibigan ni Kreios) ang President at si Kenzo naman ang vpres. Maganda ang boses n'yang si Kenzo hindi mo nga lang mahahalata kasi loko-loko.
Nang makarating kami sa garden ay sakto rin namang dumating si Kenzo.
"Ano kakantahin mo?" tanong niya sa'kin.
"22 ni Taylor Swift." sagot ko napatigil siya saglit bago mag strum.
"It feels like a perfect night
To dress up like hipsters
And make fun of our exes
Uh-uh, uh-uh
It feels like a perfect night
For breakfast at midnight
To fall in love with strangers
Uh-uh, uh-uh~"
Pagkanta ko sa unang verse.
"Yeah, we're happy, free, confused and lonely at the same time
It's miserable and magical, oh yeah
Tonight's the night when we forget about the deadlines
It's time, oh-oh
I don't know about you
But I'm feeling 22
Everything will be alright if
You keep me next to you
You don't know about me
But I'll bet you want to
Everything will be alright if
We just keep dancing like we're
22 ooh-ooh, 22 ooh-ooh~"
Nang matapos akong kumanta nagkaayaan na kaming bumalik sa room dahil malapit nang mag time. Nauna ulit kami ni Elle dahil isasauli pa muna ni Kenzo 'yung hiniram n'yang gitara sa music room.