Kasalukuyan akong nakatayo sa malaking bahay. Sa gate nito ay may nakalagay na poster 'Maid for Hire'. Kinuha ko ito at pinindot ang doorbell.
Maya-maya rin ay may lumabas na gwardiya sa pinto ng gate.
"Ano pong kailangan niyo?" Tanong niya.
"Kukunin ko po ang trabaho na ito." Tinaas ko amg hawak ko sabay ngiti.
Tumango naman siya at pinapasok ako. Pagpasok na pagpasok ko ay may biglang sumalubong sa akin. Napaupo na lang ako sa gulat at takot.
"Prince! Princess!"
Dalawang golden retriever ang dumagan sa akin.
"Naku! Pasensya na po kayo, nakawala ang mga alaga ko."
Tinulungan ako ng babae na tumayo at pagpagan ang damit ko. Ang mga aso ngayon ay nasa likuran na niya.
"Ayos lang po. Nakakatuwa rin ang kasiglahan at kakyutan nila." Ngimiti pa ako.
Inabot ko ang kamay ko sa mga aso at nagpaamo naman sila. I suddenly miss Bubwit.
"Ganun ba? sige. Sino po pala kayo at anong sadya niyo rito?" Tanong niya at lumingon sa guwardiyang nasa likuran ko.
Inabot ko sa kaniya ang poster.
"Magaaply po sana ako. Mayroon pa ho bang bakante?"
Tumango siya at nilahad sakin ang daan.
"Lika sa loob. Si Manang ang kakausap sa iyo."
Sumunod na lang ako sa kaniya. Napahinto ako saglit ng nagpapabuhat ang isang aso sa akin. Napansin naman kami ng babae.
"Sige na, buhatin mo na. Mahilig sila magpabuhat kahit hindi pa nila kilala."
Ganon na lang ang ginawa ko, nangiti pa ako. Ang bango bango.
"Si princess ang buhat-buhat mo." Nakapasok na kami sa loob, salas ang sumalubong sa amin. "Si prince naman ung isa." Tukoy niya sa akong nasa paanan ko.
Dikit ng dikit sa akin. Nakakatuwa. They're so adorable. Lalo ko tuloy namiss si bubwit.
Pumunta kami sa kusina, may isang matandang nakaupo ata umiinom. Ito na ata ang sinasabi niyang manang.
"Manang, may maga-apply sa atin." Tawag pansin ng babae sa matanda.
Tumayo siya at ngumiti sa amin. Nilahad niya ang kaniyang kamay sa harap ko.
"Maaari ko bang makita ang papeles mo?"
Naalala ko bigla ang inihanda ni Sky. Ibigay ko raw ito kapag may hingin sa akin.
Binuksan ko ang shoulder bag kong medyo sira at kinuha doon ang document. Ibinigay ko rin sa kaniya ito.
"Mauupo ka muna. Senya, ipagtimpla mo siya ng..."
"Ahh.. Kape?"
...ng kape. Upo ka muna."
Umupo ako sa tabi ng inupuan niya kanina. Tinitigan naman niya ako. Bakit? Anong problema?
"Doon ka hija sa katapat."
Ooh, okay. Sabi ko nga. Lumipat na lang ako.
"Disi-otso, istudyante. Huminto ka hija? Bakit?"
Nakalagay sa papel ay hindi pa ako nakakapagtapos ng highschool. Grade 12 na sana ako pero hindi ako makakapasok dahil sa tumakas.
"Wala po kasi akong pera kaya maghahanapbuhay muna ako para makaipon." Saad ko. Tumahimik ng kaunti ang matanda at nagsalita rin.
"Kami magbabayad ng gastusin. Pumasok ka, mag-aral ka, pag-uwi tsaka ka magtrabaho. Kesa naman hija huminto ka at sayang din ang taon."
Napakabuti ng puso niyo Manang, sana lahat katulad mo. Sana ako rin.
"Hindi na po, salamat na lang. Maghahanapbuhay muna po ako." Napatitig ang matanda sa akin at nakunot ang noo.
"Bakit ka tumatanggi? Itong si Senya ay nasa kolehiyo na, pinag-aaral namin siya kapalit ay nagtratrabaho siya rito sa bahay."
"Natutuwa at pinagpapasalamat ko po ang tulong niyo, napakabait niyo po, pero salamat. Hindi ko po matatanggap. Nahihirapan po kasi akong pagsabayin ang trabaho at pag-aaral kaya ganon." Paliwanag ko at mukhang naintindihan naman niya ka agad.
"Sige, hindi na kita pipilitin." Ngumiti na lang siya.
Nagpatuloy siya sa pagbabasa nang maagaw ang atensyon namin sa nagsalita.
"Kakain na daw ang Senyor." Mula sa isang matandang lalake.
"Nasaan na ang Senyor?" Tanong ni Manang.
"Pababa na."
Napalingon naman sa akin si Manang.
"Pakisabi'y may tao. Ihahatid na lang sa kaniyang kwarto ang tanghalian."
Tumango sa kaniya ang matandang lalake at umalis na. Hanggang ngayon nandoon parin ang paningin ko sa pwesto nung lalake. Senyor ang kasama nila dito, sino pa kaya? Nakalimutan kong itanong kay Sky kung sino ang amo nila.
Kinuha ni Manang ang atensyon ko at ibinigay sa akin ang dokumento.
"Saan ka nga ulit lumaki? Nakalimutan ko ang nakalagay dyan."
Nagkatitigan na lang kami. Nanghuhuli ba ang matandang to? Nakasulat naman diyan kung saan eh! Tignan niya na lang ulit. Hindi ko matandaan, patay. Saan nga ulit? San Pedro? San Ildefonso? San Rafael?
"San Miguel po." Saad ko at sana tama ako.
"Hmm. Sige." Tinignan niya ang kabuuan ko. Bakit? May problema ba? "Tanggap ka na. Senya, samahan mo siya sa matutulugan niya at ituro mo na ang mga dapat niyang gawin." Baling niya kay Senya. Ate Senya, dahil mas matanda siya sa akin.
Ngumiti ako kay Manang at nagpasalamat bago sundan si Ate Senya.
Lumabas kami ng kusina at papunta sa ilalim ng hagdan. Napatingin ako sa second floor, isa sa mga kwarto dyan ang kwarto ng Senyor. Nagpatuloy lang kami sa paglalakad hanggang sa makapasok kami sa tinutuluyan ng mga kasambahay.
Sa ngayon walang tao at dalawang double deck ang mayroon, kaya apat na higaan.
"Dalawa lang kami rito ni Manang dahil ang senyor ay hindi mahilig sa maraming tao. At wala rin kaming espisipikong damit, kung ano ang damit na mayroon ka ay pwede na yun. Kapag naayos mo na ang gamit mo saka ka lumabas sa garden at tulungan mo ako doon." Lintana niya saka umalis.
Pwede na, maayos naman, malinis. Malaki o sakto rin para saming tatlo. Mabango rin.
Napili ko ang higaan sa baba na may kulay puting punda, sa tingin ko'y walang nagamit nito dahil kaparehas lang nang sa taas. Iyung isa kasing double deck ay sa taas may color pink na punda sa baba naman variety of colors ang meron. Siguro kay Manang.
Isinampa ko ang dalawang bag ko roon at tumingin nang mapaglalagyan ng damit. May nakita akong apat na drawer na magkakatabi. Binuksan ko ang una at may laman. Malaking panty at bra, sa matanda ito. Sinarado ko ito ka agad. Next ay may laman namang abubot, mga pabango. Kay Ate Senya. Ang pangatlo ay walang laman, kaya napagdesisiyonan kong doon na lang ilagay ang mga gamit ko.
Nakalimutan ko. Nandito pa pala ang dalawang aso, nakatingin sa akin.
"Maganda ba ako? Starstruck? Tulo laway ka pa Prince." Tukoy ko sa asong walang ribbon sa ulo, kapag may ribbon kasi ay si Princess. "Meron na kayong magandang kasambahay. Sexy pa." Kindat ko pa.
Naloloka na lang ako sa pinagagawa ko. Pinagpatuloy ko na ang pag-aayos. Nang matapos ay lumabas na ako kasama ang dalawang aso at tinungo ang garden. Nasa gilid lang naman ito ng bahay. Nakita ko naman na nagwawalis si Ate Senya.
"Ate!" Tawag ko. "Iniwan mo na po sakin mga alaga mo." Natatawa ko pang saad.
Lumingon naman siya sakin.
"Nagustuhan ka eh. Hindi na yan hihiwalay sayo. Hahahaha." Natatawa na rin siya.
Tinulungan ko siyang mag walis at nag dilig na rin kami. Nagtanim na rin ng mga panibagong halaman, nang may maramdaman ako.
Napalinga-linga ako kasi tingin ko'y may nakatingin sa akin. Bigla na lang akong napa-angat ng tingin at di sadyang makita ang kurtinang gumalaw sa isang bintana.
Hinangin siguro, bukas yung binata eh. Guni-guni lang siguro.
Nagpatuloy na lang ako sapagbubungkal at naglipat ng mga halaman sa bagong paso. Hapon na nang matapos kami at napag desisyionang pumasok para makapagpahinga. Naupo ako sa sofa pagkapasok, si Ate Senya naman ay dumiretso sa kwarto namin na lumabas din ka agad.
"Maliligo lang ako, ikaw rin. Pagkatapos tulungan mo akong magluto ng hapunan. Masakit ulo ni Manang, hindi makakakilos yun." Tsaka siya bumalik sa kwarto.
Kawawa naman ang matanda. Naalala ko tuloy si Sky, she has soft spot on elders. Tatakbo agad 'yun sa matanda kapag nandito siya. Lagi ko na lang siya naalala, sabagay. Siya lang naman lagi kong nakakasama.
Lumapit sa akin ang dalawa aso, naamoy na ako. Nilaro-laro at nilambing ko sila nang biglang tumahol. Tahol ng tahol habang kumakawag ang buntot. I feel like they're barking at someone upstairs. Kaya lumingon ako doon. Nakita ko ang isang lalaking nakatuyo sa parteng madilim.
Is it Senyor?