Kabanata 01
Roommate
PUMASOK AKO sa unang klaseng may malalim na iniisip tungkol doon sa sinabi ni Leo na si Taglagas. Hanggang doon, dala-dala ko ang isipin kung may gano'n ba talagang pangalan ng tao.
Ngayon lang kasi ako nakarinig ng ganoo'ng pangalan. Kakaiba at nakakapagtaka pakinggan.
Kalaunan, ako na rin ang sumuko sa pag-iisip sa Taglagas na iyon o kung sino man siya. Hindi ko siya kilala at wala akong rason para kilalanin siya.
Siguro dala lang ito ng pagbabago sa sarili ko kaya ako nagkaka-interest isipin ang lalaking tinutukoy ni Leo.
Dati akong straight, pero ngayon hindi na. Gumising na lang ako isang araw at iba na ang gusto ko. Lalaki na. Hindi ko alam kung nakulam ba ako o nasamaligno basta ang alam ko lang, hindi na ako nagkakagusto sa babae...
Napabuntong hininga ako.
Hindi pa ako sanay sa pagbabago kong ito, dahil ang lahat nang nangyayari sa akin ngayon ay puro bago sa pananaw ko dahil dati naman, hindi mismo sumasagi sa isip ko ang mga lalaki. Ngayon lang.
Nakakatawa lang dahil ako yung tipo nang lalaki na galit sa mga kapwa ko lalaki tapos ako pa iyong ginawang ganito. Karma ko ba ito? Ewan.
Basta ang alam ko, galit pa rin ako sa mga lalaki. Hindi ko nilalahat, pero karamihan sa kanila sinusuka ko dahil sa opinyon ko, kagaya sila ng Papa kong lasingero, nanakit ng asawa, at masasama.
Siguro nga ngayon na bumaliko na ako may posibilidad na magkagusto ako sa isa sa kanila kaya nababawasan na nang paunti-unti ang pagkasuklam ko. Pero, wala paring magbabago sa paniniwala ko na ang karamihan sa mga lalaki — Gago.
Tulad ng Papa ko.
Natapos ang panghuli kong klase ng hapon. Winala ko na sa isip ko kung sino ba iyong si Taglagas dahil wala naman akong mapapala kung iisipin ko siya ng iisipin.
Paglabas ng room, naabutan ko si Leo na naka-abang sa harap mismo ng pintuan ng classroom namin. Nakasandal sa pader at may mapaglarong ngisi. Kinawayan niya ako ng magkasalubong ang mga mata naming dalawa.
Nilapitan ko siya. "Oh, L-Leo? Bakit nandito ka?" taka kong tanong sa kanya.
Inakbayan niya agad ako at ginulo ang buhok ko. Tinitigan ko siya ng masama. Tumawa siya bago sumagot.
"Wala lang, gusto ko lang i-check kung sino ba yung bagong pinagchi-chismisan ng buong engineering department na hotty freshmen 'daw," patuya niyang sabi sa akin bago alisin ang braso sa balikat ko at inunahan na ako sa paglalakad.
Tumayo naman ako ng tuwid at pasimpleng kinilatis ang buong paligid. Napalunok ako ng mariin nang makita ang maraming matang nakatitig sa gawi ko. Ang iba ay nahuli ko pang nagbubulungan habang pinagmamasdan ako.
Hindi ko alam kung anong meron sa mukha ko at kung bakit ganito na lang sila kung makatitig. Noong high school, ganito rin ang mga schoolmates ko sa akin pero mas maraming mata ata ngayon kesa dati.
Nakakaramdam agad ako ng hiya...!
Kanina ko pa ito nararamdaman simula nang pumasok ako sa engineering building kasama si Leo pero akala ko guni-guni ko lang kasi ang buong atensyon ko kanina ay na kay Taglagas.
Ngayon ko lang napansin na tama pala ang kutob kong kanina pa ako pinag pyi-pyestahan ng maraming tingin!
Sa sobrang hiya. Patakbo kong sinundan si Leo para naman kahit papaano may panangga ako sa mga pukaw tingin.
"Sikat ka na agad Zain, ah! Grabe yang itsura mo! Pang out of this world talaga! Parang sakit kung kumalat yung chismis sa 'yo akala ko naman kung sinong freshmen," Pang-aasar pa ni Leo sa akin nang magkatabi kami ng tuluyan sa paglalakad pababa ng 1st year building.
"Sana iba na lang ang pagchismisan nila at wag na ako." Simangot ko sa kanya.
Lumitaw ang malaking paghanga sa mukha niya. "Ay, wow. Iba 'to, bakit? Ayaw mo bang pinagkakaguluhan ka ng lahat?" Kuryosong tanong niya pa.
Inilingan ko siya ng mabilis. "Ayaw,"
Napakunot ang noo niya. "Bakit? Isa ka bang anak ng mafia boss?" sa tanong na iyon. Natawa na ako at napa-iling.
"Loko, ayaw ko lang pagpyestahan ako ng mga ka-building natin, dahil aksayado lang ako ng oras sa kanila. Hindi rin naman ako attention seeker kaya ok lang kung anino lang ang trato sa'kin ng lahat, mas maganda pa nga 'yon, eh. Tahimik lang," simple kong sabi na ikinatungo-tungo niya at mukhang naintindihan niya na ang gusto kong college life.
Maingay si Leo kasama at sobrang daming kuwentong baon para hindi kami mawalan ng pag-uusapan. Natatawa na lang ako kapag mga katarantaduhan ang sinasabi niya. Kapag nagtatanong naman siya ng tungkol sa akin, sinasagot ko na lang siya.
"Eh??? May condo ka na!?" hindi niya makapaniwalang usal ng sagutin ko siya kung saan ako nakatira.
Simple akong tumungo. "Oo, binilhan ako ng parents ko ng isa, malapit lang siya dito actually unting byahe lang. Malayo kasi ang bya-byahihen kapag umuwi pa ako sa amin. Masyadong inconvenient at hussle, kaya nagpabili na lang ako. Saka, gusto ko rin kasing matutong maging independent, Leo."
"Edi... mag-isa ka na lang ngayon dito sa Manila??" Bato niya agad ng kwesto na ikinatawa ko ng bahagya.
"Hindi rin, kasi may kahati sila Mama bumuli nung condo ko. Iyon ang magiging room mate ko,"
"Ahh..." Kalaunan. "Edi mayaman ka pala talaga Zain 'no?"
"H-Huh? Hindi naman," tanggi ko agad sa paratang niya at umiling-iling pa ako.
Inirapan ako ni Leo at sa mukha niya ngayon, para bang nandidiri siya sa akin at naiirita.
"Sus! Pa-hamble ka pa! Eh, halata namang mayaman ka! Tignan mo nga! Bakit tayo nasa parking lot ngayon?" Usal niya at tinuro ang paligid kung saan huminto ang mga paa namin.
Ngumuwi ako at nagkamot ulo. Hindi ko na alam kung paano ko ipapaliwanag sa lalaking ito ang sarili ko. Para naman kasing sa itsura niya, kahit ilang ekplenasyon pa ang mang-galing mula sa bibig ko ngayon hindi niya iyon paniniwalaan.
Napabuntong hininga na lang ako.
"Oh, siya! Sige na. Mag-gagabi na, kita na lang tayo bukas!" talikod niya sa akin na pipigilan ko pa sana ang kaso kinawayan niya na ako patalikod.
Huminga ako ng malalim bago pumunta sa kotse kong kabibigay lang sa akin noong nakaraan ni Tito Vic. Pinatunog ko ito at agad na sinakyan para maka-uwi na sa condo.
Tito Vic. Ang bagong asawa ni Mama pagkatapos kay Papa at ang tumatayong step-father ko at tumatayong ama ng bunso kong kapatid na si TJ.
Mayaman si Tito Vic at sobrang bait. Nagkagusto siya kay Mama na dati niyang secretary at nauwi sa pagpapakasal. Si Tito Vic lang ang tinuturing kong iba sa lahat ng lalaki. Hinahangaan ko siya at ginagalang dahil kahit na may anak na si Mama, tinanggap niya pa rin ito ng buong-buo at walang pag-aalinlangan. Minahal niya ito ng sobra-sobra pati na rin ako. Tinuring niya akong parang tunay na anak, kaya tatay na rin ang turing ko sa kanya.
Minsan nga... iniisip ko, bakit hindi na lang siya ang naging totoo kong ama. Bakit iyon pang walang kuwenta at patapon ang buhay ang naging Papa ko.
Napadiin ang kapit ko sa manibela sa byahe ng maisip ko iyon. Huminga ako ng malalim at kinalma ang sarili dahil wala namang patutunguhan kung magngingit-ngit ako ngayon sa pagkamuhi sa taong matagal nang wala sa buhay ko.
Nawala sa isip ko ang iniisip ng makapunta na ako sa tapat ng matayog na building kung nasaan ang condo ko. Tiningala ko ito ng may paghanga dahil sa sobrang taas nito na parang kayang kaya na abutin ng tuktok nito ang mga ulap sa langit.
Ngumiti ako bago imaniobra ang kotse ko papuntang parking lot. May nakasalubong pa akong valet pero tinanggihan ko ang alok nito dahil kaya ko naman i-drive ang sarili kong kotse papuntang parking lot.
"Hello Ma?" Sagot ko sa tawag ng saktong makapasok na ako sa elevator ng basement. Pinindot ko ang tamang palapag na binigay sa akin ni Mama kanina bago ako umalis ng bahay.
"Zain! Oh, kamusta ang unang araw sa Maynila? Masaya ba? Nagkaroon ka ba agad ng mga kaibigan?" excited nitong tanong.
Sinagot ko ang tanong ni Mama habang tinitignan ang red na number sa taas ng elevator na tumataas kasabay ng elevator.
"Opo Ma, sobrang saya po dito. Nagkaroon na rin po ako ng kaibigan. Isa. Madaldal pa nga, eh." natawa ako ng bahagya dahil naalala ko ang mukha ni Leo. Natawa rin si Mama.
"Mabuti naman kung gano'n anak! Akala talaga namin ni Daddy Vic mo ma-a-out of place ka d'yan sa Manila!"
"Ma, ok naman ako dito. Wag na kayong mag-alala sa 'kin, ok?"
"Sige 'nak, panatag na ako dahil may kaibigan ka na d'yan. Pero maiba tayo, nak," biglang um-excite ang boses niya. "Ano? Nakapunta ka na ba sa condo na binili namin ni Daddy Vic mo? Nagandahan ka ba? Nagustuhan mo ba?- Ang kwarto? Nalakihan ka ba o naliitan?"
Sunod-sunod niyang tanong kaya 'di ko na napigilang matawa. "Ma, kararating ko lang po sa building. Paakyat pa lang po ako doon. Kumalma ka."
"Ay anu ba 'yan! akala ko naman nandoon ka na. Basta, huh! Tawagan mo 'ko mamaya kapag nando'n ka na. Ako ang una mong balitaan, at huwag lagi ang Daddy Vic mo ang laging updated! Ako ang mama Zain Tan! Sinasabi ko sa 'yo!"
"Honey..." Rinig ko ang masuyong protesta ni Tito Vic sa kabilang linya kay Mama, dahilan para mapa-iling na lang talaga ako sa dalawang ito.
Nag-away pa sila kalaunan habang katawagan ako. Nagrereklamo si Mama kay Tito Vic dahil siya lagi ang ina-update ko. Kalaunan, si Tito Vic na lang ang nagparaya para kay Mama, dahil alam namin parehas na hindi ito titigil kung sasabat pa siya.
"Oh, basta Zain! Ako una mong tawagan ok? Yung mga gamit mo pala, nak. Nahatid na kanina d'yan ikaw na lang ang mag-ayos."
"Opo, Ma! love you." Ngiti ko.
"Love you too, Zain! Tumawag ka, ah!"
"Opo, bye!" huling hirit ko bago patayin ang linya. Sakto naman ng pagpatay ko ay ang pagbukas ng elevator kaya lumabas na rin agad ako sa floor kung nasaan ang suite ko.
"365... 365..." Bulong ko sa room number ko. Na sa kadulu-duluhan ko pa nakita.
Nilagay ko ang pass code na binigay sa akin sa digital na pintuan at agad itong na-unlock. Pagpasok ko, bumungad sa akin ang malawak na condo unit na may modern style design.
Malawak ang ngiti ko habang sinusuyod ang buong paligid. Unang tumama ang paningin ko sa medium range na kitchen na may bar table, hanging kabinet, black marmol lababo, at may high-tech appliances pa. Katabi ng kitchen ang long glass table na may anim na kahoy na upuang nakasuk-sok sa loob nito.
Sa sala naman, may long flat screen tv, long sofa, at wood bookshelf sa ilalim ng tv. Nandoon din ang mga kahong naglalaman ng mga gamit.
Marami ang mga iyon, kaya ibigsabihin hindi lang sa akin ang lahat ng iyon. Nang maisip ko iyon, sakto namang bumukas ang pintuan ng CR at niluwa nito ang isang nakatapis lang na lalaki at nagpapatuyo ng buhok gamit ang isang tuwalyang hawak nito sa isang kamay.
Nakatalikod siya sa akin kaya ang perpektong istraktura ng mga muscle niya lang sa likuran ang nakikita ko. Idagdag na rin ang magandang hubog ng kanyang pang-upo na tila bato dahil sa pagkaka-depina. Gumuguhit iyon sa tuwalya na nakasukbit sa kanyang bewang.
Napalunok ako ng ilang beses. Ilang ulit nag-tinaas baba ang mata ko sa likod niyang perpekto na tila ba isa itong sirang makina.
Ngayon lang ako nakakita ng ganito ka gandang likuran. Miske ako, kahit na may hubog ang katawan ko, nasisigurado kong hindi iyon ganito kaganda at kaperpekto tulad ng sa lalaking nakatalikod sa akin ngayon.
Umiwas ako ng tingin at umubo ng sadya. Agad naman lumingon ang lalaking nagmamay-ari ng perpektong likuran sa akin at halos maubos ang laway ko sa kakalunok ng makita ang guwapo niyang mukha at magandang pangangatawan!
Halos hindi ko mapigilan ang mata ko bumaba sa katawan niyang lantad at bulgar na bulgar. Para bang sumisigaw ito ng perfection at tila wala kang makikita dito na kamalian.
Tumagal ang titig ko sa perpektong naka-ayos niyang six pack abs at hindi ko alam sa sarili kung bakit bigla na lang kumalam ang sikmura ko. Mas lalo lang lumala ang gutom ko nang makapunta na ang tingin ko sa v-line niyang depinang-depina ang guhit. At bago pa mas lalong bumaba ang tingin ko sa hindi dapat tignan, tinaas ko na ang tingin sa nange-ngwestyon niyang mukha.
Hinagod niya ako mula ulo hanggang paa gamit ang kanyang madilim na titig. "Ikaw ba ang room mate ko?" Baritonong tanong niya.
Tumungo ako. Lumunok ng ilang ulit at naglahad ng kamay. "Z-Zain Tan, nice t-to meet you,"
Para akong napapaso ng umabante siya palapit sa akin. Suwabe niyang nilagay sa balikat niya ang tuwalyang hawak bago tinanggap ang kamay kong nakalahad.
Hindi niya tinanggal ang titig sa akin. "Autumn Joseph T. Salas Jr...
-pre."
Itutuloy...