XYLINE's P.O.V.
          Iminulat ko ang aking mga mata napakunot ang noo ko ng mapagtanto kong hindi pamilyar ang lugar, napatingin naman ako sa kaliwa ko ng mapansin kong may tao dun hindi ako nag kamali nakaupo sya sa isang bangko at malapit lang ito sakin at dahil sa takot ay bigla akong napaupo at napa atras. "S-sino ka?" Kinakabahan tanong ko sa tansya ko ay nasa 45 years old palang ito katulad ni papa.
Napatingin ako sa kinauupuan ko dahil naramdaman ko ang paglubog nito. Kama? Nasan ako? Hindi ba nasa kwarto ako ng dorm namin sa MU?
Tumingin ulit ako sa lalaking kaharap ko at katakataka na hindi man lang ito umalis sa pwesto dahil nanatili siyang nakatingin sa'kin. Maya maya ay bigla niyang tinaas ang kamay niya dahilan para yumuko ako dahil akala koay sasampalin ako nito pero hinawakan niya lang ang pisngi ko.
"You look like..." sinadya niyang hindi inutoloy ang sasabihin dahil sa sinuri niya pa ang kabuohan ng mukha ko hanggang sa tumingin naman siya sa mga mata ko at kitang kita ko ang kulay asul nitong mata.  "...your mom." Dagdag niya, nilipat nito ang kamay sa kamay ko at hinawakan pagkatapos ay bigla niyang hinalikan na nakatingin sa mga mata ko. Nang maramdaman ko ang malambot nitong labi ay napapikit ako at pinilit na alisin ang kamay ko sa pagkakahawak niya pero mas diniinan niya ang paghawak kaya napamulat ako ng mata at laking gulat ko na makita ang ibang mukha ng lalaki. Ang kaninang nasa 45 years old ay biglang napalitan ng 20 years old at hindi lang yun nakita ko pa sa itsura nito ang mukha ng lalaking nasa selda na may hiwa sa mata kahapon.
Ngumiti siya at maya maya ay tinutukan ako nito ng baril na hindi ko alam kung saan galing. Kaya kinabahan ako gusto ko man na umatras ay hindi ko magawa dahil sa parang nanigas ako sa kinakauupuan ko.
"You're a wonderful woman, You impressed me. But you are a traitor. " Diing saad niya dinikit niya sa noo ko ang labi ng baril na hawak niya at ramdam na ramdam ko ang malamig na bakal nito. "Farewell." nakita ko na ginalaw niya ang gatilyo kaya mas lalo akong kinabahan. 
"WAAAG--!Ouch!" Bigla akong napahawak sa ulo ko dahil sa pagkahulog sa kama, inis na napatayo ako. "Aissh! Panaginip lang pala! Kala ko naman katapusan ko na." Iritang saad ko at bumalik sa pagkakahiga sa kama. "Pero bakit ko naman napanaginipan yung lalaking nasa selda? Nakakainis naman! Tapos papatayin niya pa ako, ni hindi ko nga siya kilala! Kainis! Panira ng umaga!" Patagilid akong humiga at sa left side ang pinili ko dahil doon ako comfortable. Napapikit ako at inisip ulit kung anong itsura ng unang lalaki pero lahit anong pilit ko ah hindi ko na matandaan ang itsura niya.
Sino ba yun? Bakit pamilyar sa'kin ang lalaking yun. Hindi ko naman sila iniisip para mapanaginipan ko.
"Napaka weird naman ng panaginip ko, halatang hindi makatotohanan."
Napagpasyahan kong tumayo na lang at lumapit sa binta na. Napangiti naman ako ng makita na sobrang ganda ng panahon kaya binuksan ko ito. "GOOD MORNING!" Malakas na sigaw ko at maraming napatingin sa'kin dahil merong mga estudyanteng naglalakad na papasok na sa school. Nginitian ko nalang sila at kinaway. "Good luck sa class! Fighting!" Malakas na sigaw ko sa mga magbabarkadang nakita ko. Pero napangiwi naman ako ng sabay sabay nilang tinaas ang mga kamay habang naka f*ck you ang mga to sa'kin at sabay sabay na nagsitawanan.. "Tsk! Sila na nga pinapalakas ang loob!" Inis na bulong ko.
Umalis na lang ako sa bintana dahil baka batuhin pa ako. Pero hindi parin nawala ang mga ngiti ko.
Feeling ko malaya ako!
Naghilamos muna ako bago ako lumabas ng kwarto at nakita ko na ang dalawa na kumakain ng agahan.
"Ang aga aga Xyline sumisigaw ka d'yan." Puna ni Estella ng makita ako.
"Pinack you nga ako e," malumanay na saad ko na tinawanan naman nila. "Ano pagkain?" Tanong ko ng makaupo.
Si Zhonya ang sumagot. "Itlog at kanin. Walang tinapay." 
Nag Sandok ako ng kakainin ko at nakisabay na sa kanila. Maya maya ng matapos kami ay nagkwentuhan kami ng kung ano ano hanggang sa mapunta sa magiging section namin.
"Ah oo nga pala, binigay na sa 'tin kung ano ang magiging section nating tatlo." Biglang saad ni Estella at lumapit siya sa drawer at kinuha ang papel na nasa ibabaw lang. "Ito sayo," bigay niya kay Zhonya. "...at ito naman ang sayo," sunod non ang sa'kin na kinuha ko rin. May pinuntahan pa siya pero hindi ko na pinag-abalahang tignan dahil tinitignan ko ang inabot niya sakin.
'Section HN1 E?' Section E ako?'
Tinignan ko ang likod ng papel at wala namang kakaiba dahil wala namang nakasulat.
"Ito pa," Bigla akong napatingin kay Estella ng may inabot ito samin ni Zhonya. "Tag-iisa tayong bag, sagot na rin ng school nato." Nakangiting saad ni Estella, sabay naming kinuha ang bag na kulay itim.
Magkakaparehas kami ng bag at ganun din naman sa ibang estudyanteng nakita ko kanina ganito ring yung bag. Hindi kaya kami magkalito lito rito?
Bigla akong napatingin sa bandang baba ng bag ko dahil napansin ko ang kulay puti at nakasulat doon ang buong pangalan ko. Satingin ko naman ay hindi kami malilito.
Sunod kong ginawa ay binuksan ko ang bag dahil may laman narin ito dahil medyo mabigat at don ay nakita ko ang iilang notebook na kulay itim lahat ng cover at may ball pen at kung ano ano pa.
"Ang astig din ng school na to ah" Ngiting sabi ni Estella.
"Delikado naman yung school." Pangiwing saad ni Zhonya.
"Kung ako sa inyo gawin ninyo na yung mga dapat gawin sa mga papel na binigay sa tin." Saad ko na lang at kinuha ang gamit ko para pumunta sa kwarto. "Sa tingin ko wala naman tayong gagawin dahil sa lunes pa naman yung pasok natin." Sabi ko habang nakatingin sa kanila tumango naman sila bilang sagot.
Sabado ngayon at may isang araw pa bago kami pumasok, ang sabi rin kasi sa'min kahapon bawal kaming gumala hanggat hindi pa kami pumapasok dahil baka mapahamak kami.
Pumunta ako sa kwarto ko at kinuha ko ang papel na binigay samin ng principal at umupo sa study table. Ito yung papel na may mga level na kung saan tataas lang kung papatayin namin ang magiging puntirya namin. Nilagyan ko ito ng pangalan, section, at kung anong group sa mafia ako nabibilang.
MAFIA UNIVERSITY LEVEL
NAME: Xyline Villanueva
SECTION: Section HN1 E
MAFIA GROUP: Nexis
Napangiti ako ng matapos ko ang ginagawa ko, balak ko na lang ngayon ay kung saan ko siya ididikit dahil may sarili itong pandikit sa likod na kung saan tatanggalin ang plastic tapos ay pwede ng dumikit.
Naghanap ako ng pwede kong paglagyan. Pumunta ako sa drawer na pinag lalagyan ko ng mga gamit ko. Actually, hindi ko pa inaalis ang ilang gamit ko sa bag dahil pagod na pagod pa ako kagabi, tinignan ko ang drawer pero wala naman akong nakita roon. Kaya kinuha ko ang isang bag at inalis sa loob ng drawer. Baka dito meron.
Hinalungkat ko ang bag, at nakakita ako ng drawing book, mahilig kasi ako mag drawing kaya naisipan kong mag dala ng iilang gamit pang drawing. Kinuha ko iyon at tinignan kung pwede ko bang pag lagyan, pero napangiwi lang ako dahil luma at madumi na. Baka mandiri lang ang mga nakakataas pagbinigay ko to, at isa pa gamit na rin. Wala na bang iba?
Tumayo ako para kuwain ang isa pang bag at nag halungkat ulit. Napapanguso ako ng may mapansin ako, nakabalot ang isang bagay sa damit ko at kahit hindi ko pa man nakikita ang laman non ay kapansin pasin na isang notebook iyon dahil sa itasura, kinuha ko iyon na nakakunot ang noo.
Wala akong natatandaan na may binalot akong notebook.
Inalis ko ang pag kakabalot ng damit at nanlaki ang mata ko na ito ang dairy book na binigay sa'kin ni tito Oscar noong bata ako. Isulat ko raw dito yung mga mahahalagang pangyayari sa buhay ko. Pero hindi ko naman na gawa dahil tamad ako magsulat at mas gusto ko na isaisip na lang yung magagandang nangyari sa buhay ko kesa isulat at isa pa puro trahedya ang mga nangyayari sa buhay ko. Hindi ko nga alam kung may maganda.
Nakakalungkot lang na namayapa na ang tito kong si Oscar na ama ni kuya Vincent na dating nagliligtas sa'kin. Hindi ko nga maintindihan e, dahil hindi ko matandaan kung paano at anong nangyari sa kanya kahit na parang nakita ko kung paano siya sinugod sa hospital. Pero hindi ko talaga matandaan ang eksakto, piling ko nga may bumubura sa alaala ko dahil hindi lang yun ang nakalimutan ko marami pa na hanggang ngayon ay hindi ko matandaan.
Kinuha ko ang notebook dahil balak ko na dito na lang ilagay kahit na mukhang luma na, pero hindi naman sobra kaya okay na to. Umupo ako sa chair ng study table ko at doon ay binuksan ko ang notebook na nakatayo. Sa hindi inaasahan ay may biglang nahulog na papel at balak ko sanang hindi pansinin yun ng may pumukaw sa akin. Yung pagkahulog ng papel.
Para kasing mabigat na papel yun base sa pagkakahulog. Tinignan ko iyon mula sa ilalim ng table at doon ay nakita ko ang printed na picture. Kinuha ko iyon ng may pagtataka sa mukha.
"Kaninong picture to?" Takang tanong ko habang kinukuha, halos malukot ng makuha ko ito.
Binaliktad ko ang picture para makita kung sino ito at hindi naman ako makapaniwala na ako nung bata pa ang nasa picture. Dala ko rito yung maskara ko na palagi kong ginagamit noong bata ako nakataas ito sa ulo ko habang may nakadapong paro-paro. Nakatingala ako at tinitignan ang mga alitaptap na lumilipad sa paligid ko. Kita rin yung dress na suot ko at sa tingin ko ay may okasyon ng pictur-an ako nong araw na to.
Pero wala naman akong nakita sa paligid na mga tao dahil parang nasa gubat ako nung kuwanan ako ng picture. Medyo kupas na ang gilid ng bahagi ng picture, halatang matagal na ito.
At hula ko ay kakalagay lang nito sa notebook dahil kung matagal na ay didikit ito sa papel at hindi mahuhulog.
"Bakit ngayon ko lang to nakita?" Takang tanong ko. "Ako ba ang naglagay nito rito? Parang hindi naman." Wala talaga akong maalala na ako ang naglagay.
Hindi kaya si yaya Jen ang naglagay? Posible, dahil tinulungan niya akong maglagay ng gamit sa mga maleta ko, hindi ko nga napansin na dala ko to e.
At isa pang tanong ko, sino naman nag picture sa akin noong araw nato?
Kung may nagpipicture man sa akin kasama ko palagi si dad o kaya si kuya. Pero niisa wala akong kasama rito pwera sa mga alitaptap at paru paro. At hindi rin papayag si Mom na kuwanan ako ng picture na nakataas ang maskara dahil baka mamatay ang photographer. Wag naman sana...
"Hindi kaya… Si.. si.. si.." napahawak ako sa ulo. "Si Kuya?" Pero hindi naman marunong yun mamicture dahil tuwing nagre-request nakuwaan ako ay inaayawan niya o d'kaya malabo ang pagkakakuwa. E itong kuwa na to masyadong maganda. Pero kung hindi siya sino? "E, si Kuya Vincent kaya?" Aish! Mas lalo yun! Palagi nga yun pumapayag na picture-an ako pero palagi naman epic ang nakukuha niya sa'kin. Para siyang nag lalag pag kinukuwaan ako ng litrato, kung ka ilan tapos na ako mag post tsaka naman niya ako pi-picture-an.
Natigil ang pag iisip ko ng may kumatok sa pinto. "Xyline.. lunch is ready!" Rinig kong sabi ni Zhonya.
"A-ah... okay, Susunod ako!" Sigaw na sabi ko.
Binalik ko ulit yung picture sa pagkakasiksik sa notebook. Siguro mamaya ko nalang isipin kung sino ang kumuha sa akin ng litrato.
Hindi kaya si Mom? Pero masyado siyang busy para kuhanan ako ng ganun kagandang kuha at kung si Dad ay palagi rin yun na sa trabaho kaya sure na hindi siya.
Pero kung si yaya Jen ang naglagay ng picture sa notebook, hindi kaya kilala niya kung sino ang kumuha ng picture na yun?
Napagpasyahan ko na idikit na rin yung papel na naudlot dahil sa kakaisip sa picture. Sa mismong bag ko na pagpasyahan ilagay ang dairy dahil baka kailanganin ko yung papel.
Paglabas ko sa kwarto ay naghahanda na ang dalawa sa lunch namin. Nakakahiya naman na hindi man lang ako tumulong sa pagluluto di bale, ako nalang maghuhugas kahit hindi marunong. Tatlo lang naman kami kaya sa tingin ko ay kaya kong hugasan ang mga pinag gamitan namin.
Pagkatapos namin kumain ay sinabi ko na ako na ang maghuhugas,  sumang-ayon naman sila. Marunong naman ako mag luto dahil tinuruan ako ni yaya Jen sa tuwing wala akong magawa sa bahay. Pero hindi nila tinuro sa'kin kung pano mag hugas dahil may naka toka roon na katulong. Si yaya Jen o manang Jen ang palagi kong kasama lalo na sa bahay ko. May katandaan na to pero energetic parin. Hindi ko siya tinatawag na lola  dahil ayaw niya miski nga ang manang ayaw niya kaya yaya Jen ang tawag ko sa kanya mula noon.
****
         Minaigi ko na ingatan ang paghuhugas ng pinggan dahil madulas ang babasaging plato. Medyo okay din mag hugas dito dahil may bintana at pwede kang tumingin sa labas.
Habang nagbabanlaw ako ay napansin ko na may mga estudyanteng naglalakad papunta sa building na to. Sa tingin ko ay papunta sila sa dorm nila at mukhang lunch time nila ngayon.
Napapatungo ako habang may ngiwi sa labi, pwede palang pumunta sa dorm pag break time, namiss ko tuloy sa dati kong school, noon buong araw break time ang kaso bawal lumabas sa loob ng guidance office hanggat hindi nakakarating ang magulang.
Natapos akong maghugas kaya napagpasyahan kong pumasok na lang ulit sa kwarto dahil wala naman akong gagawin sa sala dahil walang TV. Meron namang mga pwede kong basahin na balita o di kaya mga story na hindi ko alam anong genre pero wala ako sa mood para magbasa.
                              ****
Sumapit ang Lunes  at ito ang araw kung kailan papasok kaming tatlo at pwedeng pwede na akong lumabas! Medyo excited pa ako dahil feeling ko magiging maganda ang unang araw ko.
Tinignan ko muna ang mukha ko sa salamin na nasa sala kung ayos ba ang pagkakaayos ko. Actually, wala naman nagbago sa itsura ko kahapon sa ngayon dahil nakalugay pa rin ang buhok ko tulad ng nakasanayan. Wala rin akong nilagay na kung anong kolorete dahil hindi ko hilig yun hindi tulad ni Zhonya na ilang oras nakaharap sa salamin dahil sa pag-aayos niya. Kinahihiligan niya ang make-up at satingin ko nga hindi siya mabubuhay kung wala siyang nilagay na make-up sa mukha niya. Hindi rin siya mapakali pag hindi siya tumingin sa salamin pagka tapos ng sampu o limang minuto.
Si Estella naman ay hindi na tumingin sa salamin dahil kuntento na siya sa kung anong itsura niya mag susuklay lang sya at ayun na yun.
Ako naman ang kinahihiligan ko ang pag drawing, simula pag kabata nag ddrawing na ako dahil nga palagi lang ako nakakulong sa mansion namin noong bata ako. Hindi naman natigil ang pag ddrawing ko kahit nakakagala na ako.
****
          Nasabi nilang dalawa ang section nila, Section Lunar 1- A si Zhonya habang si Estella ay Section Phoenix 1 - C. Puro kami 1.
Pare-parehas namin hindi alam kung saan ang room namin, o saang building, sabay sabay namin inalam ang mga room namin. Tatlong building ang pwedeng kalagyan ng room namin. Kung anong una ay ayun ang una namin pinuntahan medyo na irita pa kami dahil Section L-1 A si Zhonya pero hindi naman sa unahan yung Room niya kaya hinanap pa namin sa building na yun at nalaman namin na nasa 3rd floor pala ang Section L-1 A. Mukhang hindi magkakasunod ang mga alphabet ng mga Section dahil na papansin ko sumunod sa A ay J agad mukhang mahihirapan kaming hanapin ang section namin ni Estella.
Sino bang naka-isip na hindi pag sunod sunorin ang mga alphabet. Nakakairita.
Sinuyod muna namin ang unang building at nang masigurado namin na wala ang section namin doon ni Estella ay napag pasyahan namin na sa sunod na building na kami pumunta. Medyo malayo ang building na to sa naunang building at ilang iktarya ang nilakad namin bago makapunta. Nang mapuntahan namin ay hindi ganun katagal ang paghahanap sa section ni Estella dahil sa second floor ang room niya.
Pansin ko rin na hindi magkakaparehas ang oras ng pagtuturo, dahil nung pumasok si Estella sa room niya ay may Teacher na. Pati rin yung ibang kalapit na room. Kay Zhonya kasi ay kokonting tao palang ang na roon at walang teacher.
Napabuga ako ng hangin habang patungo sa ikatatlong building, medyo hassle dahil malayo-layo ang nilakad ko patungo sa ikatlong palapag at ngayon na sa 4th floor na ako ng building at halos hingalin ako dahil sa pagod. Letche! Nasan na ba yung room ko!
"G-grabe! Nakakahingal!" Saad ko habang nakahawak sa mga tuhod ko. Nag straight muna ako ng balakang bago simulan ang paglalakad. "S, R, Y, O, at… E. Ito na!" Bigla akong napa sigaw ng makita ko ang section ko. Nakasulat sa pintong nakasarado ang Section High Noon 1-E. Kaya todo todo ang ngiti ko.
Aktong bubuksan ko na ang pinto ng kusa itong bumukas at doon ay nakita ko ang isang lalaking matangkad. Pamilyar sa'kin ang lalaking to dahil parang nakita ko na siya.
Kusang napaturo ako rito. "Isa ka sa mga taong nasa stage, tama ba?" Wala sa sariling tanong ko.
Pero pinag-kunutan niya lang ako ng noo. "Why are you doing here?, and Who are you?" Matitigas na tanong nito.
At dahil bago palang ako at kailangan kong makipag kaibigan sa kanya, tutal magiging kaklase ko na rin naman siya. Nagpakawala ako ng malawak na ngiti at kumaway. "Hi! Ako nga pala si Xyline Villanueva," ani ko sabay lagad ng kamay para makipag kamay.
"Who care's about your name?"
Nawala ang ngiti ko dahil sa sinabi niya, binaba ko ang kamay ko, aba! Gago to, ha!? Wala bang nag sabi sa kanila na bago nila akong kaklase?
Ngumiti ulit ako para mabalot ang inis ko. "New classmate ninyo ako, kaya ako nandito." Diing sabi ko habang nakatingin sa matatalas niyang mga mata.
Biglang kumunot ang noo niya dahil sa sinabi ko. "W-What? New classmate?" Takang tanong nito at tumango naman ako habang nakangiti bilang sagot. "Can you give me the prove that you are section HN-1 E."
"Sure, no problem." Kinuha ko ang bag sa likuran ko at kinuha roon ang papel na binigay sa'kin ni Estella. "Here."
Pagkaabot ko ay marahas niya tong kinuha sa'kin pero pinag-walang bahala ko nalang. May problema kaya?
Pasimple akong napatingin sa loob ng room at napansin ko na medyo maingay sa loob meron ding mga nakatingin sa'kin.
Mukhang masaya ang magiging section ko base sa mga ginagawa nila. Sure na magkakasundo kaming lahat.
"A-Are you sure… you are Section E? I didn't accept that we had a new classmate. " Saad nito na ikinagulat ko.
"Huh? Pero dito talaga yung section ko." Nakakunot noong sabi ko.
"I'm the president of this room. And if we have a new classmate, principal's staff will tell me that. Pero wala silang sinabi at dahil wala silang sinabi sa'kin, sa tingin ko hindi rito ang section mo."
"Pero ito ang section E. At naka sulat naman sa papel na section HN1 E ako patunay na section HN1 E ako." Medyo iritang saad ko.
"What's the problem?" Bigla akong napatingin sa likuran niya ng may magsalitang lalaki sa likuran niya.
"Unexpected new classmate." Sagot ng president na nakatingin mismo sa mga mata ko.
"WOH! May bago tayong kaklase? Bakit hindi namin alam yun?" Gulat namang saad ng lalaking kakarating lang at dahil sa medyo malakas ang pagkakasabi niya ay narinig ng mga kaklase niya kaya nagsilapitan ang mga to.
"Wow! It's been a few years since we had a new classmate."
"Why don't we know that we have a new classmate?" Kanya kanya sila ng ingay at nagkakagulo na.
"Go back to your seats!" Naputol ang bulungan ng may magsalita sa likuran ko na ikinatalon ko pa dahil sa gulat.
"Hoy! Hoy! Balik! Nandiyan na si Boss!"
"Ouch! Why did you push me!
"Yan! sige... tsismis pa!"
"What's the problem?" Bigla akong nanigas ng maramdaman ko na sobrang lapit na nito sa likuran ko at parang pamilyar na pamilyar pa sa'kin ang boses niya.
"New classmate. I think this woman is one of those you taught." Saad nito sa Japanese na salita kaya napataas pa ang kilay ko sa sinaad niya
"Really? But, they all didn't pass the exam I wanted to show. So I had no expectation that we would have a new classmate. " Sagot din nito sa Hapón. Hindi ko kayang humarap sa lalaking nasa likuran ko dahil boses palang alam ko na siya ito at hinding hindi ako pwedeng magkamali.
Ano bang pinag uusapan nila?
Tumingin sa'kin ang president na may pagtatakang tingin pero tinaasan ko siya ng kilay.
"I think--"
"Why are you still out? " Sabay sabay kaming napatingin sa lalaking nag salita at sa tingin ko ay isa itong teacher dahil sa iba ang uniform na suot niya. "Oh? You are the new student, right?" Biglang nagbago ang timpla ng mukha nito ng makita ako.
Tumango naman ako bilang sagot. "Why are you still outside?"
"Kasi po--"
"We don't expect any new classmates, Sir. I think there was a mistake in putting her in our section." Walang ganang saad ng president habang nakaharap sa teacher.
"No, there is no mistake, in fact Ms. Chin just told me na merong bagong new student sa section ko. Ms. Chin has not announced that dahil merong syang lakad. Don't worry, Because it's the same for others. Nakangiting sabi ng Guro.
"But--" Magsasalita pasana ang lalaking nasa likuran ko ng walang pasintabi na hinila ako ng guro.
"Students, be quiet. I will introduce you all to a new classmate. her name is...'' tumingin siya sakin.
"A-ah M-My name is Xyline Villanueva." Kinakabahang sabi ko habang nakangiti parin.
"You?! How can you be my classmate if you don't know how to hold a gun?" Bigla akong napalunok ng sumingit yung lalaking nasa likuran ko kanina.
Hindi nga ako nagkakamali, siya yung lalaki. Si Tyler. Bakit ko naman naging kaklase ang lalaking to?
Dahil sa sinabi ni Tyler ay umingay ang room dahil sa bulungan.
"Tyler! Go back to your seat, now!." Mariing saad ni guro.
"Why?... I'm telling the truth. And you know that, if you don't know how to hold any gun, you can't be in this Section. Para saan pa ang pangalan na High noon kung hindi ka naman marunong humawak ng baril?" Kapansin pansin ang band aid nito sa pisngi.
Ano naman kung hindi marunong humawak ng baril? Ahh... oo nga pala nakabase sa armas ang magiging section namin, kung ganon ang section na to hindi sa pag gamit ng katana kundi sa baril?
“And I think, it’s better if your section is blood moon, not High Noon. " Diing saad nito habang nanlilisik ang mga matang nakatingin sakin. Napa lunok ako dahil sa takot. 
****
⚠︎